Khawinge post khat manah tun tum chu kumthar te ani bawk a, corruption chungchang hi i han sawiho dawn teh ang u. He thu hi he site ah ngei pawh vawi tamtak khel ani tawhin ka ring a, mahse kumthar atan a vawikhat nan i han sawiho leh teh ang u….
Corruption han tih hian tamtak chuan kan rilruah pawisa eiruk hi a rawn lang nghalin ka ring. Mahse a awmze dik takah chuan hei ringawt hi ani lo. Keimahni avanga midangin an chanai tur an chan loh te, mahni tihtur tih loh te leh mahni tihloh tur tih te thleng hian corruption huangah chuan a leng vek ani.
Mi tamtak chuan corruption hi kan/an haw tak tak nia ngaih theih turin an ngaihdan an auchhuahpui piap piap thin. Heng ho te hian an haw tak tak lo ka ti ngamlo, mahse corrupt thei dinhmuna dinloh avanga mi corrupt lo sawi chhia tlangaupui ta piap piap hi engzat tak awm ang maw tih hi ngaihtuah tham tak niin ka hria. A tlangpuia lak chu ka ngamlo, mitha leh fel tak tak te hmertel palh a hlauhawm a, amaherawhchu mizo mipui 2/3 zet hi chuan corruption hi kan hawlo niin alang. Kan hriatthiam loh vang te pawh ani mahna.
Zirtirtu i ni a, i hnaa i kal loh fo khan corruption ani. Sorkar hnathawk officer i ni a, i hnuaia hnathawkte office hour piahlama i huan samfai tura i tih khan corruption ani. Doctor i ni a, i duty loh zan anih avanga tlawmngai tura an koh che pawh a i tlawmngaih theihloh tlat avanga nunna hlutak miin an chan chuan i corrupt nasa ani. Layman i ni a, thenawmte ram i nek tung tung fo khan i corrupt ani tih inhria la, kawngpui zauh a tul huna i ram i sah hek tir duh tlatloh pawh khan i corrupt tho ani tih inhria ang che
Nikum kha ka ngaihtuah thin, khati khawp tualthahna leh pawngsual, inpawngnekna a thlen nasat kha kei misual hian ka la hre ngailo.. Ei leh bara harsatna chu sawiloh. Orissa chu drought, tsunami leh thlipuiin a nuai chuan an sual vangah kan puh a, Graham Staines an halhlum vang leh Christian an tihduhdah vangah kan puh a. Kan ram (100% Christian?) a khatiang khawpa thilthalo thleng zozai kha engvangah nge kan puh ve dawn? Vanduai hrim hrim vang maw? Teuhlo. Mitin mai hi kan sual zo tawh a, kan duham luat avanga kan chanai nilo chan kan tum te, kan chapona zozaite avanga Pathian lung kan tihawi loh te, kan thatchhiat lutuk avang te a Pathian min hremna ah ka ngai hmiah mai keichu…. In ngaihdan nive maw…
Keipawh zirtirtu ka ni a, inenfiahna tur tamtak ka nei. Kan zingah pawh hian sorkar hnathawk tamtak in awm ang. Kan zavaiin inenfiah ang u….
ZG iangin Zoram khawvar hun ka va nghakhlel em!!!
Similar Posts:
- Yet another NGO against corruption
- Anti-Corruption Council
- Corruption, tunge a mawhphurtu?
- Politik
- Corruption Rating in India
January 3rd, 2011 at 10:37 pm
kawrapsawn cc hi chu a ngawih mai2 theih loh a nih hi :lol:
Doctor te hian medical/professional ethics an nei ngei ang a duty hourah chauh damlo entur tih a awm miah lo ang !
