Nikum krismas dâwn a ni a, Aizawl bazar-ah pawh mi an lûn tha map map viau va. Tih tur ka nih avangin bazar-ah ka chhuak ve a.
Nakin deuhvah chuan zaithiam pakhat ka hmu a, ka enliam mai a. Kawi khat ka pelh hnuin zaithiam piangthar da leh hi ka hmu leh a, ka nui a. Kawi khat dang ka liam leh a, lengzem hla thin, gospel hla chauh sa ta ka hmu leh a, ka ngaisang vuai a. Kawi khat dang ka thlen lehin lengzem hla sa kumhlun ka hmu a, ka nêk deuh salh a. Kawi khat dang ka thlen leh hnuin lengzem hla pawh sa ngai lo, gospel hla hlir sa thin ka hmu a, ka en vawng vawng a.
Chutia ka en lai tak chuan mi pakhat hian mi rawn su her lawp a, ka phone a tla bawp a; ka han en lêt chuan tleirawl të, hmelchhe fahran lo, kan venga mi hi a lo ni a. Inthlahrun hmel zetin ngaihdam min dil a, min hre lo tih ka hre nghal mai a. Ka phone tla chu a kut khinghnih meuhvin min chharsak a, lâk pahin ka’n melh deuh kherah!
Bazar-a ka kal, ka haw leh lam chuan thuziak mi pakhat ka tâwk a, kan inbe luam a. Kawi khat dang ka kal leh tihin fiamthu thiam pakhat nen kan inhmu a, fiamthu thawhin kan titi bawrh bawrh a. Kawi khat dang ka thlen leh chuan filmstar pakhat ka hmu a, ka en zui dauh dauh a. Kawi khat hnuah rapper ka hmu leh a, ka kal pel fua a.
In ka thleng a, ‘vawiin chu milar hmuh ni a ni ringawt mai’ ka ti a, mahse, chu’ng zinga milar ni ve lo ka hmuh chuan ka rilru a la ta ber a ni.
Kan venga mi a ni ka tih tawh kha. Engtin tin emaw kan inhmu zeuh zeuh a; inhmu zeuh zeuh ta chu kan inbe zeuh zeuh a, inbe zeuh zeuh ta chu kan lo inkawm ta a. Phone no. ka laksak a, ka bia a, kan innel ta phian a. Kan innel telh telh a, kan inngaina leh a. Kan inngaina telh telh a, kan inngaizawng ta a. Kan inngaizawng a, kan inhmangaih ta tak zet ta! Mahse, kan inhmuh tirh atang khan a kutkawr inhmeh tak mai kha a la bun reng a. A inhmeh ka tih vang leh thlasik khawvawt a nih vangin a pawi ka ti lem lo.
A zia chu a duhawm lam mah mah a ni. A hmel chu hmeltha sawia mitthlaa lang nghal ang chi a ni mai. Mahse, a zia-ah duh loh deuh ka nei; a SMS type peih lo lutuk hi! Phone-a biak chuan kan thu a thlum viau zel a. Mahse, SMS-a umzui chuan a tawi thei ang ber hi ka dawn let thin a ni. A chhan ka zawt a, ‘SMS type hi ka peih vak lo va…’ a ti sam et a. Hmangaihna mit a keu tawh avangin hriatthiam loh phal chi pawh a ni lo.
Mahse, zankhat chu call balance ka neih loh avangin thu pawimawh deuh ka zawt a. ‘Aih’ tih ringawtin mi rawn reply a. Hmangaihna mit a keu a ni tih pawh ka hre chang tawh lo. SMS dengkhawng tak ka thawn a, a reh ta vang vang a.
A tukah top up ka thun a, ka phone a. A tawng tha duh lo va. Inhmuh ka rawt a, inhmuhna hmun tur ka hrilh a, phone ka dah ta hmak a. Ka sawina hmun pain ka chhuak a. Ka beisei loh deuhvin min lo nghak reng tawh zawk a. A hmel chu a zing riai mai. A hlim lo tih ka hria a, keimah vang a nih pawh ka ring. Mahse, pawi ka ti lem lo.
