( A sei deuh mai thei a,chhiarchhuak hram turin ka ngen che u)
Ran leh Rannung hi ka ngaina em em a.Ka Vulh ngat phei hi chu,ka phak ve ang tawk a duat leh hmangaih takin ka enkawl thin a.1999 kum khan Ui pa(Burney) note tha deuh mai,chum biang buang hi ka la a. Hnute hnelai la ka nih vang khan,feeding bottle in Bawnghnute nen a ka chawm seilen a ni a.A diet pawh ka theih ang zawng zawng a ulukin,thei(Fruit) pawh eitir thei khawpin ka enkawl a.Mihring ang chiahin ka bia a.
Hrik pawh nei hmanlo khawp in ka bual faiin,a ha thlengin ka nawhfai sak thin a.Rual pawh pawl theilo khawpin ka enkawl a.A nghawng hi a hmul chhur a,Sakhi rawng,a dumin a pawlh deuh ang hi a ni a.A lo puitlin a,Star tu a neih a lo hun chuan ka buai zual a.A rinawmin ,vawikhat ka hrilh hi a theihnghilh ve ngai lova.Nikhat chu-Pangpar(Seasonal) hi uluk taka ka phun laiin, ka bulah a awm ve a.”Bawihpui,he pangpar hi veng tlat ang che aw.” ka ti a.A veng ta nasa lutuk a.Keimah ni lo chu ka pangpar phun bula kal reng reng kha a ngur chhur chhur a,Ar phei chu mangan thlak khawpin a um a.A venghim hneh lutuk kha ka buai phah fo thin a.
A thlah duh in Uinu nei hian thlahtir min rawn dil ta fo mai a.A mah a lianin,hlauhawm tham a ni si a.Ka mangangin ka fimkhur thin a.Ui nu rawn hruai kha an veng leh contact No. ka lo dil zel a.Tukkhat chu zunram thiar tur a ka chhuah kha a tlan ta vak mai a.Motorin ka um zui a,Ka hmu ta mai lo a.Mi kan zawt a,Ui Nu hur an rawn hruai hnuhnun berte veng kha a ni si..”Nichin lawk kha chuan a lokal kha.” tih bak chhanna ka hmu ta lova.Ka ngaih a thalo hle mai a.Ring taka au in kawngpui thlanglamte ka haswi vel a.
Ka beidawn dawn tawh chuan,kawng thlang Thang pik kar chu a rawn ri suat suat a.Burney chu meikhup zul hian a ke dinglam khai hian a lo chhuak a.Chik deuh nghur nghur hian min rawn pan a,”Bawipui,ka thu i awihlo a,engtinnge i awm a.?” tiin ka lo pawm a,..Aw.. a van hrehawm tak em, ka hlauh ang ngeiin,a khel dinglam chu a liahna a huh hlup tih ka hre ta mai a.Kan en nak chuan Silaia kahna hnuhma ka hmu ta mai a,a thi erawh chu a lo liak fai vek a.Min liak a,min bawh huam huam a,chhan ngai leh zualko hmelpu ngawih ngawih a min en chu hrehawm ka tiin,ka thinlung a Na a.In lam a haw lovin Vety Hospital ka panpui nghal a.
He Hospital a thawkte hian vaccine ka ngaih pawimawhsak zia leh,Ui Lian danglam tak a nih vangin min care pui takzet a.Office hawn tirh a thleng kan ni a,an lo buaipui vat a.”Kan thu i awihloh chuan I Pi in Sa a lei dawn lo che,” an ti a,an hriat than em avangin a hmui pawh phuar lovin a hliam chu an enkawlsak thei a.An tihfaisak a,an jection a,an tuam a.ka hawnpui ta a.A hliamna lam ke chu a rap ngam lo a.A len em avangin ka pawm zo tawh si lova,ka khawih ve kher loh chuan a thin a rimtlat zel si a.Natna leh hrehawmleh riltam tinreng hria,ka duh leh ka duat ngawih ngawih kha engvangin nge a Nu Hur awmna veng a a leng kha an lokah mai le.