Kawrapsawn in min chiah hneh tawh zia leh a ngampat tawh zia hriatna chu, kawrapsawn cc sawi a piang a, sawi mam zawng a sawi ve ngam hi tam tak an awm ziah hi !! kawrap ho hi chu mi THISEN DAWT annia vampire ka ti mai, kawrapsawn hi haw viau mahila tun a kan ram dinhmunah hi chuan chak tak leh sawt tak a hmalak vak ngaihna a awmrihlo niin a lang, keini thribehlo te tan chuan.Kan tih theih chu mi kawrap te leh anchhungte hi kan chhungkua nen engtin mah inneih pawlh etc pawh a inzawm loh hram te hi tum ila… heng mi kawrap te hi an mihring sual em2 vang pawh a nilo a, an mahni a ramhuai duham tak cheng tlat tih tir kha a nia, anmahni haw lova a ramhuai sual kha huat zawk tur a ni… tin, an ramhuai pai kan kai ve loh nan anmahni leh anthlahte nen kan thlahte inzawmloh hram tum ila chu2 kan tih/tum theih nghal mai pa 1 chu a ni
Report this comment
January 3rd, 2011 at 10:39 pm
#49, A dik khawp mai. Mirethei leh ramin a tawrh phah bawihna khawp hi a awm. Mi chan ai lak sak chi te. A nep deuh chu a ‘ṭha’ tihna ni chuang lovin.
Report this comment
January 3rd, 2011 at 10:42 pm
Connection ka nei chhe fahran lutuk a, post pawh ka vil tha hman meuh lo. Post a chhuak tih hriat a, vil hmanloh chu ava hrehawm em…
Nia, doctor corrupt chungchang khi. Khi thil khi chu a divine deuh ruih avangin ka sawifiah angai tlatin ka hria. He thu ka ziah lai hian ka nupui boral dan kha ka rilruah a rawn lang a, ka ziak ta mai ani.
Nunna hi kan ta ani lova, min petu Pathian ta ani. Doctor nive lem si, damloh leh hmanloh vang pawh nilo ‘ka duty ni anilo’ tih vang ringawta nunna hlutak thlahliamtu chuan Pathian ta a eiru chiang ani….ka tive tlat
Report this comment
January 3rd, 2011 at 11:44 pm
CyberThug: ka vei em em vang pawh ani chuanglo, “ka tel ve…” I ti khan ka hre deuha, chu vang mai mai chuan ka rawn fiam mai mai che mawle
I tan em em, “fak hlawhlo val rual” ho corrupt leh corrupt loh chungchang tehi rawn post leh nghe nghe teh a.
Report this comment
January 3rd, 2011 at 11:45 pm
Cyberthug, kan haw lo, corrupt official te dinhmun a din ve theih kan chak zek zek vek! hei hi a pawi thui..a pawi thui vawng vawng…
hei hi moral corruption…corruption zawng zawng a hlauawm ber chu ani. Mawhphur tute chu kan politiciante, kan officer liante an ni..enge kan tih tak ang le????
Report this comment
January 4th, 2011 at 12:33 am
@funny… I tum ka hre rin ranah…
@lrpa, a dik khawp mai. Kan kaldan hi kan thlak loh vaih chuan kum 10 vel hnuah Mizoram chu bung hrang hrangah a kehsawm ve ngei ang le
Report this comment
January 4th, 2011 at 12:49 am
Mi(sual) user zing ah hian sorkar hnathawk corruption a hming hliau na nei kan awm em?
Report this comment
January 4th, 2011 at 12:50 am
Kan haw khawp mai. Haw em em te hian eiru thrin kan deusawh deuh deuhte dinhmunah hian ding ve ila enge kan nih bik ang tih hi ngaihtuah tel a ngai ve tho. An zir laia rilru thianghlim tak pu, mahse thiltithei tak nih hnuaa engmah ni ta lem bik lo te hi kan tam awm asin, an ni veke ka tihna chu a ni lo.
Report this comment
January 4th, 2011 at 1:15 am
Haw tak tak aiin haw der an tam. Mi pahnih khat itsik vanga haw der, Mimal inhuatna avanga haw thar ta hluai lah bo lo. Thlemna chhete pawh hneh thei der silo, herhsawp chung atanga sual haw tak tak, mahni nun thlan pawn lam hnawih var ang hlauh ni si mihring hi MIZO ah hian a mak a mak a tam kan awm.
