Thian tam tak siam chuan mahni intihchhiatna a siam a, amaherawhchu unau aia nghet zawk thian an awm thin. (Thufing 18:24)
Mihringte hi khawvela kan lo pian thlak phat hian mahni chauha khawsa thei lo kan ni nghal a, tichuasn nu leh pa , pi leh pute enkawlna hnuaiah seilianin thian kan pawl fo thin a ni. Chung kan thian thate nen chuan kan khawsa ho tam hle a, rilru leh ngaihtuahna hmun khatin kan lungngaih tum leh lawm nite pawhin chhungkhat unaute aimahin kan tangkai pui zawk fo thin a ni. Amaherawhchu thian tha kan tithe hi eng ang mi nge an nih hriat a pawimawh hle a, hetiang hian lo thlir ta I la.
Thian tha chu a rinawm thin :
Thian tha kan tithe nena kan inthian that chhan hi tam tak a awm thei ang, sum leh pai vang te, hnathawh inan vang te, duh zawng inan vangte pawh a ni thei a, mahse heng kan inthian thatna chhan ber hi chu kan inkarah harsatna a lo awmin a ral leh duh khawp mai , thian tha tak tak erawh chu harsatna kar atangin a lo par chhuak thin a, awmna hmu hran tak mai vangte pawhin a tichhe thei lo va, chuvangin inthian thatna lungphum chu rinawmna chauh hi a ni.
Mizote hi thian ngaina tak mai kan ni a, thenrual pawh kan kawm zauin kan ngah hle, Amah Rokungan “Hnam dang hmusit mai lovin thianah i siam ang u” a lo tih vang nge kan chheh velah hnam dang thian kan nei nual a. Amaherawhchu heng kawngah hian kan fimkhur a ngai hle ang.
Thawnthu pakhatah hian thian dun pahnih hi an ramvak a, an kal dawnin “Eng pawh tawk i la inphatsan loh “an ti a , tichuan an tumna hmun an thleng fel chiah chu Savawm hian a rawn bei ta hut mai a, chu ve leh pakhat zawk chu a tlanche ta a, tichuasn pakhat leh savawm chu an inbei ta, Savawm sualtu chuan tihngaihna a hriat tak loh a vangin a thider ta ngawt a, savawm chuan a lu chu a hnim dun dun a, a kal san ta mai a.
Savawm tlan hnu chuan pakhat zawk chuan a thianpa chu a pan thuai a, “Thiana savawm khan eng thu nge a sawi “tiin ahan zawt vat a, “Tun chinah thian rinawm lo kawm tawh reng reng suh min ti”tiin achhang a, he thawnthu hian thian rinawm lo kawm a hlauhawmzia a ti lang chiang hle.
Chuvangin thian rinawm lo chuan a ma hlawkna tur a nih chuan thihna hial pawh kan chungah thleng dawn mahse a beng a chhuchhet tlat a, a tana tha tur a nih phawt chuan a sahuai kal ngut ngut thin
Thian tha chuan thiante tanpui an ngaihna zawnah a phak tawk leh theih tawkin a inpeih reng a, tin, a thian chu a thiam lohnaah leh fel lohna kawngah a rukin a zilh a, mi dang hnenah erawh chuan a fak thin a ni. Chuvang a lawm Aristotleaan “Ka pachhiatna leh ka vanduaina kawng dang reng rengah ka thian thate chu ka inhumhimna tha ber an ni” a lo ti.
Thian tha chu unau tlukin an hlu:
Lal Solomona chuan “Thian chuan eng lai pawhin a hmangaih reng a, mangang ni a tana unaua piang an ni” (Thufing 17:17) tiin a sawi a, kan nitin khawsaknaah hian harsatna leh lawmna kan tawn chang a awm fo thin a, chung hunah chuan thian thate chu an lo lang thin a ni. Lal Salomona sawi angina thian thate hi unau tlukin an pawimawh a, chuvangin kum sawm tam liam tawhah khan Socratea chuan “ Thian siam kawngah hmanhmawh suh, i siam tawh vek chuan nghet tak leh tlo takin vuan rawh “ tiin a lo sawi.
