Sipai pakhat hian a nupui thar chu an ram lamah haw pui a tum a. An hmaah chuan lui lian tak kan tur a awm a. Chu luipui chu inkar kai tumin lawnlengah an chuang a.
Chutia an chuan lai chuan, thawklehkhatah thlipui a rawn thawk ta phut mai a. An chuanna lawng chu nasa takin a rawn nuai ta a.
Thlipui chuan an chuanna lawng chu a rawn nuai nasat em avangin, a nupui chuan a hlau hle a. Beisei tur nei tawh lovah a inngai a ni. Mahse, a pasal erawh chuan hlau hmel pawh a pu lo.
Thli chu a chakin a na hle a, an chuanna lawng erawh a lian lo hle a. An chuanna lawng chu engtik lai pawha pil mai thei a ni. Mahse, sipai chuan engmah thleng lo ang hmiahin thlamuan takin a thu reng a. Eng thu mah a sawi lo.
Mahse, a nupui chuan a hlau nasa mai si a, aw khur hlawk hlawk chung chuan a pasal hnenah chuan, “Hlauhna chhe te mah i nei ve nange? Vau kam kan inkar kai zo dawn lo tih a lang reng hi. Nge i a tawh zawk?” tiin a vin tuar tuar a.
Pasal chu a nui hak a. A kawnga a pai, a ngunhnam chu a rawn phawrh a.
Hmeichhia chuan mak a ti zual deuh deuh va.
Pasal chuan a chem chuan a nupui chu a tin a, a nghawng bulah chuan a chem chu a lek a. A nghawng chu a zai pha lek lek a.
“I hlau em?” tiin a nupui chu a zawt a.
Hmeichhia chuan, “Engvangin nge ka hlauh teh lul ang. Ngunhnam kha i kutah a awm tih ka hria alawm, Nang chuan min hmangaih tih ka hria alawm…” nui deuh chung chuan a chhang a.
Chu veleh a pasal chuan a ngunhnam chu a kawmah a thun leh a, heti hian a sawi ta a : “Kha kha ka chhanna chu a ni. Isua’n min hmangaih tih ka hria a, he thlipui hi a kutah a awm a ni, tih ka chiang bawk a ni,” a ti ta rauh va.
Keini hian hlauh kan la nei em? Kan hmaa harsatna tam tak lo inlar thinte hian kan thinlung ti hlau suh se. Pathian kutah an/kan awm a, ani chuan a hmangaihte chu a enkawl hneh em em thin si a. Tin, kan rin Isua hi a ring ngamtute tan chuan rintlak Pathian a ni, tih hi i hre thar leh ang u.
Similar Posts:
- First Love Never Dies
- Hmangaihna Dik
- Nupa nun hlimna tur atana zawm ngai thenkhat te.
- Thil hlu pahnih
- Duham chu chânna!
May 17th, 2013 at 1:29 pm
good post
Report this comment
May 17th, 2013 at 1:37 pm
Rilru a khawih a, a hneh bawk
Report this comment
May 17th, 2013 at 1:42 pm
Ka duh tawp, sipai nge nge hi chu an rilru hi alo paukhauh a ni, mihring tak pawhin. Pathian ringtu tha an nih leh ngat phei chuan…
A nupui tan a van thlamuanthlak dawn tak.
Report this comment
May 17th, 2013 at 2:01 pm
A va tha RAUH ve
Report this comment
May 17th, 2013 at 2:10 pm
nia
Report this comment
May 17th, 2013 at 2:16 pm
A thain rilruah thu tha tak a sawi e.
Report this comment
May 17th, 2013 at 2:57 pm
Ka lo la online thei a..
Report this comment
May 17th, 2013 at 3:22 pm
Lal Isua kutah hian engkim a lo fel ber a ni
Report this comment
May 17th, 2013 at 4:04 pm
A tha khawp mai. Mahse, a remruat dan tam tak hi chu ‘Ka chhandamtu min vengin a hnai reng’ tih hla nena hmehbel har a awm nual in ka hria. Kar hmasa lama Aizawl khawpui chhiatna tuartute pawh khan he thu hi an hre ve tho in a rinawm. Pathian remruat dan hi chu hriatthiam a har a ni e.
Report this comment
May 17th, 2013 at 8:14 pm
Hei chu post tha, ngaihnawm, rilru khawih, zirtir nei tha tak ani
Report this comment
May 17th, 2013 at 8:30 pm
Hei hi a thra e, khoiah emaw ka chhiar toh tlat.
A source dah tur hria em?
Report this comment
May 17th, 2013 at 10:26 pm
@SHauzelSailo, nia, keima page siam – ‘Zoparrimtui’-ah khan hmanah ka post tawh. Chu chu i zhhiar fuh a ni mai thei.
Thanks@all
Report this comment
May 17th, 2013 at 10:52 pm
a va ngaihnawm ve w…post tha tak a ni.
Report this comment
May 18th, 2013 at 9:53 am
Report this comment
June 10th, 2017 at 3:10 pm
HELLO AND GOODBYE
Report this comment