Tunlai khawvelah hian mihringte chu in awmpawlh nuaih tawhin, tam tak te chu thlahpawlh an ni tawh hlawm. Hnam leh tawng ral/ bo hlauhawm ( near extinction) te erawh chuan, an hnamziate chawisan leh vawn an tum nasa hle thin bawk. Chutiang teh nuai nitawh mah ilang, hnamtin te hian tun hma atanga lo awm khawmna bik, hmun nghet deuh chu kan lo nei deuh vek thin awm e. Pathian hian mihring te hi kan zia azirin he khawvelah hian hmun hran hranah min lo dah ni te hian ka ngaihtuah thin!
NE India state pahnih lek kan sawi chhin ange:
Meghalaya ram, dar nuam leh phul mawi, lui mawi tak tak leh ram leilung hausa tak mai neitu chu Garo, Khasi leh Jaintia te an ni. An ni hian he ram hi nei lovin, hnam changkang, fing leh chapo zawk ten nei ta sela chuan tun ang hian an leilung leh thinghnah ilo te hi an mawi tawh kherin ka ringlo. Hnam hnuaihnung deuh ang dawn dawnin sawi mah ila, Meghalaya a cheng hnam te hi an chenna leilung leh nungcha duat thiam an ni tlat. Nungcha te an humhalh danah hian Native American te pawh ka thekhin rilru fo thin. Sangha thlengin eizawnnan hmanglo te chuan an eikhawp bak man an tum ngailo a ni ber.
Mizoram hi tlang chhengchhe tak, ram parh tha, leilet ilo atana neih chi vanna ram a ni. A leilung te chu lungkelha atam avangin a nghet lo hlawm em em a, a kham te asan avangin furah leimin pawh a tam thin hle! A ram chhung hi zimte niin, leilung hausakna pawh nei manglo a ni. A chhunga chengte chu Lusei lalna hnuaiah awmin pi leh pu te atanga chapo tak hnam an ni. Kut-hlei tak leh salu lak tam thlenga chapo pui hnam niin, an kianga chengte chapo taka hming dang phuahsak ching an ni.
Chapo viau e tilo chuan mahni hmasialna avanga thlangkawrvai lakah meuh pawh an ram pe duh khawpa lalna duh awmna a ni. An ram thingkung tona thinah te chuan hnimchhia an to tawh a, an ram mawina te chu ngaihtuahna tawitak pu a, tihchhiat zel a ni. An rama sa awm te leh lui a chengte chu, mahni hmasial leh duhamna avangin an rem zo tawh a, an mang tep a ni ber. Ram leh nakin ngaihtuah aia ‘ka pumbilh dawn’ tih duhna rilru nei rorelna hmun a ni. Hnam tlemte e tilo chuan an hnam ral thei mai chu ngaihtuah lova hnamdang neih hrehlo tak tak an tam. Chutiang ahriat sa vang tepawh ani mahna, Pathian hian, kan zia ang zelin khawvelah hian mi tlawhpawh vakloh turin hmun fal deuhah, kan hnam ralloh nan minlo dah ni!
NB: kan ram neih chhun chhete hi kan duat em em loh chuan a chhe tulh tulh dawn ka tih duhna a ni e. Thangthar fel tak tak an pung zela, chu erawh chuan ka thla a timuang viau thung.
January 6th, 2011 at 9:03 am
๐ Ka va hre mai lo ve………. ka hul !
January 6th, 2011 at 9:06 am
Khasi ho hian sacred grooves an nei thin a. He area ah hian luh mai mai phal a ni lova, ramsa leh thing humhalh tlat an ni. Hethang hmun serh bik hi an ngah hle. Nokrek biosphere reserve pawh hi, India rama biosphere reserve tlemte zinga pakhat a ni.
Keini chu kan zalen a, kan zalenna kan hmang thiam lo. Kan chapo vangin Sorkar ram humhalh pawh kan zah zo lo.
January 6th, 2011 at 9:29 am
Ziak tha khawp mai. khasi ram anga ram tha nei lo nita ilah, chimral kan nive tawh mai a ngem aw te ka tive mai mai thin.
