Pathian hruaina azarah hei December thla chu kan lo chuangkai leh ta der mai le. Boruakah masi rim a leng tan ta a, hmuhtheih mai turin Tlangsam leh Japanhlo te pawh an par vul leh ta chuk mai. Lalpian hun lawmawm tak chu kan thleng leh tep chu a ni ta reng mai. Kan thinlung Bethlehem bawngin tlawm lam hawiin kan sen theuh in a rinawm. Misual.commers te pawh in he hun lawmawm denchhen hian hmalakna thatak bawhzui mek a ni a, a lawmawm takzet a ni.
Tun kum krismas hi engtin nge hman i tum le. Kum dang, U-A-MA kha leh chen i lo hman ral tawh thin ang tho khan em ni i hman dawn? Krismas hi kan urlawk nasa hle thin a, kan ur nasat luatah a boruaka chen ral mai hi a hlauhawm hle a ni. A ni a rawn thlen meuh hi chuan U-A-MA chu a ral a ni ve nghal mai thin si a. He hun lawmawm, Krismas kan hma lawka thlasik anga khel lo a lo thleng mai tur hmang tur hian i rilru leh ngaihtuahna, hun leh sum leh pai, leh i thiamna, theihna leh finna te kha engtia hman leh semzai nge i tum le.
A hmasa berah chuan mahni inngaih pawimawh hmasak ber a tha ka ti. He hunah hi kan thlarau nun chaurau ve tak te tuaithar lehna hun remchangah hman tum ila, chu chu nitin in chhawmnun zui zel i tum bawk ang u. Krista zuitu, ringtu inti ve si hian kan nun hi a NUNG lo palh ang tih a hlauhawm hle a ni.
A dawt lehah chuan chhungkua i ngai pawimawh leh ang u. Chhungkaw tan a hun tha, Pathian pawlho na hun remchang, inhrang chang tawhte intlawhkualna hun leh thianghlim taka inpawl hlimna hun, malsawm tlakah hman i tum ang u.
Chumi dawt lehah chuan mite tan malsawmna nih i tum ang u. Kan tlintawk leh phak chinah theuh mi chanhai leh pachhe zawk te tan kawng hrang hrangin, malsawmna hrang hrang kan dawn ve ang ang te hmangin Lalpan malsawm ruah a sur tir thei a ni tih hi i hai lo vang u. Heti lamah hian kawng a inhawng zau lutuk a zawh tur ber zawk hi kan hre lo fo thin. Mizo te zingah pawh hian khawpui a seilian thalai tamtak hian thingtlang leh dai kil kara kan mizopui thenkhatte retheihzia ( tu huatthu ni suh se lang) hi an hre hauh lo ang. Hawizau deuh a chik zawk a thlir chuan hmalakna tur hi a tam teh a sin; kha leh chen kha tuman misual.commers charity te pawh chutin an ngaihtuah vak lo a ni ngei anga!
A chunga kan sawi tak ang khian kohhran hun ruat hrang hrangah te lawmna thinlung pu in chhungkima tel dial dial kan tum bawk tur a ni. Chhungkaw tamtak chuan phai lamah fa te an dah a, krismas chawlh hun lai bak inhmuhkhawmna tak tak kan nei ta meuh lo. Chutiang tan a hun remchang chu Krismas hun hi a ni. Kohhran tamtakah hi chuan hruaitute an fing a, chhungkaw tana remchang tur a programme duan te hi a nachang an hre tlat tawh. Tin khawtlang hruaituten mitin ten hun thawl leh nuam, zalen taka kan hman theihna tur a ruahmanna an duan ang te hi zah thiam a tha hle bawk ang.
He hun lawmawm lo thleng turah hian; Mahni nunah theuh Pathian pawlna thar leh tun ai a nasa zawk a a rawngbawl turin inhlanthar i la, kan hmangaihte – nupui/pasal, fanau, chhungkua te nen hun tha insiam ila, Pathian nung ringtu ten kan tihtur amah chawimawi leh a tan a hun serh hran ngai pawimawh bawk ila, kan phak leh tlin tawk te te a midangte tan a malsawmna ni thei bawk ila, thildang zawng chu a hun leh a hmun a zirin a rawn inhril zel tawh mai dawn a ni.
Ka sawi ta duah a, misual members kum lama upa leh thlarau nuna puitling tak tak te chuan in hriat leh in tih mek te pawh a ni ngei ang. Kan nun hi kawng tinrenga, “Thlarau hruai nun, rah tha chhuah” a ni thei a ni tih hi kan theihnghilh mai loh nan tiin ka han ziak rang ve leh nuaih mai a ni e.
