Kum a lo thar a, sikul tan a lo hun a, Zoram hmuntin maia Nu leh Pa tam tak te’n kan buaipui chu – KHAWI SIKULAH NGE KA TU LEH FATE KA KALTIR ANG ? tih hi a ni.Zirna hian mihringte mi puitlingah min siam a, zirtirna tha leh hmantlak dawng thei tur a, kan tu leh fate kan siam hi a tulin a pawimawh reng a ni.
He kan ram zim te maiah pawh hian zirna hi sum peipun na atan a hmang tam tak kan awm a, a hman hman tihtheihin Sikul din kan in tihhmuh a, Mizoram khaw lian deuh chinah phei chuan Private School kan kuh tul mai a nih hi.School tam tak chu belhchian dawl leh tha tak tak an awm laiin, tam tak erawhchu belhchian tlak loh fe fe an tam thung si a ni.Kan tu leh fate mi hmantlak ni thei tur a, an naupan lai atanga chher theitu tur School tha chu engtiangin nge kan hriattheih ang.Sawitur tam tak a awm thei ang.Heng Point tlemte ka han tarlan atang hian ngaihdan kan siam thei in a rinawm.
1. Free Free/Concession : Mizoram chhunga Private School tam tak hi chuan naupang an hmuh theih nan, Admission/Uniform etc a free veka dawng thei tura naupang leh nu leh pa te hial thlem kualin an inzuar kual thin a nih hi.Mahse Zirna thatna Sikul ah reng reng ADMISSION a thlawn a dawn tur a awm ngai em ni le ?
2. ACTIVITIES : Zirna kan tih hian Zirlaibu ngawr ngawr hi a kawk lem lo tih chu kan hre tlangpui ang chu maw ? Chuvangin Zirna Sikul tha ah reng reng chuan naupang te an rilru leh ngaihtuahna chher hriam a nungchang mawi leh awmdan tha zirtir nan hun an hmang tam thin.Activities hrang hrang an ngahin heng a bikin NCC/Scouts and Guides etc dinna sikulah te hian ifate dah hram tum rawh.
3. SYSTEM : Heihi a pawimawh khawp mai.Kan Zoram chhunga Private sikul tam tak te hi chu kaldan mumal pawh neilo, nu leh pa te’n an control theih sikul tam tak an awm a nia.Tin, Zirna an kalpui dan ah hrim hrim ah pawh Sikul thenkhat chuan naupangte zawh loh khawp zirlai an zirpui thin.MBSE in course a siamsa anga kalna Sikul hi a tawk ka ti viau mai.Zirlaibu sang tak tak zirpuia thiam tak tak chuang silova naupang enkawl hi a fuhber lemlo a nia.
4.RESULT : Result tha ringawt hi Zirna Sikul tha tehfung atan chuan a hman tlak chuang loh.Amaherawhchu Zirna sikul tha reng reng an result a chhe ngailo thung.Thiamna tak tak nei tur chuan result tha neih a pawimawh fo.Chutihrual chuan an result phuin thiamna an nei em tih erawh kan chik a pawimawh ang.
Sawitur tam taka awm ang, heng point tlemte ka han tarlan atang pawh hian kan tu leh fate sikul kalna hi an tan a himin a tha em? tih nu leh pa ten kan chik ngun apawimawh khawp mai.Sum tam tak a lo thlawn maia kan sen a hlauhawm viau a ni.
Similar Posts:
- Sikul tha tehna kan mamawh
- Zirtirtu Faktlak A Ni Em??
- Sikul kan inkaltirna te hi an tha tawk em?
- Mizoram Private Sikul neitu te leh Sumdawnna
- Zirna tha kan tih hi..
January 22nd, 2011 at 8:30 pm
(Y) good post… a pawimawh khawp mai!
January 22nd, 2011 at 8:54 pm
He post hi thlir chian a ngai khawp mai. Sikul hi kan fate an hun hman chhoh zelna tur a an rahbi pawimawh ber a ni si a. Khing i point sawi hrang hrang te khi an pawimawh vek a, ka pawm. Mahse khimi piahah khian, sikul, a bik in private sikul kan ti teh ang, hengah hian kan fate hi an him chiah em le.? Day-scholar chu lo dah tha phawt ila, Hostel attached ho Private Sikul thenkhatah hian? Private Sikul zawng zawng ka sawina a ni lo a nia. 🙄
January 22nd, 2011 at 8:57 pm
Ka chhiarchhuak a, ka rawn comment e. A tha khawp mai. Mahse, fa la nei lo tan sawi belh tur a vâng deuh.
January 22nd, 2011 at 9:19 pm
Private sikul siamtute hian hlawkna uma ti an nih hi sawi tlang tawp ngam se – “zirna ngaihpawimawh vang”, “midang te tanpui duh vang” etc. etc. ti kual vel loin. Hlawkna hmu tlak khawpa thain an sikul te siam thung se. Fee chu lo sang deuh pawh ni se naupang an hmu em em tho ang. A titak tak peih deuh, Aizawl velah pawh Pu Chhawnthuama te, Pu Lalnunkunga Sailo te, Pu R. Zochhawna (of Divine Intervention) ang te pawh hi an hlawk hmel khawp hi.
Tu leh fate vai ram hrehawm takah khawhar taka dah ai chuan kan ram ngeiah hian sikul tha hi awm se chuan kan thlang zawk furin ka ring.