Chuvangin nulain tlangval tam tak zingah hmangaih bik a neih ang hian thian bul nghet tak pakhat tal chu kan nei ngei tur a ni.Napoleana pawh kha tumkhat chu a mangang hle a ni ang, a thian bul Josephine hnenah “Miropui leh mi vanneite zinga mi ka ni ve a, mahse tun darkarah hian nang chauh lo chu rintlak ka nei lo a sin “ a ti ve thlawt a nih kha. Tichuan kan thian thate hi kan purchawkna chauh an ni lova, min ti zahawmtu leh unau tluka kan awmpui a tan Pathianin min pek a lo ni.
Thian tha chu thiante chungah a inngaitlawm thin :
Lord Chesterfield chuan “Mi tam takin an thiante inngaihtlawmna an chen thin “ a lo ti a, hei hi a dik khawp mai . Uangpui chang lovin, mahni tawn hriat han sawi i la , kum sul tam a liam tawh a, ka school kal pui nula pakhat hi ka ngaizawng deuh a , a ni pawhin min haw hran lo niin ka hria, chutianga hun ka hman mek lai chuan ka thian kawmngeih tak pakhat hian lungruka ka lo vei thin nula chu a beisei thu min hrilh ta phawng mai a, kei chuan “chutianga i hmangaih tak taka , neih a tana i duh hial chuan nang leh kei inkarah inken theih loh thu a awm lo vang “tiin ka chhang a, ka thianpa tan chuan theih tawp kan chhuah a, kan hlawhtling ta reng a ni. Mahse, thla tam pawh a liam hmain tumthang hnahno ang maia thianghlim nula-i chungah ka thianpa chuan duhtawk a ngah hnuin lengdang a chhaisan leh thu ka hre ta ! Ka thinrim lutuk chu ka puakkeh lo chauh a ni.
Ka thianpa chuan min zah lo lutuk niin ka hria a, a tana dawt hial ka sawi phahna te , tin, kan chunga a intiamkamna a hlen lo lutuk a ni. Mahse John Vanbruh-an kum 50 mual liam tawhah khan “ Inthian thatna hi hlut rawh, hmeichhia an inrawlh vaih chuan buaina a hnai tih hria ang che “ a lo ti chu ka hrechhuak hlauh a, ka insum thei hram a ni. Chuvangin mi tam takin an thiante fakderna leh inngaihtlawmna an zo lova, an thiante tan phurrit an siam fo thin.Tichuan thian tha tak takte chu thiante chungah an inngaitlawm a, mi dang hnenah dawt tel miah lovin an mahni aia thaah min sawi phal a, an bula awm a nuam thin.
Thian tha chu min hmangaihtute an ni :
Khawvelah hian min hmangaihtute tluka hlu hi an awm lo va, William Shakespeare chuan “ kan hmangaihte bula awm ai chuan min hmangaihtute bula awm a nuam zawk” a lo ti a, tin, Lal Isua pawhin, “ Miin a thian tana a nun apek a liama hmangaihna nasa chu lei leh vanah hian a awm lo”, a ti bawk. He thu pahnih hian min hmangaihtute hlutzia a khaikhawm hle a, min hmangaih tute bulah chuan chetsual a awm thei lo va, kan chhiat lai ber pawhin tanpui kan ngaihna zawnah thla an zar reng a, lawmna leh hlimna kan chan pawhin keini ai mahin lawm zawkin an lang thin.Tichuan harsatna, zahna leh hminghliauna pawh kan tawh lain kan dinhmun min hriat pui a, chu dinhmun kan luah laite chuan mahni zahawmna pawh hloh der huamin thian tha chuan an hmangaihna an pho lang thin.
