KOHIMA, 1st Dec 2010 (Wednesday): 19th Royal Gold Cup final-ah TTFC Mizoram chuan sikhat faia Nagaland Police hnehin champion trophy bakah cheng nuaikhat leh singnga an dawng.
Nagaland Chief Minister, Minister thenkhat leh Chief Secretary-te nen.
Vawiina inkhel tur hi a hma ni atangin Nagaland chanchinbu lian lam chuan an sawi hot tawh hle mai a, tum sarih ngawt mai lo champion tawh Nagaland Police leh Mizoram inkhel tur a nih avangin boruak pawh a nei lian hle mai. Nagaland State day a nih bakah Hornbill festival intanna ni a nih bawk avangin mipui pawhin an hlut hle tura ngaih a ni sa reng a. Kohima-a Mizo awmte mai bakah a chhehvel khuaa Mizo awmte pawh inkhel en tur hian a theih ang angin an rawn kal khawm ve bawk a. Ruahman lawk tawh angin Mizoram lam atangin media mi thenkhat bakah MFA hruaitu mi 14 laiin inkhelh tan dawn tepah an a hmun an rawn thlen chilh bawk.
TTFC Mizoram team tantu Kohima Mizo naupangte nen
Vawiin final hi state function a nih avangin Chief Minister khuallian a ni a. Nagaland Minister-te an tel hlawm bakah Officer ho pawh tam tak an awm a. A entu pawh field-a thutna awm zawng zawng khatin an thu thup mai bawk. Chief Minister-in thu tawite a sawi zawh hnuin inkhel chu tan a ni ta.
Mizo tlangvalte chuan a tir atangin an nawr nghal char char a, goal chance eng ngemawzat an inseam a, Mahse Nagaland Keeper a nghet ve tlat mai, a palianin goal mouth-ah a ding khat hneh ang reng bawk si a, Mizoram team lam ten vawi tam tak hlauhawm tak takin goal lamah han pet thin mahse keeper zawn hlirah an pet tae maw tih mai turin a lo dang zel mai si a Mizoram lam tan chuan a beidawn thlak rum rum mai, vawi tam tak a goal tawh dawn emaw tiin Mizoram tantute authawm a ri leh chel chul thin a, mahse vanneih hun a la thleng lo a niang e goal a la lut mai thei lo. First Half chhung hian Mizoram lamah goal hlauhawm vak lo vawihnih khat chu a thleng phei ve a, a tlangpuia khaikhawmin First Half chu Mizoram lam chan tih theih a ni. Khawilam mah mah Goal inpe lo-in first half chu an tin ta nge nge a.
Mizoram Team Manager leh Coach ten Championship trophy an dawng lai
Second Half tan a ni a, Nagaland Police ho-in chawlh an hmang tangkai zawk nge ni, Mizoram lamah hlauhawm a rawn thleng ve ta zauh zauh mai, dinglam atanga goal rawn sut chuan Mizoram lam goal ban a per dawt a, entu lam an ding suau mai. Mizoram lamin an han nawr leh ngial a, a hnu lawkah Mizoram goal chunglam khamphei a per leh dawt a, Mizoram kan him leh ta, chubak chu Nagaland Police lamin hlauhawm an siam belh ta lo. Mizoram lamin an nawr char char a, goal erawh an pe thei mai bik lo, Extra time khelh a ngai ngei dawn a nih hi kan tihtawh lain minute 87 a ni a, dinglam sirah George (Nigerian) chuan ball a tlan phei pui a leihrulah Rammawia lo tlanphei chu pe-in hnai set sawtah Rammawia chuan a lo goal lamah a lo tlawh a, Nagaland Police Keeper palian tak tan pawh chuan tihngaihna a awm ta lo. A GOAL! Mizoram tantute awmna lam chu a rikin a ri chuah chuah a ni ber e. Khuang leh Darkhuang nen kan lam suau suau mai. Tumah awm hle hle thei awm hek suh. Reilote-ah hun a tawp zui a, Mizoram kan champion ta e.
Mizotlangvalte an khel tha tak zet a, Remruata leh Tezawka te la fit zia leh tangkaizia a la hriat hle a, chutihlaiin rawlthar Rammawia leh midangte pawh an skill that zia leh chak zia kan hmu thei bawk. Vawiin inkhelah hian a pumpui khaikhawmin kiltinah Nagaland Police te khan Mizotlangvalte an pha lo ti ila kan sawisual lo ang. Police fitness tha zawk leh chak zawk tura ngaih, Nagaland-ah phei chuan tournament awm a pianga champion tura ngaihsa deuh tawp an ni a. Anmahni Naga ho ngei pawhin Nagaland Police chu an tha lutuk ti a an chuan ve takte an ni. Chutihlaiin Mizotlangvalte an lakah an duai lo hle kha an chhuanawm tak zet mai. TTFC Mizoram tana mihang khel pakhat George kha sawi hmaih chi a ni lo bawk. Vawiin Game-ah hian goal siamsaktu a nih mai piah lamah a tangkai takzet a ni.