January 22nd, 2011 at 9:26 pm
i point a fuhin a vai khian pawimawh tawpkhawk a ni. good post + ngaihtuahna tha petu a ni e. (Y) (Y) (Y)
January 22nd, 2011 at 9:29 pm
Post hmasa lam ah sorkar sikul te hi an hlawhchham ? tih lam awm kha ka chhiar chhuak chiah lo na in, fate sikul kal na atan chuan tunlai ah private hi a tha deuh ber chu a nih hi maw…….
#4 sawi ang hian private sikul te hian hlawkna umin school an run a, eizawn nan an hmang a ni.
Eizawn nan an hman tlat avangin sorkar sikul aiin an tang a, an ti tha bawk. sorkar sikul zirtirtu te chuan an zirtir loh emaw sikul an kal loh emaw pawhin an hlawh a kiam chuang lova, tin, a tlangpuiin naupang zirtir thiam tum ai chuan hlawh hmuh nan, mite sawisel kai lutuk lo tur tawk a zirtirtu hna thawk an tam ber niin a lang….
January 22nd, 2011 at 9:46 pm
Ka tuina lam a ni tlat mai a. A tha khawp mai i point ho khi. Keipawn fa te nei ila sorkar sikulah ngei ka kal tir tlaun chhuak parh ang. An tet laiin emaw an lo tleirawl/rawlthar laiin hostelah ka awm tir lo chiang viau bawk ang(Private sikul ka sawi deuh bik).
Chuan Pi Lalliani(ka sawi sual em? CTE lecturer thin kha) sawi ka hriat ve fo chu “Zirtirtu nih hi hna pawimawh tak a ni,zirtirtu leh painthar loh a in hmah lo e” a tih thin kha.(Zirtirtu kan awm tak in..hehehe)
Nungchang tha tak an neih theihna tur thlang ila a fuh ka ring ber bawk.
January 22nd, 2011 at 9:49 pm
Education kan kal pui dan tur (CCE) hi hre chiang deuhin awm lo maw? Han post teh u…..
January 22nd, 2011 at 9:50 pm
hei hi keipawhin ka ngaih pawimawh zawng tak a ni. Zirna hi kan tunlai khawvelah chuan thil pawimawh tawp khawk a ni a, eng hna pawh thawk dawn ila, tlem tal inzir kuak loh chuan a buaithlak thin. Tunlaiin private school kan uar hle a, fimkhur pawh a ngai. Private school hi tha tak tak tam mah se a tam zawk erawh hi chu chhung leh khatte luhna atana ka iai a tam khawp mai. Nu leh pate kan fimkhur a ngai. Sikul tam tak chu zirtirtu nei mumal lo, thlatin deuh thawa inthlakna te a awm a, hostel-ah lah chep tak tak, eitur tha dawn mumal lohna a tam lutuk. Sikul thenkhatah phei chuan sikul danga fail tawh pawh an pawl sawn sakin an admit duh hial nia. Hei hi ka chiang khawp mai. Ka lo thawh ve tawhna sikul ngeiah pawh an admit, principal nen pawh kan inhmuh thiam loh phah nghe nghe a ni. Sawi tur a tam, mahse in lo ning lutuk palh ang e. A khaikhawm nan, kan fate private sikula kan kaltir a nih pawhin sikul te tak te tea luhtir lovin sikul rintlak deuh i thlang thin ang u. Tin, sikul tha tak tak chu TV leh chanchinbu vela fakmawi chawp a ngai miah lo a nia.
January 22nd, 2011 at 10:22 pm
Mizoram zirna hi a hautak hle a nih hi maw.Sum ngah fate tan lo chuan thiam ve theih loh hial a ni ta anih hi.Sorkhar chakloh vang chu a ni pakhat reng.
Private sikulho hi SUM DAWNG an ni chian khawp mai.Nu leh pa an dawrfuh deuhte chu an fate an position a sang thei hle thin te an tih ka hre tawh.
Sikul pakhatah ka thinpa tlem a sum a ngah lai in a fate 4 lai a dah a an sikul chuan an duat khawp mai .An zirtirtu pakhatin a sawi dan chuan an boss in an ni unau te hi an sang thin tur ani eng examna ah poh tih a sawi a sawi leh nghal.A tawplam ah an in hmu fuh loh chiah chu an fate sual thu in an boss ber chuan a lo kap fo.a tawpah phei chuan an insawn ta daih.
January 22nd, 2011 at 10:23 pm
@Fugitive, Arthur Halley Novel ho kha ka lo chhiar ve zeuh zeuh a, Mahse sikul chungchang ngawr ngawr ni lo in, Damdawiin, Airport, etc chungchang a ziak ho hi ngaihnawm ti tak in. Tin, a ni thei tak tak mai ang em, tiin ka lo chhiar thin a. Sikul te tak te ai hian sikul rintlak deuh te hi chhui ngaihna chin an awm ve tho lo ang maw? mahse ka rin thu mai mai a nia (wild imagination).
January 22nd, 2011 at 10:26 pm
Mama, Mami, ka hmuh phak ah hian sikul kal ula, kan khua ah pawh zirna In tha tak tak sorkar in a din fur tawh a, a theih chuan B.A/B.sc etc thleng tal hi chu zo ula, in zir zawh ah in tui zawng hna in thawk mai dawn nia, eng hna pawh thawk ula rinawm leh taima takin in thawk zel dawn nia, hna zahawm leh zahawmlo a awm hranlo a, in hna ah entawntlak a in thawh zel chuan hna zahawm thawk in ni mai ang.