Ka chhuahchhal nghal pang a. A ngawi reng a, a mittui a parawl pam a. Min chhan duh tak lohvah chuan ka thinrim chuan, “Inthen ang,” ka ti tawl a. Chu veleh min rawn en a. Zawimuangin a kutkawr chu a taksa dang nena tangkawpin a phelh a. Mak ti deuh takin ka en reng a. A han phelh zawh chuan thil mak ka hmu ta!
Kut lem a vuah a lo ni reng mai. A tana ‘aih’ tih type ringawt pawh a harsat tur zia ka hrethiam nghal. A kut lem pawh chu lakthlak leh a tum a, ka lo dang a. Ngaihdam ka dil a.
Kawnga midang kal zut zut pawh chu hre chang lovin ka pawm ta vawng vawng a.
January 13th, 2011 at 8:18 pm
tunlai chu luangliam ni maw…
[Report abuse]
January 13th, 2011 at 8:29 pm
taituki ka sawi tum chiah i sawi
deuh ber a
tunlai chu tuaisiala hi hmangaihna
chhumpuiin a hualvel a ni e
[Report abuse]
January 13th, 2011 at 8:35 pm
A pian danglamna tak kha duh se chuan remchangah a hmang thei khawp ang. Mahse, han phihawh nan che a hmang duh lova, loh theih lohna avangin i hmuhchhuahsak ta mai a nih chu. A va fel em tia han tlipsak che ka duh ang chiahin nang pawh hriatthiamna,duhsakna leh khawngaihna i lo neih ve leh kher avangin nangmah tak pawh chu i fakawm ka ti !
INNEI THUAI THUAI RAWH U. MIN RAWN SAWM VE DAWN NIA.
[Report abuse]
January 13th, 2011 at 8:37 pm
Ngaihdam i dil chhan kha a tan type a harsat tur hre lova i lo vui ruk vang niin ka hria a, ngaihdam i dil hnu chuan in in ban ta nge…?
Zawhna:
1. Top Up tih hi sim card charge full tihna ani tiraw?
2. Call balance zo tep hi, sim card a zo tep tihna em ni, ni ta se, txt/sms ala theih tho tihna em ni?
A tir lama i sawi deuh thuak, “…gospel hla chauh sa ta ka hmu leh a, ka ngaisang vuai a,” i tih hi sawi zawm hret ka chak tlat NOI
Pathian hian mihring te hi (mipa leh hmeichhia) thianghlim taka inngaizawng a, a hminga chhungkaw din turin min duh niin ka hria. Hmangaihna thu/tawngkamin a tlin loh/ a sawi chhuah theihloh hnu hian, hla thu chuan mawi takin min phawrh chhuah sak thei tlat a ni. Pathian chu hmangaihna akhat anih angin min duhdan pawh niin ka hre bawk. Chuti a nih chuan Lengzem hla (love song) te hi zahmawh rawngkai/tawngkam tlahawlh lam te anih ngawt loh chuan Pathian hian min sakpui fo thinin ka ring tlat asin.
Mizoram khaw pakhatah an biakin halla program kan neih naah chuan, upa te lo kalin, Lengzem hla sak an phalloh/remtih loh thu min rawn hrilh tuma ka/kan sawipui a ni nghe nghe. A tawpah chuan Lengzem hla, “Rairah riang tur reng kalo ni e” tih ka nau phuah, Daduhi & Rintea lo sak lar chu ka sa ve ta vawng vawng a
[Report abuse]
January 13th, 2011 at 8:54 pm
@taituki & little: Ka intiluangliam lui…lolz.
@Pu HV: Call balance a awm tawh loh paw’n sms pack a awm chuan a hman theih tho. Nge, kan hriat dan a inang lo zawk nge ni?! Ngaihdam leh ngaihdam loh kha chu chhiartute ngaihtuah zui atan a ni e…!
