mi(sual).com

INTRO

2009 thla tir khan ka email inbox ah chuan mi tuemaw ka nick ang tak hmang hian msg mi lo thawn a. ‘Raven’ tih hi nick ah ka hmang tel thin a.Kan nick inang vang ringawta mi rawn be pawpah ka ngai ber a. Ka thlalak chu a ngainat thu mi hrilh bawk a. Inhre tak tak lemlo chuan msg ho deuh2 chu kan inthawn ta fo a,Yahoogroups ah Group inang kan lo join bawk nen. Tichuan zanah leh hun awl apiangah kan Chat thin a, reilo teah chuan kan lo in kawmngeih der mai a. Amah chu mi induh ve tak, confi bawk si, thian kawm ngaina leh inpe zo tak ni awmin ka hria a. Mahse hun alo rei a, a tak tak a inhmu ngailo na na na chu kan lo in ning tan a,kan inbe khat tial tial a, thla 1 vel chu inbe lovin kan awm vang vang a.

Mak tak maiin zan khat chu mi rawn be leh a, eng sakhua nge ka zawm chu mi rawn zawt hlawl mai a. Kei chuan Christian ka nih thu ka han hrilh a. Ka rinloh tak maiin ani chu ‘Satanist’ ruh lutuk hi alo ni a. Ka hmu THRING ta riau a. Nula senior, zirsang vaklo, chhawr tlakloh, inlak ‘Style’ leh ‘Modern’ nana Satanic ve mai2 a nih ka ring ngawt a. Satanic ka lo hmuh hniam thin vang hrim hrim chuan, Ka rilru te te in,”Kei chu Christian ka nia, a hmingin IT engineer, degree chhuan tham loh tlem azawng nen. .etc..chuti..khati…” tih chu hria se. .ka ti ve khanglang a.

Mahse eng ang qualification nge a neih leh a hna thawh lam te chu ka han zawt hmasa a. Chutah,a nihna mi han hrilh mai chu! Human Anatomy a Doctorate degree nei, a hnua Psychology a Master degree nei leh, tui em vanga History leh Painting zir mek, Literature lama lehkhabu tlem azawng publish tawh..a hnu a ka hriat dan phei chuan Occult Science leh Astrology hnehsawh tak, dawi lam thil leh arsi chanchin te, van boruak leh arsi kalkawng te hre bel em em a ni a. Ka inhmu TE ta rawih rawih mai a. Darkar khat seminar atanga a hlawh chu thawkchhuak ve turin keini tan thla tam fe thawh ngai ang chi hi ani tih ka hriat phei chuan ka ngaisang ta riau mai a. Ka qualification erawh chu ka ngawih bo pui ta zawk a.

Chumi hnu atang chuan keimah zawkin ka be hmasa ta fova,a lawm turin msg ‘Dup’ deuh deuh leh fiamthu te ka thawn a. A chang chuan inbiak tawh loh a duh thu mi hrilh thin a, a chang leh Satanist a inpe duh mai tur anga ka awm te a ngai bawk a. A chang leh kan inhnial vak a, Bible kher kher chu kei aia a hriat bel em vangin ka dang leh palh thin a. Kan inkawm thuk tial tial a, an thil thlirdan tam tak ka hrethiam ve tan a,Theories leh Story mak danglam tak tak mi hrilh fo a, a then phei chu ka hrethiam tak tak lem lo a. Mak tak mai chu: vawikhatmah Satanist a inpe turin mi sawm ngai lova. “It’s your free will” ati mai zel a. Mahse Xtian(Kristian) ngaihdan diklo a tih te leh mi tam tak in Satanism an hriat thiamloh zia chu a sawi duhzawng a ni reng thin.

SATANIC MISCONCEPTIONS
A thu tarlan te chu theih ang angin ka zir chiang ve a,mi chhinchhiah tir thin bawk a. . .

Satanism hi Anton Lavey hmuhchhuah anga sawi ani thin a. Theistic-Satanism in mumal taka kalphung a neih nana hmalatu pawimawh ber ani chauh zawk ani; Xtian (Kristian) sakhua chu Isua hmuhchhuah ani lo ang bawkin. Tin,Xtian in Bible chu Johana ziah, Paula ziah kan ti lova, Pathian ziah, Pathian thawkkhum emaw,kan ti ang hian Satanist pawhin Black-Bible ‘Al Jilwah’ chu Satana ziah an ti ve thova. Thenkhatin Bible thu lakkawi, Bible sawichhiatna, Bible atanga lehlin angin an tarlang thin-hei hi a diklo. Internet leh source dang atang emaw a chhiar chuan an hria ang chu. Xtian in Bible, Muslim in Koran an nei ang hian Satanist pwhin Black Bible nei tur hian rights pek an ni, tihna ani ber ang chu.

Xtian tam tak(A bikin mizo) chuan Xtian sakhaw pawn lam thil reng2 chu an ngai Satanic nghal bur thin a. Music, fashion, games, books, TV, sports. .etc thlengin SATANIC huangah kan khung hmiah thin hi chu dik vek loh hun a awm thei thin. Khawvel ani; Vanram a la nilo. Kawng engkima hmasawn ngai leh hmasawn mek kan ni. Darkar tin hian khawvel hian Science, literature, music, tech., fashion leh field chi hran2 ah pawh hma a sawn char2 tih theih ani a. Chutih laia Xtian nih vanga Xtian pawnlam activities danga inhmang ve theilo khawpa kan inthunun chuan hmasawnna kan um pha lo palh ang a,Xtian te khawvel chu a tawp hnai tawh hle ang tih a hlauhawm viau mai tur asin.

Spiritual Satanism diktak chu thisen chhuah,dan bawhchhiat, EMO, GOTHIC, ROCK, DEATHMETAL, tattoo..etc lam ani kher lova. Hei hi mi tam takin an hresual fo thin. Mizo zingah Satanic inzai, biakin suasam, thisena inthawi te kan awm ta nuk mai! A sawi dan tak phei chuan:

“Hmanah chuan Demons leh Gods summon tur chuan thisena inthawi te, inzai leh mihring inhlan te a ngai thin. Tunah chuan 72 Goetic Demons(Sakawlh)te chu release vek an ni tawh a. Ran thisen te, na tawrh vak vak te, chhuat laia Circle chhunga Arsi lem atanga Ritual neih a tul hunte kha a tawp tawh a. Tunah chuan colored Candle leh Sigils hmangin mahni chauhvin Rilru leh Thlarau atang a theih vek tawh” ati thin!!

(PART II ah a ril zawk tarlan kan la tum ang chu..)

Similar Posts:

• Tial Tial
• Story of Satanism II
• Fapa Tlanbo Tih Hi A Dik Em?
• Mi(Sual).Com leh Ringtu Nun.(Za nu-fa naah thil inkalh anga lang, tangrual tlat si te.)-(Sunday Pual)
• In singer ngaihsan ber kha SATANIST ANIA AW! Yea right…

Recent Posts:

• June 2016, Mizo(ram) Diary
• The reason we have bad roads in the North East
• INNGHAHNA TLING THURIL CHU
• Essay on Amen
• A MAKIN AVA ROPUI EM…!!

This entry was posted on Saturday, November 27th, 2010 at 2:30 pm and is filed under Information, More than words. You can follow any responses to this entry through the RSS 2.0 feed. You can leave a response, or trackback from your own site.