pics by ^-||R@lTE||-^.
Mipui a maka maka tam Aizawl Bazarpui-ah an inhnawh mup mup a. Pitar pakhat, kum 60 chuang tawh pakhat chu, chu’ng mipui sang tamtak zi mur mur zingah chuan, langsar lo takin a lo kat ve darh darh a. Nu leh Pa boral san, a tute leh a pasal pawn chhuak thei lote nen he khawvelah hian an dam khawchhuah ve nan, Sanngha rep leh eng eng emaw zuar kualin hringnun hi a lo hmachawn nitin a. In sum thawh khawm atangin Cheng 1000 a’n dawng mai chuh! A lawm zia kha thu leh cheziain a hril seng lo. Kan liam tawh hnute khan min la rawn umzui tak lawm lawm a!…
Zion Street-ah Pafa (berhchep ve tak) an rawn inkai thla hnak hnak a. Dilchhut ru angreng taka an tih turte kan han zawh chuan “Pawisa engmah kan nei lo. Thawmhnaw leina tur lam ni lo, ei tur leina pawh kan nei lo. Mi dawrah kan lut anga, miin min pe mai ang… kan dil tawp mai ang…” ti a, pawisa kan pe dawn a ni tih pawh hre lo, kan laka beiseina reng reng nei lo, mualpho leh zah pawh dawn zo lo Pafa han hmachawn meuh chuh! In sum thawh khawm atanga Cheng 500 kan pek avanga an lawm zia tak kha aw…!
Civil Hospital, ICU-a dam lo, mi pahnih hnena in sum thawh khawm atanga Cheng 1000 ve ve kan han pek takte kha… an dinhmun hrechiangtu, an mahni enkawltu/ viltu nurse kha lawm avanga lungchhia-in, a mit-ah tui zu rawn dir char char a mawle!
“He mite nufa hian ka thaw an tipik, cheng 1 pawh an nei tawh si lo. Tunah hian an pa in hlawh turin a tlan haw mek” ti a, nurse-in min kawh hmuh tak, in sum thawh khawm atanga Cheng 1000 zet an dawn avanga zak si, lawm si kara an bianga lawmna mittui rawn luang te kha… Nurse-in “a hun takah Pathian-in Misual rual a rawn tir a nih hi…” ti a, min thlah liam tate kha… in hmuh/ in hriat ve atan kan va it em!
Naupang pakhat, Nu leh Pa nei tawh lo, harsa taka a Ni-in a enkawl, a Masi kawrmawi lei nan ti a, in Sum thawh khawm atanga Cheng 500 kan pek zawh hnu a, an bula dam lo dang lo awmpuitu pa pakhat insum zo loin mittui parawl chunga “In thil tih hi a va ropui em! Lalpa’n malsawm che’u rawh se!” ti a, chibai a rawn sem te kha a va lawmawm em!
Kan kal liam dawn tepah duty pakhatin min koh let a. Chuta min kawhhmuh nu pakhat, chhungkaw chawmtu ber, a hnar atanga thi put tawp thei si lo, lapuaa a hnar an hnawh sak tak, (an pa hi kut tha lo a ni a, hna thawk hlei thei lo a ni awm e) hnena in Sum thawh khawm- Cheng 1000 kan pek takte kha. Thei leh theilo-in a kut vawt leh dâng dil-del khan min rawn chibai ang tawk tawk a!
TB Natna avanga nikum masi pawh damdawi ina lo hmang tawh, kumin pawh la hmang leh tur dam lo pakhat, tawng pawh tawng thei tawh lo, in sum thawhkhawm atanga Cheng 1000 a dawn avanga a lawm zia tak kha aw… A sapatal a ni ber a! Motor-a kan thut hnu pawha min rawn umzui a, lawnthusawi nana a tawng theih ang anga a rawn ‘âk’ ta nawk nawkte kha… thinlung hi a va khawih chiang tak em!