.A nu hur awmna In pawh a la thleng hman si lova.An Nature ah chuan,a nu, a pan kha hmuin, Uipa dang nen lo in kawp se,a thik lutuk khan, a theihnaq zawng zawng a chhuh tumin a sual ngei ang.A nu awmna a thlen hma loh chuan,mihring leh Ui dang reng reng kha a rilru ah an awm dawnlo tih ka hrechiang si a.Ka thinlung Nat zia tak kha aw..Ran ka vulh hian,ka phak leh ka hmuh ve phak ang angin, an chanchin ka zirin ka chhiar ve thin si a.Kum 8 a lo nih hnuin, tuk khat chu-retaining wall,7″ vela sangah hian a zuang thla a.Ka enzui vat a,a len em avangin ka hlamchhiah ngam lo a.Ka zu au chu,a lo ding tual tual a.Lungngaiahna a khat mitmeng hian mi rawn melh a.”Bawihpui,i insawh na deuh a mi,lokal teh” ka ti a.
Muang chang hian a lokal a.Ka bul a lo thlen chuan a zung a,Ui pa zun ang posi pawh a la peih lo a.A zun chu a thi ta vek mai a.Vety Hospitalah ka tlanpui nghal a.A insawh dan ka sawi a.X-Ray a ngai a.Ran an X-ray na ah chuan a langkinm ve thei lova.Mihring X-ray naah kan va X-ray tir a.A Kidney a lo sawh chhe vek mai a.Zai mahse, damna chance a nei lo tih ka hre ta a.Aw..Ka va han lainat tak em..A Na kha mitmeng lo chuan min hrilh thei si lo.
Pet animal a nih vang khan ka tan mihring angin a hlu in ka ngaina tih kha an hrelo nge..a condition kha ip miahlo hian an sawi nghal bawrh bawrh zel mai si a.Nithum Vety hospital ah chuan ka awmpui a.Drip an khai a,an jection a,a bula ka awmloh hlek chuan a hnaihtu apiang a ngur chhur chhur a,treatment an pe thei si lo a.Hriau a an shot dawn te khaqn a vawn chuan,ngawi rengin a dawh tluan thak a……..A ni 3 ni chuan kan phur haw ta a,Gypsy hnungah hian amaha a mut in a lu a dah chhuah ngai khawp a lian a ni a.
Ka lainat lutuk chu Gypsy hnungah chuan mawng lehlam nghat a thuin ka awmpui a.Kan tlanlai chuan..thei leh theilo hian a lo hawi a..Lainatawm ngawih ngawih hian mi rawn en kuau a,ka malchungah a lu a rawn nghat a, a zung tuarh tuarh a,a zawi ta hnawk mai a.”Bawipui,Burney..” ka ti vak a.A lu a rawn chet leh a.Vai ruai hian mi rawn en leh a.Kum khua atan a mit chu min chhinsan turin a maimichhina ta a.Ka insum zo lo a.Ka tapri ta hawk a.Ka kuah a.
Ka va ngaiin..ka va lainat tak em..Engmah ka tihsak thei si lo.Ka Ui,Burney kha a thlaphang ve thei a,puih a duh ve thei a,Chhantu a ngai ve ngawih ngawih thei a ni tih hi chiang takin ka hria ani.A kuang tur thingphel lei turin mi ka request a,Mahse..Mizo mentality ah chuan..’Ui Kuang mai mai tur’ tih kha an rilru a ni tih hai rual loh hian,reilo te ah an lokir a.Thingzai zuar an hmuh zawhloh thu min rawn hrilh a.Tichuan..zantina a mut nana ka phahsak thin rizai leh puan varin ka tuam tir a..an tawn phui tur leh an zawnchhuak tur chu ka enzui ngam ta lo a ni.
Kum 2006 khan Vahai Note,a nu leh a pa hi min rawn zawrh a.Rs.450 in ka lei a.Cage ah kan dah a,mahse an lianin an tha roh si a.Kan In a falin thing a tam a,Inchhungah ka chhuah vat a,an sawt thoh thoh a,thlawh an zir a,ka kut hlirin chaw ka pe lui tlat a.’Hai-te’ tiin ka ko a.ka be bawrh bawrh a.Ka bulah an awm a.Ka rawngbawl laite hian an hmui lianpui hian ka kut an lo khel a,min lo tibuai thin a.Thingfanghmate,chaw(Rice) te,Atta kan te, Kawlthei te,Mai te ka pe thin a.
