Kan naupan hun lai (han ti ve khanglang ila) chuan tun ang hun chhovah hian lehkha chaih kan siam a, sikul ekzam zawh lawm nan leh intihlim nan thiante nen hmun sang lam panin kan kal chhuak a, kan chaih thin a nih kha. A nuam ve thei teh a sin, kan ta a thlawh san phei chuan hmai uang takin, midangte phak loh anga inngaiin nuam kan ti ve thei hle thin.
Hmân leh deuh kha chuan lehkha ngat khan kan siam thin a, siam thiam pawh a har hle mai, beih ve fê a ngai thin, chuan polythene hmang khan kan han siam leh a, a lo awlsam ta phian zawk lehnghal a. Thlasik boruak intan hma (favang tawp lam, ruahtui tlak tawh si loh) atangin Mizoramah chuan kan uar berin niin a lang thin. Tunlaiah chuan naupangte pawh an changkang ta nge, kan uar pha ta meuh lo mai. Hetiang ai chuan Computer Games etc. tih vel te a ni daih tawh mai. Lunglen thlak ve reuh! :cry:
HMEICHHIA LEH UITE: Ni lovin, hmeichhia leh lehkhachaih hi an inang ka ti ngawt mai, han ngaihtuah ve mai mai teh u. Kan chaih rei leh kan chaih thiam/that poh leh an thlawk sang niin a lang. Pathianin mipa te hmeichhe enkawl leh an thian tha ni turin min siam a. Chuvangin, ka ngaihtuah mai mai thin, hmeichhe sual kan tih te, mo sual kan tihte hi a chaihtu dik loh vang mai mai a lo ni. Hmel tha hlê mah se an rilru sukthlek, an nunphung leh awm dan a dik loh chuan an zahawm loh thin. Chutiang chuan hmeichhe zahawmna pawh hi a chaihtu azir a ni mai.
WARNING: (teh duah thin!! 
) I lehkha chaih kha ngun takin en la, midang lehkhachaih emaw ringawt i thlir a, i lehkhachaih i iai a nih phei chuan a tha lo teh mai a nia, thil tha lo a thleng mai ang. Tin lehkha chaih a inhnaih lutuk hian a in-awk buai thei, i hrethiam mai em? (hmeichhia an awmkhawm tam lutuk hian thil tha tak aiin, mi rel etc. buaina a tam mai mai) I lehkhachaih kha midangin an rawn tih buai loh nan lehkhachaih dang hnaih tir lutuk suh. I chaih tha peih lova, i ngaihsak lo a nih chuan a chhuak daih thei a nia. Lehkhachaih chhuah palh pawh hi misual zingah hian kan tam ru ngawtin a ni ka rin ni!!! :lol: :lol:
Similar Posts:
- LEHKHACHAIH LUKHAWNG NEI
- Lehkhachaih lukhawng nei
- Lehkhachaih
- International Kite Festival
- Lehkhachaih (Sunday pual)
December 8th, 2010 at 6:04 am
Va lunglenthlak ve aw.. Keini chaih ve lai kha chuan lehkha hlai deuh (calender hlui etc) te kha kan hmang a, a ban leh a mei te kha kan siam tel thin.. a charnan ‘buhmal’ (chawthing) a ni leh mai. Field ah kan runnign start thin
I thuziah i rawn kailut thiam khawp mai…. Nice post. :lol:
Report this comment
December 8th, 2010 at 6:30 am
@zephenath, kan running start dawn khan kan kite lo keng kang tu tur te kan nei thin a. In nei ve ngai em?
Report this comment
December 8th, 2010 at 6:44 am
@samuel: Nei thin e. Naute, kan ngam zawng emaw kan kid-te kha an ni leh mai.. :rolleyes:
Report this comment
December 8th, 2010 at 6:48 am
A va han thiam tak postupa chu. Tehkhin nalh fuh mawihnai vel hle mai.
Report this comment
December 8th, 2010 at 6:59 am
Lungleng tak in min han siam phawt a chu mi hnu ah thu tha tak han ziak leh daih a(h)… thiam khawp mai,ngaihnawm bawk. Good post.
