Ramhlun North-a Ramhlun Indoor Stadium sak that mek chu tukin (15th January, 2011) khan Sports Minister Pu Zodintluanga leh Aizawl North II bialtu Pu H. Liansailova te chuan a hmunah tlawhin ruahmanna awmsa bakah chhawngkhat sakbelh tura ruahmanna siambelh an tum.
Ruahmanna awmsa ah chuan he indoor stadium hnuaiber chu lirthei dahna tura siam tum a ni a, a chung chiahah hall siam tum a ni. Bialtu minister Pu H. Liansailova chuan state plan atangin chhawngkhat sak leh ni se tiin Chief Minister chu sawipui a tum tih a sawi a. Ramhlun Indoor Stadium chu chhawng hnih, a leichhuatrual lirthei dahna, a chhawng-lai inchhung infiamna chi awmna hmun leh a chung berah hall lian, mipui 400 bawrvel en theihna tura ruahman a ni dawn ta a ni.
Sports Minister chuan tunah hian pawisa awmsa Cheng Vbc 1.3 atangin hna tan a ni tawh a. Chhawngkhat belhna tur atan hian nuai 80 vel mamawh belh a ni dawn a, Cheng vbc 2.1 velin zawh theih a ni dawn a ni a ti.
He indoor stadium hi kum 2004 khan sakthat leh a ni a, hna thui tak kalpui a nih hnu ah luahtlak ni lovin PWD Quality Control te chuan an ngai a, tunah hian thiah mek a ni a, thiah zawh veleh a sakthat hna hi tan nghal a ni dawn a ni.
Pu Zodintluanga chuan tunah hian Aizawl North Indoor Stadium tur ruahmanna UD&PA hmalakna in kalpui mek a awm thu sawilangin DONER hnehah Cheng Vbc 15.759 vel ruahmanna thehluh a ni tawh a, reiloteah pawisa hmuh theih a beisei thu a sawi a. Pawisa a awm chuan a hmun tur chu a awm mai a rin thu sawiin Pu Zodintluanga chuan khawiah pawh sak ni se, Mizo mipui ta tur a ni a, chuvangin harsatna kan a awm a ring lo niin a sawi bawk.
Ramhlun Indoor Stadium tlawhna ah hian Minister te hi Mizoram State Sports Council Secretary Pu Lianzuala, Senior Sports Promotion Officer Pu C. Laltlanthanga bakah engineer leh vengchhung hruaitute an tawiawm a ni.
Similar Posts:
- Indoor Stadium at Pitarte Tlang, Aizawl
- Kolasib Dist. “Catch Them Young”, Opening Ceremony
- Rajiv Gandhi Stadium chanchin
- Minister-in Stadium contractor duhthusam lo a ti
- MZU Sports vawi 11-na tan a ni dawn ta!
January 16th, 2011 at 12:37 am
e ni maw
Report this comment
January 16th, 2011 at 12:49 am
A thrat chu.
Eng indoor stadium nge kan mamawh tih erawh hi chu ngaihtuah tel a thra khawp mai, badminton game khelh expensive deuh khelh theihna hi chu a tam tawh, basket ball stadium ni thei se a trangkai ber ang.
jalal a 1st tlat mai a.
Report this comment
January 16th, 2011 at 1:17 am
Tha khawp ang.
Report this comment
January 16th, 2011 at 3:45 am
Tan han la fat fat teh u khai
Report this comment
January 16th, 2011 at 4:28 am
A lawmawm hle mai. Khatia hman loha a awm khan an hmang nasa thei lutuk a, a tangkai dan a tangkai nêp tlat!
Report this comment
January 16th, 2011 at 4:35 am
a chung berah hall lian, mipui 400 bawr vel entheihna tura ruahman a ni dawn a ni.
