Tunlai hian MIZO tih ah hian kan buai hle niin a lang. Website pakhata article pakhat Lalremruata Khiangte, Bawngkawn ziah ka hmu a, tha ka ti hle a, ka rawn post ve tawp. A phalna ka la lo nain a hriatthiam tho ka ring.
Hnam dangte chetsawlh leh kut thlawn tuar a, Zo hnahthlakten harsatna kan tawh apiangin Zofate inpumkhatna chungchang hian sawi a hlawh thar lehthin a. Zo hnahthlakte inpumkhatna tur hawia chanchinbu lama thuziak kan hmuh dan tlangpuiahte chuan; Mizo tawng kan hman tlan theih loh avanga inpumkhat lo anga ziakte an ni hlawm a. Chhinga Venga khawsa Lalthanga pawhin tunhnai January 28, 2006 khan Vanglaini ‘Chhiartute Thukhawchang’-ah khan: “Mizo tawng hi mahni pianpui tawngah in hman loh a, in chibing tawng in hman tal chuan in bula miten an enhrang zel ang che u,” tiin a ziak a. Khawi hmuna awm pawh ni ila, Zo hnahthlakte hi kan inpumkhat tha hle niin ka lo ngai thin a. Tunah erawh chuan, “Kan lo la inpumkhat na nge?” tiin ka inzawt buai ta hle mai.
Zofate inpumkhatna atana a lungphum pawimawh ber ni awma chanchinbu lama thuziaktute ngaihdan kan hmuh fo thin chu ‘Mizo’-a lungrual tlan a ni a. Tin, ‘Mizo’ tih thumalin a ken tel tlat chu ‘Mizo Tawng’ kan tih mai Duhlian Lushei tawng hman chungchang hi a ni leh bawk a. Duhlian Lushei tawng hi Zo hnahthlakte chenna hmun hrang hranga tawng hman lar ber a ni a. Chuvang chuan ‘Mizo Tawng’ tia hriat lar a ni chhawm ta nghal mai reng a. He kan ‘Mizo Tawng’ thar lo piang hian Zo hnahthlak tam takte tawng hman lai chu thlakin an tawng lo neih sate chu a tizuih ral a. Ralte tawng pawhin hriat a hlawh ta lo hlen a, thiam a lawi pawh an awm ta lo hial a ni. Chu chuan thikna rilru min tuh sak hlawm emaw tih mai turin “Eng a?” tih deuh ha ha thei lote chu “Mizo tawng i thiam nange?” kan ti ta fo mai a. Kan hriat tlan theih tur tawng hmang thei lote hnena zawhna atan chuan a tha viau mai thei. Mahse, Zo hnahthlak hnam .hrang hrangte hi ‘Mizo’ an ni tih kan pawm theih chuan, engahnge an tawngte pawh chu ‘Mizo Tawng’-a kan pawmsak theih loh ang?
Tawng tualleng leh hman tlanglawn chu a awm thei nameuh mai. Mahse, chutiang tawng tuallengte avang chuan kan chibing tawng hi kan zuihraltir zel mai tur em ni ang? Kan chibing tawngte hi kan hnam ze dangte ang bawka ‘hnam’ hran kan ni tih lantirtu pawimawh berte zinga mi a ni a. Tawng hrang nei lo chu hnam hrang anga ngaih hleih theih an ni ngai lova. An hnam pawh a zuihral thuai mai thin. Mi fing leh ram changkang zawkte chuan mahni hnam tawng tawng humhalh tumin theihtawp an chhuah a. Zirlaibu leh chanchinbu te, thil dang dangah pawh hman uar sauh sauh an tum a. Chumi avang chuan an hnam chipui dangte nen an inenhran phah ngai chuang lo. Keini erawh chuan, “Mizo i ni lo em ni? Engahnge Mizo tawng i thiam loh?” kan inti bawl bawl mai thin a. ‘Mizo’ tih hi Zo hnahthlakte inpumkhatna tur hming (nomenclature) ni lovin Pawih, Hmar, Lushei tih ang deuhva ‘Mizo Hnam’ hranpa liau liau angah kan ngai niin a lang a. Chuvang chuan, Mizo Hnam hi a lo awm reng em? Mizo Hnam kan awm reng em? Tihte hi kan chhan a ngai leh ta a ni.
Mizo hi Hnam angah kan ngai a, kan inti Mizo a, Mizo tawng kan hmang deuh kher thin bawk. ‘Mizo’ hi ‘hnam’ anga kan ngai a nih chuan engati nge Daduhi hian a hmingah Lalrindiki Khiangte ti lova Lalrindiki Mizo atih mai loh? Zira Hnamte khan engah nge Zira Mizo a intih miah loh le? Hei hian ‘Mizo’ kan tih hi ‘hnam’ ni lovin Zo hnahthlak hnam hrang hrangte intelkhawmna hming ‘nomenclature’ a ni tih a lantir chiang hlein ka hria. Chuvang chuan “Mizo i ni na nge?” intih khui khui thinte hi kan bansan ngei ngei tur chi zawhna dik to tak a ni a. ‘Mizo Hnam’ anga inngaih tlat reng pawh hi a hnufual zia hle. Mahse….
‘Mahse…’ a awm hi chuan a la buarchuar hle tihna a ni a. Mizo theuh zingah hian ‘Mizo Tawng’ hmang thei tote chu kan enhrang nghal zel mai a. Anni pawh an inlahrang deuh zel tih hi tu phat rual a ni lovang. Hei hi engnge a chhan ni ang? “Mizo an nih chuan Mizo Tawng an thiam tur a ni a. Mizo Tawng an thiam loh chuan Mizo an ni to tihna a ni mai,” tih ngaihdan kan neih vang a ni. Entirna hmangin han sawifiah dawn ila: Mizo tlangval pakhat hi New Yorkah a zu zin a. Literature lamah pawh doctorate degree nei pha ngat khawpa ‘sap’ tawng thiam a ni a. Sap tawng nal taka a zu hman zet zet theih avang ngawtin sap ho chuan ‘Smith’ emaw sapho zinga eng hnam ber emaw tiin an to ngai ngawt to. A tawng thiam avang khan sap a nih phah lova, sap nun in a nuntir thei hek to. Sap ho zinga chen leh khawsak chauh erawh a tihnawm phah ang chu. Chutiang bawk chuan tuna kan ‘Mizo Tawng’ hi vai mistiri-in a thiam em avang ngawtin ‘Mizo’ a nih phah lova, Mizo Hnam angah kan ngaih theih phah hek lova, Mizo hnam peng pakhatte zinga mi angah kan pawm thei bawk hek lo.
Chuvang chuan Mizo Tawng thiam leh thiam lohvah Mizo nihna hi a innghat lova. Chutiang bawk chuan mi in Mizo tawng a thiam loh avang ngawtin a Mizo nihna kha a hloh nghal vek hek to. Mahse, tawng tualleng ber a hman theih loh tlat chuan inngaih mikhual tlatna te, inthlahrunna leh tlangnel lohna rilru te chu a nei ngei ang. Chutiang avanga inlak hran duh hial khawpa a tawng thiam lohnate chu remchangah hmangin kan hmu Mizo lo lehzel a nih chuan, hnam a zawnga hnam sual ber kan ni mawlh ang.