Thian tha leh thian tha inkara hmangaihnain zung a kaih tawh hi chuan eng mahin a dal zo tawh lo va, nula leh tlangval inkara harsatna a chhah poh leh hmangaihna a zual zel ang mai hian harsatna kan tawh hian thian tha chu a rawn inlar thin. Kum 1867 Mexico ram buai lai khan Maximliana lal turin an ti a, mahse mipuiin an lalhmasa Joe Areya aia an duh loh a vangin Miximiliana chu a thinrima Joe Aryan leh a thian tha General pahnih a mantir a, an pathum chuan kahhlum tura thupek a ni. Chutih lai chuan Joe Aryan sipai pakhat hian kahhlum tur zinga mi General Mejia chu tlan chhuak turin a ti a, mahse a thiante pahnih phatsan ai chuan Danielate thianza anga tuar tlan a thlang ta zawk a ni.
Khawvelah hian mahi nunna hial chan ngam, thiante tana nun pe ngam chu an tam lo hle ang. Amaherawhchu Zofate huangah chuan tlawmngaihnain a ken tel thian chhan thih ngam kan inti a, vawin niah a la dik zel a nih chuan hmangaihna tluantling neitute kan ni ngei ang ! Mihring hi kan nihna tak ( mizia ) kan chhuah hun chu chan that hun leh vanduai niahte a ni duh a, chu mi hunah chuan thian min hmangaihtute an lo lang mai thin a ni.
Socrates a pawh khan a chenna in a satha a ni awm e, mi thenkhat chuan “ Mifingpa i insak chu a va te em em ve” an ti a, Socratesa chuan “Ka vanneihna ringawt zarzo tumtute tan chuan a te a, mahse ka lungngaih ni leh ka pachhiat huna min tanpui tur thian tha an tlem em em a, chung mite chu ka inah hian an leng a ni”a tih san mai a, vanduai hun a lo thlenin Juba ang maiin kan mal tawrh thin a, chan that hun lai chuan fapa tlanbo anga zarzotu an tam thin .
Chuvangin thian tha kan tite nena kan inkar hi ngaihtuah tur tam tak a awm ngei e. kan nun khua a sik chang pawha kan thuthlenna ber an ni a, mamawh neih vang ni lovin, kan chhiat, kan that thlir lova mi kawmtute hi THIAN THA chu an ni.
Similar Posts:
- THIAN RINAWM
- Khualzin leh savawm (Esopa thawnthu fing)
- Ka thian tha ber
- Thian nge ngaihzawng?
- World Suicide Prevention Day Pual thian beidawng hnena lehkhathawn By: Chris M.S.Dawngkima, Ramhlun N
November 23rd, 2010 at 11:27 pm
Thiantha hi an va han hlu tak em!!
Report this comment
November 23rd, 2010 at 11:33 pm
Ni e !
Report this comment
November 23rd, 2010 at 11:39 pm
Chhiar teh ang uluk deuhin…
Report this comment
November 23rd, 2010 at 11:40 pm
Thiantha hi chu an hlu khop mai, unau pianpui aite mah hian ahnaih theih nia male !
Report this comment
November 23rd, 2010 at 11:50 pm
Hmelhriat ka ngah, thian ka ngah em em lo mahse, ka thiante chu ka thianthaa ka ngaih vek an ni. Ka lawm e
Chhiat ber lai/thatber laipawn ka thiante chu ka endan a dang tawh ngailo.
Report this comment
November 24th, 2010 at 12:09 am
Post tha leh sei mawi tak anih hi,….. ka First lo e tih mai loh chu han sawisel tur em em pawh ka hre lo.
Thiantha te hi thil hlu tak an lo ni.
Ka chunga mite ang bawkin comment sei tur pawh ka hre bik rih lo,…ka hmanhmawh ve te pawh a ni mahna…..hehhehe :lol:
Report this comment
November 24th, 2010 at 12:14 am
Lal Isua chuan “There is no greater love than to lay down one’s life for one’s friends (John 15:13)” a ti a.
Report this comment
November 24th, 2010 at 12:15 am
Johana bung engzat nge kha?
Report this comment
November 24th, 2010 at 12:18 am
@8__I zawt rang lutuk…. :lol:
Report this comment
November 24th, 2010 at 12:19 am
hahaaha :lol: a lo edit hman ka ti, google a hmang tangkai hle mai :lol:
Report this comment
November 24th, 2010 at 12:20 am
Thian rinawm chuan i fiamthu chu ho te pawh ni se a nuihsak che ang a, i lungawilohna chu nep te nimahse, a vui pui ang che.