Hall lian mipui 400 vel lek len theihna vbc 2.1 vel senna tur sak an tum a ni awma, a va nep de de ve. Vbc 2.1 vel chuan ram awmsaah mipui 4000 vel len theihna a sak theih mai loh maw?
Report this comment
January 16th, 2011 at 7:02 am
Rinawm leh nghet deuh in sa tawh se a tha ang. Hmasawnna kawng pawimawh tak a ni e.
Report this comment
January 16th, 2011 at 8:15 am
An vuak thiah tak Contractor leh a endiktu Engineer kha tunge ni reng reng a? An man ta em ? Nge, thubuai an siam sak lo ? PRISM an che leh em ? Ka ve hre chak ve a….
Report this comment
January 16th, 2011 at 8:42 am
An in bail leh mai ang
Report this comment
January 16th, 2011 at 8:58 am
Kan ramah hian indoor stadium hi kan va ngah tawh tak em…sawrkarin YMA ramah a sa a,a ram neitute veng/khua neitute a ngam lo leh a buaithlaktak a ni.
Heng indoor zozai hmanna ber chu milian ho dulkiar tih tet na tur a Badminton khelh na leh veng neitute function neih nan a ni tlangpui.Kum engemaw zat kaltaah khan heng indoor te hi sports dicipline hrang hrang a hruaitute kalkhawmin pawlte dinin badminton a tan chuah ni loin sports diciplines hrang hrang ten insem nise tiin an nawr a mahse ka hriat chinah chuan an hlawhtling lo.
Hetiang khawpa badminton khelna ngah hi enge kan hmasawnna India ram no1 leh India ram aiawh kan awm tawh em le? kala hre miah lo,mahse mahni puala Indoor stadium pawh la nei lo Table Tennis te hi enge kan hma sawnna India ram sub junior no 1 mi pahnih kan nei tawh,boxing leh martial arts ah pawh India ram kan pel..an ni hian an pualin indoor an nei ve tawh em? ka hre lo le.
Ramhlun indoor sak na tur a vbc 1.3 kan han hmang tur hi ka ui ,thil danga divert theih a ni em le? Indoor hi chu kan ngah tawh thawkhat e thildang a aia pawimawh zawk hi ala tam rih em mai.Kan Mizoram NLUP hi hman tangkai hram i tum ang u.
Report this comment
January 16th, 2011 at 9:04 am
He Indoor stadium hi sakzawh anih hunah tu kutah nge a awm ang tih leh eng game khelhna tur nge tih ka va hre chak em. Tunah hian Aizawl hi, Khawvelah anih phak em loh pawhin India ramah tal hi chuan mipui tam dan mila teha Badminton khelhna Indoor Stadium ngahber kan ni chiang mai a. Ka han hriat theih mai te: Kulikawn, Thakthing, Mission Veng, Tuikhuahtlang, Khatla,ITI, Bethlehem Vengthlang, Bungkawn, Gov’t Higher Secondary Hall, Zarkawt, Chaltlang, Bawngkawn, Zotlang, Mualpui … aa, a tam lutuk ka sawi senglo. Hetia ka ngaihtuah thuak a ka type char char pawh hian Indoor 13 vel chu ka sawithei mai a, ka sawihmaih hi tamtak a awm tih chu chiangsa ani.
Chutih laiin Sport Discipline thenkhat khelhna mumal nei miahlo tamtak an awm reng bawk si. Badminton hall hi chu Aizawlah hian kan mamawh belh tawhlo ani; a aia mamawh a tam ka ti. Badminton Hall neihbelh ai chuan tuna kan Hall neihsa thenkhat hi Mizoram Badminton Association kutah pek nise tha ka ti. Heti khawpa Hall ngah si hian thuneihna an neilo reng reng a, duh huna hman theih pawh an neilo.
Hmanni a Malaysian Coach an chahchhuah pawh khan Zingkarah hma deuhah chuan Hall an hmantheih miahloh kha; Officer lian ho inkhel an lan theilo reng reng. In awihloh chuan a chunga ka sawi Hall hrang hrangah khian naupang kheltur zing dar 6 or 7 velah han kalpui teh, naupangho chuan hmun an changlo reng reng ang.