January 22nd, 2011 at 10:44 pm
# 11. Ni e, a ni thei lutuk ang. Ka rawn sawi khi ka hriat ve phak chin china ka hmuh ve dan a nia, private sikul kan ti rau rau a nih chuan sikul te reuhte, inrelbawlna mumal vak lem lo, naupang nu leh pate an thu em emna ai chuan sikul lian leh rintlak, entirnan mai mai, Mt Carmel, Home Missions etc ah te hi chuan facilities a changtlung zawkin fate zirna atan chuan a tha lo maw ka ti mai mai a ni e. Keima duhthusam ah chuan sawrkar sikulte hi ka la thlang cheu mai, sawiselna tam tak karah. Ka lo zir tawhna a nih avangin an mi zirtir danah leh enkawl danah ka fak lo thei lo. Tuna an dinhmun chu ka hre chiah lo na a. Tin, sawrkar sikul zawng zawng pawh an inang vek lo bawk a. Te ka rawn ti teh nuai a ni e. 🙂
January 22nd, 2011 at 10:45 pm
Post tha tak a ni!!kan rilru tak tak kan sen a tul hle in ka hria!!! School tha kan tehna poh hi kan thlir chian deuh hlek a tul maithei a ni!!!!! A hre zawk te khan han comment teh u
January 22nd, 2011 at 10:50 pm
result oriented lutuk a zirna kan kal pui hian kan quality a ti hniam in ka hria Enge in ngaih ve dan?
January 22nd, 2011 at 11:01 pm
thiante ho chu min tin san ta vek a maw ni chu le?
January 22nd, 2011 at 11:07 pm
Beng var thlak khawp mai thin a!
January 22nd, 2011 at 11:14 pm
# 15. A dik lutuk. Kei chu zirna chungchang hi ka vei. A pawimawh si a. Tih theih kan nei si lo. Exam oriented in kan zir a, zirtirtu ten notes an pe thlap a, ( pe lo pawh an awm. Mahse, a tam zawkin an pe.) Chu mai pawh chu duhtawk lovin Guide book etc kan la ti, tuition nen. Kei hi guide book leh tuition tel lovin tun hi ka thleng thei. Class-a uluk taka ka ngaihthlak hnua text book uluk taka ka chhiar leh chuan a tawk the thaw khawp mai. Exam dawnah suggestion kan inpe a, notes kan zir tluk tluk a, kan zirlai khan enge min zirtir a tum? Enge a awmzia? Tih lam kan ngaihtuah tawh lo. Kan zir liam mai mai a, exam zawh hnu thla hnih thum hnuah kan theihnghilh leh vek thin. Kum tinin HSLC leh HSSLC exam ah 1st div, Distinction-a pass an chhuak hum hum reng a, chutih rualin civil service etc a inziak tling thei erawh chu kan khat pharh thung si. Hei hi eng vang nge ni ang? Exam oriented lutuk, engmah hre chiang tak tak mang si lova kan zir vang a ni thei ang em? A thei theiin Science subject zir kan tum a, Arts te chu 3rd Div ho zir awm lekah kan dah a, kan hmusit ve khanglang lehnghal a. Arts subject pawimawh ziate hi han hrechiang tak tak ila aw! Science zir ho lah hian Doctor leh Engineer bak em kan nei lo emaw ni? Line a tam tehlul nen, Astro Physics (zir ka chak em em, sum awm loh vanga ka zir tak loh), Bioinformatics, Genetic Engineering, etc a tam lutuk. Hetiang lama ke pen kan vang pharh mai te hi a mak ka ti thin. Doctor leh Engineer ringawt chu seat kan indaih si lo. General line-a kal lah tum mumal nei lo kan tam lutuk, research te bei a, luhchilh tak tak peih chu uihum zat lek tak chauh kan la ni. A, sawi tur a tam. Ka vei ngang a ni. Min lo hrethiam hram teh u’n!
January 22nd, 2011 at 11:25 pm
“Kum tinin HSLC leh HSSLC exam ah 1st div, Distinction-a pass an chhuak hum hum reng a, chutih rualin civil service etc a inziak tling thei erawh chu kan khat pharh thung si”.
An thiam tawk lo ani ber mai lawm ni?
January 22nd, 2011 at 11:32 pm
hemi topic ang hi kan sawi ho tawh misual ah hian, eizawn nan a hmang sikul din ho hi ka hrethiam lo
Post a tha khawp mai(ka chhiarchhuak vek-ainawn pawsnen)
Education line hi mizoramah chuan kan la ngaihsan ber ania, lrpa pawh kan hre ta, theih loh kan nei bik lo, mahse sumdawnna sikul a tam lutuk, kan population ngaihtuahin….sikul +kohhran a tam na ah thurualna a awm ngai lo
January 22nd, 2011 at 11:39 pm
@ james bond. Chu tak chu alawm ngaihtuah chian ngai chu. A point tak i rawn sawi. Exam oriented-a kan zir vangin exam atana pawimawh chauh kan thiam hlur a, exam tha takin kan chhang a, result tha tak kan nei a.
Mahse, kan thiam a tluantling si lova, thiamna tak tak kan neih si loh avangin zirna sang zawk kan thlenin kan buai thin ta reng a ni. Class-x top ten-a lang, class xii fail pawh ka hria. Kan zirdan system hi chu siamthat a chakawm ngawt mai.
January 22nd, 2011 at 11:46 pm
Pu lrpa pawh hi zirlai hrethiam mang lova pawngpaw zir ve ngawt a ni miah lovang. Chiang sa. (Y) 🙂
January 22nd, 2011 at 11:47 pm
Hemi subject ah hian 1980’s atang tawh ngaih pawimawh ka nei. Kan insiam rem sauh sauh anga ulukly in ka rawn sawi ve ang e. Beware ;-(
January 22nd, 2011 at 11:52 pm
fugitive, result oriented lo tur chuan hamara desh pum a, kan in thlak a ngai ang.