The antidote of 50 enemies is One good friend.
Report this comment
November 24th, 2010 at 12:22 am
Rempuii hi a chham tha thei kulh2 lutuk… :mrgreen:
Report this comment
November 24th, 2010 at 12:24 am
Min rawn zawt su su alawm :mrgreen:
Han ti mai ilah
Report this comment
November 24th, 2010 at 12:27 am
Belhchian a dawl khop mai. Socrates a in sa sawi takah chuan damdawiin pawh hi damlo kantu leh tawrhpuite thutna tur chu a tlem khop tak mai, hmun thenkhatah phei chuan thutphah sei mi 4 vel lak thutna tur a awm chung pawhin damlo kan thu tur an awmlo fo tak mai. Hun harsa ah tak hian thian tha leh thalo a hriat ber thin reng ani.
Good post
Report this comment
November 24th, 2010 at 12:27 am
#10 haha.. Ka google pwh nilo tumloh deuhin submit ka lo click palh mawle! Stop load ka click sia i Q ka hmua a chungah ka lo awm vung sia rang lutukin ka edit alom. A words poh kha kimlo hrim hrim …. David leh Jonathan pawh ka sawi hman reng reng hleinem
Report this comment
November 24th, 2010 at 12:28 am
@11___Bakcheh ___ka va han nuih pui awm hlei lo e, …mi vui laia lo nuih te chu a….. :lol:
:roll:
Report this comment
November 24th, 2010 at 12:28 am
#15 Chhuanlam a awm tawh chin hi chuan thil felhlel a awm tawh thin hairehai :mrgreen: NOI
Report this comment
November 24th, 2010 at 12:33 am
Ka inbox ka check zo chiah..hei a dang leh-! :mrgreen:
It is those friends that you can call up at 3:00 am that are often true friends..
A good friend is one who knows all about you, but still likes you.
mangtha vek u, friends!
Report this comment
November 24th, 2010 at 12:35 am
Hmanni chu ka pa thianpa thin Skul Principal hi ka han tlawhah, Tv pumpa kha min pawm lawka mittui tla zawih zawihin nghet tak maiin min kuah maiah ka hnuk a ti ulh ngei mai…
Pa zahawm tak kha ka hmaa a trap pur maiah a ngaihna ka hrelo ngei mai 
Report this comment
November 24th, 2010 at 12:41 am
Angai hle che a nih chu, lawm hle la khi sung rawh :mrgreen:
Rempui, misual ho hian kan hre chiang viau ve thei che em, kan ngaina reng tho che anga
tra la la la la
Report this comment
November 24th, 2010 at 12:45 am
Thian tha tak2 te chu kan mut hnu-ah pawh an la online reng thin….(OT lutuk em aw…) Gud night into gud morning vek u…
Report this comment
November 24th, 2010 at 12:46 am
@19___ Kei chu Patling leh Patling inchibai nan te a han inkuah vel hi ka ti thei der lo mai,….. ka za rulh maia …. thil tih harsa tak ani kei atan chuan,….
Pa pakhat pawn atia lawm, “zanah ka Pa nen ram kan riaka, puan kan in zawn a; ka pa chu hmanlai Pa ve tak; kekawrte pawh la ha duh lem lo chi hi a nia, zun zung tura ka han thawh te hian ka tleng chhuak zalh zalh zel e”___ tiin a sawi….. true story , tak tak antih ang chi hi ani hmel ange maw chu awww. :lol:
Report this comment
November 24th, 2010 at 12:51 am
#22,haha..thiantha hi chu an hlu thlawt a ni.ka thian tha tak in nih avangin ka lawm em em e.
Report this comment
November 24th, 2010 at 1:21 am
Sawi ngial ka’n tum a ka thiamlo..thiantha hi chu an tha veng veng mai a ni te ti mai teh ang comment khat e mai. :mrgreen:
Report this comment
November 24th, 2010 at 1:26 am
*I cham reng thin…lairil ah..aww karhla thian*
Report this comment
November 24th, 2010 at 1:30 am
@Pu HV, Rempuii chuan a nick khi midang nen a tawm pui tih a sawi kha maw..