Additional input and photos by ^-||R@lTE||-^
Thiante u, sawi tur a tam, sawi sen a ni si lo. In Sum thawhkhawmte khan, chung lam hriatpui ngeiin thil ropui a ti a sin. Lawm avanga hnukulh teuhin patling kan insum nileng a ni ber. He misual.commers charity sem tura mahni hna tulte kal sana, ni 2 ngawt fehchhuakte hi mihring ve bawk anni a; riltam thei, chau thei, chhawlhal thei ve tho anni. Mahse, heng atan hian charity sum hi cheng khat pawh pawhpen a nih loh mai bakah, sum dawn belh a nih apiang khan, an mahni ip atangin engemaw zat an thawh belh zel zawk zu nia.
Thlalak post turin hei, Aizawl lam kan che thei tlat lo. Lunglei leh Kolasib lam post-ah comment kan vawm lut thei tawk chauh a ni. Signal an tih hian min liam san nal nal a ni ber a. Hmuh hreawm- hmuhnawm bawk si te, hnuk tiulh- lawmawm bawk si te kha han hmu ve thuai thuai thei ula kan tih vei nen!
Awle, ropui lo tak atanga bul tan Misual.commers Christmas Charity hi Lalpa lawm zawng leh a hriatpui ngei a ni tih a chiang hle a, kumin hi a thlen san lai ber ni loin, kumtinin sang tual tual se, hlawhtling deuh deuh se kan va ti em! Aizawl, Lunglei, Kolasib-ah beisei phak baka tam thawhhlawm tla vek a, a va lawmawm em! Mi rethei harsate hre renga phal taka in sum thawhkhawmte kha Lalpa’n mal a sawm tih a chiang hle.
Lalpa ropui ber rawh se!
Charity Bawm hawn zana misual rual kal khawm te
Maisek te nupa inpekna a ropui hle mai!
As_khiangte kaihhruaina hnuaiah hlim takin kan zai ho. (Insat: misual celeb 
)
Bawm chu hawn a ni dawn ta!!
Bawm chhunga ro hlutak chu phawrh chhuah a ni ta!
Misual rual leh mifel hmeichhiate Vuvuzela nen As_khiangte dawrah charity sem turin kan inpeih ta
Bazar chhungah leh kawng dungah te kalin charity chu kan sem ta a…
An lawmna chuan a petute leh a thawhtu thinlung pawh a tilawm ngei ang!
Damdawi In lampang ve thung…
Thlalak dang nei te khan han thawh ve chur chur rawh u le… Merry Christmas vek u 
Similar Posts:
- Misual.commers Charity BAWM hûn a ni ta!
- Mi(sual)dotcommers Charity Bawm hawn a ni ta
- Hey Tonight! -Misual.Commers Charity bawm hawn a ni dawn ta!
- Lawmthu Sawina
- Charity Bawm kha…
December 25th, 2010 at 2:05 am
Misual charity chungchangah hian sawi hnawm tur emaw, inhnial chiamna tur emaw, thil dik lo emaw hriat i neih chuan, mumal takin han tar chhuak teh khai. Ruih phur(?) chang apianga awmze nei loa chimawm ringawt thin lo hian… Ka lo nghak che.
Report this comment
December 25th, 2010 at 2:06 am
In va la na ve aw… I’m so sorry to say that.
In tan a ka sawi a nilo tih hi lo hria ula lo sensitive lo hram teh u.
Min judge dan ka care lo, duh duh danin min sawi ula, min judge ula ka care lo, mahse ka comment atang chuan lo sensitive tawhlo hram teh u. Min ti chep lutuk, ka thil sawi a nilo zawnga inlo lak zel techuan ngaihdan pawh ka sawi ngam tawh dawn hleinem le…
I’m serious, I’m not talking about misual charity and the related issue.
Report this comment
December 25th, 2010 at 2:06 am
Funny hi chu a lum reng, a vawt ngai lo. :lol:
Report this comment
December 25th, 2010 at 2:06 am
pu shai, tunah kalo leng don. Lolz
Report this comment
December 25th, 2010 at 2:11 am
nia, misualah hian hetiang renga intifing si fing si lo, mawl mah mah zawka i comment reng chuan i chep tawlh2 ang. Lawrkhawm lamah transfer mai teh lalfun.. I nick pum type pawh ka peih tawh lo ve.. Pawnfen feng la mu rawh.