Tin, HSA emaw HYA emaw inti lova kan vaia YMA leh MZP kan nih vang ngawtin automatic-in Mizo kan ni nghal vek tihna a ni lo. HSA leh HYA ni miah lo Tuikuk ho khu YMA leh MZP member rawn ni ringawt mah se, kan hmu Mizo thei ngai chuang lovang. Chutiang bawkin Gangte hnam kha Mizo hnamah rawn inpe kher to mah sela, Mizo hnahthlak hnam chi khat angin kan pawm tho tho ang. Gangte tihdan ang diak diaka Hmar, Paite leh Zo hnahthlak hnam kaupeng dangte pawh inpektir zel kan phut ru tlat a nih chuan, Mizo awmzia leh a nihphungah hian kan la chiang tawk to hle tihna a ni ang.
Parbung leh Lungthulien khuaa chengte tan khian Duhlian Lushei tawng aiin Hmar tawng a pawimawh zawk a. Chutiang bawkin Sap rama zu cheng Zo hnahthlakte tan khuan Lushei tawng leh Hmar tawngte aiin Sap tawng a pawimawh zawk a. American English aiin British English chu Britain rama chengte tan a pawimawh zawk bawk. Hei hian tawng hi kan chenna hmun leh kan chenpui mihringte tawng tualleng hman a zirin a inpawihmawh hleih zeng zung thei thin tih min zirtir a. Aizawlah emaw Mizoram khawi lai laiah emaw chuan ‘Eng a?’ ti deuh ha ha thei lote chuan harsatna neuh neuh an tawk a ni thei e. Mahse, ‘Eng a?’ tih tawngkam an thiam loh avang ngawtin kan hmu pelhe thiang love. An lo inla hrang deuhva, an inkiltawih deuh a nih pawhin Mizo an nih tho ziate, kan inbiak tlan theihna tawng tualleng tal chu thiam ve tum tura zirtirna leh fuihnate nena kan tihhmasawn an ngai a ni mai. Inla hrang apiang kan enhran zel chuan, Mizo nih hi a la nuam lo thuai mai ang.
Mizo tawng theuh theuh pawh hi a inang lo zul thei a. Entirnan, khaw chhak lam Myanmar rama cheng kan ‘Eng a?’ tawng hmanpuite Mizo tawng khi Aizawla chengte chuan ka hre hrang em em mai a. ‘Tiau ral lama cheng’ an ni tih sawi kher lo pawhin kan hre nalh nalh thei. Chutiang bawkin Manipur lama Zo hnahthlakte “Eng a?’ tawng pawh khi keini tan chuan a dazat hle niin a ngaih theih a. Dumka leh Bagha vai (Bangladeshi) ho tawng la hre ve ngai lote tan chuan Thangkura fiamthu “I ta kawi se, ka ta kawi se” ti lam awnin vai tawng a awm tih pawh a lo hriat loh theih hle ve bawk asin. Sipai vai tawng a danglam a, Delhi leh Mumbai vai tawng hre thang lote tan chuan Bagha vai tawng – Bangla tawng awn dah mai khu hriat a awlsam zawk daih. Chumi avang ngawt chuan Mumbai vai tawng rawn hmang thin ho hi kan lo hmu vai lo ngawt mai pek ang e. Anni pawhin, “Bagha vai tawngte chu a awn dah mai a, an vai tawng a pai,” an ti ve tho asin.
Manipur-a cheng Zo hnahthlakte zinga tam ber Kuki (Thadou), Paite, Hmar te khian an chenna ram Manipur sawrkar lakah ngiat neiin an hnam chipuite tamna bial humhalh hna an thawh mai avangin an Mizo loh phah lova. Chutiang bawkin Tahan leh Upper Chindwin-a cheng Zo hnahthlakte khian Rihlipui Dil thleng huama Zofate himna tur lam ngaihven hle mah se, an Mizo loh phah tur a ni hek lo.
Hnam leh chi lam a ni lova, Mizo chu Mizo a ni mai. Khawi hmunah pawh awm se, Zo hnahthlakten an tuar a nih phawt chuan Manipur, Myanmar, Tripura leh Cachar ram tiin kan inmi-hrang-en tur a ni lovang. Zo hnahthlak hnam tute pawhin tuar se, Mizo tawrhna a ni hrim hrim. Chhan theih dan a awm chuan kan inchhan nghal mai tur a ni a. Mizo tawng an thiam leh thiam lohte, YMA leh MZP an nih leh nih lohte chu nakin hnu lama la ngaihven zawk tur a ni. Kan thisen zawmpui Zo hnahthlakten an tuar a nih chuan, “Eng a? tawng a hmang em? YMA member a ni em? HSA nge a nih MZP?” tihte inzawt buai hmasa lovin Samari mi tha ang.khan tanpui ngaite tanpui nghal mai hi Mizo mize dik tak zawk a ni e.
Similar Posts:
- MIZO DIK TAK CHU TUTE NGE?
- Mahni hnam tawng thiamloh a zahthlak
- Eng hi nge Mizo Tawng chu?
- Engtin nge Mizo tawng hi kan humhalh ang?
- Mizo hnahthlak kan ni lo
December 4th, 2010 at 10:55 am
Mizote hi kan tlem poh leh kan inpumkhat tha a, kan inpumkhat duh lutuk na lama kar ka lak kan tih zau viau hi kan inpumkhat theihlohna pakhatna (first) a ni.
Inpumkhat tura pawimawh ber pakhat chu tawng thuhmun a ni. Tawng a hran chuan kan in ngaina har tlat. Chi leh chi emaw, thlahtu lam atanga chhungkhat kan nih pawhin tawng hrang neia kan awm tawh hian inpumkhat hi a awl ai ta lo a ni tih chu a hriat vek hi maw….
Indian rau rau-ah pawh hian Hindi hmangho state te chu an inpumkhat/hnaih deuh a, chutiang bawkin South lam (Tamil?malayalam) tih vel pawh an in hnaih deuh…. 😆
December 4th, 2010 at 11:01 am
Mizo identity lampang kaih hnoih em ni leh pek, sawi leh nghek ila ni mai lom…mahse ka la chhiarhman rih lo..in pumkhat hi a tha khop mai…. 😆
December 4th, 2010 at 11:25 am
Post tha lutuk… 150% full support!!! :happy:
December 4th, 2010 at 11:27 am
A ziaktu chuan tunge/enge kan nih a hriat bakah ziak tha hle in ka hria.
Tawite kan sawi belh ve anga, uluk taka chhiarin, a diklo/a nilo la ti ngam ngat chu an daw chiang bang a ni ang 😛
Hmanni a kan sawi tawh ang khan, ram awmna a zirin hnam khat pawh koh dan/hming put a dang thei. Entirnan: Nepal a cheng Nepali leh Darjeeling a khawsa Gorkhali te emaw, Austria a Austrian te leh Germany a German te ang pawh hi entirna tha tak an ni ngei ang. Hnam khat nisi rampui hrang nalha khawsa an nih avangin koh dan an dang mai a ni. Koh dan an dan avangin mihrang/hnam hrang an ni tihna erawh a nilo tih an mahni pawn an chiang.
