Zan dar 12 a ri dawn hnai tawh a, ka lehkhazir ning tawh chuan ka lehkhabu ka khup thak a, mu tura ka in siam lai tak chuan ka cell phone chu message thar a awm tih hriat takin a ri ral ral a, ka han en chuan ‘when the moon comes over the sky, i’m alone with my memories of you’ tih hi Partei ngei maiin min lo thawn ani a. Khami zana ka hlim zia te kha aw. Mut chhuak tak chung siin ka harh a, lawm avangin a muthilh theih loh a, a muthilh theih loh avang chuan a hreawm der si lo.
Sana chek rik tlak tlak rual chuan thin a phu dut dut a, Chu zan chu ka tan zan duhawm a nih rualin ral thuai se ka tihna a bo si lo. A tuk khua lo var se Partei nen chuan class ah kan inhmu leh dawn miau a. A tuka kan han in hmu, ka lai bawk, ani lai bawk, lai si nuam bawk si,a va han hreawm nuam teh lul em. Tunah chuan khang hun te khan mual min liam san a, kan hlim lai ni te kha hunin a liam pui ta vawng vawng si ale.
Partei nen kan in tawnni te ka han dawn kir a, College library ah a lehkhabu chhiar tur a zawn dan dan laiin keiin lehkhabu ka zawng ve bawk a. Kan lehkhabu zawn a lo in ang chu niin, ka ban rual chiah chuan a rawn ban ve chiah a, kan thlah rual leh thawt a, chutah kan han ban rual leh chiah mai chu, ani zak bawk kei zak bawk, sawi tur a va han vang teh reng em. A tawpah a mipa zawk ta chuan nui chungin ” kan lak duh a in an hmel riau, i chhiar dun mai ang hmiang ” tiin ka sawm a, ani pawh chuan a lo pawi ti lem lo nen kan chhiar dun ta a.
Kan chhiar dun e ti lo chuan ti ti nan hun kan hmang ral a, darkar 2 zet library a hun kan hman dun hnu chuan kan lehkhabu zir ai chuan kan chanchin kan in hre chiang zawk daih ta ve ang. Kha mi ni atang khan khan kan 2 in kan in thlah thei lo nghal a, kan in kawp chawt a, class kan kal dun a, thingpui kan in dun a, kan hawng dun leh a. Kha ti reng reng khan hun kan hmang thin chu ani sia.
Partei hi Mizo nula ah chuan a hleitling pawl tak niin, a ria lutuk em aw tih tur ni mahse, chu ai chuan thau se tuman an ti chuang hauhin ka ring lo. A hnar ngul a sang rat a, a mit meng, lainatna leh khawngaihna a khat tih hriat reng reng te, a hmui sen no chek, hnawihsen leh chuan ngai miah lo te, mi han melh pah a zak deuh si a, an nui sen sen thin te kha aw.Ka sawi avanga mawi ni lo mahse ka sawiloh avangin Partei chuan a mawipui loh phah dawn si lo.
Inzui a inkawp reng ta chu karah engemawte a lo a awm ve a, October, Khuangchawithla, thlehleinga zan ngei maiin a mah ka ngaih zia hrilh nan ” When the moon comes over the sky, i’m alone with my memories of you” tih thu te hi ka va thawn a. Mahse se chhanna ka dawng ta tlat lo. Khami zan hreawm zia leh ka zah zia kha aw. Khami atang kha chuan Partei hmel hmuh ka ngam lo a, khawvel hi ka zah a, khua a thimin ka hreawm a, khua alo varin a nuam chuang hauh si lo. A va han hreawm tak em.
Chutianga hreawm reng reng a thla khat zet hun ka hman hnuah, November thla en zan tak mai a, dar 12 rik dawn trep a Partei message, ka thawn ang chiah ngei mai kan dawng mai chu, a nuam lutuk hi a hreawm a, lawm avang a muhil thei si lo in ka awm a, a mah a vanga hreawm a ka mut theih loh laiin a mah vang bawkin lawm avangin ka mu thei chuang si lo. Parte mi special chu i lo va ni teh reng em.