January 22nd, 2011 at 11:54 pm
Kan zawt mai mai teh ang che u. In hria a, min hrilhfiah turah pawh ka ngai emaw, ka phut miah lo ang che u. Ka zawh leh ka hriat duh mai mai chu, In beisei loh lam daihah, Teacher/Authorities leh Student inkarah hian Sexsual abused hi a awm thei ang em? A bik in School a Hostellers ho zingah. Midang hnena a sawi chhuah ngam si loh hi. A hosteller pui laka sex a lo hmanpui a nih chuan, chu chu chu tiam lo in? Zirlai kawngah hian?
January 23rd, 2011 at 12:05 am
CCE chungchang kha a hre deuh kan awm chuan han sawi teh u! Mizoram ah khan kan hmang toh dawn em kha?
January 23rd, 2011 at 12:07 am
@Lalrihem: Thil awm chiang sa i rawn zawt ni maiin ka hria.
January 23rd, 2011 at 12:11 am
Nu leh pa chuan kan pawm zel mai dawn tihna a ni maw?
January 23rd, 2011 at 12:15 am
pawm lo e a!! Mahse kan pawm vang ni lo in a thleng reng tho a nih hi
January 23rd, 2011 at 12:20 am
@ lalrihema. Helam chu ka hriat loh zawng tak. Mahse awm chu a awm ngei ka ring. Sikul rintlak nia kan ngaih zinga awm a nih pawhin helam hi ka lo ngaihtuah thleng pha miah lo a nih chu.
January 23rd, 2011 at 12:21 am
lalrihema, awm thei teh reng ang, sawi chhuah loh a tam ka ring
January 23rd, 2011 at 12:22 am
@ fonz. Nia tiraw. A buaithlak a nih hi.
January 23rd, 2011 at 12:36 am
A buaithlak a nih hi, tih chiah hian, kei, mi ‘sentimental’ tak tah hi a ti chhuak tlat mai. Ka fanu in, a complaint/report ngam si loh vang a a zirsang tur hi, ip chin ka nei dawn.
January 23rd, 2011 at 12:53 am
Aizawl-a hostel thenkhat hosteller zingah sualnain rin phâk bakin a chîm sang. A hranpain experience leh zirchianna ka nei lem lo na a, Zozam Weekly leh Zoram Today lamin an ziak zeuh zeuh thin.
Kan fate hi hostel-a dahah innghat lo ila, hostel-a kan dah avangin thlamuang takin i thu ringawt lo vang u.
A fing chinin tha taka an hman laiin a mawl zualin sual nan an hmanphah nasa. Hei hi hostel discipline chhe lutuk emaw, principal/warden inthlahdah vangte a ni awm e.
January 23rd, 2011 at 1:06 am
Khawi sikulah nge i fate kan va kalti r rei tawh ve! Tunlai chu admin-te an punctual lo riau!
January 23rd, 2011 at 1:16 am
@ lalrihema. Comment # 32 ah khian fonz comment # 24 khi lawm ka chhan. Ka ziah chian loh vangin ngaihdam ka dil e.
Chuan ‘a complaint ngam loh vanga a zir sang tur hi’ tih hi ka hrethiam lo. Khawngaihin Min lo sawifiah sak ta che. 🙂
January 23rd, 2011 at 1:17 am
@ chawng_hminga aw CCE chu kumin atang hian kan hmang tawh dawn e.
CCE Sawihawnna:-
Naupang ten eng tak nge school atanga an puakchhuah hre turin zirtirtu chuan naupangte chu an thlithlai nasa hle thin. Chung thlithlai na atana hmanraw pawimawh takchu Evaluation kan tih hi a ni. Mizoramah chuan evaluation tih
leh examination tih hi thuhmunin kan hmang a; a nihna takah chuan examination hi chu evaluation atana hmanraw pakhat a ni. Zirtirtu zawng zawngin naupangte
thiam dan en dikna chu an hnaa tel, thil pawimawh takah an ngai a. Engvang nge?
1. Naupangin thiam tura beisei ang a phak em tih hriatna atan. 2. Hun bi eng chen emaw chhunga naupang hmasawnna hriat nan.
3 ‘ Zirtirtu chauh lo mi tin ten naupangin a”zir tur subject hrang hrangah engnge a thiam chhuah tih kan hriat nan.
Kan vaiin naupangte tan zirna tha buatsaih sak kan duh vek a, chumi chu a takin a thlen leh thlen loh hriatna kawng pawimawh taka kan ngaih chu an zirlai subject-ah test-te, exam-te kan buatsaih sak thin hi a ni. Heng exam-a mark emaw’ grade emaw an hmuh khan anzirna kawnga hma an sawn dan min hrilh niin kan ngai a. Heng exam-a kan naupangten an tih that kan duh avangin exam
tinzawn rana inzirtirna- zawhna lo chhuak awm deuhte suggestion siama, zawhnain a phut chhanna tur note pe a, chu chu vawntirin zirn-a kan kalpui thin hi kan exam danin a phut tlat vang a ni. Chutiang examination kalphung chuan zirna pumpui chu a khalh kal a,a phuar hlawm tlat a ni ber. zirtirtuin exam thlirin azirtira, naupangin exam thlirin azir a,nu leh pa-ten an fate exam thlirin an zirtir bawk. Kan education pumpui chu examination_ah a vir vel ani ber mai, examination hian classroom-a inzirtir dan hi a control tlat avang hian, hei
aia zirna zau zawk leh huap kim zawk pe in, hei aia tangkai leh awmze neiin kan hmang tur a ni.
l. Evaluation chu engnge?
