‘Rual pawllo’ tih takah thiante ngaihsak pawh ka hlawh meuh lo. Thian chu ka nei ve ngei a; chutiang bawkin chhungte pawh ka nei ve bawk. Nghei hlauhawm khawpin rethei lo mah ila; kan vengah chuan pawlin ding lemlo mah ila; a rethei pawl chu kan ni hrim hrim. Kan hmelin ‘puak’ a ti lova; khawkhat naupang fel tia sawi tur lah ka ni heklo. Mahse, ka vannei a; thiante’n an sephung laihnaah chuan min hruai an hreh hran lo.
Masi a lo hnai a; mite chu thawmhnaw thar nen, a mawi thei ang berin in an chei bawk a; an chhung leh khatte’n ‘Krismas Card’ an rawn thawn chu an tar that bawk. Mawi tiin chilthli tla lo chauhvin ka thlir thin.
Krismas Card hi ka duhlo a ni bik lo. Ka hmangaiha ka duhsak vang pawh ni chuang lovin kumtin pahnih khat hi chu a let leh beisei ranin ka thawn chhuak ve ziah. Hemi tum pawh hian cheng hnih man chi pahnih chu ka thawn chhuak ve. December ni 23 a lo ni ta. Ka thawnate’n an hmu ngei ni chuan ka hre si. Tun thlengin ka la dawng let lo. A ruk tak chuan ka mangang a ni. Kan retheihna hre miah lovin thil ka’n beisei ve chu a nia. Zah nachang lah ka hre der silo.
Ka vanneih asiamin ka thianpa Johana (Pastor a lo ni ta hial a; tun Synod inkhawmpui chuan Sumsuih, Chhante-ate biala awm turin an ti nghe nghe) chuan “Chhana, tui min chawi pui la, Krismas Card ka thawn ang che,” a’n ti zet mai chu ka ‘aw’ rang kher mai.
“Mahse”
“Nimin khan U Sawma te in bulah khuan Krismas Card la tha deuh mai ka chhar a; an inhnuaiah ka thukru a; a la awm chuan ka thawn daih ang che. A hlai thaa; cheng sawmhnih man chuang a nih ka ring. Ka en vel khan hming inziak kha kan chep thla anga; ziahna tur chu a la awl teuh thovin ka hria. Ka lo la nghal mai lova aw! A la awm em ang chu maw?” a ti leh ta daih mai.
Dawn ve ka chak em avang chuan tui chu ka chawi pui ta thova; vawi hnih kan chawi naah chuan U Sawma te kawtah kan innghata. Inhnuaiah chuan kan inzui lut nghal a. Vanneihthlak takin a lo la awm hlauh mai le. A bal laite kan hruk fai nawk nawk hnu chuan kan tui chawi nen kan haw ta.
Tichuan, hming inziahna chu chep thlain (hming kha a sir kil lama an lo ziah hlauh avangin chehthlak hlai a ngai lo hlauh) a laiah chuan ka hming chu a ziak a; min pe a; ka haw nghal. Ka lawm kher mai. Krismas Card chu a hmasa ber atan ka dawng ve ta.
Thawn let ve ngei ka duh si. Ka khawl bawm ami cheng sawm chu la chhuakin Kawnveng lamah Krismas Card lei tur chuan ka phei ta a; ka dawn kha a hlai that em avang khan cheng hnih khat man lek chu thawn ka tum lo hrim hrim. Cheng riat man chi, a sen lehnghal (Arsenal colour), ran chawpekna thlenga Isua mu lai ngei mai chu ka hmu hlauh mai. Ka kut ziak a mawi vak loh avangin a zuar tu nu chu ka ziah tir nghala; in pawh thleng lovin ka va pe nghal a. A hlimawm ve duh ngei mai.
Similar Posts:
- Krismas Card…
- Divorce Christmas cards
- Diary hahthlâk!
- Krismas laia chhas neih thatna te
- Ration Card Hi
December 12th, 2010 at 9:00 pm
Krismas card hi ka misual pui te thawn dawn ta ila, ti hian ka chhu ang.
