He thupui inzawmna neilo tak hi sawizawm i han tum dawn teh ang. Zoram kalsana Phai khawluma zirna run bel tura ka lawiluh ni hmasabera ka thil hmuh chuan ngaihtuahna thui tak min neihtir tlat mai. Zoram lama Evangelist leh thalai phanchang in hmuam up deuh te ah tur vela ka ngaih Mizo iptechei ngei mai kha class kal nan Mizo ho chuan an lo ak far maia. Ka nui tep lehnghala, mahse ka han hawi zau deuha Mizo mai ni lo vai ho in kan ipte chei ngei mai an ak kha ka hmu leh ta nual mai, mak ka ti angrenge hle a.
Ni e, kan puanchei leh kan ipte chei te hi a mawina leh a hlutna tak tak ka lo la hre ngailoa, mahse khami ni khan ka hre tan chauh a ni. Mizo kan ni tih lantirna awlsam tak anih bak ah a lo mawi zia hi ka hre ta telh telh mai. Kei chang ni lo hian heng kan tlang mi pui Naga te, Manipur ho te leh Vai hnamdang te hian mawi an lo ti lutuk tlat mai hi. A colour tone leh composition hi a lo fuh em mai a lo ni.
Tunah chuan chhuang tak in ka ak ta leuh leuh mai. A lo awlsam in file vel ah nan pawh a tha phian mai, thil phawrh zung zung a awlsama, tin a rawng leh a zia vang hian min chei em em bawkin ka hre thin. ka chhuang thar ta khawp mai. Chawlh hmanga ka haw dawn meuh chuan ka advertise miahlo chung pawhin ka hnamdang thiante chuan Pa 7 vel chu min chaha. Ka thlenthlak leh chuan ka ipte chei hawn chu a zo rang ngang mai.
Mawi lehzualin aw
Kerala ho hian kan ipte ang deuh hi an nei ve a, a zia leh rawng ah chuan kan iptechei erawh a khan lo khawp mai. Heng hi Rs 100 -700 man thleng te a awma, chi hran hran in an siama. A tung deuh hmeichhe ah duhzawngtur deuh te, a hraw leh hlai deuh mipa ah duhzawng tur te, tin Racksack ang chi pawhin an siama, pawh zih mai theih a ni a, a nalh ka ti hle mai.
Kan Mizo iptechei ho hi Rs 250/- in ka lei a, duhai hian han ah rim chuan a thuina vel hi a tlo lo hma viau maia, tin File A4 size paper holder han ah dawn hian a lenglo tawk vel chiah chiah bawka, hei aia size lian hret hi siam thei se ka ti hle mai. Tin keia duhdan chuan a ah na hrui hi hei ai hian hlai thei hret sela, tin tlema chhah ve deuh ni bawkse, hei ai hian ah a nuam anga a rinawmzawk bawk ang.A chhunga tepen leh lining na hi hei ai hian uluk thei bawk nise duhthusam a ni. A leitu kan la tam loh vang nge ka hre lo a kei chuan to chu ka ti deuh.
Inkalpawhna nen chuan engtin?
Tour leh field trip kan kal dawn reng reng hian a zo a vai hian tlangram hmun hi tlawh kan chak vek a. Kal pawh kan kal nasa phian mai. Heng kan kal tawhna te hi India in tourist spot-a a neih tha ve ber ber te an ni ve nuala. Heng atanga ka thil hmuhchhuah chu heng te ai hian kan Zoram hi a lo mawilo bik reng renglo tih hi a ni. Kan ram ah hian lei hausakna a awm lemlo a ni thei, tin thlai ilo tih tham kan thar chhuaklo a ni maithei. Mahse kan ram erawh hi chu man peka tlawhna tham ni tur hian a tling ve tawk hian ka hria a ni. Engvangin in nge he kan ram mawi tak hi kan dah trawl mai ang ni!.Hei hi siamtu’n malsawmna min pek liau liau ni hian ka hre thin, a enkawla leh mi hip khawm erawh kan chan.
