Diary 1:
Hmanah chuan mipa naupang mai ka ni a,thil tamtak ka ngaihtuah thin a-Khawvel hi a phek ka ring tlat a.Ka thianten, “A bial”, an ring a.Sikulah kan kal a,Miss te chuan, “A mum”, an lo ti bawk a.Tlemin kan zir sang deuh a, “A mum lehlo,tlemin a sawl leh deuh si”, an lo ti leh a.Kan han zir sang zel a, “A vir bawk”, kan ti leh ang a.Chutiangin zir chhoh leh zel chuan, “A la kal kual cheu!”, an la ti anih chu!
Khawvel tak hi chu aw…
Thawhtan tuk alo ni a, ‘Ni Sakeibaknei’ nen kan inhmachhawn dawn tih ka’n hre ru kiau a.Mi hna aia hahthlak bik,tlin ve tawk aia nasa hret a ka lo dah,tlanbosan theih si loh hna in peih leh peihloh pawh pawisa lem lovin min lo hmuak ang a.Ka’n inngaihtuah vang vang a…nidang aiin taksa leh ruh te chu alo chaklo ta riau ang a.
Lu hai mup mup leh luak chhuak bur anga inhre chungin, “Ka damlo ang a,hna thawk lova ina hahdam taka mut ka mamawh em maw nile?” ka’n ti rilru nuah nuah ang a.Vanduaithlak takin that lohna reng reng nei lovin ka lo dam vek bawk thin si a.Ni lah chu duh aiin a sa mah mah anih loh tal pawhin ruah surin mi tibuai chhen ang a. “Khawvel hi ka thu chu ni se chuan ni leh ruah aiah hian Air conditioner leh Filter tank lianpui ka vuah tawh ang mawle!…” tiin lungawilo zetin ka’n inngaihtuah chho tan nuah nuah a.
Khawlaiah ka’n chhuak ve dek dek a,kalna apiangah naupang ho chuan, “He pa hi Thinchhe-Man anih hi,thinchhe over…”, tiin ka hre phaklo emaw tiin min lo rel ang a.Mood fuhlo taka han inngaihtuah lai tak chuan hna chungchangah emaw,thildangah emaw mi tuemaw in, “Nang chu mi fel tak i nih thin kha,min hrethiam leh hram ang chu mawle”, tiin min lo hmachhawn ang a.Hriatthiam ahnekin, “Teh chai che chuan! Hmanah kha chuan mi fel tak ka tawh thin alawm.
Mahse vawiinah chuan Ni Sakeibaknei nen kan inhmachhawn a,khawlaia naupang thenkhatin ka thinlung an tikeh bawk.Mood off,Ka hrethiam hauh lovang che,lo ngai tak rawh-Thlanmualah ka la phum dawn khawp che!”, tiin thinlung alh hluah hluah khawpin ka’n inngaihtuah sa tak tak ang a.
Chutiangin hah takin tlaiah ka’n haw a, “Engineering student leh Graduate chin ngat lo chu lecture ka pe thiam ve tawh lo”, tia indah thin kha, “Nang mithiam,kan nau Middle sikul kal hi kan en pui thiam der lo,han tlawmngai mai ta che”, tiin thin ti rim zual turin min han ring ve ngawt ang a.Thin ur hluah hluaha inzirtir pah chuan, “Nang hi chu i va han mawl ve tak e aw!
Hetiang taka mawl hi chu hmanah Dinosaurs hunlai khan an mang zo vek tawh asin mawle…nang te reuh hi I vannei lel lawl khawp a,I la dam ve mai chauh a…” ti rilru chungin kutphah thip vek khawpin tukhum pawng laiah kan in ‘Spin’ chawrh chawrh ang a.Zanah mu thei lovin khawvar kan nghakhlel ang a,chhunah mut chhuakin zan kan nghakhlel leh bawk ang a…
Diary 2:
Chutiangin kha mi zan khan fel leh inthlak thut tum em em vang pawh nilovin,nun ‘Boring’ lutuk tikiangtu atan nundan dang zawk,mizia pakhat la pho chhuah ve ngailoh zawk mahnia awm kha ka han ngaihtuah a,kan nun dan ang nilova nung thin,midangte awmdan turte kha ka hre ve chak riau thin a.Curious vang leh Diary a ziah atan ni khat lek chu mize danglam put ve ka han tum lui a.
Hemi ni hian mak tak maiin hlim rukna riau neiin ka inhre tlat a.Thlirdan te alo danglam zo a,mita thil hmuhte pawh chu thil thar an lo ni zel a.Khawvel kha a mawi em em bik a:
Zing ni chhuak in hun thar min siamsak ang a,a changin ruahpui nasa takin malsawmna min thlen bawk ang a.Chhimbal chuan rahbi thar tha zawk nen, “Nakina hun tha zawk lo thleng tur ka entir ang che”, a tihna ani maithei a; thal laia hnah ro tla hmasa ber leh fur laia ruah mal far hmasa berin hun thar a entir ang bawk hian…A changin pangpar sen kan hmu ang a,a changin pangpar eng leh varte kan hmu bawk ang a.Chhunah van boruak a pawl ang a,zanah chuan a dum leh vek ang a.