Veilam zawk a mi khi a inla cute pawh ni lovin,en reng reng khian a Nu zan mai a,an lo len deuh tawh hnu pic, a ni a.Tikhian kan In bul vel,May Flower kungah te,thing awm apiangah fu in an leng kual a.”Hai-te, lo haw tawh ru” tiin han au i la,aw an hriat than in auh chuan kawngkhar leh tukverh in hawng apiangah an lo thlawk lut duai duai mai a.Tlai khat chu kan inpiah transformer(electric) chu a tek chhuai chhuai a,Power a thim a,kan va en a,a va han hreawm kher em..Ka Vahai Nu zawk chu transformer chuan a lo man a,a ke pahnih hi hmuh tur a awmlo,a lo thi reng mai a.A Pa zawk chu a bul a thing lerah a hram vak vak a.A lo haw duh ta hauhlo mai a.A tuk zing khua a lo var chuan,tukverh zawng zawng ka hawng a,ka au a.khawhar hmel ngawih ngawih hian a lo thlawklut leh ta duai duai a.Thla a liam vel ang tihah chuan,Zing dar 7 velah,Silai ri dawt ka hria a.Kan naute chu silai rikna lam ngaihven tur chuan an kal a.Ka thiannu Pi Hmai Driver in a lo kap a,a kah thlak hnu chuan a lo zawng hmu zo lo,tih thu min hrilh ta mai a.
Ka nghing lawih hian ka inhria a.Ka rilru na lutuk chu awmngaihna pawh ka hre lo a ni ber e.Mangang tak a ka awmlai chuan,Pi Hmai leh a driver chu an lokal a.Khatih laia ka chak ber chu,Mipa nih a,Ka Sava kap hlumtu chu hnek leh tawp hi ka duh a.Mahse tha takin ka lo dawngsawng a.Pi Hmai chuan”Ngaihdam dil chu i thu ni se,Sava reng reng kap tawhlo turin intiam rawh le.” a ti a.Ngaihdam min dil a,Sava kap tawhlo tur chuan a intiam ta a.A hmel ka en khan a kah leh ka ring tawhlo a ni.
Ka thiannu rawn tihdan chuan min tizang huaiin ka hria a ni.Mahse, ka Haitea chu a awm tawh dawn lova,a thiannu thih hnu in khawhar takin a maha a awm ringawt pawh ka lainat tehreng nen.Nithum vel hnuah chuan,naupang pakhat hian,’Ka pi,khuta khu i Sava ka hmu’ a rawn ti a.Ka zuk en vat a,pawr fap mai a thingzar a a fu chu ka zuk hmu a,ka au a,ka hnaih deuh chuan a thlawk sawn ta zel a,a riltam lo haw tum chuan,a mah thah tumtu ruangam ang ka nih miau avangin min hlau ta si a,mahse,ka awri a hre tho si..ka au a,ka aw ngaithla in a hawi vulh vulh a.
A fukna thingzar hnauiah chuan nilengin chaw ngheiin ka au a,ka awmpui a,tlai khawthim hma deuh chuan ka hawsan ta a.A tuk khawvar veleh chuan tukverh lae kawngkhar zawng zawng ka hawng a,eitur ka daqh lang a,Haitea chu a lo thlawk lut ta a,ti deuh hian a rawn ei a,a hmui tihdan chu,chaw ei a an a harst hle tih ka mitsirin ka hmu ta a.Tlailamah chuan,min nel leh ta a,ka darah te ka malchungah te a rawn fu a,ka khawih mai duhlo a,reitak ka bula thlamuang a a awm hnu chuan ka pawm ta a.
Kan enchiang chu a hmui hnuai,a hrawk hnaih takah hian silai mu a lo tang kuk mai a,hmul pawhna in ka cheh chuahsak a,a rak thawt mai a,ka thin a va han rim thin tak em.Tichuan lungmaunga a mawm leh hnu chuan,veng hla tak a awm,College Vice Principalin min rawn phone a.”I sava kha kan in bulah a rawn fu vung mai” a rawn ti a.Rangtakin Driver nen kan va tlan a.A lo thglawk bo hman a,ka au haw zo ta lova.
An Nature,a nu hur hun a ni tih ka hria a,’Umm,a nu hur rim a hria a,a kalbo a ngai ta anih kha” tiin kumkhua a hmu leh tawhlo turin chumi ni tlai chuan khawhar takin ka haw ta a.
Chutihlai vel chuan Zawhte var nalh deuh mai hi miin min pe a.A Nu a ni a.”Naute” tiin ka ko thin a.Note a nei pung a,7 lai mai ka vulh a lo ngai leh ta mai a.An zun leh Ekna buaipuiin ka hmanhlel chu a ni leh ta a.Cement Plate ang tiat velah hian Balu ka dah a,an zung a,an E a,Ka paih fai zel a.Zingah Bhujia te,Biscuit te ka pe a,10:00am ah chaw ka pe a.tlaiah ka pe leh a.Aan thauin an fing a,han au ila an lo tlan haw dawr dawr a.