Report this comment
January 4th, 2011 at 4:43 am
@ As_Khiangte I sawi khi dikve reng asin mi tamtak corruption hua inti ho hi chu chance neih loh vang a Corrupt lo mai mai hi kan ni hlawm mai thei a ni. Corrupton hi kan haw tak tak anih chuan mahni in en chiang ila, tithei din hmun ah ding ve ta ila engtin nge ka do ang tiin
Report this comment
January 4th, 2011 at 8:20 am
Kan laina hnaivai sorkar hnathawk pakhat chu tuktin office kumtluanin a tlai a,sum leh pai a eiru lo mahse office a kal tlai thin em a vangin hun ei ru a nih thu ka sawi a,corruption lian tak a nih thu kan sawi mai chu ka chhungte ho in min hrawk hrep tan hlawm tak an ni!!mahse ka sawi zawm zel tho ka tlawm dawn lo ka ti hmiah!!
Report this comment
January 4th, 2011 at 9:15 am
Corruption hi kan ka chiahin a hua, mi an corrupt a ni tih kan rin leh kan hriat ngeite pawh kan do dal ngam tak tak lo, kohhran pawhin a ensan phal lo, YMA pawhin a hnawl ngam tak hek lo, I in atang khan chhak leh thlang, chhim leh hmar zawng khan in 10 vel han chhiar dan dan teh, corruption a inhnamhnawih mi engzat nge awm a i rin… kha tiang vel kha kan zoram awm dan chu a ni e.
A eiru lian thei deuhin a n eiru lian a, a thei te deiuhin an ti te mai a ni, aieng zuarin maida a pawlh ru a, boulder zauarin a thawl thei ang berin a rem bawka, supplier in a quality chhe chi a supply a, retailerin kudam tangin buk tling lovin buhfai an la a, keniin a buk tling lo bawkin kan lo lei ve leh a, kan inhrethiam tlang vel ta mai mai a nih hi maw. Mahse hetiang karah hian eirukna leh hlemhletna laka fihlim mizo tamtak an la awm a ni tih hi theihnghilh loh tur.
Keini chu kan eiruk ve theih chhun chu kan pute awm loh hlana kan lo mutthluk hi a ni mai :lol:
Report this comment
January 4th, 2011 at 9:19 am
@vitamin-c, va titha tak em… Pathian hian mitin thinlungah hian chhia leh tha hriatna thiang tak a dah a, kan thiltih tur reng reng hi a tha nge thalo kan hrelawk sa tlangpui ani… Chumi chu mi tamtakin pawisa lovin thilthalo chu an tilui a, sualna leh eirukna khurpui ah an luh phah thin ani
Report this comment
January 4th, 2011 at 9:41 am
Keini, tuna eiru thei dinhmun a ding ve lote hian kan eiruk ve thuai thuai theih nan corruption hi kan sawisel chiam chiam tur ani.
Khawvelah hian mitha ziktluak an awm bik lo. Insawisel leh infakna atang a mizia hi insiam chawp ve zel ani. Pathian thu sawi thinte pawn an sawi tam na na na chuan rin chin tawk an nei ve zel ang. Corruption pawh sawisel kan peih viau chuan huat tak tak hun a thleng ve mai ang. Sawisel pawh ngam lo khawp a kan rilru a corrupt hi a hlauhawm lai chu ani e.
Corruption hian ram development tur a dang tlat a, mahse hei aia hlauhawm chu ka sawi hnu..kan (mipui) rilru sutthlek a ti chhe vek thei hi ani. Chiahpuam kan tihte pawh hi a dik tak chuan he rilru diklo atang a rawn intan chhuak ani. Rinawm tak a sum leh pai thawhchhuah tum ai a awlsam leh hlemhle tak sum lakluh kan tum vek ta mai te hi he mi rah chhuah hi ani.
Hawh u, rilru tak tak anih lem loh pawn corruption hi a hma aia a let tam takin sawichhia ila, sawi chhuah kher loh pawn nitin vawikhat tal a that loh zia i ngaihtuah tal ang u..
Report this comment
January 4th, 2011 at 10:04 am
Kan laina te tihloh kan chhungkua a tang hian sorkar a hlawhnei kan awm lo a,sorkar a hna dil pawh kan tum chuanglo,kei ngei pawh hian,mahse sorkar hi kan ta a ni a,sorkar in hlawh a pek a hnathawk ten a an duh duh an eiru leh dun dan dan a an khawsa hi chu rilru a nâ in Pathian kan tih lungawiloh nasat tur zia ka ngaihtuah fo thin
Report this comment
January 4th, 2011 at 10:21 am
Eiru tih kan hriatchian leh rin ngawih ngawih pawh kan la ngaisangin kan la zah hliam hliam em mai a, chuvangin eiruk (Corruption) hi a zual zel turah ka ngai, a tha tihna niloin.