Chhunah niin thim leh vawt lakah min veng ang a.Zanah chuan vanah Ball var eng deuh leh thil nawi tle sep sep te an lo lang ang a,chumi chuan kan chhehvel a chhun eng mai bakah kan thinlung thleng pawhin a chhun tel ani ang-zan thla eng hnuaiah chuan mi tu tu emaw ngai bik ta riauva kan inhriat tlat.
Chutiangin thil tawn leh hmuhte chu alo inlet thawk a.Mite chuan, “Nang hi I danglam riau mai”, an tih loh leh, “Ka rin anga sual kha ilo nilo tawp anih hi”, an ti ngawt ang a.Khawlaia naupangte chuan, “He pa hi vantirhkoh ani chiang mai”, an ti emaw te ka ti hial ta a.
Mihring hian mize inlet thawk pahnih kan nei theuh a.Chumi zinga pakhat zawk chu kan duhthu in kan tarlang thin a,chumi atang chuan mi ten Misual leh Mifel category ah min lo thliar hrang mai mai alo ni a.Misual leh Mifel chu inhlat tak,lei leh van ang maiin kan ngai leh lawi si.
Polish philosopher,Dr.Ruben chuan, “Khawvela misual ber leh mifel ber hian mize inang 100 ah 99 an nei a.A awmzia chu-misual bera kan ngaih hian mifel ber nih theihna chance 99% a neia.Chumi 1% la kimlo chu misual chuan mifel nih tumna rilru ala put ve loh vang chauh ani”, tiin a tarlang thin.
Similar Posts:
- Mut chhuak
- Nang malsawmna ni ang che
- Zahthlak chem chem ang chu!
- The case of the spiderweb
- Autumn in My heart – 1
December 19th, 2010 at 10:12 am
I Diary chu dangdai hle mai. A tha e.
Report this comment
December 19th, 2010 at 10:24 am
Deuh daih chuan a
Report this comment
December 19th, 2010 at 10:39 am
“Khawvela
misual ber leh mifel ber
hian mize inang 100 ah
99 an nei a.A awmzia
chu-misual bera kan
ngaih hian mifel ber nih
theihna chance 99% a
neia.Chumi 1% la kimlo
chu misual chuan mifel
nih tumna rilru ala put
ve loh vang chauh ani”
A va dik hmel em!!
Report this comment
December 19th, 2010 at 10:53 am
Post tu pa, i ziak tha reuh lutuk.Diary 1.para. hmasa ber khi ‘like’
Report this comment
December 19th, 2010 at 10:57 am
1% lek a zirtir na hlawhtling pe thei tu chu.Khawvel a Zirtir tu ropui a va ni dawn emmmmm..
Report this comment
December 19th, 2010 at 10:59 am
lalpeace hi a va reh ve..? a dam em.?Rawn inlar vat rawh se.
Report this comment
December 19th, 2010 at 11:12 am
Rin lo dan daih a a tawp chu le! Chhiar a nuam hle mai.
Report this comment
December 19th, 2010 at 11:41 am
ninja thusawi chu ka Like zawng tak ani – heihi lo chhiar ve teh u tawngtaina ropui tak -https://en.wikipedia.org/wiki/Serenity_Prayer
Report this comment
December 19th, 2010 at 11:57 am
Kei ni ang pa zawmthaw nitina diary ziak peih lo tan chuan diary 1 leh 2 hi ka hriat thiam zawng tak a ni.
Hmanni chu ka thianpa hi fb ah a chat lai ka lo en a, a biak nu (nula turah ka ngai) chuan naktuk a nghahhlelh tawh thu a sawi a, ka thianpa’n a chhan a zawh chuan ‘hna thawh tur ka ngah lutuk a’ tih chu a chhanna a ni. Ka rilru a khawih angreng hle mai. Sawrkar hna posting ah awm chakna mi sawi ka hriat re re hi ‘hna a awm vak lo a’ tih a ni deuh zel, ‘he post ah hian ka thru chak, hna a tam a a chalenging khawp’ tih lam hi chu ka la hre lo a ni awm e.
Report this comment
December 19th, 2010 at 12:38 pm
Ziakthiam mange!
.
Hun hnuhnungah chuan misual leh mifel an in hlat tulh tulh dawn ti deih te’ng
Report this comment
December 19th, 2010 at 12:46 pm
…..tumloh lamah ka’n kal daih chu(h) . A tha e, a bul i tan dan a fuh phian, diary dangdai tak chu a ni phawt mai.
Report this comment
December 19th, 2010 at 12:50 pm
1% hi ava lo pawimawh thei ve.