Krismas leh Kumthar chibai theuh u le.
December 6th, 2010 at 5:35 pm
comment phawts
December 6th, 2010 at 5:36 pm
Ka la hrelo
December 6th, 2010 at 5:39 pm
a tlachawp in…
December 6th, 2010 at 5:43 pm
Khumlaizawlah krismas ka hmang dawn…lol… 🙂 😀
December 6th, 2010 at 5:53 pm
Kan omna lamah poh thlasik rim a nam ve tran tohh… Dai leh serthlum leh hnah ro leh vun ro leh khawvot te hi a ti thlasik tu…
Kei anga exam leh class neitur leh haw lo tur tan cuan thu chhiar hrehom leh ngaihnom bok c a ni leh ta..
December 6th, 2010 at 5:57 pm
OT loks: khawngngaih in sertawk hi vai tawngin enge min hrilh thei in awm em?
December 6th, 2010 at 5:58 pm
Krismas Hman nawm aia hman that theuh kan tum dawn nia.
December 6th, 2010 at 5:59 pm
Mizoram ah awmila chu ka fatu ang maw le..
Turkey lianpui lei ila te ka ti mai mai, mahni a eizawh vek kha ani leh mai! Han eipui tur lah ka hre awmder silo a. Awm ti nuam lo tawk lek in vur te lah hi an tla ve khanglang a..Tun Christmas chu nidang ang mai ani dawn anih hi.. 😀
December 6th, 2010 at 6:00 pm
Khrum, tha pap2 hle mai. “Khawvel taka hman nawm ka tum a piangin ka hmang nuam lo a; ka hmang nuam lo ka tih apiangin khuarei-a han dàwnkir leh chang hian, ka hman nawm ber tum a lo ni leh si thin.”
Krismas hi hman nawm viau tum tur a ni lo; hman that/ thianghlim tak/ puitling taka hman tum tur. He hunah hian patling tak2a ngaihte pawh an ho viau zel, mahni in control hram tur. Sex, Zu leh Sa leh Khawvel taka hmangte hi “hmang nuam” kan ti tawh si a
Hman nawm tum loin hman nawm loh/hman that i tum zawk ang u. Ka sawi duh chu : Kei chu chhungkaw pa, nupui fanau nei tawh ka nih avangin ka nupui fanaute hi ka theuleu san dawn lo, ka uap tlat dawn! He hun lo thleng turah hian…
December 6th, 2010 at 6:03 pm
Kei chu 24th dec leh 31st dec hi kan buai ber lai nia,duty ngai tlat zel a.hospitality industry ah hi chuan U A MA pawh a hman ve theihloh. Work is worship an tih kha maw.
December 6th, 2010 at 6:21 pm
#14 Ka tawrhpui che tihtak zetin.
Vanglai chen hurherh/lerh apiang hi an fate lakah an strict duh an ti thin. A pawi duh tih hi a hunlai hian hre tho siin kan ngaihtuah phallo ni berin a lang. Mipa mawhphurhna a sang ka ti mange. Hmeichhia hi chu an rilru hi a tawi deuhva, fing ker pawh hi tih hauh hauh chuan… 😆
December 6th, 2010 at 6:23 pm
Hmmmm… Kan hir-ha hle ang chu le 😀
December 6th, 2010 at 6:37 pm
tumah thin na leh lunglen pawh sawi lovin,i hmang ang u.
thinlung alam ah hawn ila ro thil dang a ngai tawh lo ang 🙂
December 6th, 2010 at 6:53 pm
Nuam lutuk tak maiin hmang hem hem ila ni mai lawm, rui chhum hmawk ila ni mai…..Tak taka na, han dam phawt mai ila a nuam a ni mai. Kan hmanna hmun leh hman dan tur a inang lo nuai ang. Khawi hmunah pawh awm ila Krismas neitu Krista nen hmang ila a nuam ber ang. Birthday neitupa theihnghilh thrak maia hman zawng ka sim tawh e 🙂
December 6th, 2010 at 7:14 pm
sermon pa te i rawn thlak a ni ngawt a lawm maw le!
December 6th, 2010 at 7:16 pm
Ka post chhuak chu ka hre lova ka vil hman lo, min lo hrethiam dawn nia.
Pu Muante i sawi dik khawp mai.
Pi Ainawm, Lalpan awmpui che rawh se.