Chumi atang chuan Partei nen chuan tudang kan ngai tawh lo. Kan pahnih in khawvel hun kan hmang dun a, kan hriat loh karin ni a liam zung zung a, hlim takin damlai par kan chen dun anih kha. Chutiang a dam chhung hun hlim takin kan hmang dun dawn emaw tih laiin ka duhlai Partei chungah kan dan theih loh ‘thihna’ chuan ro min rel sak in ka ro hlu min lak sak ta si. Aw kha November thla en zan tak mai a, i liam turin, ” ka hmangaih zantiang chhawr thla a enchangin min nghilh bik suh ” i tih lawm lawm lai lai te kha..Parte, he November thla a lo en hian ka nghilh lo che a, Nangmah ngaiin ka van ruai a, an sawi pialral a tang khan i rauthla tal rawn tir ta che.
He Sahmulphahthla a chung chhawrthlapui ngei hian Partei nen min phuar dun a, hlim tak in hun kan hmang dun a, damchhung ni te chhiar dun kan tum laiin Sahmulphah thla chhawr thla en zanah bawk ka duh ber Partei nen chuan kumkhua a tan lak hranin kan awm si. Chung chhawrthlapui, i duhawmin i va nun rawng si em! Parte ka nghilh lo che a, nangmah ka ngaihzia lan lan tir nan i thlan a pangpar rawn dah leh pahin ti hian biahthu ka hlan leh nang che:
Vanduai tahkhua sei tur hi,
Han dawn ve la ngaih lungrun,
I sakruang hring ang va tawng lo mah ila,
I rau i thla tal rawn tir ta che.
Parte, he ka hringnun hi a tawp a, ka damlainite ka chhiar zawh hunah, an sawi pialral ah min lo hmuak ang che aw. Zanin chuan ti hian biahthu ka rawn hlan nawn leh che ” When the moon comes over the sky, I’m alone with my memories of you”.
Similar Posts:
- I DAWNKIR VE THIN EM
- KHUANGCHAWI THLA
- Khami zan kha ka la hre reng!!
- Kum Thar Chibai-The Carnival is Over
- Thadâng – Tetei Râlte
November 23rd, 2010 at 7:34 am
(Nakinah ka la chhiar ang.. ka hman hrih lo tlat…)A thupui khi Mizo tawngin a dah theih tho ang a… heehee :roll: Mahse a thupui khi tikhian chhiar a ti chakawm lehzual.
I ziak lunglenthlak tak hle mai…lunglen hi nuam veng veng tawka lunglen thiam hi a tha nia :roll:
Report this comment
November 23rd, 2010 at 7:44 am
ngaihnawm hle tak mai a, misualho hi luangliam nasat theih hmel khawp mai.
Report this comment
November 23rd, 2010 at 8:08 am
Parte, Rahtlan chan ai chuan, i kianga nileng awm ka thlang zawk, Ulhbun phir aiin ka duh zawk che, Sanghal sarep ai pawn i hang zawk :lol:
Report this comment
November 23rd, 2010 at 8:16 am
Va ziak lunglenthlak deuh ve. Duhber ten min han thihsan hi nge na anga midang min neihsan hi aw te ka ti mai mai. Tawng ve ve tawh in awm chuan min han hrilh teh u. A hnuhnung zawk hi ka tawng tawh a, ana khawp mai.
Report this comment
November 23rd, 2010 at 8:19 am
Ngaihnawm dap2 e
Report this comment
November 23rd, 2010 at 8:26 am
Thawh veleh a lunglen chu ka peihlo zanah ka chhiar ang
Report this comment
November 23rd, 2010 at 8:41 am
Ziak ngaihnawm thiam hle mai!
Report this comment
November 23rd, 2010 at 9:05 am
Ngaihnawm reuh ve…….zan thla eng hnuai ah chhiar leh ang.
Report this comment
November 23rd, 2010 at 9:14 am
He post chu lunglen thlak dawn tehreng nen a chhuah hun hi a fuhlo deuh mange, a uihawm mah2. Zan thiang reh lai taka han chhiar veng2 atn ka it leh zual mange.
Report this comment
November 23rd, 2010 at 9:22 am
ni ngot mai. doc_lib ziah tho niin ka hria, pakhat zawk pawh kha, a thu hian hun sawi bik a nei anh cuan chumi hun nena inhmeh tur deuha han schedule sak thrin se…
Report this comment
November 23rd, 2010 at 10:05 am
Jewel nen kan in chhailai te kha ka ngai, tunah chuan Funte khat ai pawn minduh tawh lo zawk- Khamranga :mrgreen:
Report this comment
November 23rd, 2010 at 10:25 am
Ziak thiam khawp mai.. Tleirawl lai min ti ngai rum rum a lawm
Report this comment
November 23rd, 2010 at 10:26 am
I va han ziak ngaihnawm tehreng em. I ziak thiam lutuk e. Mahse a tawpna khi, i hmanhmawh mah mah nge, thu i khuh mah mah zawk, a tawpna khian hrilh a tihai khawp mai. Ka chhiar kham lo. Ziak zawm leh teh.