Ava sei ta e.. ka post zawk dawn emmaw nile.
Report this comment
January 16th, 2011 at 10:22 am
Kulikawn Indoor stadium ah vawikhat chu badminton khel turin ka thianpa ka zui ve tawh a, ka khelh ve thin a anih vangin ka phur hle a, rei fe (officer inkhel ho) kan nghah hnuah court chhungah ibkhel tura ka din ve tawh laiin officer pakhat (inkhel zo chiah, a hming leh amah pawh ka la hre reng) hian “kha nang kha i khel thei lo, tract kekawr tlawn kha i ha thei lo, ke kawr bul i hak loh avangin lo chhuak nghal rawh” min rawn ti mai chu, ka pian a hnulama ka zah ber pakhat niin ka hria. Chumi hnuah chuan hepa leh officer badminton khelho hi ka ngaisang tawh ngai lo… keima thiam loh chu a ni ngei mai, mahse kha tih lai khan kekawr bul var ka nei lo, leina pawh ka nei bawk lo…
He Ramhlun Indoor stadium pawh hi officer ten mi rethei zawkte an diriamna hmunah a tang leh palh tih ka hlau hle.
He indoor ah hi chuan infiamna hrang hrang awm se, mahse chu chu a hun bi neiin inhman chhawk thin se, entirnan:
Thawhtan leh Nilai zing Badminton;
Thawhleh leh Ningani Zing Basketball;
Zirtawp leh Inrinni zing Table Tennis/Karate/etc
Tlailam chu function leh recreation nan hman nise…han rawt ve teh u…..
ka thupui chu “miin inkhelh a duh chuan inkhel ngei rawh se, rethei leh hausa inthliarna hi sports ah hi cuan bo rawh se” tih hi a ni.
Report this comment
January 16th, 2011 at 10:24 am
#11
Kulikawn leh HIgh School Hall chandmari ah te chuan naupang ho tan a hun bik pe in Catch them young an kal pui ve kha.
Report this comment
January 16th, 2011 at 11:33 am
Kulikawn indoor stadium ah chuan Badminton khelhna etc etc bakah, shooting range thlengin a awm alawm. Heta tanga training chhuak, Mizo thalai chhuanawm tak tak te tunah National level shooting competition ah Mizoram aiawhin Vairampur lamah MRA GS, Rohmingliana’n a champui mek nghe nghe awm e.
https://img138.imageshack.us/im.....otovum.jpg
Report this comment
January 16th, 2011 at 12:40 pm
@ 13 aijal1, a dik e. Mahse Officer leh milian ho khelhzawh hun mil zelin naupang khelh hun hi siamrem a tul thin alawm.
Report this comment
January 16th, 2011 at 12:48 pm
Basketball Indoor Stadium ni thei se ka va ti. 2004 a contractor te an va ti tha lo ve, luahtlak loh a thil han siam reng reng.
Report this comment
January 16th, 2011 at 12:49 pm
@12 grady, kekawr tlawn nen Indoor stadiuma inkhelh tum te chu a diklo ve bawk alawm.
Report this comment
January 16th, 2011 at 1:00 pm
Ramhlun indoor stadium saw – ti sawn hman tlak lohvin a awmna a rei tawh a, ka lo ui ve viau ringawta! hei tunah an han thar thawh leh dawn chu ani a! a lawmawm ngawt mai! hman tlak tak taka an siam a nghahhlelhawm kher mai!
Report this comment
January 16th, 2011 at 1:05 pm
Sawrkar kalta te lo hluihlawn tawh tharthawh a awm hmuh hian kan ram hruaitute hi an fakawm ka ti thlawt ani. Tuirial HEP te pawh a tawl mai dawn emaw kan tih hnu ah tunah hna tan a ni leh tawh mai dawn a.