Zohnahthlak te pawh hi mahni hmasial tak British ho khan min thendarh a, India an chhuahsan khan min thenfel nget ta a nih ber kha. A then Burma, a then Bangladesh a then India ah te awm hrang ta nuaiin!
Red Indian te ang tho a thlahkhat leh thlahkhat indo ve thin kan ni. Kan lo indo ve thin avang khan thlahtu thuhmun kan nih loh phah chuang hauhlo thung; Red Indian te ang tho khan Nation khat (chi khat) kan ni reng. Nation tih hi Mizo tawng chuan, history intawm, sakhuana intawm, thlatu thuhmun, culture leh tradition in ang te sawina a ni tih hi kan hriat nawn fo a tul hle in ka hre bawk.
Zohnahthlak te hi Saphun thin kan ni. Kan chipui lo te lal dang kan belh ten emaw an chi ah saphunin kan khawsa ho tawh thin. Entirnan: hmanlai Berhvatea fa Saivate thlah thenkhat chuan Hmar lal an bel a, Hmar hnama insawi an tam ta mai. Chutiang bawkin,Saivate pianpui ngei, Chunthanga thlah te Lai (Pawi) lal bel a saphun te thlah zel chuan Lai (Pawi) a inchhal an tam ta; an lal belin saphun tawh an nih vang a ni thei, Saivate tawng leh Chunthang tawng erawh a inang reng thung! Saphun tur erawh chuan Zohnahthlak te inkarah chauh a ni thin bawk, vai emaw sap in emaw Mizo ah saphun a theih loh. Hnamdang (Mizo nilo) in Mizo ah saphun an awm e, an ti, an phuahchawp mai mai a ni, Zohnahthlak nilo a theih loh, theih ngaihna pawh a awm heklo. 😛
A tawp atan, ram awmna a hran a emaw, mahni tawngbil kan la hman vangin emaw, kohdan kan dan tak avang te ngawt vangin thlah hrang kan nih phah lo. Innih tir emaw, innih loh tir theih pawh a ni heklo, kan thisen, chhulkhat chhuak kan nihna vang zawkin pumkhat/thlahkhat phat rual lovin kan ni e.
December 4th, 2010 at 11:30 am
Tha pap pap ngei mai. “lo” tih aiah “to” a hmang zeuh zeuh khi typing mistake nge a dik ve reng ni ang te ka ti Magazine editor meuh a ni si a.
December 4th, 2010 at 11:34 am
He thil hi chu a buar chuar tlat. ‘ Mizo nih hi ka noum nawh, dit khom ka dit nawh ie, hmar kan na, hmar hai anga dinsouh hi ka noum khop el ‘ tuten emaw an lo tih tlat si chuan engtin nge ni ta ang le ?…NOI
December 4th, 2010 at 11:38 am
Tawng hian mihring hi min tipumkhatin min lo thendarh thei hle a lo ni!
Babel insang sak chungchangah khan a chiang hle:
Gen. 11:1 ah chuan “Tin, lêia mi zawng zawng chu tawng hmun khat leh thu sawi dân hmun khat an ni vek a” tih kan hmu a.
Chung mite chuan “Hawh u, khawpui siam ila, in sâng a chhîpina vân tawng tûrin sa bawk ila, kan hming i tithang ang u;….” an ti a a nih kha.
Nimahsela LALPA duh dan a ni lo!
Tin, LALPA chuan, “Ngai teh u, mite hi pum khat an ni a, an zain tawng hmun khat an nei si a; hei thil an ti tan a nih hi; tunah zawng an thiltih tum rêng rêngte pawh khapsak rual a ni tawh lo vang. Hawh u, i zuk kal ang u khai, tawng an inhriat tawn theih loh nan khutah khuan an tawng i zuk tihhransak ang u,” a ti a.
Chutichuan LALPAN anniho chu chuta tang chuan lei zawng zawngah chuan a tidarh a: tichuan an khawsiam chu an bânsan ta a. Chuvângin a hming chu Babel an ti a: LALPAN chutah chuan leia mi zawng zawng tawng chu a a tihhransak tâk avângin: chuta tang chuan LALPAN anniho chu lei chung zawng zawngah chuan a tidarh ta bawk a.
Gen. 11:1-9 ah a chiang hle
Chuvangin, tawng hi hnam ramri khamna pawimawh ber a ni ka ti lo thei lo! Inpumkhatna leh inthendarhna siamtu pawh a ni bawk.
Chuvangin, Zofate hian tawng thuhmun hi i hmang hram hram ang u! Kan tlem teh lul nen!
December 4th, 2010 at 11:38 am
loneeagle26016 i sipel sual niai nangin ka hrethiam tho e..a chhan nan chuan #4 last para khi ni teh se.
Chin Hills (Tahan a tello) ah khian India rama Zohnahthlak te tawng tualleng hman lar ber, Mizo tawng kan tih bik kher hi tawng tualleng (common language) anga hman rawtna a awm fo tawh thin. A tawpah an duhlo tlang leh nge nge thin, a chhan ni a ka rin chu India ram a mi te hian kan hmusit em mai a, mahni tawng bil la nei reng leh Mizo tawng upa la hmang ngat an nihnaah an thulh leh thin a ni maithei, te ka ti mai mai thin… 🙁
Chin Hills a Zohnahthlak te hi Mizoram population aiin a tam daih ania, han hmang tlang ngat ilang chuan khawvel hriat kan hlawh thei hial maithei a ni (tawng lamah ngat pawh)!! risk 😀
December 4th, 2010 at 11:42 am
#8, HV ..a last para khi ka ‘amen’ e…keini lam hi chuan a tlangpui thuin pawm theihlohna tur kan nei hlei nem..mahse hnam bil hote hian ka sawi ang rilru khi an pu ve leh tlat thin bawk atin ni…( ka sipel sual lo chuan ka hria 🙂 .. 😆
December 4th, 2010 at 11:55 am
Va han post tha thlap thlap mai em, he tiang thuziak dik leh tha han chhiar hi chuan keini chhimtawp lam a MIZO ho pawh kan mizo sawtin a hriat a lawm.Tawng vang mai mai hi chuan i in ti hrang lo ang u.Naga ho pawh khu tawng an ngah khawp a nia.An in banthen ve remrum lo.
December 4th, 2010 at 11:56 am
mi(sual)-ah hian hetiang lam post hi a tam over, comment ngeiawm leh inunauna tichhe thei phuh chhuah pawh a tam tawk over.
Admin chu ni ila hetiang lam Zofate inunauna tichhe thei comment kochhuak thei ang post hi chu ka publish miah lo ang 💡
December 4th, 2010 at 12:12 pm
tha dap dap hle mai….
December 4th, 2010 at 12:22 pm
Chin group chhungah khian zohnahthlak a chhiar tel hlei theihlo chi peng dang e.g. Naga te pawh an awm ve a ni awm e. Tin, Burma sorkar khian Chin te khi an tangrual ang tih a hlauh em avangin Zohnahthlak chipeng anga recognition neih pawh a phalsak hial a ni, chuvangin Chin Hills Province chhungah an lungrual ta lo nuai reng a nih khi.