Mi state ten tourist vang ringawta sum an lakluh hnem thinzia ka ngaihtuah chang hian chuan ka awt a ka thik thin. Ho e, an ram ang tho kan nei ve a, a mawi biklo em mai te kan ti leh ringawt thin.
Tourist ten an tlawh theih tur chuan inkalpawhna tha kan mamawh hmasa ngei ang. Hman deuh ah khan Sairang thleng Rel luhtir tih vel kha sawi a awma, ka lo phur hman em em khawpa.Mahse hnamdang lo lut tam lutuk tur hlauthawnna vang khan an ti puitling thei dawn ta lo nge ka hre zui ta lo. Hemi chungchang hi sawi chiam ka chak thin mahse nakin ah a hrana ziah ka la tum vangin duhtawk rih mai teh ang.
Thil pakhat erawh kan ram ah hian tourist lo kal hi kan phal chiah angem? tih erawh zawhna pawimawh tak a ni. Tunah rih chuan khap tam lutuk leh kan kristianna kawra kan hmang nasa lutuk hian kan ram hi tlawh a ti chakawm lo maithei. A tlawh tawh te pawn kal nawn an chaklo maithei. Mipui kan inpeih hmasak angai.Kan ram rawn tlawh tur hian vai hmelchhe te te ho chauh hi rilru ah awmlo se, heng French te, Russian ho te hi tlangram lawm tak an ni a, ninawm khawpa tam hi hmuh tur an awm ve ziah. Kan riru hian foreign ngaihtuah thlengpha thin ila ka ti hle mai.Tichuan he kan ram mawina hi kan phochhuah thiama inkalpawhna tha tak kan neih hunah chuan kan Ipte chei mawi tak leh kan kutchhuak thil te hi kan hralh chur chur mai anga, mi tamtakin eizawnna an lo neih phah anga kan economy a kang sawt sawt anga, aw a va han nuam dawn tak em!.
Similar Posts:
- Khiangkawi Ipte
- Mizo Hlakungpui Mual chei that mek a ni
- Tun ang ni lo nakinah!
- Mipa chu MIPA! Hmeichhia chu THIL.. :)
- Mukteswar Leh Nainital
January 2nd, 2011 at 6:34 am
1st be khaih ang
Report this comment
January 2nd, 2011 at 6:40 am
2nd ve mai. Iptechei hi inkhawma ah thin hun kha a ngaihawm ta mai dawn. Bag te in kan thlak ta deuh a. Kei chu vawiin thleng hian ‘inkhawm ipte’ ah ka la hmang.
Report this comment
January 2nd, 2011 at 6:53 am
Ipte chei hi ka thianpain a college kalnaah nitin a la akchhuak ziah thin.
Kei paw’n primary school ka kal laiin a hrui hlai hlep hlawp ka ak hnak hnak thin. Mahse, chu chu a dang ah tur neih loh vang a nia. A ngaihawm ta ngawt mai.
Report this comment
January 2nd, 2011 at 6:55 am
ka chhiar chhuak thlap, a tha e
Report this comment
January 2nd, 2011 at 7:18 am
Mizo Ipte chei, mawi leh nalh fahran, design hrang hranga siam hi Thenzawl a Self Help Group ten an siam a, man tlawm leh tha si a ni. Dawr theih anih chuan a lawmawm hle ang.
Pawl sum tuakna leh kahpaha an eizawnna pawimawh tak mai a ni. Conact duh tan Serchhip DRDA contact theih a ni e. File leh Folder anga siam pawh an nei. Vaiho siam nen a rate a inang reng.
Report this comment
January 2nd, 2011 at 7:37 am
Post tha tak a nih hi.