Championship trophy hi Nagaland Chief Minister-in TTFC Mizoram Manager leh Coach te hnena a hlan bakah Coach thaber lawman cheng sangnga chu Mizoram team hruaitu Pu Hluna hnenah hlan a ni bawk. Mizoram team te hi Nagaland Chief Secretary Pu Lalthara chuan a chennaah tlailam thingpui buatsaih sakin hun rei vak lo hman a nih hnu-ah Royal Gold Cup buatsaihtute zanriah buatsaih chu players leh hruaituten an kilsak bawk a ni.
Chief Secretary Chenna hmunah
Similar Posts:
- Royal Gold Cup, Nagaland-a khelh mekah Mizoram chuan Final an lut
- 2nd Wai Wai Cup tan a ni
- Airtel NE School Football tournament
- BMA Football Tournament
- Mizoram Team chak !!
December 2nd, 2010 at 3:04 am
Congrats!
Report this comment
December 2nd, 2010 at 3:09 am
va lawmawm ve aw..
Report this comment
December 2nd, 2010 at 3:19 am
A va ropui em ve le!
Report this comment
December 2nd, 2010 at 4:19 am
He Royal Gold Cup hian prize money a keng tel em le? Keng tel ta se engzatnge le?
Champion player an Captain ngei hi Cup dawngtu nise Manager leh coach ten an dawng zawk tlat tihna em ni aw :?:
TTFC kan lawmpui a ch’u
Report this comment
December 2nd, 2010 at 4:33 am
Hip hip hooray :rolleyes:
Report this comment
December 2nd, 2010 at 5:29 am
A lawmnan ka FIRST ang chu ka lo tia,…. Parukna nimahila 1ST tho tho, :lol: :lol: :lol:
CHHeih…Raw… hahh…hahh..hhah…ka va hlim em, mi mut reh tawh lamah a lawmnan lam-kual zek zek teh ang.
A aia level sang zawk hmachhawn thei turin inthuam tha sauh sauh teh Unnnnn……!!!
A lawmnan ….Nui bu lawk lawk teh ang…. :lol: :lol: :lol: :lol: :lol: :lol:
Report this comment
December 2nd, 2010 at 5:41 am
Hei chu a van han lawmawm ve aw…ka hma chiaha comment tu aia over ahan tih khi ka duh a, mahse ka insum mai ang e…… :lol: :lol: :lol: :lol: :lol: :lol: :lol:
Report this comment
December 2nd, 2010 at 6:02 am
mizo nih a nuam leh ta ..
#4 pu mzvision hei ka rawn paste sak che pawisa fai chu a keng tel ve a nih hi,
”…champion trophy bakah
cheng nuaikhat leh
singnga an dawng..”
Report this comment
December 2nd, 2010 at 6:27 am
A va nuam ve. Mizoram aiawhin an khel a, an chakna chu kan chakna a ni. Ka lawm e, ka hlim e.
Report this comment
December 2nd, 2010 at 6:50 am
Mizo kan ni, kan zaithiam/inkhel thiam – Mizo nih a nuam hle mai.
Kum 2003 a Thimphu(Bhutan) a kan kal tumin, Thimphu Police check gateah, ‘khawi atanga lokal nge in nih min ti a’ ,
‘Mizoram’ ka ti a, Hlim takin, “Mizoram maw…Mizoram chu football in thiam hle mai, Bhutan King Gold Cupah pawh in champion kha, khu khu an inkhelhna a nih khu – tah khuan a lawm an champion….’welcome to Bhutan’ min ti.
Kan inkhel thiam thalai rualte avangin mi ramah pawh a tha zawngin hriat kan hlawh….min welcome phah….kan inkhel thiamte hi an chhuanawm hle a ni.
Mizoram lamah engtin tak lo chawimawi ang maw?
Report this comment
December 2nd, 2010 at 7:09 am
Congrats, lawmawm e
Report this comment
December 2nd, 2010 at 7:33 am
An va’ lawmpuiawm ve. An titha e.
Report this comment
December 2nd, 2010 at 8:12 am
Mizo ti hmingtha tute kan chhuang a che u. Mizoram team ah Nigerian an tel ve a ni maw?
Report this comment
December 2nd, 2010 at 8:19 am
Mizoram team hi mi 25 vel ni ta se Rs 6000 theuh in an insem thei dawn tihna anih chu. A tha e.
Report this comment
December 2nd, 2010 at 8:25 am
lawmpui awm ltk
Report this comment
December 2nd, 2010 at 8:42 am
Lawmawm khawp mai.