Nuihzat thlak deuh chu,Sarang ri an hriat hian,Biscuit vel pe turah min ngai tlat zel mai thin a.2008 October ni 9 chuan ka Fapa neih chhun a boral thut mai a.Chumi chhung chuan thenawmten min lo enkawl sak a.In lam a ka hawng leh chu,ka zawhte te chu an reh diak mai a.A dum hlanghlak pakhat a awm ve a,Dumtea ka ti a,chute chauh chu a lo haw ta tlat mai le.Ka zawt thin a,Nimin piah chuan an la awm vek,tihvel kha min chhanna ani ta mai si a.A hnu deuhah a then chu an ruang ka hmu leh a,Tura hrai ngei an ni ah ka ngai a.
Ka Thinlung natzia chu aw..Mizote hi Kristian hnam za a za kan inti si a,heti em em a Nunna nei,lungngaih,khawhar,riltam leh natna engkim hre ve,rannung leh nungcha,Ran chung ah kan nunrawn em em mai le..Pathian hi a zahawm ka ti tak meuh a.Ka zawhte 7 zinga la damchhun Dumtea chu tunah ka bulah a la awm a.
A fing in a pangchang a,a duh ka pek hma chu min zui a,ka zin ka haw te hi min ngai lutuk hi aw chhang vek khawpin ka bulah a hram thin a.Kawmthlang Nu,mawl ve tak mai lo leng hian rawn hauh a ching thin a,ka ngaihdan a ni lo fo thin a,ka insum hram hram a,mahse vawikhat chu,”Sangpui,ka zawhte hi i fa i hmangaih tluk khan ka hmangaih asin”ka ti ta tawp mai a.A hnu chuan mi bulah fiamthu angin a lo la sawi zui a.2010 November thla tawp khan ka motor accident chungchangah nilengin ka chhuak a.Zan a In ka thleng chu Dumtea ka au a,a lo haw ta lova,a tuk nilengin a reh daih mai a.
Thenawmte ka zawh lahin an hmuhloh thu an sawi zel si a.Ka bei hi a dawng ngawih ngawih mai a,chhunah chuan huan a Ar Inah ka zu kal a,Ka zai deuh al al a,huan mawng pik atang chuan Ngiau chungin ka Dumtea chu a rawn baih chhuak a,a mit lehlam a meng ngam lo bawk a.Hliam a lo tuar a nih chu.Inah kan haw dun a,a dam leh hma chu pawn a chhuak ngam ta lova,chuta tang chuan keimah lo chu ka Inchhung ngeiah pawh hian Mihring a hlau ta tlat mai a.
Mak hi ka ti a.Kan sual zia leh kan mawl zia hi kan inhre der si lova.Sual kailo niawm fahran a mi diklohna kan sawi ngam te hi zahthlak hle in ka hria.Ka ran vulhte avang liau liau hian tul tawpah lo chua In ka chhuahsan ngailo a ni.
‘HAWH U,ZORAM MIPUI TE HI NUNGCHA LAKAH HMANGAIHNA LEH LAINATNA I LAN TIR VE TAWH ANG U.A SIAMTU PATHIAN VANG TAL PAWH IN’
(ka Ui pic. ka hmu zo tlat lo mai a,pawi ka ti ngei mai)
Similar Posts:
- SMS chhas hi?
- Nang i ngawih tlat si chuan…!!
- Engtin nge ka hnem ang?
- I ngaihtuah ngai em?
- Zu zuar veng min ti maw, vannei ka inti asin
January 22nd, 2011 at 6:37 pm
ngaihnawm khawp mai
January 22nd, 2011 at 6:41 pm
taima taka chhiar a ngai dawn ani maw
January 22nd, 2011 at 6:41 pm
i ui chanchin khi ka mittui a parawl
kuang mai, very touching
January 22nd, 2011 at 6:42 pm
(Y)
January 22nd, 2011 at 6:57 pm
ui mi seh ringawt ching hi ka hua….street dogs hi summer lai hian an sual zual in ka hria, zanah phei chuan lolzz
Ka thianpa zawhte duh deuh video siam, a zawhte damdawi in awm lai vel video
http://www.youtube.com/watch?v=UocSw2ohh80
a lungchhiat thlak ti pawh an awm ngei ang
January 22nd, 2011 at 7:01 pm
Ui hi chu ka vulh duh tawh lo. Hmanah kan vulh-a, min talh sak a. Ka tap nasa. Ka vulh duh tawh lo reng reng..