KKK i thlir dan ang leh i ruahman dan ang khi mi puitling zia tur chu a ni reng a ni.
@All: Ruahmanna rah chu Lalpaah a innghat tih kan ring theuh ang hian, Amah hre rengin ruahmanna te i siam ang u.
In hmandan tur han sawi zel te u le.
…khrum
December 6th, 2010 at 7:18 pm
Pu Coolsoul: Chuti maw, a nih chuan ka sermon vawikhatna!
Sermon pate emaw palian emaw, a dawngsawngtu in kan pawm dan hi a pawimawh zawk i ti ve tho em?
…khrum
December 6th, 2010 at 7:21 pm
Hairehai! A va tha tehrêng em.
December 6th, 2010 at 7:23 pm
A thei thei kha cuan enjoy hleee mai teh u! Sual khur a tlu lut lem lo khan ri hap hap my teh u..kn festival pui berah te cuan hlim hle turr! 😀
December 6th, 2010 at 7:25 pm
‘Krismas a ni a mahse khoiah nge Krista chu’ ti a zohna min zoh lohna tur NUN neih ka tum.
December 6th, 2010 at 7:28 pm
Bakcheh, nia i tidik khawp mai, enjoy viau tur; Thianghlim leh inchhir lehna tur awm hauh lovin.
Krismas, Krista ruai ah hian tisa ruai kan kil rual hian thlarau ruai hi i kil hmaih hauh lovang u. Chu ruai chu tlai leh puara kan kil hnuah chauh tisa ruai kil lam chu i ngaihtuah ang u khai.
…khrum
December 6th, 2010 at 7:40 pm
Masi hi chu theih hram chuan rapthlak ltk lo deuha hman hram a thra 😛
Kumthaar erawh lu lam leh mawng lam hre lek lova hman a hit chuang lo, a tukah min thring let thin anti. Bakah chet khir a awl si akekekek. Tleirawl lai te la ni sela, back zawng ngeia han lam leh a chakom ngei mai. Kan thianpa pakhat poh hi a back zong lo chuan zuk lam ngai miah lova 😀
December 6th, 2010 at 7:54 pm
Krismas ah hian engemawti kawng tala midangte tana tangkai kan tum ve em em phawt mai a.Kohhran prog nena in hlat lo leh inchhir lehna tur awmlo a hman hi a nuamin a tha ber mai ka ti.
“Lets keep Christ in Christmas, not santa Claus” tih sms ka dawng teh mauh mai. Nu leh pa-te ngaihdan hriat a chakawm fu ni…?? :rolleyes:
December 6th, 2010 at 8:09 pm
Mas ah te chuan phak tawk te te ah nuam kan tawl ve ang chu le… Bialnu te nen chow te kan kang anga 🙂 😀 :happy:
December 6th, 2010 at 10:15 pm
“…chhungkua i ngai pawimawh leh ang u. Chhungkaw tan a hun tha, Pathian pawlho na hun remchang, inhrang chang tawhte intlawhkualna hun leh thianghlim taka inpawl hlimna hun, malsawm tlakah hman i tum ang u.”
Ni khawp mai, keipawh dam chuan Masi ni chu chhungkuain biakin lamah kan hun kan hman theih ka beisei, tum dan pawh a ni.
December 6th, 2010 at 10:27 pm
Post tha/pawimawh khawp mai…
December 6th, 2010 at 11:17 pm
(Khualbuk vengtu angin sual ka inbawmtir mai thei) 😆
“A vahvaihna’n Judai kha tawk rawh se” kan tih ka maw… He hun tal hi zawng.. Midang tana thil tha tihna’n leh sual hawisan nan hmang teh ang u.
December 7th, 2010 at 1:49 am
Krismas hman dan chi Thumte:-
1. Chhandamtu lo piang lawm.
2. Kum khata festival(Kut) lo thleng lawm.
3. Pakhatna leh pahnihna chawhpawlha lawm.
Engtin nge chrismas i hman ve thin???
December 7th, 2010 at 6:30 am
Directorate of Tourism chuan Hmuifang Tourist Resort-ah Thalfavangkut 2010 a buatsaih dawn a, ni 9 atanga ni 11 thleng a ni ang. Zaithiam rual an fuankhawm dawn a, Krismas urlawkna ni fawmin uluk takin i lam ang u aw! 😉
December 23rd, 2010 at 9:24 am
Post thra lutuk. Tha taka hmang turin ka duhsak vek a che u