Tunlai chu Thlalak in rawn vawm-lut vawt thei riau… tiin, khawnge, lûm hàm hàm ka’n rawn thawh ve ang e.
Thâl leh Fúr aiin Thlasik hi nuam ka ti tlat pek a! Chhun lamah thahnemngai takin hna kan thawk a, Thlasik thli hìt leh boruak vawt vin tak te’n nilêng-a a lo ùp hnan – Tui vawt ngatin tlaiah han inbual sùr sûr mai ila; Mihring mai ni lo, Nun hi a harh sawng sawng ni berin ka hria. Chutah, Zopa Sikri-ah ngei, Champhai Meihawl thami ngat han vur vàm hiâm mai ila; Khawvel buaina leh Hringnun manganna te hnungchhawnin, Sikri han hmachhawn daih mai ila…
Âi ang u le…
A la hmin lo deuh a nia…
He’ng te pawh hi lo awm ve mai mai se… 
Ei ang u le…
Similar Posts:
- Thlasik rim a nam tan…
- Mizoram Khaw Vawh Kum
- Pangpar zu dawt
- Zopa, Harh rawh!
- Aizawl a vawt in ti e lo?
(Y)
January 18th, 2011 at 10:26 pm
Thlèmnaah min hruai lût suh ang che!! Ka châk lutuuuuukkk!
Report this comment
January 18th, 2011 at 10:26 pm
Hehe. TuaiSialA style mai mai chu leh.
Report this comment
January 18th, 2011 at 10:28 pm
K’u Kawlpui, i ti tak tak elo? Nula mal i tihah tak khan engtin nge mawni ka awm. A vawt reuh lutuk a.. Taka, sikri ka ai mek.
Report this comment
January 18th, 2011 at 10:32 pm
TuaiSial, an chat thla zo aniang..kan 2 in ai char2 ang o?
Report this comment
January 18th, 2011 at 10:38 pm
Welpui, chu chiah! Hlêp char char mai teh ang! Ramsate hi sawrkar humhalh a nih vang ni lovin duh taka siam a nih vangin kan tihlum mai mai tur a ni lo.
Report this comment
January 18th, 2011 at 10:56 pm
A dik ltk..ila rel char2 thei..an harhfim har viau ang!
Report this comment
January 18th, 2011 at 11:45 pm
Kawlhawk i ti ve mai ami ani lo maw?thlasik maw nuam lo tak ani a vawt si.ka thianpa LDa phei chuan khawlum hi a nuam mit a tlei a ti daih chu.Thlasikah chuan feng chhing hmuh tur an awm lo a tih ka la hre reng.Langlo ruam lang teuh deuh 2 hmuh tur an khuh bo vek thlasik lai chuan a ti kha maw.
Report this comment
January 18th, 2011 at 11:47 pm
Thlasik lai chuan khau a vawt a vangin A/C on a ngaih aavangin electrict bill a sang duh.Tin Solar in tui duh tawkin a tih lum loh a vangin curent hman a ngai thin.
Report this comment
January 19th, 2011 at 12:54 am
A lum nuam khawp ang. A chung ami pawh a tui hle ang. Sikri pangngai hi meihawl a hek duh a, Chawhtawlh (Maihun ka ti dawn em ni chu le…) hi thing ke kan siamsak a, vut duk a chanve (zahve) vel kan han dah a, a chungah meihawl kan chhem a, a chimney atan sangha tin ruak kaw tlang…. Meihawl a hek lo a, duh hunah a vur hlum theih a, a lum zau bawk si…. Ching ve in awm em?
Report this comment
January 19th, 2011 at 12:59 am
Downtown lamah ka zuk leng vele ka tia, coffee sa vet vawt zuk dawm khuk vat vat mai chu a nuam vit vet khawp mai.
Report this comment
January 19th, 2011 at 1:02 am
Mp, i va reh ve.
Khawnge, kei pawh thingpui senhâng sa ver vawr ka’n dawm teh ang.
Report this comment