Tin, Chin-Kuki-Mizo bikah hian Chin ho hian dominant group anga in ngaihna lian tak an nei a; chu chu Chin History hrang hrangah te hian hmuh tur a awm. Kuki ho pawhin tunlai hian tan an khawh nasa khawp mai. Tun hnaia Manipur University a Kuki history an release tur ah pawh dominant group an nihna an lantirna tur thuziak a awm nual.
Mizo te erawh Chin leh Kuki te angin engkima bul thut kan nihna emaw dominant group nih tum bikna hi kan literature-ah hian a awm lemlo in ka hria. Chin leh Kuki te inkarah moderator role kan play a nih ber chu.
Hnam inpumkhatna hian quantitative approach lam a hawi deuh ber. Chumi awmzia chu ‘mihring tam ila, tichuan khawvel hnamdangte mit hmuhah zah kan kai thei ang’ tihna lam a ni deuh.
A duh chu Mizo mai se ka ti. :happy: :happy:
December 4th, 2010 at 12:34 pm
@HV. .chin hills a zohnahthlak mizoram population aiin an tam daih I tih a zohnahthlak I tih ho khi, mizo tawng hmang ho nge an nih a tawng hran nei?
Manipur a hmar, paite, etc te khian mizo an inti ngai lo reng2 a nia aw
December 4th, 2010 at 12:43 pm
#14 Manipura mizo te khi tamtak chu inti mizo tho ve..Hmar leh paite bik thenkhat khi an sual riau a.
December 4th, 2010 at 12:44 pm
Chhangteval #14, Chin Hills ah chuan Mizoram a chengte chipui, Lai (Pawi), Hmar, Mara (Lakher), Lusei, Paite etc tho an cheng. Tawngbil an la hmang tlangpui a, an tawng te chu Mizo tawng tho niawm tak a ni. Mizoram tawng tualleng erawh a nilo, Mizoram tawng tualleng tawng upa hi Falam tawng tualleng a ni ber a, Falam tawng upa chu Halkha (Haka) tawng upa/hla thu a ni thung… ni berin alang.
Burma a Mizoram tawng tualleng hman tamna ber erawh chu Tahan niin Kale district, Kalewa township hnuaia mi a ni thung. Tahan ah pawh hian Lai(Pawi) leh Paite, Mizoram tawng tualleng hmang an awm teuh mai. Mak deuh mai chu Tahan a Lai (Pawi) ho Mizo tawng kan tih tak deuh kher hmang ho khian, Mizoram a chengte ang tho hian an tawngbil la hmang te hi Pawi, Paite tiin hnuaichhiah takin zuk ko hlawm a mawle, an chipui te ngei ngei an ni si a. Mizoram a chengte pawn chutiang tho rilru chu kan pu niin alang.
#4 na khi lo chhiar chiang ve teh khai.
#cotdarz, eng hnam nge i nih, Sailo nge, Kawlni nge enge?
December 4th, 2010 at 12:45 pm
Enga ti nge Lalrindiki Khiangte hian Lalrindiki Mizo a intih mai loh?
Ans: David Beckham paw’n David English a intih loh hi
December 4th, 2010 at 12:46 pm
kala chhiar zolo mahse ka chhiar chin hi dik kati lutuk,,,
‘Mahse…’ a awm hi chuan a la buarchuar hle tihna a ni a. Mizo theuh zingah hian ‘Mizo/Luseii Tawng’ hmang thei tote chu kan enhrang nghal zel mai a. Anni pawh an inlahrang deuh zel tih hi tu phat rual a ni lovang. Hei hi engnge a chhan ni ang? “Mizo an nih chuan Mizo Tawng an thiam tur a ni a. Mizo Tawng an thiam loh chuan Mizo an ni to tihna a ni mai,” tih ngaihdan kan neih vang a ni.
kahan chhir zom leh loks ane 😮
December 4th, 2010 at 12:47 pm
Mizo leh zo lovah hi chuan kan la buai jel dawn anih hmel khawp mai. He thu ziak hi a tha lutuk tlat, duhlian tawng hman loh vang ngawta mizo anga kan ngaih loh ringawt zel hi chu bansan a hun tawh e. Mase keini in a kan va hmuh mizo tum em2 eg. kuki te ang hi chuan mizo ah an in ngai ve chuang lo….kan zirna hmun ngei ah pawh hian a hriat khawp mai… inlungrual zawng a har alo nih hi…. 🙁
December 4th, 2010 at 12:51 pm
shabito, Burma a Naga ho chu Chin ti ve lovin, Naga an ti mai 😀
#4 khi uluk takin chhiar teh u… Mizo nih hi a hahthlak thin ngawt mai. Duh in nihtir/duh lo innih loh tir te kan tum thul.
Kan vervek a, hma kan sial bawk a, kan chapo em a nih hi huiham. Gorkhali leh Nepali ho an buai lova, Austrian leh German an buai heklo, ram hranah an awm a, inkoh dan a dang tih an hai lo, thlah khat an nih an hre hle bawk.
Adolf Hitler pawh kha Austrian (by birth) a nih kha. Aryan hnam fir tak an ni a, chuti chung chuan an thlah chhanchhuak turin ram hran a mi an thlang tho, an ngai hrang ve hauhlo. “Nang chu Austrian i nia, German tak2 pawh i nilo,” an ti hauhlo, chipui an in hai ve lo, an ropui reng a nih hi.
December 4th, 2010 at 12:53 pm
Khai a, a ziaktu phalna la lova lo chhuah chhawn tawp mai chuh… A ziaktuin a hriat hunah i buai ange
December 4th, 2010 at 1:04 pm
india leh Pakistan pawh hi Indian vek…
Mizoram a chengte chu Mizo an ni a,an tawng chu Mizo tawng tih a ni..tih hi kan kalpui dan tur aniin ka hria.
Chu chu kan lungrualna ni thei se. Kan vannei em em, Mizo te tan bik ram huam khat,state pakhat kan nei te hi kan lawm tur a ni, a chhung a chengte inpumkhat that lehzual nan tawng pakhat hman hi kan tum tlat tur niin ka hria.
December 4th, 2010 at 1:10 pm
@HV a bengvar thlak khawp mai, I zarah zohnahthlakte kan tlem lutuk loh zia k lo hria a. Mahse tawng khat kan hman hma chu kan lungrual dawn lo niin a lang. Entirnan hmar, hmar tawng thiam toh lo ho te hi chuan mizo tihah hian an lungawi em2. Chutiang bawkin manipur a hmar ho hi chuan mizo inti lovin hmar an intih daih khi! Heng ho hian mizo tih tawngkam pawh an hmang duh lo ni berin a lang, keini mizote hi anni cu ‘luseite’ min ti kher zel.