Post tha hle mai
January 22nd, 2011 at 7:09 pm
Ka chhiarchhuak chiang kher mai. Hetiang khawpa post sei, hemi tluka chhiar uluk leh chhiarchhuah chian ka neih àwm pawh ka la hre lo.
Khawngaihna i ngah hle mai. Ranvulhte duat taka enkawla i inneltir thei hi i fakawm tak zet. A damloh leh misual, sualah pawh mawl hliah hliahte’n an tihnat pawha theihtawpa i enkawl te hi a ropui ka ti tak zet.
Ransa leh ramsa, nungchate chunga kan rilru put hmang hi kan thlak a ngai ta! Heti lamah hma kan sawn zel e. Mahse, a bikin thingtlang lamah sa kah kan la hrât a. Sa kap thei nih te, sava perhthla thei nih te, thang âwk thei nihte hi intihtheih nan tak kan la hmang a, kan la ngaisang zawk zel chu a nih hi maw.. Khawpuiah erawh chuan hma kan sawn khawp e.
Tumkhat pawh kam khaw YMA Chanchinbu-ah nungcha humhalh a tulzia leh sa kapte hrem theih an nih thu te, a hremna dân te chu ka ziak a. Chu chu pa thenkhatin lo helhin, khawchhung atanga hnawhchhuah hialah min vau a nih chu mawle..
January 22nd, 2011 at 7:11 pm
A ngaihnawm hle mai. Heti tak hian a nimaw nungchate i lo hmangaih le? A va ropui em!
Mahse, typing mistake a tam mah mah. Chhiar a hahthlak tep.
January 22nd, 2011 at 7:12 pm
Chengrang chelekna rama pet neih chu a hahthlak hle mai maw. Licence to kill nei ve niawm takin an chengrang an chelek hle mai.
January 22nd, 2011 at 7:16 pm
pu ainawn i ui pic chu i hmuh veleh
i rawn share ngei chu ngai ang, hmaih
hauh lo in ka chhiar chhuak dap e, a ngaihnawm
in min khawih zar mai, good post
January 22nd, 2011 at 7:27 pm
va ngaihnawm ve oooooo
January 22nd, 2011 at 7:30 pm
A man’s best friend an tih hi an phu ve chiang ngawt mai ui hi chuan…an hmangaih awm lutuk a,chuvangin ui vulh hi ka duh tawh miah lo..ainawn ..i can feel your emotions
January 22nd, 2011 at 7:32 pm
Pi Ainawn,a ngaihnawmin a van tha kher em ! Story pakhat chauh emaw min hlui dawn ka tia, pathum ngawt mai min han hlui chu le ! Mizote hian rannung chunga kan rilruput hmangah hian kan civilise zia hi ti lang thei tawh ila ka van ti em…… 🙂 🙂 (Y)
January 22nd, 2011 at 7:54 pm
e taka keipawh ka chhiar chhuak ve tlat mai…
January 22nd, 2011 at 8:03 pm
Thil hi ka la serious bik em ni ang aw..ti te hian ka inngaihtuah phah fo thin.Ka Damchhung hian khing ka rawn share che u khian ka nun kil khat an luah reng dawn si a.
He post hi vawithum ka submit nawn a,ka type zawh hma in power awmloh leh,ka computer problem vang in,manage ka en a,draft ah a lo lut zel tho si a.Ennawn miah lovin,a bul atanga tan leh ka hlauh lutuk vangin ka submit a.Typing mistakes ah in ngaihdam ka dil e.
January 22nd, 2011 at 8:05 pm
@10..rascal..eng post pawh nise,memory card ka recover veleh ka rawn OT pui ngei ang.
January 22nd, 2011 at 8:08 pm
ka chhiar chhuak dap e. a ngaihnawm in a tha khawp mai. ka thlawp ce
January 22nd, 2011 at 8:08 pm
Ka va han chhiar chhuak chiang em! Ngaihnawm kher mai!
Ui hi ka lawm khawp a, ui lian chi phei chu ka lawm lehzual. Burney pics chu ka hmu chak kher mai, eng breed nge a nih ang aw?