Report this comment
December 8th, 2010 at 7:10 am
Lehkha dik takin lehkha chaih, buhmal ngata char kan han chaih thin kha ania. Nuam thei ee
Report this comment
December 8th, 2010 at 7:22 am
Rawn bei nalh si ve…
Kan hun lai chuan polythene an la hmu chhuak lo :lol:
Tuna la lehkhachaih hi chu ṭha tak a ni ringawt :lol: :rolleyes:
Report this comment
December 8th, 2010 at 7:34 am
Lehkha hmanga siam pawh kha a thlawk sang thei thin khawp mai. Chawmal hmanga char erawh kha chu a charna a khawk duh.
Report this comment
December 8th, 2010 at 7:38 am
Tlangval ve uaih ka nih thlengin lehkhachaih hi chu ka chaih. Kan in at thin tlat a, nuam ve mai mai tak a ni… Kulikawn ho nen kan in at thin! tran a van na duh tak.. A hrui atan tank la(?) ngei mai kan han hmangah, kan han zut hriam a, tubelight a hek duh thin khawp mai.
Report this comment
December 8th, 2010 at 7:38 am
lunglen thlak reuh!! kan lehkha chaihna hrui kha darthlalang keh nawi rawtdip maida chawhpawlh in kan han zut vek a, thiante lehkhachaihna hrui ah/tih bun phet kan han tum a’h… lunglen thlak(tive khanglang) :lol:
Report this comment
December 8th, 2010 at 7:56 am
@Seki, lung i tileng hle tak mai a!! Tun thleng hian mumanga lehkhachaih chaih chang hi ka la nei nia!!
Keini thingtlangah phei chuan a chaihna tur khawl la pawh nei hek lo i, A chaihna hrui hmuithlur ngeia kan thlur dalh dalh thin a sin!!Nuten min thlur sak a ni zawk mah!
I thupui min han khalh luh dan te chu i va zei zaih zaih ve! Ni e, hmeichhe chaih thiam hi a har a niang! I tehkhin dan hi a fuh thlawt mai. Good post!
Report this comment
December 8th, 2010 at 8:48 am
khai aw!naupanlai a va ngaihawm ve! Lehkha chaih siam nan lehkha mawi(kan ti mai thin)kan han neih a kan phur theih zia te kha aw!Thian ho zingah khan chhaklam inchung vel a tanga lehkha chaih lo perh(sairawkherin)ching an awm thin thinrim thlak zia mawlh kha !!
Report this comment
December 8th, 2010 at 8:59 am
0bama pawhin Change a aupui chiam a, vawiin thlengin America ramah eng Change mah a la thleng tir bik lo.
{thlamuang takin awm rawh u, 0bama-a’n change a thlen tir hun hunah change chu in hmu ang : }
Report this comment
December 8th, 2010 at 9:56 am
ka chung chiah a mi mai mai chuh!
Report this comment
December 8th, 2010 at 10:58 am
Lekhachaih kan in chaih thui siak thin.Kan thenawma mi te chu puanthui fate an ni a an chai thui thei rap khawlla an ngah tlat a vangin.
Romei chanchinbu zawm ngei mai khan kan siam thin hahah :lol: :lol: :lol:
Report this comment
December 8th, 2010 at 11:05 am
Aw…Kan naupanlai tak kha..a va ngaihawm vawng vawng em…!!! Sikul ban veleh lehkhachaih kan buaipui nghal thina…Nia..tuna ka lehkhachaih hi chu…midang hnaihtir phal chi a nilo..Thla tam hnua ka comment luh leh vawikhatna a ni
Post thain kuaiher thiam khawp mai…
Report this comment
December 8th, 2010 at 11:32 am
Kan chaih ve lai chuan Assam Rifles canteen ah an kekawr nawh khawng na, Saghu an tia maw ni kha kan han lei a, kan chhum so a, tube light chhia kan chhu dip a, chumi nen chuan kan chawhpawlh a, lehkhachaih hrui zut nan kan hmang a, chuan a hrui kan in ât chat thin :lol:
Report this comment
December 8th, 2010 at 11:34 am
A hrui hlum nan pawh insect killer bur ruak kha kan duh ta berin ka hria :rolleyes:
Report this comment
December 8th, 2010 at 11:37 am
Tunlai ah chuan ban san daih tawh mahse a pawi miah lo, electric hrui a hnawk duh e mai :lol:
Report this comment
December 8th, 2010 at 11:39 am
A van tha reuh mai mai e..