[Report abuse]
January 13th, 2011 at 8:59 pm
TuaiSialA nge nge
[Report abuse]
January 13th, 2011 at 9:00 pm
TS, Ngaihdam leh ngaihdam loh kha chu chhiartute ngaihtuah zui atan a ni e…! weinch
Sim card awm kan hman ve loh avang hian a hmanna chi hi ka chiang lo riau a, chuvang mawle. Pathian zarah kan dam anga Azl lo haw te pawh kan la duh ve ang, chungah chuan ka bo bik hu hu kha chuan a hit dawnlo em asin
[Report abuse]
January 13th, 2011 at 9:05 pm
Hehe ngaihnawm reuh lutuk.
.
Aizawl zawng a la zim a, kan milar te hi hmuh fuh an awl a nia.
I ziak thiam bawk a niang, Kut bul chass neih hi romatic hmel vek a lawm
[Report abuse]
January 13th, 2011 at 9:06 pm
@Kymkym nge nge!
@Pu HV: Hre lo der mai teh!
@Hiho: Em em che chuan!
[Report abuse]
January 13th, 2011 at 9:13 pm
Post tupa chu Mas’ a la hnaih nen a va lo kal thuk hman bik ve aw…Ngaihnawm hle mai.
[Report abuse]
January 13th, 2011 at 9:23 pm
TS, ka hrelo tak tak, min hrilh lo mahla midangin min hrilh tho ang, ale ale
[Report abuse]
January 13th, 2011 at 9:26 pm
@Pu HV, min hrilh leh rawh aw..!
[Report abuse]
January 13th, 2011 at 9:31 pm
TS, ka zawt fiam/bawl che emaw i ti a ni maw, ka bawl miahlo che asin. Kan cell phone/mobile phone hman hi sim card a awm ve lo alawm. Phone pangai angin kan hman zat ang kha bill kan pe a ni mai.
[Report abuse]
January 13th, 2011 at 9:44 pm
mi(sual)article.com leh bawk
[Report abuse]
January 13th, 2011 at 9:48 pm
Ka chhiar hman lawklo a, a va ngaihnawm reuh e, last para hi i copy nawn sual palh em aw!! tiin ka lo inzawt ru pek a..
@TuaiSialA, hetiang thu, chhiartute pawh surprise deuh thei hi a ngaihnawm, han thawh zel teh.
[Report abuse]
January 13th, 2011 at 9:58 pm
[Report abuse]
January 13th, 2011 at 9:58 pm
Hmangaihnate pawh kan in ngen tawn ta hial a…tite pawhin han ti tawp law2 la mawle….hairehai..
Hetiang thil avanga ka rilru nat rapthlak nasat zia hi ngam ila chu ka post ve ang mawle….
[Report abuse]
January 13th, 2011 at 10:12 pm
Ts, i ziak ngaihnawm e!
tunlai chu i luangliam ve ani maw? 
a tha e, 
lo luangliam ve bawrh bawrh rawh! 
[Report abuse]
January 13th, 2011 at 10:14 pm
maisek hi inhmuam up em em na
NOI
[Report abuse]
January 13th, 2011 at 10:19 pm
Milar tamtak zingah milar ni ve lovin i mit a la fuh chat mai maw. I hmangaih dai vek tawh, beidawnna ruama zalh tawh hnu chu, a chhing mitmeng mawi tak chuan a rawn kaih thawh sak che a. Amah ah chuan mi te’na an hmuh ve theih loh thil inphum ru chu i hmu bik ta. I sawi chhuak lo na a, i hmangaih tih ka hria; i lan chhuah tir lo na a, a zunah i uai tih a hriat reng e. Hmangaihna avangin i mit tihvarin a awm a, hmangaihna avangin i hlimin i lawm a. Hmangaihna avangin i lo heti zo ta a, heti hian i rawn mualpho puiin i rawn luangliam ta anih hi. A mawina chu i tan hlimna a ni a, a duhawmna i a zuna i uaina belhchhahtu a ni. A rualban lohna chuan i khawngaihna a chawk thova, i hmangaihna leh i khawngaihna tangkawp chu eng doral mahin a dal zo tawh lo. Hmangaihna avangin i hlim a, hmangaihna avangin i tap a, hmangaihna avangin i huaisen thin.