January 22nd, 2011 at 8:13 pm
Ui pa lian ho hi an buaipuiawm khawp mai a, a nu hur an hriat chuan thunun hleih theih an ni lo. Chuvangin an tet deuh laia a til lak mai hi a tha berin ka hria.
January 22nd, 2011 at 8:14 pm
a va’n ngaihnawm em em. Ka chhiar chhuak dap a,ka chhhiar nawn leh vel. (Y) (Y) (Y) I ui pic chu lo share ngei ngei rawh aw ka hmu chak ltk. i sawi hi a dik chiah sava puarpui tham hleihlohte hi ninhlei vang ringawtin an perh thla a,a thinrim thlak a ni ran hi an ngainatawm thlawt, inti neitu si enkawl tha peih si lo ho hi an ti mak ngawt mai, nu fa enkawl tha peih lo angah ka ngai deuh reuh mawle
January 22nd, 2011 at 8:20 pm
#19, muante, a hmulbuk chi ho pawh hi a nu hur an hriat chuan tihngaihna awm bik lo, zan khuain an tre peih…buaithlak tak ani….. 😀
January 22nd, 2011 at 8:29 pm
#21 😀
January 22nd, 2011 at 8:51 pm
“ka chhiar chhuak…” ti nazawng khian an chhiar chhuak tak tak ang em le? 😉
A hmasa-in, thurawn : punctuation i hman zawh hian kar-awl han siam keuh thin la, i thu ziak chhiar a nuam lehzual ngei ang.
I Uipa lian lian mawlh mai khia’n ka rilru a khawih ;-(
Ran ngaina mi – misual an awm ngai lo. Misual lo, i lo intimisual vel mai mai a lo nih hi! (Y)
Hmanah, Uipa buang thung mai – a hming : Kaisara ka vulh tawh. A thih ni-in ka mittui a parawl kuang mai… Chuta tang chuan ui ka vulh duh tawh lo. Ui, Vawk, Ar, Zawhte, etc… vulh ve si a, ngaihsak tha peih tak tak si lo, riltam reng reng leh bal tawp deuha vulh ho hi ka hua a; an mahni/ a vulhtute hi an ran vulhte aimahin ka ten! Nang zawng, ran vulh tlak i ni. Rualkhuma ka la puichhuah ang che 😉
January 22nd, 2011 at 8:53 pm
Ka chhiar chhuak vek. Ziak tha khawp mai.
January 22nd, 2011 at 8:58 pm
Strret dog pawh anti phal tawh lo, tunah chuan community dogs an ti tawh guffaw lolzzz ha ha ha….saala nikum hmasa khan ui var lian pui in ka ngal ding lamah min seh a nikum khan min seh na hmun ngai te bawkah ui dum lian pui in ka ngal vei lamah min seh leh…injection a to em2 mai leh nghal…street dogs hi chu neuterise vek tur saala
January 22nd, 2011 at 8:59 pm
@ 23 uii..Kawlte..Min puichhuah ngei ngei ang che.Ka lawm viau ang.Ran Note hi an cute ka ti a,Ar Note ka neih te hian pawm reng mai hi ka duh thin.Kel Note te hi..innocent lutuk hmel hi ka duh tawp zel.
January 22nd, 2011 at 9:06 pm
# 18 muante..Alsatian Breed ah chuan min dahsak a.Mahse a colour bakah chuan a ang lo.A Pui(a hringtunu) neitu chuan,Burney ang kha a khat pheuh hian a hring tel thin in a sawi.
January 22nd, 2011 at 9:17 pm
ainawn, chuti chu crossed breed a nih chu. Pure breed ho hi chu enkawl an hahthlaka n atna an kai hma bawk si a, chuvangin crossed ho hi vulh an nuam ber mai. Ei leh in lamah pawh an khirh lutuk lem lo bawk a.
Alsatian ho hi vulh nuam ber chi an niin ka hria. Anni ho ang chi-ah chuan German Shepherd hi an lawmawm zual. Ka ui duh ber chi chu Pit Bull a nia, St. Bernard pawh hi an lawmawm ka ti khawp mai.
