SUANGTUAHNA HLIMTHLA….ENGE ANIH LEH ENGTIN NGE HNA A THAWH.
( Norman Vincent Peale -a lehkhabu ‘Positive imaging’ kha uluk tak, mahse thiam lem vak siloin ka letling ve a, mahse ka publish ta rih lo. Ennawn ngai tak ala ni chungin ka misual thianten in lo chhiar ve atan a Bung hmasa ber ka han post ve anih hi.)
Mihring nihphungah hian nunphung rawn siam tha vek thei thiltihtheihna mak tak leh chak tak mai a awm a. Chu chu rilru ruahman thiamna, Pathian rinna nena hna thawk á¹hin ani a.Thil harsa lo tak mai, mitinin a kan tih theih thil ani nghe nghe a. Tunhnai maiah khan doctorte, Psychologist te,leh hmuntin maia mifingte ngaihven a hlawh thar a, han sawifiah nan hming thar an chherchhuak nghê nghê a. Chu hming thar chu suangtuahna hlimthla ani a, suangtuahna emaw ngaihruatna tih atanga lo chhuak ani.
Suangtuahna hlimthlâ awmzia chu, ngaihdan pakhat, rilru mitthla a thil va hmuh emaw suangtuahna a tak ang taka va ruatna, thil kan va ruahmanna emaw keimahni ni a kan inhriat danah pawh hian, mihring nihphung hian atakin a chantir thei ani tih hi ani. Kan thil ngaihtuah chu chhia leh á¹ha hriatna thiang taka kan vawnnun reng chuan rilru chhûngrilah a zu riak ta a.Rilru chhûngril pawhin alo pawm ngheh thlap chuan, mihring chuan tihpuitlin a tum tlat tawh á¹hin a, chu thil chuan a luah tlat tawh mai á¹hin ani. Suangtuahna hlimthlâ rilru a châmtir tlat anih chuan nasa takin thil a ti thei a,thil ruahmanna emaw thil neih tum emaw rilrua rei tak mai vawn nun tlat anih chuan a tak tak ram a thlen nge nge hin ani.
Suangtuahna hlimthla chu thilha tur zawnga ngaihtuahna kawnga pênkhata hmasawnna a ni. Suangtuahna hlimthla ah hi chuan, thil hlenchhuah tuma beiseina va neih satliah ngawt kha ani lova,theihtawpa á¹awngá¹aina nêna beiha va mitthla emaw hmuh tak takna kha ani a. Suangtuahna hlimthla hi rilru ngaihtuahna peng pakhat, kan thil tum emaw kan neih tum, rilru chakna senga chhia leh á¹ha hriatna hmanga chiang taka va mitthla a, chutah rilru chhungril tak tak pawhin alo pawmpuina leh alo chawh nunna a ni awm e. He thil hian chhungril lama thiltihtheihna chu a rawn herh chhuak ta a, chu chuan suangtuahna hlimthlâ hmangtu nunah thil danglam ropui tak mai a rawn thlen ta á¹hin ani.
Kan thusawi ti fiah turin a tir atang hian thil thleng tak tak chanchin (true story) pali ka hrilh dâwn che u a. I chhiar pah hian, suangtuahna hlimthla che vel leh hnathawk lai chu chiang takin i hmu thei ngei ang. Hei hi a hmasa ber chu ani e.
Chhuan khat zet liam tawhah khan Cincinnati ah chuan thlasik lai ani a. Kawtthler lûn zet maia mipui hmanhmawh taka kalte chu thli vawt lutuk chuan a hmet khûr a. Naupang kum sâwm pakhat emaw sâwm pahnih emaw tûr vel hi khawpui chanchinbu thiltithei leh mi zah em em Cincinnati enquirer in a an luah buiding pâwnah chuan a ding a.Chu naupang chu a in thuam lum hran lo hle a,a thawmhnawte chu en mai pawhin mi pêkkhâwm anni tih a hriat theih a.Khûr deuh dat dat chung hian tukverh dârthlalang aá¹ang chuan in chhûng lama chanchinbumite hnathawk lai chu a thlir reng a.
Mi pakhat hian a mit a la bik riau a ; inchhûng lai taka dawhkanah chuan pa pakhat hrawl zet mai kawrban bûl hâ hi a á¹hu a. A lu chunga light bulb eng in a chhun lohna turin a mit chu a lukhum hmathlâwk hring khum chuan a hliah a.Cigar la á¹an loh hi a seh kawh vû mai bawk a. A dawhkanah chuan khâwlchhut lehkha ziak thil khâwm tawh hnu hi a intiang ûr mai a. Hnângtah bâwm ahte chuan lehkhate chu leng lo khawpin a in hnawh a. Chanchinbu chhuak hmasa a thupui, dum lian pui puia ziakte chu chhuatah a darh vel nuai bawk a.Hna nasa takin a thawk tih a zu hriat theih a. A buai viau tih a hmuh theih bawk a. Buaina khawvelin a chim ani tih a zu hriat theih ani.Amaherawh chu, chu dawhkan atang chuan thuneihna a chhuak ani tih kawtthlera naupang chuan a zu hmu thei a. He pa hi thupe tu chu ani tih a zu hre mai a ni.