January 6th, 2011 at 10:02 am
HV chu ziak thra hle mai, i thu rawn chhawp chhuah khi a dik hmel fu, ngaihtuah zui tham tak a awm.
Mizo hnam tlem tein keimahni puala ram kan han nei ve hi a lawmawm ka ti thrin, mahse kan ram kan enkawl dan erawh hi chu a lungawithlak thlawt lo a ni, kan ram hian dimdawi a mamawh tawh. Mahni ramah mikhual ang maiin kan khawsa a, ka tichereu zo ta, kan lui lah khawmual nungcha te, thing leh mau te hi theih tawpin i humhalh tawh ang u.
Tin, tlang chhip a khawsak hi a rem tawh lo, mihring kan thahnem tawh a thil a harsa zo tawh, tui intur ringawt pawh tlang chhipah chuan kan indaih seng tawh lo. Lui dung leh ram hniam lam bawh tawh zawk ang u.
January 6th, 2011 at 10:36 am
Mizoram ah chuan kohhran upa sathar 8 kah hlum a an sa ei hnua tawngtai tui dup dup, Kum Thar lawm nan Pastor hova sasuk kap tura ram vah te kan la ching anih chu. Sorkar dan bawhchhiat pawisa map lo,biakina pathian bia inti kan la awm nawk mai. Hei baka ramthim chuang a awm dawn em ni?
January 6th, 2011 at 10:37 am
Arunachal-a hnam thenkhat hian Tabu an neih pakhat chu Thingphun hi a ni. Nau neih te, inneih leh engilo tih ni hian thing an phun ngei ngei a. Chutianga an tih loh chuan malsawmna dawng thei lo turah an inngai thin..
Pu HV chu ram leh hnam hmangaih ve khawp mai a…
January 6th, 2011 at 10:42 am
Hman deuh a Forest Guard pakhat nen a kan titi ka hriatchhuah zawk chu le. “Mipui te hi chu kan harh แนญan tawh, nungcha humhalh kan in zirtir tam vang te pawh a ni mahna. Nangni a veng tur zawk te hi lawm, ven chu sawi loh in duh in sat a, in duh in kap a,” tiin kan fiam hlut a. A ni pek chuan “Mahni ar-chhiar a, mahni arpa-hluisen talh ngam loh te chu a” a ti fiamthu ta pek a!
Pu HV, i thu ziak hian ngaihtuahna a ti thui hle mai. I ziak แนญha thlawt e.
January 6th, 2011 at 11:00 am
HV, i thil zeldin dan chu nih ve hmel khawp mai. Mizo te hia engtik hun lai atang khan nge he tiang em em a kan ram kan roh/duat loh tak mai le, Lal ten min awp hun lai kha chuan mahni ta angin duat tak khan an en thin niin ka lo hre si a.
Forest sawi takah chuan, keipawh DFO pakhat bullut sava kah thlak ka chhar sak tawh ๐
January 6th, 2011 at 12:09 pm
A dik hmel fu mai a,kan ram hi tumah lah hian humhalh tumna hi an nei der silo,zir tur kan la ngah khawp mai
January 6th, 2011 at 12:16 pm
Post tha thei ngei mai.
January 6th, 2011 at 12:54 pm
A tha hle mai a. A tawp dan pawh a dam khawp mai. Hetiang thuziak hi thu dengkhawng deuh a tih tawp a awl thin ni ngei tur a ni. Meghalaya lam chanchin pawh a ngaihnawm in an entawn tlak hle mai. Comment lamah te pawh an fakawm zia lo tar a kan tluk lo deuh a ni e.
Vawi leh khatah kan chungah harsatna alo thlen thut loh chuan kan ngaipawimawh lo thin tlat a ni. Chu chu kan tuar phah zel si a. Ringtu tan phei chuan heng thil hi ngaihpawimawh viau awm mawle..