Kan ram hi a mawi, tourist hip tur chuan tlawh tlaka kan siam a ngai, ‘siam’ ka tih hian tih danglam emaw khawih chingpen lam a ni lo (Thasiama se noneihna a step rem leh vawnban siam angte) Pathianin a siam dan ang anga uluk taka humhalh a ngai a, chutang ti tur chuan a ngaihna hria ram hruaitu kan neih a ngai.
Mipuiah inzirtirna mumal tak kan neih a ngai bawk, Reiek tlang pawh kan ching phul zo ta, tlang chhipah khawthlirna kan han siam ngawt a, bawlhhlawh paihna ni awm khawpin a bawlhhlawh a, a then an lo e thul, khua hi kan la var lo teh a sin mawle
Kan CM neih thenkhat lahin tourist te hipna a nih beiseiin tlang chhipa 5* hotel sak te an lo tum vei nen a ngaihna hi a awm lo a ni e. Chuvangin khualzinte kan hip duha, an hnen atanga sum hmuh kan inbeisei a nih chuan tourism dept. ah hian a ngaihna hria awm sela ram hruaitu pawh i thlang fim khur lehzual teh ang u.
Report this comment
January 2nd, 2011 at 7:45 am
Post hijack na nilovin zawhna kan zawt lawk. Indian Railways Rel a zin hian eng class nge tha ber ang (affordable+comfort) First class chu a nuam ber anga mahse thlawhna nen a in ang emaw a to zawk mah mai thei a, first class aia hniam si, mahse tlema nuamsa ti maiang ac leh mutna vel awm ang hi eng class nge ni ang le? Tiangah chuan Calcutta-Bombay return ticket hi engzat man vel nge ni ang? :?
Report this comment
January 2nd, 2011 at 8:00 am
Aryan, engkim a awm ang tah hian.
https://www.indianrail.gov.in/b.....tions.html
Report this comment
January 2nd, 2011 at 8:17 am
Tourist-ho chu i han hip tak tak ang u hmiang.
Report this comment
January 2nd, 2011 at 11:03 am
Sairanga rel lo lut tur kha,bansan ala nilo,an la kalpui ve zel. .mahse hmasawnna hi a chak mawh em a ni. .Khiangkawi ipte hi nalh ka ti kei pawn, leina ka la neiloa,ka la lei ve ngei ang. .keicu ipte pui angte hian awm se te ka tia
Report this comment
January 2nd, 2011 at 11:28 am
Mak deuh chu kan ipte chei mawi tak mai hi Mizoram chhung, a bikin Aizawl khawlai a han ah te hi thalai tam tak chuan an zak tlat mai niin ka hria. Post tu pa sawi ang hian, phai lamah hnamdang bulah chuan chhuang takin kan ak ngam bawk si a. Aizawl ah hian khawlai ah, nula leh tlangval ipte chei ak i hmu ngai em, inkhawmna tih lovah? Kan theih ang tawkin kan hnam thilte, kan ram kutchhuak ngeite hi ngaihsan a remchanna ang ah chuan hman zel hi intihhmuh ila a tha ngawt ang le.
Report this comment
January 2nd, 2011 at 12:16 pm
kei pawh ka ak ve zeuh zeuh
Report this comment
January 2nd, 2011 at 12:38 pm
Hnam rilru pu chungin, Ka ak ve ziah tawh ang
Report this comment
January 2nd, 2011 at 1:08 pm
Mizote hi sumdawn peih leh thiam tak kan ni a, mahse kan thiam dan hi mi ram siam zawrh chhawn hi a ni deuh rih a, keimahni thilsiam ngeia sumdawnna hi promote dan kawng kan dap thiam a trul hlein ka hria.
Kan ipte chei leh puan mawi tak tak te hi a man tlawm zawk leh quality hrang hranga siam chhuah a zau zawka pho chhuah hi a hun tawh hle. A man hi a to an ti deuh thrin niin ka hria a, tlawm si thra si a siam chhuah a pawimawh hle.
Tourism promote kawngah hian sawrkar hian hma a la chak tawk lo rih khawp mai, facility kan la nei chhe lutuk. Zu zawrh khap mawlh mai hian thil a tih harsatna a tam hlein ka hria.