Chu pa chu a á¹huthleng vir theiah chuan an vir vêl a, lehkhapuan phêk eng hi khâwlchhutna hmânlai tawh tak maiah chuan a han barh lût a, tlar tlêmte an chhu chhuak a. Tichuan a la chhuak leh a, ngun deuh mai hian an thlir a, tahchuan a beng chunglam kâr aá¹ang hian pencil dum hi a rawn phawrh chhuak a, rangzet mai hian an ti dik zung zung a. Tichuan a rawn hawi chhuak a, thu pe aw zet mai hian a han au tuar mai a. Tirhkah naupang hi rang zet hian a lokal a, lehkha chu a rawn la a, a chhuahpui ta nghal a.Kawtthler aá¹anga vawt ti a khûr hlawk hlawk a lo thlirtu chuan alo en reng a, mak tiin a ka hau mai ani.
Police palianpui, a tiang ti vir chunga vei vêl mai mai hian a rawn kal pel a. Naupangtê chuan hawi let that chung hian, “Officer, khu khu tunge ni…lukhum hmathlâwk khum, cigar pet kawh khu ?
Chu uniform pâwl ha palian pui chuan ngun deuh maiin an thlek a, “ Amah khu maw ? Editor anih khu, mama. Cincinnati enquirer chanchinbu editor anih khu, chu chu anihna chu ani, “ a ti ta a.
Police pa chu a kal kiang ta a. Rei tak hnûah chuan naupangtê chu kawtthlêrah chuan a chhuk thla ve ta a. Amaherawh chu a hmâ ang kha chu ani tawh lo. Tihdanglam ani tlat tawh. Thli vâwt êm êm mai thaw vêl leh a bul vêla mipui hmanhmawh phelênga kal vêl pawh chu hre âwm pawhin alang tawh lo. A rilru chhungrilah chuan thil engemaw hi a in mun mek a, chu chu thil fiah lo riai ruai emaw chhûn mang ang mai mai emaw chu ani hauh lo, amaherawh chu tûn dinhmun aá¹anga tumruhna nena hmalam hun thlirna ani.   Ngaihtuah buai ngai miah lovin, naupang chuan a thil mitthla mêk chu engtik hunah emaw chuan alo thleng ngei dawn ani tih a hre mai a.A zu hmu chiang êm êm a ni. A rilru a a thil ngaihtuah chu a hmâ lawka tukverh dârthlalang phên atanga a thil zu thlir ang chiah ni si, amaherawh chu thil pawimawh tak mai inthlak thleng awm si chu ani a.Kum sawmthum lokal tûra chair a á¹hu chu amah chu ani . Amah, Roger Ferger- a, naupang rethei ve satliah leh tlahlang ve mai, chhuan tûr engmah nei lo, suangtuahna leh ngaihruatna  engdân mahin a dâl theih loh tih chauh lo chu.
A rilru a suangtuahna hlimthla nên chuan in lamah a haw ve ta.  Chumi zana a han á¹awngá¹ai chuan, a duhthusam chu a han ngaihtuah leh a, Pathian hnenah chuan a hlawhtlin theih ngeina turin tanpuina a dil ta a. Zan tin mai hian a suangtuahna hlawhtlin theih nan chuan a á¹awngá¹ai á¹hin a, suangtuahna hlimthla a editor chair a a iná¹huttir tlatna leh chu suangtuahna hlimthla chu á¹awngá¹ainain a tichak zel ani tih hre miah lovin, amaha awm Pathian ram chu a zu thleng ta a,a hriatthiam theih aia nasa thiltihtheihna chu a zu herh chhuak ta ani.
Engtianga he chanchin hi hria nge ka nih ? Roger Ferger- a ngeiin a naupan laia mi a theihnghilh ngai tawh loh ni hi kum tam tak hnuah min hrilh a. Editor satliah ni lovin Publisher leh Cicinnati Enquirer neitu a nih tak thû thlengin mi hrilh a ni.
January 6th, 2011 at 6:33 am
first leh ang… ka 1st vawihnihna 😀
Mihring nihphungah hian nunphung rawn siam tha vek thei thiltihtheihna mak tak leh chak tak mai a awm a
hei hi a dik ka ti… keimaah hian a chiang
January 6th, 2011 at 7:48 am
Positive thinking pawh kha ka tuipui tawh khawp. I thawhrimna a ropuiin a zahawm ka ti hle a, amaherawhchu mi thiam rual, nangni ang chin chauhvin in hmuh thiam chi niin ka hria. Mi nazawng chhiar theih tur chuan chhuak lo sela ka duh zawk, kei chu. Philosophers leh psychologists te’n an ngaihtuahna kaihruaitu atan hmang ta keuh se/ula, an/in thusawi ah zep tel thin se/ula. Sub-conscious mind lam, tunlai naupang tawng takin rilru power lam hi chu a zir pha lo te’n an hmelhriat ve hian ” A little knowledge is a dangerous thing ” a ni theiin ka hria.
