“Isu, vawiinah hian kan thinlung bawng inah,
Lo piangthar leh la,Nang kan chatuan Lal turin…”
Mizo Kristiante thinlungah hian Lal Isua pianna hmun kan mitthla apianga lo lang thin chu Bawngin leh ranchaw pekna thleng hi a ni awm e. ‘Ranchaw pekna thleng’ han tih pawh hian kan mitthla a lo lang thin chu ‘Vawkchaw kuang’ hi a ni tam berin ka’n ring ringawt bawk a. Kan hlaphuah thiamten thuk tak maia kan rilrua min lo tuh ngheh sak tawh a nih avang hian Bible sawi aimah hian kan rilruah a fiah zawk hial awm a nia !
Kan urlawk mek, kan nghahhlelh em em Krismas lo thleng tur hi eng ang thinlung puin nge kan hmuah meka, hman kan tum le ? A chunga hla tlar hnih lek ka han tarlan hla khi thinlung takin kan sain kan lampui ngam chiah tak tak em ? Thinlung tlawm, Lal Isua pianna tlak thinlung neiin kan inhre takmeuh em ? He fakna hla phuahtu thinlung ang tawmpui thei hi vawiina Kristiante zingah hian kan tamin ka va’n ringlo em ! He hla hi hla huaisen leh chona ropui tak mai a ni a. Thinlung taka sa tur chuan huaisen a ngai dawn hle niin ka hre thin.
Misual, chapo leh thinlung luhlul tak, dawihzep tak si ka nih avang hian he hla thinlung taka sa tur hian ka huaiusen tawklo tih ka hria a. He hla ka tih bawrhbanna ni lo se, ka tan chuan, “Isu, vawiinah hian I thinlung bawng inah, Lo piangthar ila, Nang ka chatuan Lal turin..” ti a sa zawk tur niin ka inhre thin. Lal Isua keimaha a pian chuan kei tehlul hian ka chawitlei zo dawnlo tih ka hria a. Keimah zawk hi Amahah piangin Amah ngeiin min chawitlei se ka ti.
Amah ah ngei piang hmasa ila, min chawiin min awmtlei anga; a hnung zuiin Thinlung Bawngin nei thei turin min buatsaih ngei ang tih ka ring. Chutih hunah chuan He fakna hla mawi tak hi huaisenna nen thinlung takin ka sa ve thei tawh ngei ang le.
December 16th, 2010 at 10:11 am
ka First eee
Report this comment
December 16th, 2010 at 10:13 am
a tha khop mai, a ngaihnawm e
Report this comment
December 16th, 2010 at 11:08 am
No comment :lol:
Report this comment
December 16th, 2010 at 11:33 am
A tha dap dap hle mai.
Ka hma lawkah nghakhlel takin krismas-in min lo thlir reng tawh a. A hnen ka thlen hunah a duh dana ka awm a ngai ngei ang.
Report this comment
December 16th, 2010 at 1:51 pm
Tunlai chu thuziak a tha thei khawp mai…Thlirna tlang dang2 atangin thil min thlirpui a…
Rilru a ti harh sawng2 mai…
Hla tha tak2 hi a ba hian kan sa nasa ngawt chuan ka hre ve thin keipawh…..Ce famkim lohna khawvel ani miau a,,heng hla ten a Pathian min hnaitir a min hriatchhuah tir chuan a tha viau ah ka ngai ta….
Report this comment
December 16th, 2010 at 4:25 pm
Correction kan siam lawk teh ang.
Hla thu ah khian “Isu vawiinah hian kan thinlung bawng in ah,
lo piang thar leh la, nang kan chatuan Lal turin” tih zawk tur a nih hmel e.
Thuziak tha tak a nih hi le.
Report this comment
December 16th, 2010 at 4:40 pm
Contextualize hi atha khawp mai. Hmanlaia thil thleng tawhte pawh kan hunlai milin; chiang takin kan mitthla thiam thei a. Chutihrual chuan, a tira alo thleng dan leh alo intan dan hlutna erawh vawn nun a pawimawh viau thei bawk.
Isua bawngina pian tir mai te, ran chawpekna thlenga muttir mai teh pawh hi !
Report this comment
December 16th, 2010 at 8:58 pm
Hla phuahtu thenkhat hian nia ‘bawng in’ an lo ti leh ngawt thin a, bawng in tih Mizo Bible-ah pawh hian a awm reng reng emawni le… ran in a ni zawk lo’m ni? Ka chhiar ve chinah reng reng chuan mithiamte’n khatih hun laiah khan bawng an vulh ngai an hre lo tlangpui… sheep/kel lampang a ni lo’m ni kha?
Report this comment