Hriatchian dawn chuan mi pahnih/pathum vel hriatchian a ngaih duh hmel :mrgreen:
Report this comment
November 24th, 2010 at 2:18 am
Nupui zawnah leh Hna zawnah hian thian tha tak tak an vang duh khawp mai an ti. :lol:
Report this comment
November 24th, 2010 at 2:43 am
#22 D_auaChawngthu Ni duh khawp mai! Kan ip chawih2 mai lom
Putar lam tawhina Tv thankin inti puitling ve thawng thawng tawh tak mai min han pawm vawng vawng mai chu…’a thian a hmangaih hle a nih hi’ ka tia ka dawh ve ta mai mai lawm…akekeke 
Report this comment
November 24th, 2010 at 4:06 am
Thian hi ka kawm tam lem lova, ka thian neihchhunte hi chu ka dah hlu ve thin khawp mai. Thiante hi an lo pawimawh khawp mai. Chhungte kan hrilh ngam loh thil zawng zawng kan hrilh thei a.
Kan manganna te kan hrilh a, min pui thei lem lo mahse kan thusawi an ngaihthlak hrim hrim khan Lungngaih thaw ipik changa in bun ruah hawk hawkna tha tak an ni thei.
Report this comment
November 24th, 2010 at 4:59 am
Kan mangan leh harsat lai ber pawha min phatsan loa, mahni theih leh phak ang tawka min vuan tlat tute hi kan thian tha chu an ni. Kan thian tha te thian tha hi kan ni em tih erawh in enfiah a tul hle thin.
Lal Isua hian thianah min pawm A thiantha ka ni, mahse kei misual hian a thian tha nih ka tlinglo hle mai
Report this comment
November 24th, 2010 at 6:07 am
Tha tihzawng inang inkawm hi chhass lamah chuan thil tha ber a ni lo maithei a ni. Ziak tha hle mai. Ngaihnawm ka ti khawp mai.
Report this comment
November 24th, 2010 at 6:28 am
A friend in need is a friend indeed
Report this comment
November 24th, 2010 at 6:49 am
Post of the week atan ka vote nghal e.
Report this comment
November 24th, 2010 at 6:56 am
Post ṭha tak a ni
Report this comment
November 24th, 2010 at 8:06 am
What a Friend we have in Jesus! That’s mega-best!
Bawi ka ti leh tawh lovang che u, Thiante ka ti tawh zawk ang che u … Johana 15.
Report this comment
November 24th, 2010 at 8:18 am
Ka lawmna leh ka lungngaihna, ka harsatna leh hlimna, an hnena inthlahrung miah lova ka share theih te hi ka thiantha te an ni! Hetianga ka thian te hian, an lawmna leh harsatna hreh miah lovin min share thei ve bawk! Thian hi ka ngai hlu a, Rinawmna hi ka ngai pawimawh bawk! Pathianin thian tha tam tak min pek avang hian lawmthu sawi na chang kan hria em aw? :roll: :lol:
Report this comment
November 24th, 2010 at 9:37 am
Kei chu, rilru natak tuara,nun khawhar taka ka awm chang hian,thian tha tak mai,ka rilru natna zawng zawng ka sawina leh ka in nghahna ISUA KA NEI.
Report this comment
November 24th, 2010 at 10:07 am
Ka thrianthra te bulah chuan chetchhiat a awm tak2 lo, minti mualpho dawnlova min tlip mam dawn tih ka hrechiang a, sual minti angem?,thring minti angem? tihlam dawn hauh loin ka thinlung ka bunruak thei,’i thring,i sual’pawh min ti se,midang bul a ka mualpho nan nilo, ka insiamthrat na tur zawk a,a ruk a minhrilh a ni tih ka hrethiam chutiang ka neih zing a No 1 chu ISUA, No 2 chu ka pasal hmelthra,palian fel… si..si..sizawng zawng
Report this comment
April 22nd, 2012 at 9:36 pm
Report this comment