Evaluation tih dan phungah chuan zirlaite zirna hnuhma khawnkhawm a, chu chu 1o thlithlai a, 1o thliar fel a, ngaihdan siam hnu a, thutlukna siam chu a
kalhmang a ni Zirlaite hnuhma khawn khawmna atan pawh hian ‘exam’ hi kan hmanraw lar ber chu a ni mai rih a. Tuna Evaluation kan hman danah hi chuan –
zirlaiten an zirlaibu (text book) an thiam leh thiam loh te, a pass leh fail thliar nan te kan hmang ber a ni. Evaluation chu, chu mai chu a ni si lo.
Evaluation naupangah……
Evaluation cnu naupangte hmasawn zel dan enna,an nun pumpui hmasawn dan thlithlai na hi a ni kan ti thei ang Naupangtea chhererchhuah kan tumte a hlawhtlin dan leh an harsatna tawhte tih kian theih dan tur kawng zawnna a ni
ber. Evaluation kan tih hi chuan zirlaiten an zirlai an thiam leh thiam loh chin hriat tum leh ‘zirlaite pass leh fail-a thliar mai hi a tum ber a ni lova, an thiam
lohna lai te, an tlakchhamna/chak lohna lai te leh an chak/thiam vena lai te hmuhchhuah a, chuta tang a siam that ngai lai siamtha a, tihhmasawn zel hi a tum
zawk a ni.
Evaluation zirtirtuah… …
Zirlaiten an zirlai an thiam lohva an fail hian, naupang thiam lohah dah nghal ngawt tur a ni lova, thiam tura kan zirtir loh vang te, buatsaih tawk loh vangte a ni fo thin. Naupang reng reng hian thiam theih dan riau an nei vek tih hi mithiamte ngaihdan a ni a, chuvang chuan naupang chu thupui bera neiin fail lo tura a thiam theih dan ber tur zawnpui chu kan tih makmawh a ni ta. Chu chu RTE pawhin a min phut tlat chu ani.
2. Continuous Evaluation awmzia
Naupang tin hian mahni tawkin thiamna puakchhuah dan bik riau an nei theuh a, chu chu chatlak lovin marpatin a kal reng a ni, Mihring than chhoh dan hi than thut lam ni lovin, zawizawia than chhoh bek bek zel a nih avang hian,
zirnaa hmasawn dan pawh hi naupangten an zir mek laia chatlak lova endik nghal zel hi a tul a ni. Chuvangin zirlaite hmasawn dan chatlak lo leh tha thlah
miah lova mar pata endik hi Continuous Evaluation awmzia chu a ni mai.
Engvangin nge?
o ‘Naupang chak lohna rang taka kan hmuhchhuah vat a, tanpui a ngaihna laia kan tanpui vat theih nan. Naupang chak lohna kan hmuhchhuah vat a, tihdam nana kan rutnawnpui leh thin pawh a ngai ang, chu chu remedial teaching tih a ni. Tanpui vat a nih loh chuan a thiam
lohna lai chu tihdam leh mai a harsa a, chhiatna thuk zawk beidawnna ah a hnuk lut thin ani.
‘ A hun taka naupang tanpui hi a pawimawh a, chumi atan chuan anzirnaa an harsatna lai tak leh an hmasawn dan chu mumal leh a hun taka endik thin a ngai ani.
o continuous Evaluation hi primary level-ah a pawimawh em em chhan chu- number te, ziak leh chhiar te an zir tantirh na a nih vang a ni. A tir te atanga hengte hi chiang taka an man a,an thiam bel a ngaia,chu ti lo chuan pawl sangah an buai thin. Chiang,taka thiam bel tur
chuan naupangte hnaasawn dan chatlak lova kan enfiah a, thiam bel tura tanpui nghal zel ann gai ani.
‘ Thil reng reng hi thiam bel tur chuan vawi leh khata thiam thut emaw thiam teuh emaw theih a ni lova zawi zawi a thiam chi a ni. chuvangin tum khata exam lawih thin hian, naupangah thiamna tak tak pe lovin, thlan bik neia zirna a siam thin, chu ai chuan chatlak lovazir reng
hian thiamna tak tak a thlen zawk a ni.
o zir tur duan reng reng hi naupang than chhoh dan mil a siam a ni.Tin,zirlai hi a awlsam atanga tanin ahar tial tial thin. chu bakah chuan zirlai reng rengah hian thiam hmasak’tur thiam tir si lova, zirlai kalsan a, a
ler lama thuai ngawt hi a hnua buaina, man lohna, beidawnna thlentu a ni. Heti ang a nih avang hian thiam hmasak tur hi thiam bel tir phawt a, a dawt a kaltir chauh tur a ni. chu chuan chatlak lova endik hi a chawh tlat.
o Heti anga zirlai meka endikna a kal reng avang hian zirlai apiang chu a pawimawh vek a, chuvangin an tan mar pat reng a tul hi zirlaite mamawh tak a ni.
3. Comprehensive Evaluation awmzia.
zirna hian kan naupangte hi ‘all round development, (kawng engkima naupangte hmasawntir a, mi puitling leh hmantlaka chherhhuah) a neihtir tur a ni kan ti a. Chu chu kan Evaluation kalphung hian a endikin a tehchhuak pha
tura ngaih a ni bawk. Tuna kan hman lai exam/test/paper pencil test hi chuan a teh chhuak pha lo hle a ni.