January 6th, 2011 at 7:55 am
A va tha dawn em! Rawn publish thuai teh. Mihring rilru tumruhna hian thil a tithei a, mahni inthunun thei turin kan ngaihtuahna sawrbing hian hna a thawk thei tih kei pawh ka chiang.
January 6th, 2011 at 8:02 am
Van ziazang ve aw 🙂
January 6th, 2011 at 8:20 am
Thil reng reng a tih/thlen theih ring tlat tu tan chuan a theih(Tih hram2 na/beidawn duh lohna nen).A ring lo tu tan theih loh!Bible-in ‘rinna’a sawi pawh hi hetiang deuh hi a ni mai in ka hria.(chhandamna leh he khawvel hring nunah pawh)
Rawn publish la kan lo lei chur2 dawn nia!
January 6th, 2011 at 8:36 am
Hringnun khalh ngila a tha zawnga mi fuih thei lehkhabu hi chu a tha. Chutiang ang chi a nih chuan, tihchhuah vat atan a that chu.
January 6th, 2011 at 11:17 am
Tha dawn khawp e. Mahse, thu zawm leh zawm loh chungchang hi i inen deuh chu a ngaih hmel a. Mizo Bible chhuak hmasa kha inzir nan chuan a tha a. A chhuak thar hian zawm tur ngaih tam tak a zawm ta lova; engpawh nise, han inzir deuh la, i laktlak dawn khawp e. Tawng lehlin hi chu har deuh a ni…. Dan bu lehlin ngat phei chu…..
January 6th, 2011 at 12:26 pm
va tha em.
January 6th, 2011 at 12:36 pm
Publish thuai teh, a tha dawn khawp mai.
January 6th, 2011 at 1:02 pm
He post hi tha kala ti ber e!
January 6th, 2011 at 1:04 pm
nakin ah ka chhiar ang..loneeagle26016 hi ka * deuh :kiss:
January 6th, 2011 at 5:09 pm
Ka post ka vil tha hman vak loa, min lo ngaithiam dawn nia. Tlem tala chhan kan tum ang che u…
#2, ___ thiana, a ziaktu Vincent Peale-a hi kohhran Pastor, Pastor hnathoka a hun zawng2 hmangral ania, a pa pawh hi pastor bawk ania. A thu laimu hi Pathianthu ah leh Pathianah a inthlung tlat a, hlauhawm turah chuan ka ngai lem lo. Rev VL Zaithanga hian athu hma min ziah sak a, Synod lam hian a chapter pakhat ‘negative imaging’ avang hian lit.’ committee in min hnawl saka. Misual ah hian khel ho zeuh2 ila, tha a kan la ngaih tlan leh kan la ti chhuak dawn nia.
#5, Maa, ni e, rinna pawh hi anihna takah chuan positive imaging chikhat zu ni ve tlat a.
#7, Ruatruatapa, i ti dik e, zir ka ngai nasa khopmai.
#11, kymkym, mipa chu ni lo la, vacancy hi chu a awm asin mawle…. 😀
January 6th, 2011 at 5:11 pm
A tha khop ang, lo publish teh… chhiar ve ngei tum ang.
January 6th, 2011 at 5:15 pm
A tha khop ang, lo publish teh. chhiar ve ngei tum ang.
January 6th, 2011 at 6:23 pm
Ka comment ve ta nual a, mimal taka min rawn thurchhuaka min chhang ve duh mialtu awmchhun i la ni : Ka lawm e.
I thawhrimna rah hmu turin duhsakna ka hlan a che.Hetia ka rawn tih ve mai mai chhan chu chem hriam tak hi naupang ban phakah a awm ang tih ka han hlau deuh roh atin alom mawle.
I zarah kum 12 liamtaa ka tuipui tawh hnu lehkhabute ka haichhuah leh phah a, ka lawm hle mai. Pakhat chu a chunga ka rawn tarlan,”The power of positive thinking” khi a ni a,(Norman vincent peale) a dang leh chu Tim Lahaye ziak, “Spirit controlled temperament” tih a ni.
January 6th, 2011 at 6:32 pm
Smiley thar kan nei. A va nuam tak em. Five thousands cheers for admins. Ka like e. (Y)
January 6th, 2011 at 7:22 pm
#15__thiana, min ron duhsak avangin ka lawm hle mai. Nia, the power of positive thinking nen khan a in ang thuak mai, a thu kal hmang pawh. Keimah mimal tak hi chuan ka personal life a tan hian chuan ka chhawr khawp mai, tum chuan positive approach hi alo neih theih khop mai. Mahni tan a hahdama, midang tan pawh a hahdam, amaherawh chu Pathian lama rinna neih chak deuh eroh angai ka ti thung. Thil tam ber hi chu Pathian kuta mi ani tlat si a.
I han sawi takah chuan Synod lit.committee hoin an hlauh ber chu positive lam ni lo hian a’negative’ lam hi kan promote palh ang tih an hlau , han sawi turin a ron thai lang ve tlat bawk si a. Ka rilru mai2 ah chuan heti hian zawi2 in , a chang zeuh2 hian sawi ho turin ron post thin ila, chumi hnu lamah chuan a publish lam te chu kan la ngaihtuah ve chauh ang chu male…. 🙂