January 22nd, 2011 at 9:20 pm
Hitler a khan ui leh naupang te a lawm em em a, mahse khawvel a nunrawng ber pawl chu ni tho bawk si! 😛
January 22nd, 2011 at 9:31 pm
chhangteval chu ngaihtuah tur ropui deuh i rawn sawi chhuak a, a dik hle bawk sia…. makawla point chu a tla der a va ang ve lolzz
January 22nd, 2011 at 9:40 pm
Fonz, tla der lah lo e aaa… Hitler kha mihring mihrinnaah mi sual a ni miah lo, kal sual a ni zawk! (Y)
January 22nd, 2011 at 9:46 pm
Ka UI duat tak thi ta min hriatchhuah tir ti i la ka theih nghilh ngai si lo, mihring thian tha ber tih hi chu lo dik ngawt mai, sawi tur vang hle mai
January 22nd, 2011 at 9:55 pm
31..hihi hitler chu nidang atan dah tha ang lolz
January 22nd, 2011 at 10:07 pm
Heil Hitler ! Tak taka, ui te ngainatna chang alo hriat ve chuan a thiltih that pawl tak zu ni a …… 😀 (Y)
January 22nd, 2011 at 10:15 pm
34, a ui pawh kha poisoined ani zui, hitler a order ang in lol
January 22nd, 2011 at 10:16 pm
Ka chhiar chhuak dap e. A tha ngei mai. Hnuk a ulh. :'( keipawh ran hi ka ngaina khawp a, ui, zawhte, ar etc ka vulh ve thin. Ka ui vulh tawhah chuan ui te chi, hmul buk deuh chhip chhep, a buang kha ka la ui ber mai. Eng breed nge phei chu ka hre law. Kum 10 a nih thlengin ka vulh a, motorin min chil hlum sak ta alawm. I ran-ten i tawng an hria khi ka awi khawp mai. Ka zawhte vulh pakhat pawh ui ang maiin a koh kal theih a. Tawng a hrethiam a, a pangchang thei lutuk asin. Mak tak a ni. Hman kum deuh khan ar vulh lam ka tui leh a, 100 chuang ka vulh a, inhnuaiah ka khung khawm a, a pul hri a leng a leh, an thi mang lek lek. Ui ah chuan St Bernard hi ka la awt reh thei lo.
January 22nd, 2011 at 10:22 pm
Ka chhiar chhuak dap e. A tha ngei mai. Hnuk a ulh. :'( keipawh ran hi ka ngaina khawp a, ui, zawhte, ar etc ka vulh ve thin. Ka ui vulh tawhah chuan ui te chi, hmul buk deuh chhip chhep, a buang kha ka la ui ber mai. Eng breed nge phei chu ka hre law. Kum 10 a nih thlengin ka vulh a, motorin min chil hlum sak ta alawm. I ran-ten i tawng an hria khi ka awi khawp mai. Ka zawhte vulh pakhat pawh ui ang maiin a koh kal theih a. Tawng a hrethiam a, a pangchang thei lutuk asin. Mak tak a ni. Hman kum deuh khan ar vulh lam ka tui leh a, 100 chuang ka vulh a, inhnuaiah ka khung khawm a, a pul hri a leng a leh, an thi mang lek lek. Ui ah chuan St Bernard ka awh hi a la reh thei lo.
January 22nd, 2011 at 10:25 pm
Fully agreed. Mihring na tuar tluk zetin ran na tuar an lainatom reng. Mihring cuan hrehom kn torh chhan kn la hre zok, ran cuan an hre ve lo, an tuar tlok2 mai ni.
January 22nd, 2011 at 10:35 pm
zualbonez chu stray dog/street dog chewing gum 😛 tun kum ah pawh an seh leh tho ang lols
Mate ainawn engtinnge i khawi fin theih zel bika, sava thleng thleng in
Parva awm hle hle talh a, eithin tu kha lo in puang rawh se 😛
January 23rd, 2011 at 1:25 am
Pet dog neih hi a hlimawm viau naa an thih loh leh an bo duh khawp maia rilru a hrehawm duh viau reng a ni, ka duh tawh lo tawp mai. Broiler ar takngial pawh mahni vulh ngat chu han talh dawn meuh chuan kan khawngaih deuh mai alawm le.
Thangthar te hian nungcha dimdawi nachang an hre sawt khawp maia thil lawmawm tak ani.