“Hun kal tawh a a hruai ang bawk che khan, i hun tawn zel turah Lalpan a hruai zel ang che. Amah ringa, atan a rinawma nungin Krismas hun lawmawm lo thleng tur hi, inchhirna nei lo tur khawpa Pathian lawmzawng tur ang ngei a i hman theih nan, DUHSAKNA sang ber ka hlan a che u. Krismas leh kumthar chibai”.
Khumchikthei and family.
Card in thawn mai a remchan loh takin hei hi ka krismas cardah lo ngai mai teh u.
Ka lawm e.
…khrum
Report this comment
December 12th, 2010 at 9:03 pm
@Chhana: i thianpa Johana (pastor) khi a dam tha maw. In chhungkuain krismas chibai ule.
…khrum
Report this comment
December 12th, 2010 at 9:25 pm
Dam tha turah ka ngai. Tunah Bangalore-ah BD zirin a awm mek. April thla kha kan inhmuh hnuhnun ber a ni.
Kumin chu card ka dawng dawnlo emaw tih nak alaiin khumnghetlova’n min rawn thawn mial chule!
Khumchikthei@Kriamass chibai le. Hei hi ka chhanna che (Krismass Card)ah min lo pawm sak mai teh.
Report this comment
December 12th, 2010 at 9:28 pm
Khawvel hmasawn zel karah hian Krismas Card hmuh tur pawh kan nei lo tep tawh a ni e, Krismas Card aiah SMS , Emai te kan uar chho ta bawk nen,Card hmuh tur hi a vang sot viau. Card sawi takah lehkhathawn hrim hrim pawh hi: kumin chhungin lehkhathawn pangngai pakhat te mah ka dawng miahlo tih ka hrechhuak, Lehkhathawn dawnglo hi in awm ve nual lo maw…? Han in puang ve chiah ula…
Report this comment
December 12th, 2010 at 9:28 pm
chhana, zawt ta mai mai che ila, Jew hoin Krismas card in thawn ve thin tihna em ni? NOI
Helamah chuan Krismas card an uar khawp mai, hautak tham a ni.
Report this comment
December 12th, 2010 at 9:30 pm
I hi! I van khawngaihthlak ve. Kan vengah lo pem u la thla tin christmas card ka thawn thin ang che. :lol:
Report this comment
December 12th, 2010 at 9:36 pm
Ka rilrua lo lang chu, card kan in thawna, envelope-ah khan Smiley leh Open With Smile tih kha kan han ziak tel ngei a :lungleng:
Report this comment
December 12th, 2010 at 9:41 pm
ChhawnBura, 1980′s chho vel min ti hrechhuak, ka lung i tileng hairehai ‘open with a smile’ ka uar thei lutuk :lol: Card Only/Greetings tih hmalamah hahaaha
Report this comment
December 12th, 2010 at 9:42 pm
class X kan nih kumin chhas in min thawn ka lom rap ka hawng tha ngam lo :lol: :lol: :lol: :lol: :lol:
Report this comment
December 12th, 2010 at 9:44 pm
Pu Chhana nen chuan kan in anglo hlemai
Keichu kan venga hausa ber pawl ka nia, a hmeltha leh luck ber pawl kani bawka christmas card ka thawn ngailo na in ka chhan let phut vanga min rawn thawn tu hi an tam thei khawpmai 
Report this comment
December 12th, 2010 at 9:45 pm
5
H.Vangchhia @ Ka hre chiahlo.ION
Report this comment
December 12th, 2010 at 9:46 pm
Ninja hi a in thukru thiam an ti :rolleyes:
Report this comment
December 12th, 2010 at 9:53 pm
Kei chu 1980 velah khan ka la piang lo re re
Report this comment
December 12th, 2010 at 9:55 pm
urdubat early 80′s chuan hmeichhe hostel bangah an bedsheet hmangin kan uailut zak2 tawh maithei asin
:fiamthu:
Report this comment
December 12th, 2010 at 10:04 pm
#14 Haha fiamthu ni tho mahse a dik duh hmele. Pu HV a hi a hrang riau ang ka ring tlat hmeichhe lamah pawh.
Report this comment
December 12th, 2010 at 10:07 pm
Early 80s a hmeichhe hostela bedsheet a uailuh na tur chu a la tlem khawp ang, ngaihruat theih mai tur chu a hriat theih ang, hehe.