Mipui hi eiru thei kan ni emaw nilo emaw kan harh ve a ngai hrim hrim, khohhrana an thawhlawmte, an eiruk atanga an pawisa pekte hnualsuat ngam leh la duhlo ngam mipui kan nih thap hunah kan zia mahna
Report this comment
January 4th, 2011 at 10:31 am
Hawh u Eiru hming kan hriat hriat i thawh khawm ang u…. :lol:
Report this comment
January 4th, 2011 at 3:32 pm
Pu Hawla zung chawp a phoro tum ai pawn kan duhtui zawk a ang riau, office tlai, kawng pe phallo, pathian lak a corupt etc…
Coruption hi a lian a tanga do tur nge a chung a mi ang tet hmel deuh? Coruption Lian deuh leh a te deuh te hi awm reng reng em, kei chu ka chiang vak lo. Chung a mi swi ang hi tha riau in ka hria. :?
Report this comment
January 4th, 2011 at 3:35 pm
@volume 1, i sawi tha ka ti lutuk.. Ka ngaihdan chuan corruption lian leh te hi chu a awm chiang mai.. Mahse a pawi dan erawh a inang vek ani
Report this comment
January 4th, 2011 at 3:52 pm
Bible chuan mihringte hi sualsa a hrin min ti a, chuvang chuan kan rilru hi a khawlo zo tawh a. mahi nupuite leh chhungte, fate pawh bum bum duhna rilru nen hi chuan midang va care hi chu thil har deuh a sin. Chuvang chuan thithalo hi chu pawnlang tak hi chuan kan haw vek a, tilo thei tur chuan kan pianpui mizia nilo, piantharna mizia nen chiah he thil hi kan haw ngam ang.
Office ah customer te thlei bik neih atangin makteduaih tel ei thlengin, kan tih theih chin a in chenlo mai a ni zawk. Chutihlaiin a hleihluak deuh a eirukna hi chu mihring mithmuhah chuan a awm ngei a lawm. Lalpa tihna nen hi chuan mihuan a thei pum khat lawh pawh hi a har duh vio a sin. Pianthar kan ngai.
Report this comment
January 4th, 2011 at 5:35 pm
suala pai,suala piang tih chungchang hi chu ka awi lem lo. .a chhan chu nausen,naupang chhia leh tha la hre lem lo,rilru la thianghlim tak2 te an thih hian hremhmunah an kal kan ring ngai lo. .mihringte hian kan duh thlanna chhia leh tha hriatna kan hman theih tak2 atang hian sual chu kan nei zawkin ka hre thin
Report this comment
January 4th, 2011 at 5:37 pm
Ka hnathawhna ve liu leu pawh hi corrupt duh tan chuan mahni phak tawk lek lekah corrupt na tur atam khawp mai
Kan inring hlawm em mai a, chutiang ngaihtuahna pawh a awmlo emaw ni?!!!
Nimin khan Washington, DC a firefighter pakhat chu pawisa lamah a corruptniin an hria a, TV ah an chhuah uai uai mai. An chhui chiang anga an chian chuan an ban nal2 ngei ang. A tan hnadang a harsa talh tawh ang le… Eiruk te hi USA ah hian a awmlo a ni chuanglo. An pawisa hman dan, an rinhlelh chu an thil neih atang ten an chhui char2 mai a, tunge an nih leh an nihna an en lo, an ban mualpho hrep zel. Mizoram tan ka awt
Report this comment
January 4th, 2011 at 5:52 pm
Tumah bang bik awm thei lo ang zawnga corruption sawi zau vak hi a tha lo ka ti. Kan duhloh ber hi chu sorkar hnathawkin uchuak leh dik lo taka sorkar pawisa leh bungrua etc. ama hamthatna tura a neih / a hman hi a ni a. Hei hi tih tak zetin do phawt ila, a dang pawh kan la do zel ang chu maw le.
Report this comment
January 4th, 2011 at 5:58 pm
Kum 2008 khan Post Matric Scolarship la theilo ten a an lak hi corruption in tan na chi khat a ni tiin Vanglaini ah te khan kan chhuah ve a. Then khat chuan an haw viau a;mah se a dik kala ti reng. Hote a tanga kan in zirtir loh chuan a lian ah kan buai a nih hi.