TS, Good Luck.
[Report abuse]
January 13th, 2011 at 10:20 pm
A tawp dan chu beisei phak bakin a ril.
[Report abuse]
January 13th, 2011 at 10:28 pm
Va ngaihnawm ve. A tak a ni hrim hrim
[Report abuse]
January 13th, 2011 at 10:29 pm
TS an ka zawhna min chhang duh lova ka ti tau tep hua hua hua
[Report abuse]
January 13th, 2011 at 10:56 pm
TuaiSialA i va ziaktha ve,hmangahna ah mi an tlukluh chuan,an tlinlohna a piangah khawngaihna leh hmangaihna a zual thin.
[Report abuse]
January 13th, 2011 at 11:00 pm
milar hmuhni tih lai te ah khian ka luangliam tlat.
kan zoram zimteah hian milar an va tam tawh em..milar % hi a sang ngawt ang.
[Report abuse]
January 13th, 2011 at 11:04 pm
Nikum krismas atanga jan 13 thleng chuan thil a thleng tam hman hle mai
[Report abuse]
January 13th, 2011 at 11:42 pm
@K’u Saitawk: A nih khi mawle.. ‘Ka pawm ta vawng vawng a’ tih thleng a ni e.
Admin online in awm chuan khawngaih takin min lo siamthatsak hram ula. Ka lawm ngawt ang. Last paragraph khi ‘…ka pawm ta vawng vawng a..’ tih thleng a ni e. He thuziak tawpna a ni bawk. Khawngaih takin…
@Pu Cari: I comment khi ka duh lutuk. Ka’n copy nghe nghe ang e. I phal chuan blog-ah ka dahtha dawn!
@zeus: Ni ve tho mai! Thla khat vel chhung chu a ni ve e.
Comment hlu tak tak, ngaihnawm leh chhiar nuam tak tak petu chungah ka lawm tak meuh meuh e.
[Report abuse]
January 14th, 2011 at 12:08 am
Engtin tin emaw kan inhmu zeuh zeuh a; inhmu zeuh zeuh ta chu kan inbe zeuh zeuh a, inbe zeuh zeuh ta chu kan lo inkawm ta a. Phone no. ka laksak a, ka bia a, kan innel ta phian a.
Tuaite, a tawp dan hi va ‘pa’ lo ve…?!
[Report abuse]
January 14th, 2011 at 12:14 am
Ka comment #20 na a sentence 2 na, “i hmangaih dai vek tawh” tih khi ka type sual anih khi. “I hmangaih dai vek tawh” tih tur asin mawle. Khiti khi chuan thihna lam rawng a kai dawn alawm.
@Ts: keia kamchhuak ve mai mai han duh tlak pawh a awm loh khi maw le. I ti zahthlak em mai. I thu thu ni rawh se. Ka phal e.
[Report abuse]
January 14th, 2011 at 12:22 am
@K’u Kawlpui: I comment chung chiah khi chhiar leh rawh! Copy paste dik lo vel a ni. Admin online an awm lo a niang.
@Pu Cari: Blog welcome note-ah ka duh a! Dah maia. Mahse, i correct-na hi ennawn leh chhin zuai!
[Report abuse]
January 14th, 2011 at 12:24 am
@K’u Kawlpui: I comment chung chiah khi chhiar leh rawh! Copy paste dik lo vel a ni. Admin online an awm lo a niang.
@Pu Cari: Blog welcome note-ah ka duh a! Dah maia. Mahse, i correct-na hi ennawn leh chhin zuai! ‘Hmangaihna dai’ i tihna ni turah ka ngai a nia..
[Report abuse]
January 14th, 2011 at 7:25 am
Good morning vek ule..@ 23 HV..keiman kan hrilh ang che aw: In englo hi Top up thun, an tia.In englo lo vang vang a.in.. leh hi Recharge an tia..Thosilen zar chung a mut a..in englo hi..Net-work busy a nia..chuan i fiah kuar em.