December 4th, 2010 at 1:11 pm
“Chhinga Venga khawsa Lalthanga pawhin tunhnai January 28, 2006 khan Vanglaini ‘Chhiartute Thukhawchang’-ah khan: “Mizo tawng hi mahni pianpui tawngah in hman loh a, in chibing tawng in hman tal chuan in bula miten an enhrang zel ang che u,” tiin a ziak a. ”
A mawl heihui hle mai Lalthanga chu, an chibing tawng an hmanlo leh sap tawng an hmang dawn ami??
Chibing tawng hmang vanga an enhrang che u chuan enhrang ve mai tur. >:<
December 4th, 2010 at 1:19 pm
@24 Chhangteval:
“Manipur a hmar ho hi chuan mizo inti lovin hmar an intih daih khi! Heng ho hian mizo tih tawngkam pawh an hmang duh lo ni berin a lang, keini mizote hi anni cu ‘luseite’ min ti kher zel. ”
Manipur Hmar ho in Mizo inti lovin Hmar an inth daih na chhan chu Hmar anni tlat a lawm le, Zo leh Zo karah chuan Hmar kani, lusei kani, Lai kani ti hi a pawilo reng reng..
Hmar kani a ti chuan Mizo ani kan hhretheih nghal a, a tha jok fee in ka hriah.
Lusei ti hi a huah kan tam em em hi a pawi khawp mai, lusei or lutawi vanga Mizo tur kanni lo.
December 4th, 2010 at 1:21 pm
Chhangteval #8 2nd para khi i chhiar em aw?
Ani ngawt asin, tawng tualleng neih hi chu pawimawh tak a ni. Naga ho pawh hi an hnam tawng bil an la hmang thei tlangpui. An hnam an han fir zia chu an hnam puan (shawl) lo chu an bat tha duh miahlo eg: Angami in Sema shawl a bat zen zen lo ang. Mahse, tawng tualleng an nei tlat mai khuan a ti tangrual hle niin angaih theih!
Mahse, kan ti leh hram teh ang. Manipur lama Naga ho (Manipuri Naga) Mao, Kabui te Kamei etc te ang hian Nagaland tawng tualleng (broken Assamese) hi an hmang miahlo, Burma a Naga ho pawn an hmang chuang heklo. Zohnahthlak te angin an in en hrang ve miahlo hi an fakawmin an awhawm thlawt a ni.
Ka hmuh dan chuan Zohnahthlak te hi chapo em em ringawt kan ni a, Mizorama cheng te hi kan chapo zual em em mai niin ka hre bawk. Hmar tlangdung te, Chhim tlangdung ang te emaw a mahni tawng bil la hmang te kan hmuhsit leh en hran deuh thin avang hian tawngbil la hmang te, khua te te a la bawr ho hian Aizawl tawng tualleng hi hman an duh vak loh bakah Aizawl lam tawng hi ‘Mizo tawng’ tih a lo ni kher bawk nen hian Mizo nih duh lohna an thinlungah a siam pawh ani theiin ka ring a ni. In koh dan dang mah sela, thlah khat kan nih erawh tuman kan pha thei lovang.
In kohdan ah hian i buai lo teh ang u, chi khat kan nih ang hian inen mai zawk teh ang u. Zohnahthlak tam berna Chin Hills a mi ten Mizo intih an duh lo a a theih tawh bawk hek loh, Mizoram a mi ten Chin intih kan duh dawn heklo, chutiang zelin. In kohdan hi chu in kohdan a ni mai eg: Nepali leh Gorkhali te ang… mahse hnam khat kan nih avangin tanrual i tum tlat zawk ang u.
john.puia #26 “Manipur Hmar ho in Mizo inti lovin Hmar an inth daih na chhan chu Hmar anni tlat a lawm le, Zo leh Zo karah chuan Hmar kani, lusei kani, Lai kani ti hi a pawilo reng reng..” a dik
December 4th, 2010 at 1:29 pm
Post tu leh HV te hi an dik. Kei pawn ka pawmpui. Mahse Mizoram state a kan Mizo pui tam zawkin min share si lova, a sawt chuang lo ani. Mizo tawng leh hming tawpa ‘a’ leh ‘i’ awm te hi Mizo nihna ti chiangtu a ngai an tam mai. Tam zawkin an ngaihdan chu sawhsawn theih mai ani lo. Chu bakah an tamna deuh ah chuan “Zohnahthlak” in tih mai ho hi an in tihrang khanglang thin si a.
Msvision (No 11) sawi ang hian he issue hi a lang zing lu deuh. Ninawm ah a kal.
December 4th, 2010 at 1:33 pm
Sony, hmanlaiin ‘a’ leh ‘i’ hi an hmang ngai em ni le, Vailen bawr vel a an hman tan mai a nih ka ring tlat nia mawle. Hla thu, hlui zual deuhah te chuan a tel ngai miahlo asin.
Thangthar te an tan viau loh chuan hnam ral tur kan nih ngei ka ring.
December 4th, 2010 at 1:35 pm
@Sony: “Chu bakah an tamna deuh ah chuan “Zohnahthlak” in tih mai ho hi an in tihrang khanglang thin si a.”
an in tihrang khanglang nachhan chu, lusei (duhlian) tawng hmanga an mahni tawng theihnghil vek turah duhtu kan tam em vang ani. kan lo enhrang khanglang hmasa vang a ni bawk e.
Kan chibing tawng theuh chu kan ngaina tur ani, kan vawngthat tur a ni bawk. Pathianin kan tawng tura a ruat chu phatsan mai lovah vawng nung tang2 tur jok kan ni.
December 4th, 2010 at 2:22 pm
@30 . .an in tihrang khanglang nachhan chu. . .an in tih hran khanglan nachhan chu tihin ziak ta zawk laB-) NOI
December 4th, 2010 at 2:29 pm
bored… bored to the bone with this topic….ka hla phuah anih hi 😀
December 4th, 2010 at 2:34 pm
mizoram mizo te hian inpumkhat hi kan zo don mo ni le o?? Manipur naga hoin nagaland an tih buai dan te hi in hmu ve em ??
December 4th, 2010 at 2:39 pm
lefti, inpumkhat tak2 hi chu a harsa lam tawh ang, rampui hrang (country hrang) a awm kan ni tawh. Mahse, unau hmelhai erawh a sim theih ang. Ka comment ho khi khawngaihin uluk deuhin min chhiar sak dawn nia. Ka lawm e 😀
December 4th, 2010 at 2:50 pm
tha khawp mai…. thil pakhat tawng thuah hian tuna mizotawng kan tih hi lushei tawng chauh a ni bik em ni? mi thenkhat sawi dan chuan a tam zawk hi chu lusei tawng nimahse hnam hrang hrang tawng inpawlh a ni….. a dik mai lo’ng maw??????? 😕
December 4th, 2010 at 3:01 pm
Han comment chur chur teh u. Ka lo chhiar dap dap zel ania.
December 4th, 2010 at 4:12 pm
keipoh le pu hv,,,socio-cultural inpumkhatna(=integration?)a ni ber a nih chu mo,,,indo leh inhuat ai chuan a tha e 🙂
December 4th, 2010 at 4:12 pm
keipoh le pu hv,,,socio-cultural inpumkhatna(=integration?)a ni ber a nih chu mo,,,indo leh inhuat ai chuan a tha e 🙂
December 4th, 2010 at 4:41 pm
Bel keh phuar khawm a hnam tuam tuam.