Ka haw khawp mai. Mah se thil tha lo chang tu te hmuh khawloh(hmusit) erawh chu tha lo ka ti. Keimahni leh unau te chungah ala thleng ve thei tlat.
Report this comment
January 4th, 2011 at 6:37 pm
@vivia, a dik tho rualin a vai leh kan vaia hmeltel loh theih ani tawhlo. Sebo hnua se kawng khar ang maiin tunah chuan a do kawngah kan tlai lek lek tawh zawk hial ani. Chuti anih mek lai chuan a tahtawl te te a tihrem tum chu kan hlawhtlin ka va ringlo em…
@krista…nia, post matric scholarship chungchang ringawt pawh hi khel tham ava ni tak em…hui ha. Income certificate a kan monthly income kan tarlan duh dan atang ringawt pawh hian kan fihlim loh zia a lang chiang hle in ka hria
Report this comment
January 4th, 2011 at 10:05 pm
India ram hi chu a buaithlak deuh anih hi, a hniam ber atanga a chung ber thleng hian in endik kan mamawh!
Peon te pawh hi mahni pu te eiruk sawi nuam ti viau si hian office atanga an hawn theih (Pen,paper,…) te hi an hawn ve tho ania….Clerk/Assistant te pawh hi file move dawn chuan thamna an beisei ve thin…
Report this comment
January 5th, 2011 at 1:53 am
Kum 2004 khan contract hna chhete hi kan thianpa in a thawk ve a. Bill la tura Lungleia office kan zuk dawr kha ani mak ka tih ni… Cashier khan min be duh reng renglo mai a, kan hnunga mi te zawk kha a ngaihsak zawk tlat zel a, engvangnge niang tih kan ngaihtuah lai tak chuan peon a rawn kal hlauh a, min ko peng a, min hrilhru ta alawm
‘Kan cashier hi mak deuh ania, khatia in nghah reng ringawt chuan engtikah mah a issue sak lovang che u. Canteen ah zuk kal ula, sathin leh soup te zuk order ula, chuan a ngaihsak chauh ang che u’ min ti ta anih chu. A mak ka han ti khawp ah, kei misual hian…
Ka thianpa chu ka zuk order tir a, chutih lai chuan keiin ka lova dawr leh a, mahse ka dawr dan key erawh ka thlak ta. ”ka pu, a tlai tawh sia, i rilte a tam lawmni? canteen lamah te zuk inhnawhpuar ang hmiang” tiin ka va dawr ta a, engkim a fel ta purh mai anih chu.
midang pawhin hetiang thil hi intawn fo tawh ka ring, sathin leh soup hmanga tham phawt ngai officer hi…
Report this comment
January 5th, 2011 at 10:47 am
Kawrawpsawn ka hua. Ropui lem lo mahse, a chang chuan a ti thei dinhmunah ka ding ve thin, Pathian leh Hotute zarah. Ka la inveng theiin ka inhria. Office hun pawh ka tlai khatin ka inhria, Office hour-ah lo pawh hna ka thawk fo mai…. Hengte hi Pathian vang chauh a ni e….(chapo thil nilovin)
A huatin ka haw tak zet a ni…
Report this comment
January 5th, 2011 at 12:27 pm
Engmah sawi lova he topic han thlir liam ngawt chu ka thei bik love.Hei hi kan sawi ve hram ange”Mizo Khristian inti leh tilo te pawh hian CORRUPTION hi kan HAW tak tak lo”
Report this comment
January 5th, 2011 at 4:48 pm
Corruption hi huat em em loh tur han ti mai ilah! :lol: A eiru hnemte hian pawk hem hawm takin retheite ram neih pharh tha han lei duai duai zel mai se … pawisa leng vel a insem darh rual ve mai dawn alawm! Engemawa an lo peipun ve theihna kawng a awm phei chuan … LABH ACHCHHA HOGA!
Report this comment
January 5th, 2011 at 5:14 pm
@80 Chawnghilh nang chu LABH ringawt i ngaihtuah a, han ti mai ilah kan corrupt awm chem chem. I va han reh ve alo chhuk leh dawn tawh lawm ni??????
Report this comment