Report this comment
December 19th, 2010 at 12:57 pm
1% chu pawimawh tehreng e……examna ah pawh mark 1 fail chu kan fail tho2…. :lol: :lol:
Report this comment
December 19th, 2010 at 1:56 pm
Misual ho leh mifelte kan inthlauhna a va tlem tak ve. Tawngkam bawlhhlawh tak tak hmang thin pawh hi a bul chiah a tawngkam mawi a awm ve zel tak asin!! 1% hian khawvel chu a tidanglam thei fu lawi si.
Post awmze nei tak a ni e.
Report this comment
December 19th, 2010 at 2:12 pm
Sawizawm zel tak ah chuan kan tawngkam hman te te atang te hian mi tam tak ngainat te, mi tam tak ngei te kan hlawh thei asin
Report this comment
December 19th, 2010 at 2:57 pm
Keimaha 1% hi ka thunun hleitheilo chu ani ber e!!! :rolleyes:
Report this comment
December 19th, 2010 at 5:08 pm
I diary chu i nuna thil thleng i ziahna emaw ka tia mahse “ang a” tih a va tam ve. “ang a” hi chu future tense a ni bawk sia mahse i ziak tha lutuk.
:wink:
Report this comment
December 20th, 2010 at 2:57 am
I last para chu a dik viaua mahse percent anga thliar hran ngailo in mihring piang tawhphawt hi 100% in in anna kan nei vek a, chu chu kan sual vek. Mifel hi a hranpa in anpiangloa (except Lal Isua) ‘100% pure sin’ in kan piang vek zawk a ni. Fel hi chu ‘Day by Day’ a zir chawp tur zawk a ni a, kan zir loh lai apiangin kan ze pangaiah kan kir leh zawk a ni. Sual hi zir chawp angai ve loa kan nei sa vek zawk. Hei hi Bible in a sawi ber chu lawm.
Report this comment
December 20th, 2010 at 4:02 am
asteric#18 A sawitum chu 100% lam a ni lo. Miin min ngaihdan hi tlem effort kan pek hian a danglam viau thei tih min hrilh a tum anih khi.
Naupang i kal pah a spin vel mai mai ai khan tlemin han inthlak ta la, i chhang ei ban han pe mai chhin teh. Fel nih i hlawh der mai ang.
Keipawh class 2 ka nih laiin mi pakhat kawngkal hian a instrument box la tha deuh mai min pe ringawt a, ka mamawh lai tak lehnghal ania tun thlengin ka la hria nia. Fel ka tih tuar tuar zia kha.
Report this comment
December 20th, 2010 at 4:29 am
Asteric #18, Isua khan a thisen zamah mihring thisen pangai a nei ngai anih chuan, chu thisen chuan sual hmasa (original sin) kha keng telin a bal a ni. Mahse, Isua Kirsta thisen kha bawlhhlawh awmlo, thalama dik vek, mihring te chhandamna tur khawpa fai leh thianghlim a ni lawi si!
Ziak tam takah chuan, khawvel ah nula thianghlim pakhat Pa Pathianin a fapa hring thei phak khawp a thianghlim duan leh thlan pakhat chiah a nei, chu2 Mari kha a ni. Pathian khan a uluk viau ang tih chu mimawl (keini ang)tan pawh Pathian biakna chang hriat chuan a hriat zel zul theih mai a ni. Virgin satliah leh hmeltha ngawt khawvel sual chhandam tu tur hring turin a thur chhuak tawpin a rinawm loh a ni.
“God has formed the soul and body of the Virgin Mary full of the Holy Spirit, so that she is without all sins,” – Martin Luther”
https://www.freewebs.com/lutera.....IOLOGY.pdf
Report this comment
December 20th, 2010 at 10:28 am
@bluemountain. . .a sawi chu a dik tho mai.Mahse ka lo tih fo thin dan ani a.Mizo tawngah cuan ‘anga’ tih cu future define na…’will,shall,will have’. .etc..ah chauh kan hmang kherlo,thil kal tawh indefinite leh continuous ah pawh,’would,should,would have’. .etc. kan hman na ang chi..(eg. Past tense:Zir la chu hmanah khan I pass tawhang a..) nih loh leh thil thleng tawh fo thin,future indefinite atan,la thleng tura kan lo dah lawk(e.g.Nidang angin ka fail leh ang a..).. Diary leh mahni private note,English pawhin nise,past tense a dah ai chuan,future indefinite a tarlan hi chhiar a nuam duh phian asin.(Eg. Zingah ka tho ang a,ka nau nen kan inkawm leh ang a..tih ang te hian)
Report this comment
December 20th, 2010 at 10:49 am
@18asteric:19 cotdarz chhan dan hi ka chhan dan tur ani e. Tarlan zawk mah chu: Kan nun a misual leh mifel kan thliar hrang lutuk te,misual tan fel theihna chance awm ve tawhlova dah te leh mi tuemaw kan ngei a,sual kan tih chuan dam chhunga sual tur,kan hmelma tura dah hi a fuh ber lo,tih lam zawk ani e. Misual tak kan tih hi thil ho tê vangin mifel leh kan tana tangkai ber an la ni thei reng a,chutiangin mifel tan pawh misual nih a harsa lo,tih lam ani zawk ang chu.
Report this comment