…khrum
December 4th, 2010 at 4:50 pm
‘Lusei leh Duhlian’ hi thil thuhmun or inang sawina em ni ? Lusei (Duhlian)’ tawng ti lovin Lusei(Mizo) tawng tih tur a ni lo maw ? Fiah deuh zawkin a sawi theih em aw…(NOI)
hei hi ka lo dah mai mai…
http://www.chhaktiangzirlaite.info/viewpost.php?post_id=101
December 4th, 2010 at 4:58 pm
” Van Lal nau ang a tahna Kalvari-ah an dang chuang lo ve” tih hla sa thintute chu ka nih si hi maw!! :rolleyes:
December 4th, 2010 at 5:17 pm
ha ha ha nilenga duhlian leh Lusei tih vela lo buai
December 4th, 2010 at 6:07 pm
Pu H.V, Marki Pa (F.K.Lehman) te nen lo inkawm thin teh u, hemi chungchangah hian; tuna i rilu put dan ka hriat dan hi chuan i ngaihdan thlak thuaina tham a awm ang.
“Ethnicity Theory, Linguistic and Chin Identity” tih Marki Pa ziakah khan “…the Chin was some sort of independent unit or country including Naga and so on” … same article ” As to ethnic names and how to choose them in current politics, I have little to say, but I have one suggestion. Namely, that may be the word Chin might be preferred, not only because it is already known world-wide bur also because, as i have shown above, Zo carries with it a long history of a disticntion between being a ‘minority’ people in the context of civilization, a connotation that may not be useful to-day”
Chin tih nge Mizo/ Zo tih angin kan dinchhuah i duh zawk tih i ngaihdan ka hre duh e? 🙂 🙂
December 4th, 2010 at 6:30 pm
A ni ngawt mai… Chhimlam tawng ti a, kan “T(ri)” lam uar deuh pawh fiamthu thawhnan a tam zawk chuan in la hman t(r)al hi. In nuihsawhna hian inpumkhatna chu a hnaihlo viau in ka hria.
December 4th, 2010 at 6:43 pm
Bengvarthlak hle mai. Mizo hnam tichhe lo zawngin comment pe thei hlawm ila. Chutilo chu Misual.com hi a lar nasa mai si a, Hman bil ho rilru kan tina hlauh ang e. 😕
December 4th, 2010 at 6:54 pm
‘Mizo’ tihin nge ‘Zo’ tih zawkin emaw, ‘Chin’ or ‘Kuki’ angin unification hi kan duh ber tih hi hriat hmasak a tul em em tih ka sawi leh duh. Hemi support turin Chin leh Kuki te scholar ho ngaihdan pawh tarlan tur a awm zel ang.
In tih ‘Chin’ emaw, ‘inti Mizo ru’, ‘i kuki dial ang u’ tih lam a ni lem lo.
Intih Zohnahthlak hi a sawt lemlo, rilru hmunkhat kan pu lo tih a chiang em mai 🙂 😀
December 4th, 2010 at 7:29 pm
Ni e, Shabito, a dik a ni.
December 4th, 2010 at 8:03 pm
@lrpa, nangni chu zo online Community-ah in tel tam Zo inti ho rilru put dan pawh a hre ber tur in nia. Ka duh ber chu ‘insuihkhawm’ hi a ni tho tho. Mahse, chungnung zawka in ngai chung chuan engmah hi kan huikhawm dawnlo tlat a sin. A chang hi chuan ka thi8nrim leh thut thin.
December 4th, 2010 at 8:18 pm
In discussion atanga off-topic daih k lo soi…aw??
Mizo anga awm chu mizo an ni maiah ka ngai a, mizo en in ka en a, mizotawngin ka be mai…mizo nilo anga awm chu mizo lo angin ka en a, english / hindi in ka be mai.. I hnam atangin zohnahthlak chuti khati i ni, k ti buai peyh lo a, an nihna lamah ka buailo……
December 4th, 2010 at 8:18 pm
@shabito: A dik e.Mizo, Mizoram amite hi kan chung nung bik em em a,kan hmel that vang emaw kan fin vang pawh niloin ram, Mizoram kan neih vang a ni. Thik tham ani (?)!!
Hei vang hian kan kal fimkhur angai a, hlauhthawn awm chu mahni leh mahni a in tih chhiat buaih thei a..i hrethiam emaw..!
Kan ram hi kan ven a ngai a, chintawk lek nei a inpumkhatna pawh kalpui a tul hial mai thei.
December 4th, 2010 at 8:19 pm
Naya New page thar
December 4th, 2010 at 8:20 pm
December 4th, 2010 at 8:28 pm
Bengali Mizo min va sawitel lo ve, duh leh Zangkawltuk Mizo inti daih teh ang :lol:
December 4th, 2010 at 8:37 pm
@lrpa.. India ram, Mizorama chengte hi kan chungnung lo lutuk zawk hi a lawm tuna kan buaina; chungnun tumin hmalakna tumahin an nei heklo. Kuki leh Chin lamin chungnun tuma an beih trang2 laiin Mizorama mi te chuan ‘Unification’ rilru takin an lo thliar thin a sin.
Eg. Kuki scholar ziakah chuan ‘Kuki-Chin-Mizo’ a ti ang, Chin scholar chuan ‘Chin-Kuki/Mizo-Mizo/Kuki’ a ti ang Mizoram atanga ziaktu chuan alphabetical order-in ‘Chin-Kuki-Mizo’ a ti zel ang; lo chhinchhiah thlap teh ang u.
December 4th, 2010 at 8:53 pm
Misual.com user ho chu kan va dawih ta sawt ve mawle, hnam thil chungchangah a thluak tha tha in ngawih in chuh bawk si a. Lawrkhawm.com lamin inhnial pui turin kan cho che u
:lol:
December 4th, 2010 at 8:59 pm
kan chiang theilo e mai….soundtrack ka pe mai teh ang
https://www.youtube.com/watch?v.....re=related
death-lack of comprehension
December 4th, 2010 at 9:02 pm
@chabeto, pawr viau suh o.. Chepahakhata’n dik chuang miahloin a ron correct leh che ang a, i ngoi leh kur mai ang..lolzz
December 4th, 2010 at 9:05 pm
manghta all…happy high weekend
December 4th, 2010 at 9:08 pm
Rempuii Chaicheh…kan ti nek nek a December chu kan thleng leh ta reng mai; Mas hunah i hawihil tawh dawnlo ti raw
December 4th, 2010 at 9:08 pm
MangHTA!
December 4th, 2010 at 9:10 pm
@chabet, na tum jaano na hum
December 4th, 2010 at 9:13 pm
Rempuii Chaichep…tum kaun jaane kaha jaii gaaaa? :lol: :lol: :lol:
December 4th, 2010 at 9:16 pm
@♫®ëMþÝ__Š©i๕๕☆R♫: Comment atang khian i thusawi 1 hriatchhuah ka nei…
Hei hi i tan, ram leh hnam tan..Kuch kuch haw ta hai…. :lol: :rolleyes:
December 4th, 2010 at 9:16 pm
Mr.H.Vanchhia ka full support top. He topic ziak tupa nen hian. Tuna Mizo a la chiang lo te hi kum 20 hnu ah an la chiang lo reng ang em le o… te ka ti mai mai.