Report this comment
December 25th, 2010 at 2:14 am
Nizan hmasa ah pawh hei hi ka sawi a, thenkhatin anlo la sensitve tawh bawk… (sem bang chungchangah)
Nangmahni ho in (misual member dangte pawhin) mimal tak pawhin, mi zawt chawp pawhin, veng thenkhat a mi inhnuai luah rethei leh tanpui ngai ve tak tak tanpui tur thawh khawm dan te a awm lawmni.
A harmless bawn tawp… hetiang leh zel lo lak sensitive te phei hi chu a rilru chingchivet thlak emai.
Report this comment
December 25th, 2010 at 2:21 am
ngei zawng leh ngei zawnglo neih tlat tehi a hmeichhe rilru ania.
Nuthlawi an cheh an sawi ang maia, tawngkam hlawk tak tak hman thin tehian kan rilru phak tawk ati lang chiang ve bawk a… bleuuu
Report this comment
December 25th, 2010 at 2:24 am
funni thiltih sawitur nei ve lo pa, misual ho in an thiltih that an sawite hian i rilru a lo na a nih chuan,Pathianin a thil tih tum a ti hlawhtling a lo ni zawk a lo nih hi.a va lawmawm em, Setana chu hnehin lo awm zel rawh se.
Report this comment
December 25th, 2010 at 2:29 am
funny, hmeichhe pawnfen feng la, zung la mu rawh.
Report this comment
December 25th, 2010 at 2:36 am
funny, veng then khata mi in hnuai luah, rethei tanpui ngai tak takte hi he misual charity sum ngeia tanpui vek theih a chakawm reng a sin. Mahse, tuna kan pek takte pawh hi chung mite aia an phu loh bikna a awm chung reng2 lo a nia. Mi 1 kan tanpui khan midang, tanpui ngai ngawih2 10 vel an rawn lang leh a, in pek sen a ni si lo. Mahni tawkah thahnemngaih a nâ duh teh a sin. Nang pawh mi retheite lainattu i ni a, KS tawng thei ang maiin, he charity hi sawi hnawm tumin bauh fo teh suh. Theihtawpin moral support te min pe la, nang meuhin min phurpui chuan kan va hlawhtling lehzual dawn em!
Report this comment
December 25th, 2010 at 2:36 am
Hla in;
Thlemna ten eitur min pe tawh zawk ang
A tih ang deuh khan, thlemtu hi Setana ania, ringtu puitlingin Setana atanga eitur an hmuh laia, Setana avanga puitlinglo taka lo tawng pawr viau hian kan rinna level tepawh ati chiang lo maw.
Tirhkoh Paula’n, “Dan(Dan avanga felna or etc etc… in la sensitive leh awmsia ka sawi zui lo mai ang) chu ka tan thihna…” a tih ang deuhin hlawknan hmang thiam ila, thinrim nan nilo.
Lawmna chungchang ah pawh, phillipi bung 4 chang 4 in a sawi ang deuh khan, kan thil tih that te leh kan vanneihna te avang chauha lawmthu hril tur kan nilova, “engkim” khan kan vanduaina te a huam vek zawk ani…
Thuthlunghlui ah khan entir alo ni tawh a, Israel fate rulin a chuk a, hrehawm an tih em em laiin Mosia’n dar rul a khai kan en a piang chu an dama lawmna an hmu ang khan, thuthlungthar ah chuan, mihring fapa kross lera khai kan a awm en apiang chuan lawmna an hmu zel ang. Chu kan Lal Isua kan tana kross lera khai kan pian cham dam taka hmang theia kan awm tehi lawm tur kanni zawk e.