January 23rd, 2011 at 1:57 am
(&) (&) (&) (&) (&) (&) (&)
January 23rd, 2011 at 2:23 am
He ui “Leao”, hi a neitu chu hmanni Brazil a leimin vak khan a thi ve. A thlan hi chaw ngheiin ni hnih a thutchilh naa a thla hi lak a ni, ngaihtuah a ti thuiin ka khawngaih khawp mai.
http://img443.imageshack.us/img443/6897/16893618048741259981364.jpg
January 23rd, 2011 at 2:37 am
(&) (@) (L) (8) (F) (Y)
January 23rd, 2011 at 8:48 am
Uite var,Buk chhip chhep hi ka vulh tawh bawk a,a phakar reuh tlat a.Parteii ka ti a,Bual ka tum tih a hriat te hian,Sofo set hnuai a lo seh pawwp ru a,tah chuan a biru thin a,tun thleng hian ka la thui tha duh lo,a sei lutuk over dawn a,ka ziak tel ve ta lo mai a ni.
January 23rd, 2011 at 8:59 am
@ muante, St.Bernard hi EE pakhatin min pek a tum a.ka la ngam tawhlo,ka hrehawmna tur hian hma ka la ngam tawh lo.
January 23rd, 2011 at 9:09 am
Ngaihnawm khawp mai.. Ziaktu pawh i fakawm e. I entawntlak hlein ka hria. (Y)
January 23rd, 2011 at 9:32 am
46 zeph..ka lawm e,famkimlohna khawvelah hian thiltha tlem tal tih ve sawi tur ka nei a nih chuan ka lawm e.
January 23rd, 2011 at 9:44 am
Hetiang ang chanchin hi chu naupang hnenah te hian hrilh tam ila, an chhiar theih turin siam tam thei ila a tha khawp ang. True story a ni a, Sap ram lam daih ami pawh ni lo, kan bul hnaiah hetiang ang mi te hi an awm ve tawh a ni tih te hi kan tu lehh fate hriattir tam a va tha em! Eng chanchinbu ah emaw, Naupang pual ang chi thawnthu ziahna (thawnthu chu ni silo, real life ziahna a niang chu) ah te chhuah tlak hial a nih hi. Puitlin hnu hi chuan thu kan awih mawh khawp mai.
January 23rd, 2011 at 9:53 am
ngaihdam dilna….pi ainawn nizan
ka comment ah khan ph trang in a nia ka
pu che a sorry ltk auh
January 23rd, 2011 at 10:19 am
@ Mate rascal..pawiti reng reng suh..’Pu’ title min pe kha a nuam dangdai..lolzzz.
January 23rd, 2011 at 10:29 am
mate ainawn hian phek thar hawng teh ang.”Mate” telhloh chuan fonz te’n min hau ang..lolzzz
January 23rd, 2011 at 10:38 am
Ainawn i uite buk maltese chanchin chu lo ziak leh vat teh,keipawn ka nei a,kum 10 ani tawh, i ui chachin chuan tah te pawh a ti chhuak e,rawn ziak zel teh, a enkawl dan te pawh aw.
January 23rd, 2011 at 12:01 pm
I thuziak tha ka tiin, i ngaihdan huai tak a i sawi hi ka chhuang khawp mai che. Kan khawsak changkan leh kan Kristianna hian nungcha chung a kan rilru hi min tih danglam sak mawlh teh se..
I thil tih that hi chhunzawm zel la, nangmah ang hi lo pung zel bawk teh se…
January 23rd, 2011 at 12:26 pm
Ka rilru ang pu mi ka chhar ta!!
Ran duat lamah hian ka over fal nalh emaw ka in ti ( friends and family ten ti lutuk min ti thin a!)…mahse nang pawh i lo ni ve tho nih hi. Ran vulh an thih hi chuan a dang la leh vat ila, rilru a lapeng a, a zia duh in ka hria.
I ui sofa lo seh kua ngei chu….cute tawps!!
January 23rd, 2011 at 1:48 pm
An tawng thei ve lo a,chetzia erawh chuan theih tawpin an rilru min hrilh an tum ve te hian ka hre thin.Tuna ka Dumtea te hi, a duh ang a eitur ka peh vat loh te,a tui tihloh zawng ka pek changte hian rum deuh a min melh chung hian kawngkhar lam a pan hna hna zel maw le.
January 23rd, 2011 at 11:11 pm
Nawnte, i va han ziak ngaihnawm reuh ve a. Nungchate khati khawp a hmangaih che chu hmangaihna i ngah hle dawn anih kha. Nungcha hmangaih thei tak chu an sual duh lo tlangpui thu in tih hi ka lo hriat dan ani.I FEL KA FAK CHE
January 24th, 2011 at 12:39 am
@ 56..Sihte..Thank you very much..ti buh deuh nuaih teh ang.Kei aiin i fel zawk daih ang.
January 24th, 2011 at 5:41 am
VERY TOUCHING….