mi(sual).com

Dt.1.12.10 khan Discussion on Minor Sexual Abuse (Prevention/Control/Rehabilitation) chungchang sawihona I&PR Auditorium-ah neih a ni a, Nula Lalremruati, Clinical Psychologist chuan tunlaia hmeichhiate inchei atanga pawngsual a pung vak tia sawi hi a dik lo, vairamah pawh vainute chu zahawmtakin an inchei a, pawngsual an tawk tho, bakah pawngsual thlen laia a tuartu leh a chhungte hriat tura ‘a inchei khaw loh vang a ni’ tia sawi thin hi a tha lo hle a ni, pawngsual tawktu-in a tawrh laia inchei vang leh thiam lo zawka puh hian an nun a tichhe thei a ni a ti.

He thu hi chanchinbumiten an sawiho nasa a, sawiho zinga mi tam zawk chuan incheina khaw lo lutuk hian pawngsual a tipung a ni an tia, hmeichhe tam zawk kha chuan incheina vang a ni an ti thung niin ka hria.

Thusawitu zinga pa pakhat chuan tihian a sawi a, ka thianpa Aizawl veng pakhata cheng chuan kan venga nula zawng zawng hi ka mutpui vek tawh a ti a, ka zawhchian chuan kan nu ka mutpui laiin a hmai ka hup a, an niho chu ka hisap thin a ti! :lol:

Mi(sual)-ho hian i han sawiho ve teh ang u, pawngsual thlen chhan hi hmeichhiate inchei khawloh vang nge pawngsual awmtirtu a awm ve reng vak zawk!? Pawngsual awmtirtu kha Phonography en te kan hrat vang hi a ni tho lawm ni, sawiho phawt ang u.

Nl. Remruati hian paper thatak a buatsaih a, a paper buatsaih zinga tha ka tih zualte :

Nu leh pate mawhphurhna :

1) Mahni inrintawkna nei tura fate fuih ngun.
2) Fate tana hun siamsak, thusawi tur an neih pawh an sawi hreh loh theih tura boruak/hmun leh hun siam thin.
3) Thudiktak hrilh thin. Thu harsatak sawi tur a awm a nih pawha tlangtak leh zam miah lova thu inhrilh thin.
4) Fate thusawi awih thin. Thu awihawm lo deuh a sawi pawh a ni thei, mahse, nguntaka ngaihthlaksaka thu inzawhfiah thin.
5) Chhungkuaa dan siam, entirnan nu leh paten an mi rin mi tlem tete chauh bula naupang awm faltir phal te, khawi lo chhuahna inhrilh thin te, an thiante leh an mi nel puitling dangte hmelhriatsak.
6) Taksa peng hrang hrang hming diktak hriattir.
7) Fate hnena ‘privacy’ neih chungchang zirtir a, tin, an phalna lova tupawhin an taksa an duh duha an khawihsak a thiang lo a ni tih chungchang nguntaka zirtir.
Naupangten rilru an nei a, thil vei leh ngaihtuah an nei a ni tih hriatthiampui. An tah a chhuah te, thinrimna an neih te leh an duh loh chuan ‘aih’ an ti thiang a ni tih hriattir te a pawimawh.
9) Thuzep neih te a tha lo a ni tih hriattir.
10) An hmelhriat leh hnai ngei ngeite pawh hian an chungah thil pawitak an ti thei a ni tih hriattir.
11) Naupangte enkawltute, awmpuite, tutor/zirtirtute, driver-te leh mi dang dangte nguntaka an tunhma hun hriatchian te hi a pawimawh.
12) TV leh computer-te an hmang nasa a nih chuan room pilril lova dah theih ni se, tin, computer endik ngun te, mobile phone an hman dan en uluk te a pawimawh bawk.

Sikul mawhphurhna :

1) Sikula hnathawk zawng zawngte nguntka an awm dan hlui leh mizia (background) hriat chian.
2) Pawngsual laka venhimna leh report theihna tur hmun thatak neih.
3) Sikula computer awmte nguntaka endik thin.
4) Sikulah security guard neih.
5) Nu leh pate phalna la hmasa lova naupangte sikul atanga rawn lamtute hnena lo hlanchhawn loh.
6) Sikul kal lam leh haw lamah naupangten hruaitu an nei tha em tih lo enfiah thin.
7) Naupang himna tur leh mahni inrintawkna an neih theihna tura programme hrang hrang buatsaih.

Khawtlang mawhphurhna :

1) Naupang chanvo (rights) leh kum tling lo pawngsual chungchang inzirtirna neih tam.
2) Chhungkhat laina te, thiante leh hnathawhpuite nena tlangtaka hetiang chungchang sawiho thin.
3) Naupangte awm dan leh hawiher danglam thur lo awm theiah te lo bengvar.
4) Naupangte thusawi nguntaka ngaihthlaksak thin.
5) Mahni chauha hetiang harsatna hi sutkian theih a nih loh avangin, thawhhona tha tawk nei thei tura kohhranah te, leh khawtlang leh YMA-ah te tanpuitu insiam.
Media-te mawhphurhna : Pawngsual chungchang ziahlan/report a nih reng rengin a tuartute tana thaber tur ngaihtuah zawnga tarlan thin ni se.
Hetiang chanchin ziah/tihlan a nih dawn chuan fimkhurtak leh uluktaka thu kal dan tlangpui mahni ngeiin finfiah a tha a, thudiktak chauh report tur. :rolleyes:

Chanchinbumiten an sawiho khi enge in ngaih ve dan? :kiss:

Similar Posts:

• Pawngsual hi
• MHIP hi an ngaihtuah tawi deuh em???
• Pawngsual (RAPE) rate atangin, “MLTP hian kan khawtlâng hi hmeichhia leh naupang tân a ti him” tih chi a la ni em?
• MZP in sikul naupang inchei dan ngaimawh
• Abortion leh Kristianna

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Wednesday, December 1st, 2010 at 11:59 pm and is filed under Education, Mizo Society & Culture, Opinion. You can follow any responses to this entry through the RSS 2.0 feed. You can leave a response, or trackback from your own site.