Tin, Kolasib ah pawh Multipurpose hall & Hostel sawrkar hmasa khan sak tan a ni a. Contractor te pawh pawisa pek lohin, a rel ding uaih ringawt in kum 6-7 vel dah tawl a ni a. Sawrkar chuan Sanjay Dutt boral tak avang khan pawisa kan nei thei lo de de deii deii an ti kual a. COngress sawrkar hnu kumhnih vel lek ah hian sak zawh tep a ni leh mai si a. An Contractor lo rawih te pawh Bill pek an ni tawh e.
Report this comment
January 16th, 2011 at 1:16 pm
@16, basketball Indoor tur chu Pitarte tlang Republic vengah ropui deuh an sa zo tep.
Report this comment
January 16th, 2011 at 2:16 pm
Khelhna tur in chan loh te chuan khelh tum tlat lo ula ti nia!
Report this comment
January 16th, 2011 at 2:59 pm
Puitling, nuam tih vanga khel mai mai ṭhinte hian, future nei ṭha zawk, naupangte hi kian thei hram ṭhin se
hma kan sawn ngei ang 
Report this comment
January 16th, 2011 at 3:14 pm
Ramhlun Indoor Stadium hi a hmasa kha a chhiatna chhan chu a hnuai culvert zim lutuk kha a ni a. Fur tuihawk khan a chim chhia a ni ber.
Hei a blue-print atang chuan a hnuai Culvert a lang miah lo mai???? A lo berah 10ftx10ft culvert chu stadium hnuaiah hian an siam ngei tur a ni!
Report this comment
January 16th, 2011 at 4:00 pm
inken a la tul nasat viau chuan kan la ngah tawk lo nih chu. Engmah tak tak hi kan lo ngah lo ve.
Tha deuhin han sa teh se,an tih that loh chuan kan Bomb chhe vek dawn nia. Thil sak tawh/siam tawh tha ziktluak si lo repair leh ngai hian alawm kan sum hmuh ve chhun ei hnem pakhat chu. Kan han eiru then ngei bawk a.
Report this comment
January 16th, 2011 at 4:49 pm
Ramhlun Indoor chu an thiat lo ang tih ava hlauhawm tak! Tun lawk khan kan kal pel a, a ban a rod inphum a lo tlem kher mai. A contractor lah chu an veng pa! :-O. Sum hi chuan mi chu alo ti A a ni!
Report this comment
January 16th, 2011 at 5:49 pm
He ti khawpa chhia a satu contractor hi thubuai siam sak a ni em, nge politician hlun chhungkaw zing ami a nia an ngai zam kual vel ta mai mai, thil sual titu ten an phu tawk hremna an hmuh loh thin vang hian kan ramah hian sualna a punlun zelin in hre ve lo maw.
Report this comment
January 16th, 2011 at 9:55 pm
Basket ball court indoor hi veng tin ah awm thei se kan hlawkpui phian lawng maw tih hi tun lai sport lam a ka ngaih dan a ni.Expensive lo bawk a…
Report this comment
January 17th, 2011 at 1:02 am
@jalal : Indoor chuan electricity a heh duh e mai! Outdoor hi atam thei ber ni zawk se maw le?
Report this comment
January 17th, 2011 at 3:14 am
@ 20, thanks for info
Report this comment
January 17th, 2011 at 2:51 pm
Ava lawmawm in, ava lungchhiat thlak bok si ve!! A hma a satute’n a nih tur angin an sa lova. Tunah vuak chhiat angai. Heng ang ah hi chuan, a Contractor hming, a viltu engineer leh an sum sen hi lian tawkin tar kulh a tha ka ti.
Tuiluankawr kana sak a ni si a, chhawng thum tur chuan a foundation lam uluk a ngai fu ang.
A lawmawm e.
Report this comment