Khalaia in phone card lei ang leh in cell phone hman dan nen khan a system a dang a lawm.Sim card hi post paid leh pre-paid a awm a.Pre-paid hmang hian pawisa chawi a kan recharge a ngai thin a lawm.
[Report abuse]
January 14th, 2011 at 7:30 am
mate ainawn hrihfiahna chu a va ril ngaih ngaih ve le. Tunlai khaw vawh dan em em hi inenglote hian nuam an ti ngawt ang
HV hian iphone min leisak thei ngem aw????
[Report abuse]
January 14th, 2011 at 7:39 am
@ TS ka tho ang a,coffee ka in ang a,ka luanliam pui chiam ang che.SSaSS te in a ban che a,i lung a leng hle a nih ka ring deuh a..A Darling line zawngin kan luangliam zawih zawih dawn nia.(K)
Hmangaihna ril hi chu e…a ril lutuk a,Banril ai pawn a ril zawk a.Changel a sawi bel ang hian Sial ang an men puai zel.
[Report abuse]
January 14th, 2011 at 7:46 am
TS chu bauh tha/ ngaihnawm hle mai.
[Report abuse]
January 14th, 2011 at 8:05 am
@pc-a, thanks..
@Ainawn: Han luangliam chiam teh khai!
[Report abuse]
January 14th, 2011 at 8:17 am
A ngaihnawm reuh bakah Hmangaihna tak tak i phawrhchhuak thiam reuh lutuk
[Report abuse]
January 14th, 2011 at 8:21 am
Keichu Nick pahnih ka nei a,ka inlak cute deuh changin hei hi a ni mai…diktak chuan ainawn hi chu funny leh fonz hauhnan ka khek deuh a..hahaha..
[Report abuse]
January 14th, 2011 at 9:28 am
ainawn, min van hrilhfiah nasa ve aw, hairehai network busy kha a tha khawp mai hahahaha
ZerO #33, keipawn free phone ka la hmang. Free phone anih mai bakah txt/sms ka block vek zui mawle hahahaha. Tak2 a, Pathian zarah kan dam zel em anga, lo haw dawn hnaih deuh hunah kan la sawi dawn nia.
[Report abuse]
January 14th, 2011 at 9:36 am
‘Pre-paid hmangaihna’
Hmangaihna hi chu Sms lama hmuhfiah theih a nilo fo reng ani.I balance zawh avanga i sms that theihloh zarah ‘Hmangaihna rilzia’ i hmuchhuak daih mai a nia, dah mai a.
Vawiin chu tleirawl kutkawr bun zawng ve te’ng.
[Report abuse]
January 14th, 2011 at 9:48 am
Hmangaihna rilphir a va ang duh awm ve, prepaid hmangaihna chu
[Report abuse]
January 14th, 2011 at 10:07 am
@ 33 zero…HV te khuaah chuan maw..an zung tau tau a,vurah a chang hman zel a,an chhuih bung hmak zel mawle..
a re re in Global warming hi a vawt ee..mipa ho phei chu a tawmbo vek ang..ka ring..
TuaiSialA..Chaw ka ei a..ka Love mood ka lem tel vek..luangliam turin ka hul hiau mai..sorry lutuk.
[Report abuse]
January 14th, 2011 at 10:24 am
James Bond te pawh kan awm leh ta. Misual ah hi chuan kan awm chikim ve ngawt mai. Amrispuri te pawh an awm kha. Sisen te pawh.
[Report abuse]
January 14th, 2011 at 10:45 am
a pahnih in a ni maw. Van pawi ve aw…
[Report abuse]
January 14th, 2011 at 10:47 am
TS chu chhep fuh hle mai, ICU hmangaihna ai kha chuan a chang sang deuh a nih khi ti raw
Hmangaihna in a dawh theia ngil a nei bawk thin.. i dawh theihna in a tlin loh hnu-ah khawngaihna leh lainatnain in insuihzawm leh ta
[Report abuse]
January 14th, 2011 at 10:56 am
Shylo chu leh!