Tukverh chokut a a han inham tang chiah kha aluminium fianpui mum pel pulin a lu-ah an lo khawn rik chawrh duh hmel, fiamthu.
Early 80s a christmas card kha kan la dahtha nual e.
…khrum
Report this comment
December 12th, 2010 at 10:09 pm
Luckless Romeo chu luck tawh awm hle mai :lol:
Report this comment
December 12th, 2010 at 10:10 pm
A chhar chawp bakah cheh hek/thler tawh lehnghal a thawn che a, Rs 2 man pawh chuan chhangletla tha zawk daih lawm
Kristmass alo thlen hi chuan in bang vela tar hnem thei nih kha in elna ve deuhah khan kan ngai hlawmah, kum hmasa lam ami kan dah that te pawh phawrh chhuak leh in dawng hnem ni awm hrim khan kan tar ve treuh zel.
Report this comment
December 12th, 2010 at 10:13 pm
Hei hi kan thawn phawt ang che
https://www.sevenoaksart.co.uk/images/xmasign.gif
https://www.sevenoaksart.co.uk/images/tree4.gif
Report this comment
December 12th, 2010 at 10:22 pm
#19 You don’t have permission to access /images/xmasign.gif on this server.
Report this comment
December 12th, 2010 at 10:22 pm
khumchikthei #16 Shillong ah khuan Laitumkhrah, Nazareth hospital kiang lawkah a awm thin alawm.
Report this comment
December 12th, 2010 at 10:26 pm
cotdarz, #20: A lang ve thei nange, java update ngai nih hmel khawp mai :?
Report this comment
December 12th, 2010 at 10:33 pm
Pu HV, a lo nih chu. Naga nula a ni lo maw? hehe. fiamthu.
Tak tak a tunhnaiah shillong i kal leh tawh em, hmanni khan ka kal a, a lo danglam ve viau tawh a sin. Tunhmaa ka lung a tihlen thin ve viau lai ang kha a lo ni tawh hauh lo mai.
Krismas holiday hma in advance krismas kan han hmanga, CHRISTMAS CARD kan han in pe dan dan thin a, a nuam ve thin mang e. Hmanlai an chang zo ta si a.
…khrum
Report this comment
December 13th, 2010 at 12:42 am
@pu chhana chu tui min chawipui leh la hlai tawk ka pe tur che ania..hairerai..£ol..ka chrismas card dawn hmasak ber ka pute an naupang alo khalh tir chu ka sa kher asin,tuemaw hnen atanga ka dawn anih vang..!!
Report this comment
December 13th, 2010 at 12:58 am
Chanchin lunglenthlak, lungchhiatthlak, ngaihnawm si a ni. Tunah chuan khatih hun lai vel kha i nuna thil ngaihnawm a lo chang dawn a nih ve tak reng chu.
To,
Chhana,
Krismas hlim takin hmang na’ng che. I thinlungah Lal Isua lo piangthar se, hun hlimawm pe zel che rawh se.
From,
Benny
Report this comment
December 13th, 2010 at 2:45 am
Benny@ Ka lawm e. Nangpawh le.
Report this comment
December 13th, 2010 at 4:01 am
XMas Card hi kum 10 chuang chu kan thawn ta lo. Card leina a kan senso thin kan chhuta miharsa zawkte kan pe thin.
Tunkum chu mi(sual)’ Charity ah thlak keuh mai kan tum.
Card hmuh tam chhuang deuh a banga kan tar thut lai te kha a lo HMAN ve ta khoops
Report this comment
December 13th, 2010 at 4:05 am
khumchikthei #23 “Naga nula a ni lo maw?” hairehai “Aini mimer,” lampang em ni
Report this comment
December 13th, 2010 at 6:52 am
Mas Card hi Aizawlah chuan nula/tleirawl ho hian an in dawn tam siak thin a, an thiante leh hmelhriat te nen in remsiam in card min thawn la ka rawn thawn let ve ang che an ti thin.
A uar zual deuh chuan card hlui kum 4-5 chuang an khawlkhawm tawh hi bang ah an tar tlar dul thin :lol:
Report this comment