Keini pawhin ka vangkhaw ramah Forest Reserve Sanctuary kan nei a. Ramsial te leh Sa chi hrang hrang ala awm nual mai. Mah se a him lo a ni. Tih theih ka nei rih si lo a le!!
January 6th, 2011 at 1:02 pm
ka hre bik lo kei chu ๐ฎ
January 6th, 2011 at 1:19 pm
:-[ (B) (^) (@) (O) (D) (C) (F) (*) (N) (~) (K) (L) ๐ ๐ (W) (T) ๐ ;-( :-O ๐
January 6th, 2011 at 1:38 pm
bengvarthlak hle mai…zoram hi chu kan kal fuhlo chu a ni…ram humhalh miah lo hian mahni ramri chu kan hre hle thunga..kan insak a inhnaih telh telh a kan rilru a inhlat telh telh bawk si… :-S
January 6th, 2011 at 2:21 pm
Pu HV i rawn tarlan hnam pahnih atang pawhin Mizo zia leh awmna a dik ka ti viau mai!
Mizo hnam hi tlawmngai kan inti fo a a dikna chen a awm, mahse tlawmngai kan intihna tamtak te kha lawmman/ngaihsanna/chawpchilha fakna a awm tlat zel hlawm a ni.
Rethei te ngaihsak thin kan in ti a, kan thawnthu atang hian kan ze dik chu alang leh si. Kan Pialral suangtuah dan leh kal chak chhan te, Mauruangi hun hnuhnung Bingtaii aia a duhawmna/hausakna kan hriat vai lal nupui nihtir pawh hniallohna te, Liandova te unau in ensan an tuar nasatzia te, Chawngfianga khaw chhuahsan chhante, zawlpala chan chhiatzia te, etc. hei hian hnam chapo retheite a ruka en hrang mi kannih hi a Reflect ka ti ve tlat a ni.
Mi thuhnuaia kun kan peihloa fing ni a inhre deuh kha chuan an khua an chhuahsana khawthar din a lal nih an duh zel bawk. Unau leh unau kan nih tih inhre chung si khan indo an hrat em em bawk a. Lal te an lungrualna ni a lang pawh an hnehlohtur pui pawh nise hnamdang beihah, sap (British) sipai cho ah te leh khawchhak lam mi beih ahte an inthurual deuh chauh a ni, hneh dawnloa inhriatin an inphat leha.
Sap missionary tekhan min awmchilh tlat lo se kan in ngeih har khawpin ka ring. (E)
January 6th, 2011 at 4:19 pm
Pathian hian a hmun turah tak zel min lo dah thlip thlep hlawm niawm tak a ni, Bible ah pawh hmuh tur a awm nual mai.
He thu hi kan tawmpui ang che u, English hian a chiang zawk tlat thung!:
Acts 17:26 From one man he made every nation of men, that they should inhabit the whole earth; and he determined the times set for them and the exact places where they should live.
January 6th, 2011 at 4:22 pm
#16 H Vangchhia chu i va tho hma ve gud Morning (K) (K) (K)
January 6th, 2011 at 4:26 pm
Kymkym #17chibai, tho hma fa fia, zualbonez tih danin eksar ka la zo chiah a ni ahems hairehai ๐
January 6th, 2011 at 4:30 pm
@ HV…min 20 walk hi exer kan ti ngailo…keini chuan warm up kan ti zawk e :-O (H)
January 6th, 2011 at 4:35 pm
zuala, minus 7.2 (-7.2.C) 19.F ah pawna tei tei turin min ngai em ni? hairehai ๐
http://www.wunderground.com/cgi-bin/findweather/getForecast?query=21703
January 6th, 2011 at 4:42 pm
HV hairehai….minus 15C at 18000 ft above sea level ah pawh push up leh running ka thulh ngailo…hairehai ๐ (N)
January 6th, 2011 at 4:45 pm
eheu..zuulbonez chu!
๐
January 6th, 2011 at 4:51 pm
zualbon, i zia ang zelin i awm a nih chu ๐
January 6th, 2011 at 4:56 pm
:-S :-S ๐ hairehai
January 6th, 2011 at 4:59 pm
@Hv & Asteric in sawi tha khawpmai.