@Mate: Pawi dro dre dre. Hmangaihna vanga ei theih loh ai chuan ei treuh kha thra dre dre.
@Triple: Nia tiraw.. Khawngaihna leh lainatnain a suihzawm hmangaihna chu a va ropui em!
[Report abuse]
January 14th, 2011 at 11:02 am
A tha leh pek hle mai a….a bu in chhuah teh u..internet hmang ngailo zofa te hi an la tam teh mai a nia..
[Report abuse]
January 14th, 2011 at 11:06 am
Ka ti mai mai, khawngaihna hi nge ropui zawka hmangaihna hi?
Pathian hian mihring te hi min hmangaih em em a, mahse chhandama kan awmna chhan hi khawngaihna vang a ni zawk a ni lawmni kha?
[Report abuse]
January 14th, 2011 at 11:06 am
Hmangihna lamah hian i luangliam ve chiang hle mai, Posttupa chu….
Nupui nei rawh
[Report abuse]
January 14th, 2011 at 11:26 am
Admins ho khan han siamthrat sak ru. comment # 27 ah a rawn request khi!!
Lal Mr, a tawp dan khi paste sual tih ka lo hre lova, tih dangdai i tum emaw ka lo ti vel hman mawle
[Report abuse]
January 14th, 2011 at 11:28 am
bmw siamtha tawh dim diam.. en lovin i rawn comment chiang lutuk
[Report abuse]
January 14th, 2011 at 11:32 am
Aduh, PK suh
Vawiin chu ka awl lutuk a, in ( admins) tih dikloh leh tih theihnghilh ka chang char² dawn! 
[Report abuse]
January 14th, 2011 at 11:34 am
bmw te chuan a post a chhiar ngai hleinem. Comments a en thla thuak thuak a.. a duh duh danin a rawn OT ringawt zel a lawm. OT of the year a thlan hial chi.
[Report abuse]
January 14th, 2011 at 11:37 am
lo Alej.. ka ring vel a ni, ka siamthat tawh hnu feeee ah a rawn comment ve chhaps.. bmw i thahnemngaihna hi a ropui re re e, ngalfimin dam rawh
[Report abuse]
January 14th, 2011 at 11:44 am
alej and Aduh: OT hi ka hmuhchhuah alawm! Post related comment tih vel dan hi ka thiam tawh lo!
[Report abuse]
January 14th, 2011 at 11:48 am
post tupa hi a luangliam e mai, hla ka’n thlan sak ang e
Lovers live longer
https://www.youtube.com/watch?v=M4dLPq77gWo
[Report abuse]
January 14th, 2011 at 1:39 pm
“Kawnga midang kal zut zut pawh chu hre chang lovin ka pawm ta vawng vawng a” i pawm khi aduh tak2 dawn a mawni le
[Report abuse]
January 14th, 2011 at 2:49 pm
@Bad-a, ama’n min pawm zawk ka tihna!
@aduh: ‘Han thlir teh u romei zam karah’ tih kha ka rawn thlansak che.
@Pi BMW: Thahnem min ngaihpuinaah ka lawm hrim hrim!
[Report abuse]
January 14th, 2011 at 2:50 pm
@Bad-a, ama’n min pawm zawk ka tihna!
@aduh: ‘Han thlir teh u romei zam karah’ tih kha ka rawn thlansak che.
@hehe: I tizahthlak em mai. Hehe.
@Pi BMW: Thahnem min ngaihpuinaah ka lawm hrim hrim!
[Report abuse]
January 14th, 2011 at 4:30 pm
a va ngaihnawm dangdai ve, chhiar a manhla khawp mai….TS-a nge nge i ti tha e…
[Report abuse]
January 15th, 2011 at 3:48 pm
hmmmmm atha hle mai aaa….. aropui eee….
[Report abuse]
December 4th, 2011 at 11:09 am
dim mak artists…
[…]Hmangaihna ril | mi(sual).com[…]…