Comprehensive Evaluation innghahna chu –
Mihring hi a taksa emaw, a hriatna emaw, anunzia/mizia emaw hi a hrang theuha thang lovin, a rualin a thang thin.
‘Tehna hmanraw pakhat mai hian kawng hrang hranga naupang hmasawn dan leh zir dante a teh chhuak pha lo.’
‘Naupang tin hian an pianpui na ang zelin zir thiam theih dan bik an nei vek a ni.
Chvangin Evaluation hian zirlai bu chauh emaw subject vawn thiam chauh emaw hi a teh tur a ni lova, naupang nun pumpui hmasawn dan lang chhuak thei turin tehna/endikna hi kalpui tur a ni. Chuvang chuan endikna/tehna chu
classroom chhung leh pawna naupang chettlat dan zawng zawng huapzo tura buatsaih tur a ni. Hei hian endik dan kalphung chu a ti phuisuiin, huam zautakin a kalpui lo thei lo a ni. Hetianga huam kim taka kan evaluate-na tur te chu-
cognitive domain: Hei hian thluak hmanna lam-hriat thiamna, hriat theihna, thliar thiamna, hman thiamna, hrilhfiah thiamna, vawn theihna, thlithlai thiamna, chhut leh chhui thiamna, ngaihtuah thiamna etc a huam.
Psycho-motor domain: Thil ngaihtuah chhuah leh zir chhuah te ataka hmanchhuah thiamna/ taksa chet chhuahna / a tih a tih -taksa, kut, ke hman thiamna, themthiamna hnathawh thiamn, thiam belna, chem kalna zawng hriatna, taksa, thahrui chakna hriselna a huam bawk.
3. Affective domain: kan rilru sukthlek zawng leh thinlung put hmang thlak theihna,
awmdan leh nungchanga lan chhuahtirna te a huam a – mihring mizia,tuizawng, ngaihhlut zawng, nungchang zawng zawng a huam a ni.
Khing a chunga thiamna chi hrang hrang kan sawite khian mi puitling leh mi hman tlakah mihring a chherchhuak a, khing zawngzawng khi kan develop kim loh chuan tlakchham a nei thin. Chuvangin cognitive, psycho-motor leh affective domain huap kim veka tehna/endikna hi Comprehensive Evaluation kan tih chu a ni.
(tawk phot teh se, nakin a sawi zawm leh ah)
January 23rd, 2011 at 1:26 am
@37. .post hrana chhuah chi a nih hi 😀
January 23rd, 2011 at 1:26 am
Education hi a danglam chak a, a tum lam pawh hriatthiam a har ta fu..thangthar tamtak rilru ah chuan IAS, Professor, doctor, Engineer tih vel khan hmun a chang lian lo mai thei!! Daily work base ho hian rilru a pawt na lo deuh mai thei e. Sam siam-in engineer aia a hlawh that a, freedom an neih nasat zawk lehnghal phei chuan enge proper education hi a hlutna tih a awl khawp mai..Engpawhnise, kan ram angah te hi chuan duhthlan tur a tam lem lo a, arts nge science? chu zawng chu..Fa nei tan chuan fate hlimna leh antui zawng kan hriatthiam a pawimawh ta khawp mai..
January 23rd, 2011 at 1:33 am
@ pakak. A va tha kher em! Keini ang thusawi ve thlawt ai chuan chhiar a manhla in a taka kalpui theih a chakawm hle mai. Kalpui thei turah ngai ila. Zirna ah khua a var dawn ta ni te pawn a ngaihtheih ka ti.
January 23rd, 2011 at 1:34 am
Click to Edit.
A post-tu hi a thi tawh nge?
January 23rd, 2011 at 1:39 am
# 39 (Y). A sawi hnuhnung apiang sawi a tha hle zel mai. Zu chungchang ai chuan kei chu ka tui daihzawk. 🙂 fiamthu.
January 23rd, 2011 at 1:40 am
@39 dik khawp mai, tawngpawng lehkha zir ve ringawt hi bansan a hun tawh, naupang chu an line tur (tuina) zawn thiam sak a, an la naupan deuh lai atang hian kal tir pawp hi a fuh tawh khawp mai, zir ve char char a, BA/MA zir chhuak ve a (hmantlak tak tak lo in) awm ta mai mai kan tam tak zia te hi..
January 23rd, 2011 at 1:47 am
fa ka neih hunah chuan sikul din theihna sawrkar atanga hmuha fate zitir mai hi ania ka duh, kan naute hi english medium tha ve takah an kal thina, (a thiam pawl pheichu anni hleilova) mahse ka disappoint deuh chu an miss ina a mathematics zirtir dan kha a diklo tlat ani. Ka’n hrilh ngial pawhin exam na a tih chhiat an hlaua, “kan miss min zirtir dan alawm” tiin an ring tlat mai ni. A concept an man lohna khan ati backwoard hle tih pawh an result ah a lang chho reng bawk a.
January 23rd, 2011 at 1:51 am
@ 43. N’e. Lehkhathiam hna hmu lo inti kan pung mai mai a ni. Tuina zawng inzawnchhuahsak hi a hun takzet.