December 4th, 2010 at 9:16 pm
Lolz….what a hindi..! :lol:
December 4th, 2010 at 9:19 pm
Keipoh dum leh var a site ah k ron dak ker ker teng..chabeto..
December 4th, 2010 at 9:21 pm
@sparta,Tuna Mizo a la chiang lo te hi kum 20 hnu ah an la chiang lo reng ang em le o
Enge a awmzia?
December 4th, 2010 at 9:22 pm
Het sale Hindi ham nai malum tha.
December 4th, 2010 at 9:24 pm
Rempuiin Chaicheh hmangin chep hlawk ang :lol: :lol:
December 4th, 2010 at 9:26 pm
chin/kuki i ni min ti se ka duh teuh lo mai. chin/kuki te pawh hi mizo i ni va tih tlat hi an duh bik teuh lo!
tichuan….
December 4th, 2010 at 9:31 pm
Bible tan chhana Babel in sang chanchin tan chhan a Pathianin tawng khat hman phal lo leh inpumkhat phal lo ang a rawn sawi ve ziah hi a dik lo khawp mai!
Babel In sang a Pathianin mihringte tawng a tihhran sak kha chu inpumkhat tir a duh loh vang a ni lo, Pathian do zawnga thiltih an tum vang leh Pathian thupek Genesis 1.28 ami (A Mizo tawngin ka vawng si lova, mizo Bibul online ka hmu mai bawk si lova a Sap tawngin rawn ziak mai ang) 28 God blessed them and said to them, “Be fruitful and increase in number; fill the earth and subdue it. Rule over the fish in the sea and the birds in the sky and over every living creature that moves on the ground.” tih kha zawm an tum loh vang a ni…
Pathianin mihringte inpumkhat tura a duh si loh chuan engatinge Galatia 3.28 ah (Sap tawng thovin, Mizo Bibul ka kawl hnai mai lova) “There is neither Jew nor Gentile, neither slave nor free, nor is there male and female, for you are all one in Christ Jesus.” a tih leh daih si?
Hnam hrang tawng hrang pawh inpumkhata awm turin Pathianin a duh a ni si a…
December 4th, 2010 at 9:41 pm
MIZO tih thumal hi a tobul chiang taka hriat ni lo mahse official taka hman tan chu Mizoramin District status a hmuh 1950 bawr vel kha a ni (a hmain an hmang tawh mai thei), mahse chumi hmain Chin, Hmar, Kuki, etc tih hi hman a ni daih tawh… Chuvang chuan Hmar, Kuki, Chin, etc te hi Mizo hming pawm vek tur leh Mizo tawng (Lusei tawng) hmanga anmahni tawng (dialect) bansan vek tura kan phut hi a dik ber dawn ami? Chutih rualin Mizo tawng hi thiam ngei se a tha khawp mai, anmahni hnam bil tawng theihnghilh chuang lovin..
Lo inti Mizo loh mahse Kan inunauna hi an hai bik lo, Chin ho khi chuan Zomi an ni tih an pawm bawkin ka hria… Unau leh unau inhmuhsit te chu thring lutuk!
December 4th, 2010 at 11:17 pm
Lal Shabee… I chiang lo ti dawt ila… i duh awm si lo va. Kan hmuhdan a in ang lo…ka chi mai ang
H.V hi chu ka thlawp chiang a lawm…
December 4th, 2010 at 11:23 pm
Ka comment a luhtheih loh chu le,…mai mai sala.
Lut raw pip…. :lol: :lol: :lol:
December 4th, 2010 at 11:49 pm
Lotha,Angami etc ten Naga kani lo an ti lo.Mahse Kei ni Zohnahthlak zing ah hian MIZO kani lo ti hi an awm deuh chuan ka hria. Hethil sawi chhuah a piang hi chuan…In cha chhuah a chak awm mai thin…Mizoram a Sorkar hna zawn nan in ti Mizo Ram pon a in ti lo kan kat nuk ang mawleeeeeeee.
December 5th, 2010 at 12:11 am
Mizoram hi Mizo te ta a ni tih mai hi a tawk e..ka sawi sei vel peih tawh lo..
December 5th, 2010 at 12:24 am
post hot zual lai ka rawn nang hman lo nimaw…va ui e…
eng tawng pawh lo hmang se a pawi lo mahse..as a whole a koh nana Mizo tih hmang duh lo ho/Mizo tih lai tak pu hreh deuh tlat ho hi chu en unau har ka ti kher mai,MIZO tih lai taka an luanluh ve duhloh na na na chuan ka hmu alien lo thei lo,kan zo pawh ka ti lo, hnahthlak deuh ringawt ho hi
December 5th, 2010 at 3:57 am
Hnam inpumkhatna hi hmanhmawh lutuka in nawr buan buan hian rah thra a chhuah lovang. Tunlai hian Mizo tawnga lehlin Film hian ram a la sa mek a nia. Chin Hills chhim tawp lamah pawh hnamdang film lar te hi tawng hriat lohva en ai chuan Mizo tawng an hriat thiam tlanglawn bera en hi an intih hmuh tawh viau a ni.Kan thih hma ngeia inpumkhat hman leh a rah hmuh hman tum lovin zawiawi deuhva tih a thrat ka ring tlat.Mizoram pawnah hian Zohnah thlakte hi a chibing te tea ram nei leh a binga khawsa threuh an nia.
An nu leh pa thrangah chuan mizo tawng hi hmang lomahse thangtharte chuan an thiam tan viau tawh ania. Mizorama an lo zinin emaw, an chen hlenin emaw an thiam vat lo a ni mai thei khuareiah chuan an faten mizo tawng chu an thiam em em ang. A dik tak chuan Lusei Hnahthlak diktak te zawk hi an ngawi mai mai zawka Mizo inti zinga Lusei nilo mizova lungawi em em inti si ho hian mahni chipeng pui, mizo tawng la ngaina zan lote hi an hmusit hliah hliah thrin a. Hei hian inpumkhatna a dal hlein ka hria.
Chin State chhimlam dep Arakan ramah pawh khian chin/mizo hnah thlak maktaduaih 10 chuang fe an la awm mek a. Budhish sakhaw bia an nih avangin Rakhaing hnamah an chang zo tep a, A thren Christian a in let te chuan Chin hnamah an in chhal leh thei thrin a ni. Chuvangchuan, Missionary atam thei ang ber tirh a lak let leh hi a thrat viau ka ring.
December 5th, 2010 at 4:09 am
Chipeng dang tawnga an tawng i hriat hunah.”Ekhai! I tawng hman chu a va mawi em! Nangzawng in chipeng tawng i la thiam em em a Mizo tawng i thiam viau tho awm si a i vannei bik hle mai.” tiin fak zawk thrin la Mizova la tuizan lo a lo nih pawhin zawi zawiin i lamah i hip thei dawn nia.
I HUIKHAWM LOH CHUAN I TIDARH A NI.