January 6th, 2011 at 5:16 pm
Hairehai! In 2 titi a ngaihnawm. Han comment vak ngaihna ka hre lo. A tha khawp mai.
January 6th, 2011 at 5:20 pm
Dik leh dik lo a titute lak atang kan teh chhung leh Pathian hmanruaa tan aia Pathian hmanruaa hman kan tum chhung chu kan kal fu hlei thei dawn lo a ang. i ziak tha ee.
January 6th, 2011 at 5:29 pm
Ti daih ila, tun thlasik hi hritlang a awm tamlo aniang, nikum lam angin TV/Radio lamah reng an puang lo mai. Mizoram lam te enge a an aw? ๐
January 6th, 2011 at 6:38 pm
Mizo te chu, kan kristianna hmang hian nek hi kan nuam salh salh em a sin, kohhran leh mission lam hawi zawng phei chuan tuikuk leh chakma ho hian min nek thiam tawp… kan ram hi sah hek mek reng a ni.
NB:Hritlang chunga comment a nih hi!
January 6th, 2011 at 6:39 pm
Smiley thar lawm ang. (H)
January 6th, 2011 at 7:53 pm
Saitawk, Kan lo duat loh zia hi ka chiang tulh tulh a, hreawm ka ti tawlh tawlh bawk.
January 6th, 2011 at 8:05 pm
Hv, Asteric #15, in thu ziak hi ka chhiar a, ka chhiar nawn leh a, ka ngaihtuah zui nasa khawp mai. Mizo ze dik tak in phawrh niin a lang. Anih leh he zia hi zo hnahthlak dang,entirnan, Chin thlah dangte zia ani ve em? Nge Mizoram chhung a chengte chauh zia?
Ka rilru khawih tak mai chu hnam chapo, midangte hmusit ching hnam kan ni tih hi a ni. Hei hi a dik hle in ka hria, mahni hnampuite hmusit ching, rethei rapbet thin, hnamdang thurualpui thiam lo, inphahhniam hreh, kan ngaihsan em em sapho ngei pawh kawppui thiam lo, mahnia ro in rel chak mi kan nih hi kan inhriat chhuah a hun khawp mai.
Nungcha leh thilsiam dangte chung a nun rawng hnam kan ni a, motor kawng kan mek nungcha pawh chil hlum hram tum a driver speed la vak thin kan ni a, lainatna hi kan tlachham ngawih ngawih niin a lang.
Mahse kan Kristianna hian thui tak min siamtha a, Kristian lo phei ila chuan hnam a chhiar tlak pawh kan ni tawh kher nang!! Sawi tur ava tam tak em!!
January 6th, 2011 at 8:25 pm
Pu HV ka lo OT zuai nimin lam post a Bethel din tu intih Pu Tawnga kha a hming pum Latawnga ani em dear,Caribou min lo hrilh thei em. tunge a nupui hriat ka va ma mawh ve
khasi leh mizo chu kan in ang lo khawp mai keini ai in an hnam hi an upa zawk deuh anih hmel ka ti OT dal ah “inthlahrung”
January 6th, 2011 at 9:34 pm
Mahni hnam sawi hnawm leh sawichhiat hi tam tak chuan mahni hnam hmusitah kan chhuah mai thin. Chutiang khawp a hnam chapo chu kan ni. Mi tam tak hi, ” i ti dik lo, ti zawk tur ani” ti a, an tihdik loh hrilh pawh hian mahni in enlet nan hmang lo in..a thinrim zawk zawk ah an tang fo..
Sawi fo angin kan ram hi a chhia a, kan rilru pawh a chhe viau! Mahse siam that vek theih kan ni e.
Kan hmusit zawng leh kan ngaihsan zawng hi thlak a hun ta!
Pu HV..post tha thei hle mai.. (Y)
January 7th, 2011 at 12:40 am
(Y)
January 8th, 2011 at 9:54 am
(Y)