Ka lehkhachaih chaihna hi a hla lutuk a… :lol: :lol:
Report this comment
December 8th, 2010 at 11:39 am
Lehkhachaih siam nâna chaw thing nêm lai kan zuk tham chhuak a, kuta kai thenkhat kan han ei pah zoh zoh thinte kha a nuam ve khawp mai. Sarang hmangin kan han siam leh a, chaw thing hman theih tawh hek suh. Khuaite hnûn kan han hmang leh a. Fevicol leh Denrite-in ro a rel chinah hian ka chaih ta lo tlat mai.
“Hmeichhia leh lehkhachaih hi an inang ka ti ngawt mai, han ngaihtuah ve mai mai teh u. Kan chaih rei leh kan chaih thiam/that poh leh an thlawk sang niin a lang” said Se ki.
Se ki hian sermon pawh a thiam an ti. Chu pawh chu a lehkha chaih tih chhuah atanga lo thiam chho tan niin an sawi. :lol:
Report this comment
December 8th, 2010 at 11:47 am
Seki i kite chu a va mawi chhawng chhawng ve, colour khi mawi tops
Report this comment
December 8th, 2010 at 1:09 pm
Frost hian a naupan laiin hnap tla phungin a buaipui duh hmel lehkhachaih chu
NOI
Report this comment
December 8th, 2010 at 1:14 pm
A kurkum, a zading, a thla, a mei, etc. Lung a tileng thar teh e. Sang tawkin kan chaih a, chhum a zin deuh phei chuan chhum ten a hliah pha hial a, kan han hlum leh char char a, kan lehkhachaih kan han hnim vat vat a, ‘Van rim a nam’ kan han ti ngei a.
Kan fate rual ho lah hian lehkhachaih lam chu an ngaihtuah tawh der mai si lo.
Tunah erawh kan lehkhachaih chaih a dang ta hle a lo nih hi le.
Report this comment
December 8th, 2010 at 2:09 pm
“Van rim a nam” cute e
Report this comment
December 8th, 2010 at 2:10 pm
Sagu leh darthalang rawt dip kan chhum pawlh a, khawlla kan han zut hriam te kha a ngaihawm. Lehkhachaih avanga inchhawng sang atanga tla hlum te an awm ta zel a, electric/ star cable te a tihnawk bawk si a, tunah chuan an sim ta deuh a ni awm e.
Report this comment
December 8th, 2010 at 2:47 pm
Kei M.Sc, ka thianpa M.A. – lehkhachaih kan han siam a, la te kan han zut hriam thar leh vel chu chhungte nuih a za a, keinin nuam kan ti a kan bansan thei si lo…
Kan inchung atang kan chaih a, bul vela rawn thlawk zawng zawng ah chhuah vek kan han tum ngei a..nuam ve deuh a nia…kut zungpui leh zungchal inkar vun te hi a durh pawp thei maw le…
…
Nuam ve mai mai chu Independence day laia Delhi a awm hi…inchung zawng zawng atangin lehkha an chaih amaw tih mai tur a ni a..lehkhachaih siam sa leh la zut hriam sa zuar an tam bawk si…vai ho la zut sa ka lei a, lehkhachaih chu keiman ka siam chawp a..nilengin mi dang ta at chah sak turin Delhi nisa hnuaiah ka chaih a…ka kham chuang lo…
Report this comment
December 8th, 2010 at 2:55 pm
Pu seki chaih thiam dap dap hle mai; i lehkha-ziak-chaih chu.
Nia, lehkhachaih (kite tak tak) hi chu nuam ve tak a ni. Darthlalang rawt dip nen a zut hriam a thiante ta han ah chah sak te kha nuam kan va ti thin tak em.
Kan khawsak changkang zelin khang te kha a umbo zo dawn chu a ni ta mai si a le.
…khrum
Report this comment
December 8th, 2010 at 3:02 pm
A ngaihnawm hlawm hle mai, chhungkaw nu/pa ber nih tawh chuan chhungkaw lehkhachaih han chaih thiam hia a har ngêi mai, in ti ve em!
Report this comment
December 8th, 2010 at 5:44 pm
a va lunglen thlak ve mawle…
:wink:
Report this comment
December 9th, 2010 at 12:16 am
Lehkhachaih hi hmeichhia nen i tehkhin a, mipa nen pawh a tehkhin theih tho! a chaihtu khan a thiam phawt chuan mipa pawh, hmeichhia pawh an thlawk sang thei ve ve! :lol: :lol: :lol:
Report this comment