Merry Christmas
Report this comment
December 25th, 2010 at 2:46 am
Merry Christmas….. in va inhnial fiam nasa ve
Report this comment
December 25th, 2010 at 2:48 am
kawlhawk #210: In sem bang ho sem dan tur ah khan ngaihdan thawh chungchangah open takin pu shai an a rawn hawng a, chumi chungchangah chuan ka ngaihdan ka rawn sawi ve mai ani. In sem tawh lam ka support loh lam ka sawi lova ka support em em zawk ani. Hman bang la awm sem danah, hmelhriatte tanpui ngai sawi hreh te anlo awm theia, bakah mimal taka tanpui ngai kan hriat te pawh sawi hreh kanlo awm theia, chutiang zawng zawng huama ka rawn sawi ve chu ani e. Sarcastic zawnga ka sawi anilo bawn tawp. Kei pheichuan tun tumah hian ka thawh ve miahlo, thawh ka tum ve tang tanga, mahse ka bank account a buai deuha bank a kal khera tih kual angaia ka ti hman talo mai zawk ani. Mahse ka comment apiang lo lak kawih hi a tulna pawh ka hre lemlo. Thawh velo pawh ni ila, ka ngaihdan chu ka sawi thei.
Report this comment
December 25th, 2010 at 2:53 am
funny@211,
Hla in;
Thlemna ten eitur min pe tawh zawk ang
A tih ang deuh khan, thlemtu hi Setana ania, ringtu puitlingin Setana atanga eitur an hmuh laia, Setana avanga puitlinglo taka lo tawng pawr viau hian kan rinna level tepawh ati chiang lo maw.
Haha… Setan ang em ema intehkhin phei zawng a ngai chuang law… A chunga ka komen #210 khi uluk takin i lo chhiar dawn nia. Mangtha phawt.
Merry Christmas!
Report this comment
December 25th, 2010 at 2:53 am
Lal thar a pian khan Jerusalem ah chuan an buai nuaih nuaih a, mifingte erawh chuan nausen Isua chibai buk turin Bethlehem lam an pan ta a nih kha, ranthleng tlawm taka nausen chu sit na leh rinhlelhna nei miah lovin an thil pek ken te chu an pe ta, an thinlung a va hlim dawn em
Report this comment
December 25th, 2010 at 2:57 am
kawlhawk 214: hahaha, deuh kher che chuan, Setana chu ka ni biklo ania aw.
Report this comment
December 25th, 2010 at 2:58 am
Leh lawk! funny, i comment apiang hi ka ngaikawi miah lo a nia. I comment tam zawkte phei hi chu, misual comment-a ngaihnawm leh bengvarthlak ka tih ber2 te an ni e. :titaktak:
Report this comment
December 25th, 2010 at 3:02 am
Krismas chibai mawlh mawlh u! A thawhlehna thleng in ngaihtuah ang aw! :happy:
Report this comment
December 25th, 2010 at 3:28 am
Tlema thil tha ti nia inhre fal deuh thin hi chu kan awm mawle. Ngaihtuah chiang ila kan hlimpui leh ti tha kan tih em em kan tranpui te sum kan pek zat aia sang kan pheikhawk ah leh fa te pheikhawk manah kan seng vek tho si a.
Kan tih awmtawk kan ti ani tih mai hi a tawk vei nen. Charity anih avanga uchuak taka sawi ropui hi a trul lem hleinem, kan la ti fo zel bawk angchu, kan sawi chhe reng reng hleinem.
Report this comment
December 25th, 2010 at 4:23 am
i love it!!! a va ropui ve!! lo thoh ve thei ila k va t ve…
Report this comment
December 25th, 2010 at 7:25 am
Masi chibai vek ule. Damin hlimin hmang ulangin.
Report this comment
December 25th, 2010 at 8:08 am
Û-â-mâ hman nuam vek u le
Report this comment
December 25th, 2010 at 8:38 am
Christmas zing a lu na deuh,theithur chak te misual zing ah kan awm m?
Christmas chibai vek u le.