January 23rd, 2011 at 1:52 am
@fugitive ni e kan education system hi thlak danglam chuan a awm ngei dawn chu a ni si a, kawl eng tan tur chu nghakhlel takin lo thlir phawt mai teh ang u, He CCE hman ngei ngei ngai a ni tawh a, a hmang lo school chu RTE act hmang a khin theih an ni tawh dawn a, zawm loh chi a ni lem lo ang, Sorkar/private pawh ni raw sek sek, hman ngei ngei tur a ni tawp, he system hnuai ah hian naupang tan a fail theih tawh dawn lo an tih pawh hi a dik, he mi awm zia chu naupang leh zirtirtu tan in thlahdah na hun a awm tawh lo a, grading system a nih tawh dawn a vangin leh CCE remedial teaching nen a kal kawp tlat tawh dawn vangin naupang tan fail ngaihna a awm tawh lo, helai an fail tawh dawn lo tih hi an pass/thiam ngei ngei tawh dawn tih na ani.(ka va sawifiah chhuak thiam lo) tin, he system hnuaiah hian pass mark chu 60 a ni daih tawh dawn..
January 23rd, 2011 at 1:56 am
Funny comment khi ngaihtuah tham tak a ni.
January 23rd, 2011 at 1:58 am
Mizoram ah hian quality nge kan ngaih pawimawha quantity tih hi ngaihtuah chian a ngai khawp mai. Result tha percentage sang kan duh vang hian Private ah kan kal fo a, quality erawh kan hlawh chhuak hran lo.Exam dawna tiang nen a inveng chunga in zirtir chuan 1st a pass chu a har lemlo..
January 23rd, 2011 at 2:05 am
Ka fanu report card dawn leh chumi an bawhzui dan, ramdang thil mah nise bul tan nan kan hmang lawk teh ang.
Ka fanu progress report chu zirtirtu ten an rawn hawn tir ve a, a tih that ve em avangin kan lawm hle mai. Chumi report bawhzui turin naupang nu/pa tin te chu zirtirtu te nen a bik taka inkawm theihna hun mahni remchan dan tur azirin hun siam lawk a ni. Tun Zirtawpni khan an zirtirtu kan va hmu ta a. Chutah chuan, kan fanu hmasawn dan leh engtin nge zirtirtu leh chhungten hma kan lak ho theih dan tur te thlir hoin, a tan a that thei dan ber tur ang kan rel ho ta a ni.
Ziaktu point 1: Sumdawnna/eizawnnana hmang an nih avangin zirlai tam thei ang ber hui nan an thiam ang2 hlawk theihna tur, a mawi tawk an thehchhuak ngei tur a nih ka ring. Chuti anih loh chuan sikul chuan hma a sawn thei lo ang.
2. Zirlai te hian ni e, activities hrang2 hi an neih angai thin. An zirlai dung zuiin field trip neih ang te pawh hian rilru a ti phur thei a, hetiang awmna sikul te hi sikul thaah ka ngai.
3. Zirtirtute leh hnathawk dang te background check ruksak a pawimawh hlein ka hria. Ziaktu sawi angin zirlaibu ngawr2 hi a ni ngawt lo. Aizawl khaw chhungah ngei pawh mahni fate ngei mai hostelah te kan dah thin te hi a tul em, loh theihloh ah kan ngai em ni, kan chhuanlam mai a ni em, tih te hi ngaihtuah ngai bawkin ka hria.
Hostel hrang2 chanchin hi ka hre ve nial nual thin. Thuthang mai ni lovin, sikul tha tak (zirna lamah) nisi, an naupang thenkhat te rilru lamah nasa taka an tawrhna hmun te pawh a awm maithei. Sikul thenkhat ah chuan an zirtirtu te emaw, an hotu ten emaw an sikul hmeichhe naupang thlema mutpui an awm nual mai.
Kar hmasa mai pawh khan tleirawl pakhat chuan an head in a virgin a hawn sak tih min hrilh. Nizan khan kan zawt chiang dawn a, mualpho vak ahlauh avangin a sawi leh duh ta derlo thung. Report ka tum thu ka hrilh hmasak vang kha a ni ber awm e, a pawi khawp mai. Engpawh nise, a sawi danah leh ka hriat tawh thin danah a sikul naupang hmeichhe hmeltha deuh chu thiam taka thlemin a mutpui fo thin ni berin alang.
Nu/pa, Tlangval te pawh kha, sikul/hostel ah in duhlai te ngaihtha takin in dah ani maithei. An him em, virgin a lut kha an zirtirtu, in aiawha enkawl sak tu che u khan, Statutory rape in a lo khawih chingpen angem tih uluk takin ngaihtuah thin turin ka ngen a che u. An zep tlat thei mahse, an rilru lam erawh an damchhungin a khawih buai tawh ang.
Hostel ah te hian loh theih loh a nih loh chuan indah luh loh theih hi kan fate tan a tha ber a ni fo. USA ah te hian naupang tam takin kawng diklo an zawhna chhan chu,nu leh pa enkawl loha seilian an nih vang a ni awm e.
January 23rd, 2011 at 2:11 am
@ 46. Ka hre ruai ruai tho ve. He thil hi a tha dawn khawp mai. Ka comment hmasa ho atang pawh khan exam ringawt tha ka tih loh zia chu a hriat theih ang. Exam ah chuan a pawimawh chauh an zir a, thiam leh thiam loh a hril lo. CCE erawh hi chuan a hriata hre turin a ti a nih hmel a, tha tak a ni. High school kan kal laia kan principal thusawi ka hre reng thin. ” mithiam nih in duh chuan exam na atan ringawt zir suh u. In zirlaibua awm zawng zawng kha thiam vek mai rawh u. Pawl 9 i pass chuan pawl 9 i zirtir thiam thei tur a ni.” a ti thin a. A lo dik zia ka hrechhuak thar leh thin
January 23rd, 2011 at 2:19 am
Ka la sawi hmaih pakhat chu he cce hi elimentary stage ah chauh hman phawt tur a ni hrih (N-VIII).Tin, he system hnuaiah hi chuan activities/experiment/field trip/project report ang chi compulsary in a awm tawh bawk ang a, an thl tih WE leh assignment zawng zawng in marks a pu vek tawh dawn a, chuvangin in thlahdah theih a ni tawh lo hrim hrim. phur awm tawh tak ni in ka hria.