Report this comment
November 23rd, 2010 at 10:29 am
When the moon peeps through the cloudy sky, I’m LONELY with memories of you tih ka duh zawk!
Report this comment
November 23rd, 2010 at 10:55 am
When the moon comes over the bright blue sky, the sun gives shelter to my heart. hehehe
inhmehlo ve khawpmai
Report this comment
November 23rd, 2010 at 11:00 am
Funny hi chu a huho zingah pawh a ho ber a niang :lol:
Report this comment
November 23rd, 2010 at 11:07 am
badboy: chutin ti ngawt suh, nizan ka mumangah Salman Khan-a ka hmu ania. “…I’m alone with my memories of HIM”
hehehe. sexy lo ve triah triah.
Report this comment
November 23rd, 2010 at 11:10 am
#17: haha Arnold a leh rambo te chu hmula ka la hrethiam deuh hlek, salman Khan – kher chu a :mrgreen:
Report this comment
November 23rd, 2010 at 11:16 am
Ka chhiar thla char2 a a tawp dan ah ka lungawi leu…
Thihna in in ti tawp thin a hnuk a uih duh em mai….
Chhiar a nuam khawp mai….
Report this comment
November 23rd, 2010 at 11:28 am
Hmangaih te chân hi chu a na duh ve khawp mai, in then law law te hi chuan min duh tawh lo ani e a tih ve theih mai a, min duh ve ngawih ngawih chung a mual an han liam hi chu tawrh a har duh khawpmai. I van duai na hi, chhas thar rim nan hmang ve daih rawh…. tu pawh bêm la, khawngaih vang in an duh i hlawh ngei in ka ring…
Report this comment
November 23rd, 2010 at 11:35 am
A thupui khi a nalh ka ti latuk…a saptawng ngei mai khian..
Kei chu midang min neihsan pawn hreawm ka ti..chuvang chuan mual in liam san phei chu ka ngaihtuah ngam leu…. :oops: :oops: :oops:
Report this comment
November 23rd, 2010 at 11:37 am
va tak ngaih ngaih ve he post chu
Report this comment
November 23rd, 2010 at 11:45 am
Pu chawnghilha thupui zulzui deuh khian thupui ka’n phuah ve chhin teh ang
When the moon poops through the cloud, I’m AGONE with memories of you”
Report this comment
November 23rd, 2010 at 11:49 am
@chikus mi dang min neih san chuan “enge ni vei” ti in tran kan la a, a thar an mahni ai tha tha kan hmu zung zung zel a… An thih chuan hrilh hai thlak ve duh khawp mai…. Anti…
Report this comment
November 23rd, 2010 at 12:00 pm
@24..heheh nih duh hmel khawp mai…chuvang chuan lawm mual inliam san chu a ngaihtuah pawh ka ngaihtuah ngam lo ka tih heheh…
Report this comment
November 23rd, 2010 at 12:07 pm
in phuah in phuah chu le kan phauh ve chhin ” when the moon comes over the sky, i’m always laughing” :mrgreen:
Report this comment
November 23rd, 2010 at 12:13 pm
@26..badboy chu i la phauh nalh ber
Report this comment
November 23rd, 2010 at 12:42 pm
“When the moon comes over the sky…”
Einstein-a chuan a bengfawk duh ang che mawle, Chhawrthlapui aiin van a sang zawk tlata :lol: NOI
Report this comment
November 23rd, 2010 at 2:03 pm
ka va chhiar kham lo tak m…..ngaihnom hle mai..
Report this comment
November 23rd, 2010 at 2:23 pm
thihna kut vawt meuh hi chu ngam a har deuh a ni….midang han chhai dawn ila an rauthla zah ana dawn bawk si,tuman hetiang hi chu tawnglo hram se ka ti :roll:
Report this comment
November 23rd, 2010 at 3:35 pm
:mrgreen:
dam reng lai si mitthi ngaih a ngaih tlat hi sin hrehawm chu.
Report this comment