Report this comment
January 2nd, 2011 at 1:14 pm
vairama ka duhsak zawngte hi khumbeuh nen ka pe keuh zel,mizoram atanga ka rawn hawn che nia ka ti a,
Report this comment
January 2nd, 2011 at 2:15 pm
Ka Nu(RIP) khan Ipte Chei chu a tah ve nasa ṭhin. Sikulah ka ak nasa khawp mai. Tunhnuah hian, sawi ang deuh khian, ka duh aia a tet deuh avang hian ka ak ngai ta mang lo. Hmeichhe incheina Mizo tak leh mawi taka an modi ang deuh hian tih dan chu awm chiang ang mawle!!
Report this comment
January 2nd, 2011 at 2:17 pm
Iptechei leh Puanchei kher hi chu a lo mawi ani. Keini pawh kan awmna hmunah hian a neitu mizo ai mahin hnam dang ho hian an ngaisang emaw tih tur a ni tlat. Puanchei ngat phei chu hunpui, sunday tuk inkhawm leh prog lian thamah lo chuan an bih/veng ngai lo. Ngotekherh hi an chhehchhawl deuha thingphurhnante an hmang fo mai. Mahse a hmuh a nuam vek e,mahni hnam thil hnam dangin an inbel hmuh hi a lo nuam phian anih hi.
Tleirawl phat atangin iptechei hi ka thlah mang lo a ni, tlem laia Aizawl chhuahve tuma kan bazar na-ah ka lo ak peka kan thiante nula ho khan min nuih tit tet thin a, mahse ka zak chuang lo, Mizo ka ni tlat.
Post tha tak ani tih ka Mizo thinlung hian a nemnghet e.
Report this comment
January 2nd, 2011 at 7:18 pm
@As_khiangte. #14 :thumps up: :wink:
khawizu leh hnutetui luanna rama cheng kan la ni lo miau sia leh. Kanram thilneih fahrah te te hi a fahrah na langlo lek lo khawp a hmangthiam kan nih chuan din chhuah pui hun chu kan la nei khawp ang le. englo tawite nei pawn a hmanthiam chuan a tihtur a tithei vek tho alawmle. . . Ha ha ha :lol:
Report this comment
January 2nd, 2011 at 7:20 pm
@As_khiangte. #14 :thumps up: :wink:
khawizu leh hnutetui luanna rama cheng kan la ni lo miau sia leh. Kanram thilneih fahrah te te hi a fahrah na langlo lek khawp a hmangthiam kan nih chuan din chhuah pui hun chu kan la nei khawp ang mawle. englo tawite nei paw’n a hmanthiam chuan a tihtur a tithei vek tho alawmle. . . Ha ha ha :lol:
Report this comment
January 2nd, 2011 at 8:27 pm
Ka naupanlai in ka ak ve thin .Tunhnu hian ka neilo hi ka in chhir khawp maki.Mizoram ka kal hunah chuan tha tak ka duh ang zan a min siam sak theihtu ka hmuh hlauh chuan to deuh mahse ka lei ngei 2 dawn.
Ipe ah chi lo deuh pawh to lemlo tha si hian design hrang 2 siam ve seng tlaw deuh turin.
Pi i nei ve em? Nei e .Ka pi chuan ipte chei ani.a mawi ngei mai.Ka ni tah aniawm e.Tih kan zirlai ka hre chhuak. :lol: :lol: :lol:
Report this comment
January 3rd, 2011 at 2:26 am
khiangkawi ipte leh puanchei leh kawrchei hi nalh ka ti tawp a,hnamdang bulah pawh ka chhuang thei teh asin.I thuziak hi tha ka ti khawp mai,nia mizoram tlangram mawitak hi TOURIST hip zawng a cheimawi ve chakawm hliah hliah khawp mai. :rolleyes:
Report this comment