December 5th, 2010 at 4:21 am
wonderboy #71 ka comment hmasa lam kha chhiar ve teh
December 5th, 2010 at 8:32 am
@lrpa…T.T.Hoakip, Associate Professor (Pol.Sc), NEHU, Kuki scholar chhuanvawrin “Contesting Nomenclarure:The Kuki-Chin-Mizo of India and Burma” tih a ziak hi dan a tang ringawt pawhin Kuki word a dah hmasak hi a hmuh theih reng a lawm mawle. Chin/Kuki dah hmasak leh hmasak loh ringawtah pawh Chin scholar leh Kuki Scholar te chu buai ru lutuk an nih zia hi a chiang lutuk. Chuvangin, insuihkhawm hi chu kan la hlat lutuk tlat.
Mizo nih mai hi a tawk viau a ni.
December 5th, 2010 at 8:48 am
shabito #82, Mizoram ah Mizo, Burma ah Chin, Assam ah Kuki etc koh kan ni. Thlah khat mai bakah chhulkhat chhuak erawh kan ni e. Koh dan hran vanga in sawi hran tum hi a TUT LUTUK.
In vaiin: Nepali leh Gorkhali te hi chhulkhat chhuak an nilo inti thei a nih erawh chuan, hnial ngaihna ka hrelo ang che u. A nih loh chuan koh dan a hran vangin emaw, Mizo/Chin/Kuki nih kan duhloh vang maiin mi hrang kan nih phah lo tih hi chapo a tang tun lovin, thudik hi DIK ah pawm mai teh u.
Lai (Pawi), Mara, Hmar, Thado, Paite (Teddim), Lusei ho khan hre vek rawh u.
:rolleyes: tam tak in zahpuiawm lutuk hi ka zak :((
December 5th, 2010 at 8:58 am
Pu H.V….ka sawi tum hi in manlo deuh zawk emaw chu aw ka ti hial mai. Chin/Kuki an nihna hi kan question reng renglo. Anmahni zawkin dominant group anga an inngaihna hian insuihkhawm kan hlat zawk daih a ni tih hi a lawm ka message chu le. Chin Scholar, Lian H.Sakhong an ‘The Origin of the Chin” tih a ziakah chuan “Different tribes and groups of Chin kept the tradition of ‘Chhinlung’ in several versions; the Hmar group of the Mizo tribe, who now live in the Mizoram state of india, which I refer in this study as West Chinram, have traditional folksong….” a ti hial a sin.
Anmahni zawkin Mizoram hi West Chinram an tih zawk khi mawle.
December 5th, 2010 at 9:00 am
Insuihkhawm a theih kher tawh lo ang mahse, unau kan nih hi hai loh a tha. Khawngaihin ka comment zawng2 khi min chhiar sak ta che …. i peih chuan hairehai
Ka comment hmasa lamah khan Aizawl lama kan tawng tualleng pawh Chin Hills ah hian tawng tualleng atana hman tumna a awm fo tawh tih ka ziak …read.
Chin Hills/Mizoram/Assam/Bangladesh ah hian kan lo indo thin vang nge ni dawn, intih hran/insawi hranna hi a awm fo, a khawi lamah pawh hian. Kan hrang theilo tih hria te hian kan missionary hna ah neih angai reng a ni. Kharbi lam ka sikul kalpui thin te… Haflong lam etc etc ka hriat te chuan thlah khat kan nih an hai thaks lo.
‘Mizo tawng upa’ kan tihhi Falam ah chuan tawng tualleng a nih te kan hria em? Falam hla thu etc te hi Halkha (Haka) tawng tualleng a nih kan hria em? Aizawl lam tawng tualleng hi Hmar, Paite, Lai (Pawi) tawng chawhpawlh a nih kan hria em?
December 5th, 2010 at 9:04 am
Sawi sawi tawh suh u! :lol: kan inlungrual leh insuihkhawmloh dan tur zia chu comment 86 chhung lekah pawh (nick 40 vel..) kan thu a inhmu thei lo a nia.. hahhaa hairehai…
A tawp nan… a thupui zawhna chhannan : Inpumkhat hian eng chin nge a huam aw..? tuna kan awm danah hi chuan kan lo la inpumkhat lo tih a chiang e… inpumkhatna tura tha leh tui sengtu tam tak karah inpumkhatna lam ho lova, mahni hnam leh tawng chawi lar deuh deuh tum te pawh an lo awm ve zel zawng a nih hi maw…. khawvel hi
December 5th, 2010 at 9:04 am
Already done!! A puitling hlawm khawp ka lo tia. Ni e, insuihkhawm hi a theih tawh pawh ka ringlo. Mahse, ramdang leh hmundanga inhmuh hi chuan kan inti unau thei zel a, hei tal hi a la tha e
December 5th, 2010 at 9:08 am
#85, chhunzawmna
Chin Hills leh Kalewa township a Tahan khua, Khampat etc a Zohnahthlak te hnam hming hi Mizoram a cheng te hnam hming ang tho a ni tih kan hria em aw?
shabito, Mizo tawng hrang2 hi ka la ti thei nawk hlawm a (fluent em em lo mahse) tawng bil hmang te kiangah pawh ka tlangnel awl khawp mai
December 5th, 2010 at 9:15 am
open question…khawi ah nge chhinlung hi a awm?
December 5th, 2010 at 9:50 am
A va tam ve……
. A in tai-te zawnga tran khawh tlat an awm leh pek a ni maw :lol: . Mizo ka ni a kei chuh :lol: :lol: :lol: .
Physical evidence hmuh tur leh chhui tur a awm tak si lovah chuan tawng hi in nghahna kan neih chhun a ni si, mahse chumi lah chu truth(dik) tehnan a derthawng ber a ni loi si.
Tawng hi kum tin/thla tin a danglam chho, hmasawn a ni zel bawk si nen, chumi karah minority feelings nei a kan tawng ti a vawn nun lo duh ve bawk te nen hian remna siam hi a har khawp in ka ring.
Chung zawng pawh chu tihfel lo ni ta ang se…….A tawp a koh dan tur Zomi tih leh Mizo tih ah in la buai leh thovang……Hahthlak a ni e :lol: :lol: . A hming a buai chi hi awm ve reng a nih awm hi maw Lolzzzz.
December 5th, 2010 at 5:23 pm
@82. Eeee..Vungpi pa chu lehkhabu te a ziak ve a ni maw! a dik ang, kuki ho hi an kuki khawp mai. A hoakip ho phei phei hi chu haokip tak an ni
December 6th, 2010 at 2:40 am
Helamah pawh hian kan buaina ber chu maw Mizo tih kher hi a lawm.Manipur lam chhuak Kuki ,Tghado,paite,vaiphei etc ho hian nangni mizoho tiin Mizoram lam chhuak ho chu min ti deuh kher zel.Kan mizo tawng luei/duhlian te hi an hmang duh thlatlo.
An chaw nghei mai tur kan chhan chhuah ho takngial ho pawhin an hnampui pawh nilo kukiin vaiphei hnenah mizo tawng hman loh tur te an tih tlat chuan buai thlak duh khawp mai.