Report this comment
December 25th, 2010 at 8:52 am
Chibai u le. Masi kan thleng tak tak ta! “Remthu leng rawh se”
Report this comment
December 25th, 2010 at 9:11 am
@ 214 Kawlhawk..I tidik lutuk,Hmusitna,elrelna,sawichhiatna,tihduhna na te hi Thlarau lam chawtha a ni daih zel asin.
Experience hian Fin sawtna min pe a nia.Thu therhlo te te lo zep tawk awmte pawh a tha tho e.
IN VAIIN MASI CHIBAI VEK ULE.
Report this comment
December 25th, 2010 at 9:21 am
Ava ropui em!!! Masi chibai vek ule
Report this comment
December 25th, 2010 at 9:22 am
In zavaiin “KRISMAS CHIBAI U LE”
Report this comment
December 25th, 2010 at 9:30 am
Ka mi(sual) pui te zawng zawng, Krismas Chibai vek u le…
Inkhawm turin a hman hman inbuatsaih ang u aw…
Report this comment
December 25th, 2010 at 10:11 am
Ka misual thian te zawng zawng, in zavaiin masi chibai vek ule! Hlim takin hmang theuh ang che u! Merry Christmas!
Report this comment
December 25th, 2010 at 10:44 am
Merry xmas to all misual.commer
Report this comment
December 25th, 2010 at 10:49 am
Vawiin chu Ka va mal ngauh ngauh ve misual ah hian
Report this comment
December 25th, 2010 at 11:20 am
@rascal, mal love a…
Report this comment
December 25th, 2010 at 11:28 am
Cyber thanks
i lo awm ve reng a ni maw
Report this comment
December 25th, 2010 at 11:31 am
Awmve reng chu anih hi… Hmanzana Lalfrost-an recent comments a a hming tlar thlak a tumzan te kha a va ngaihawm em tiraw?
a liam leh mai dawn chu ani sia le
Report this comment
December 25th, 2010 at 11:49 am
pangtichawr hi a tho ve tawh em aw? Mas chibai ka buk duh a…nizanah tualchher wine a khiat a ni awm a
Report this comment
December 25th, 2010 at 5:50 pm
@Cyber chu chiah tiro, hun hi a kal chak a nih hi, kan upa leh sawt dawn a nih hi
Report this comment
December 25th, 2010 at 9:58 pm
Report a ngaihnawmin, rilru a tithar khawp mai. Thinlung taka, midangte tanpui ‘duhna’ nei ni mai lova, a taka ‘lanchhuah’ tirtu kan ni thei hi a ‘rau’ lai tak chu a ni.
Misual te thilpek hian, midangte tana malsawmna alo thlen theih avang hian, tun Christmas chu ka hman tawh te zinga nuam ber leh hlawk thlak berte zingah min thlen tih ka puang e.
Mi tinin kan theih tawk ang theuhin, tun tum mai nilo hian…kan hun lo kal zel turah pawh mite tana malsawmna thlentu ni thei theuh turin tan la thar zel ang u. ‘Misual=midangte tan’…ni zel rawh se!!
Report this comment
December 26th, 2010 at 12:47 pm
Hnuk in va ti ulh ve aw….. Misual ho nge nge
Report this comment
December 27th, 2010 at 7:38 pm
Han sawi belh ve tur pawh ka hre lo!! A ropui e, Misual zawng zawng Pathian in malsawm theuh che u rawh se. 2011 ah hei aia nasa zawk a mi te tanpui thei turin Lalpa’n min awmpui theuh rawh se.
Report this comment
December 29th, 2010 at 5:24 pm
A va ropui em! Misualho in thiltih avangin Mizo leh misual nih a nuam sawt!
Funny comment ngaihthlak a dang zar zel a, amah avangin misual.com comment chhiar a nuam a ni!
Tang fan fan.
Report this comment
November 22nd, 2011 at 3:01 pm
[…] leh kum hmasa lamah hlawhtling takin Misual.Com charity kalpui a ni tawh a, (https://misual.life/2010/12/.....n-veltute/, https://misual.life/2009/12/.....n-a-ni-ta/ ) mi inpe leh […]
Report this comment