Report this comment
December 2nd, 2010 at 9:46 am
Kan naute hi ropui taka lo hmuah an va phu ve aw,
Report this comment
December 2nd, 2010 at 10:01 am
Age group lamah hi chuan kan thiam viau thin a. Senior lamah kan langlo leh thin. Kak football hotute hian tan han la zel se a va duhawm em….
Report this comment
December 2nd, 2010 at 10:04 am
Lawmpuiawm e.! Mizoram…zinda bad..Jai Hind :lol:
Report this comment
December 2nd, 2010 at 10:05 am
Mizo min ti hmingtha tute hi i chawimawi ang u. . Congrats!
Report this comment
December 2nd, 2010 at 10:12 am
Comment ve re2 ang , Lawmawm e mai. :lol:
Report this comment
December 2nd, 2010 at 10:22 am
Imphal ah Dr T Ao Football Tournament ah erawh Mizoram an chak zo ta lo, Manipur 2-0 Mizoram
Report this comment
December 2nd, 2010 at 10:27 am
Mizoram ka tuar pui e
Report this comment
December 2nd, 2010 at 10:31 am
A pawi ngawt mai. Manipur lama kan chak ta lo chu. Hun pangaiah inhneh tawkin.. hun pangai lo-ah 2-0 ngawt mai an luh tir a. State pahnih-ah a ruala kan champion teuh teh reng nen aw…
Report this comment
December 2nd, 2010 at 10:33 am
A va pawi ve aw. An ti tha tho ve
Report this comment
December 2nd, 2010 at 11:32 am
Thinlung takin ka lawmpui e. :kiss:
Report this comment
December 2nd, 2010 at 11:44 am
kawr sen hnunga mihang ding khi a hmel a hmuh that theih miah loh..kawr sena shadow khian a ti chiang lo…
Blacks 2 te khi professional players nge amatuers??? India rama eizawng tura rawn kal annih chuan I league ani bawk si lova an hlawh tlem awm :rolleyes: :cry: :cry: ka lainat :cry: lutuk
Report this comment
December 2nd, 2010 at 12:00 pm
Tih leh hunah ka tel ve tawh anga, kan chak tawh mai ang! :rolleyes:
Report this comment
December 2nd, 2010 at 12:27 pm
Naga ho chuan Mizote min ngaisang lehzual sawt dawn a nih chu.
Report this comment
December 2nd, 2010 at 1:00 pm
Nuam e!! Mizo tlangvalte kan chhuang a che u! Krismas hman nuam u!
Report this comment
December 2nd, 2010 at 2:36 pm
CHAMPION = MIZORAM = MIZO NIH AVA NUAM TAK EM!!!
Report this comment
December 2nd, 2010 at 3:54 pm
A ropui e kan naute in ti tha e.Kha kha a bultan nan hmang chauh ang che u.Khawvel deng chhuak tur khawpin in thiam in in fit thei ttih hre kar reng rawh un.
Keini hunlai te chuan lawmm nan kan inkhelh thin in khelh thiam tak tak ho kha inkhelh khelh tiam ah an chang zo vek a .A tawpah inkhilh khiln a tawpah chuan mi inkhel en pawh peih tawh lovin an inkhulh khulh thei tawk . :lol: :lol: :lol: :lol: :lol:
Report this comment
December 2nd, 2010 at 6:45 pm
Congratulations!!. A va nuam ve!. Kan nau te ho chu an chhuanawm hle mai
Report this comment
December 2nd, 2010 at 7:16 pm
Subroto ah champion bawk, va nuam ve.
Report this comment
December 2nd, 2010 at 8:36 pm
goal vengtu khi vairengte pa angaia ava ang ve?
Report this comment
December 2nd, 2010 at 11:31 pm
aw ni e. Vairengte a mi Angaia ngei a ni e..
Report this comment
December 2nd, 2010 at 11:38 pm
A va lawm awm thin em.Mahse an in buatsaih na leh an sumpai te.ngaihtuahin an lawmman don te hi.a la bei tham deuh e.pachang ni eng e maw zat thang a hlawh chhuah ah chuan a sit awm a ni.mahse kan phak tawk a ni miau si a lawm phot zel ang.
Report this comment
December 3rd, 2010 at 1:59 am
A va ropui ve!! Manager hi kan veng pa Pu Biaka a nih hi. Ani hi Zoram lam a foreign player chah chhuah lamah poh theihtop chhuah thin a ni e.
Report this comment
December 3rd, 2010 at 4:28 am
https://fotball.aftenposten.no/.....187150.ece 2022 a world cup an siamna tur hi han en ve mai mai teh u kal thei chu i kal hlawm zawk ang u a nuam hmel em mai!1 :kiss: :undecided:
Report this comment
December 3rd, 2010 at 7:02 pm
#mizo thanks>>>
Report this comment