January 23rd, 2011 at 2:24 am
phek tharah thingpui kan in teh ang.
@ pakak. I pakak fuh khawp mai. Post hranah rawn chhuah nghe nghe la ka va ti ve aw.
January 23rd, 2011 at 2:26 am
#49 a pathumna (3) khi thil Azl a thil thleng tak tak a nih khi aw.
January 23rd, 2011 at 2:33 am
@ Pu HV-a, a va rapthlak ve! Chungte chu tihmualpho a va tha ve aw, a phu tawk hremna pek tha ka ti. Chuti lo zawng, nakin zelah midangin an tuar ve zel dawn asin.
January 23rd, 2011 at 2:35 am
# 46…HV…i ti dik khawp mai…inchhung lamah an fa te an enkawl thiam lo a chhuanlamah hostel chhe ve deuh deuh (floor hnih khat vel luah compund pawh neilo)ah an dah ve leh ringawt zel…
keipawh ka tet laiin ka chhugten boarding schholah min dah lo se chuan middle schooler ka nih lai khan vai velh ka ching lo hrim2…ka khawlo zo ta anih kha :fiamthu:
January 23rd, 2011 at 2:48 am
Fugitive Ka hriat chian ho thil hlui a ni tawh a, ka hriat thar lahin a sawi zawm ngam tawh bawk silo. Midang pawh an tam mai tih hei fb lamah min rawn hrilh zel a, a pawi khawp mai.
January 23rd, 2011 at 2:57 am
HV…chaltlang ami school tha ve deuh khi anilo maw i sawi chu FIR FIR…a neitupa chapo deuh hur uchuak deuh khi
January 23rd, 2011 at 2:59 am
# 55. Ka tan lutuk.
# 66. A van pawi tak em!
naupang rilru a hliam tawh chuan engtin nge an zir tluantlin theih ang le.? 
January 23rd, 2011 at 3:05 am
# 57. Eng school nge chu chu? Ka va hre ve duh. Sawi chi a ni em? A hint tal. School hming lamtawi emaw tal pawh.
January 23rd, 2011 at 3:07 am
E inva ti tha hlawm ve aw. Fugutive a chu i fel hle mai a. In comment pawh a beng var thlak. Pakaka hi ka hriat hnu i nih ka ring khawp mai bawk.CCE hi nikum lam khan tuemaw ni nen kan zir vak tawh a. Implement theih tak tak se duh thu sam a ni. Zirtirtu te kan taimak tulh tulh a ngai dawn.
Zirna in a tum chu mi hman tlak chher chhuah a ni a. Mi hman tlak leh tlak loh tehna hi darkar thum chhung lekin kan ti thei lo hrim hrim a ni. Mah se mi taima leh thawkrim an pass a chumi te chu an zia deuh tih a ni mai a. Hnu fual deuh fel tak tak leh hman tlak tak tak,rem hre bawk si an tam a ni.
January 23rd, 2011 at 3:09 am
@ 59 fugitive…the good school ani mai
ka sawi ngam lo admin ho mu tawh mahse an lo thang harh leh palh ang…nightmare tal an nei palh ang ka sawi chhuah chuan 
January 23rd, 2011 at 3:13 am
Pu Zualbonte i sawi tum ka hria e. Kei pawh ka han thawk ve lawp lawp tawh.
January 23rd, 2011 at 3:13 am
@ 60 krista..i secnd para khi amen….zirtirtu tha i nih chuan ka ngaisang viau ang che zirtirtu chhe deuh i nih thung chuan vuak er zawk2 tlak i ni ang he he
January 23rd, 2011 at 3:15 am
Ok ok. Tha ve deuh pahnih ka hria a. Rin chu ka nei mai e.
krista chu fel te mi ti ringawt a, ka mu thei lo ange aw.
ka la tluk loh em che hi maw. Zirna hi chu kan vei tlang a nih hi.
Kei chu mut zai ka’n rel tawh mai teh ang.
January 23rd, 2011 at 3:27 am
@Pu Zualbonte(#63): Kum li vel chu duh vang reng pawh nilo in zirtirtu chu kan nih ve kha. A nuam ka ti a a hahthlak bawk. Nungchang tha pass mark hmu zo lo ka belh pass fo thin(Thil tha ti ni a ka in hriat avang in ka in chhir lem lo) . “In nung chang,in nun phung a that chuan in pass ang” ka ti hmiah zel. Thu an awih em? An taima em? An tumruh em? A hmun leh hun an hria em? Rem an hria em? An tlawm ngai em? Pathian thu an awih em? etc etc…vel hi a ni ka teh dan ber chu.
“Nizan ah zu i in em?”ti a ka zawh a “Aw in e” an tih te hian pass mark an hmu daih tawh hian ka hre thin. Chuti ni lo a dawt sawi kual tum talh te hi chuan ka khua hi an ti var lo thin. Pawl sawn tir miah lo te hi ka chak thin. Sawi tur kava ngah tak em. Text book thiam hi a tha. Mah se an nunphung a fuh loh chuan an fail a ni. Mi hman tlak ni tur hian nunphung hi a fuh angai. A nih loh chuan corruption a ni mai. Mi hnawk sak dik tak anla ni dawn tihna. YMA leh Sorkar vek pawhin an check theih lo(Zu zuar ten khawtlang an tih buai dan hi chu a nep ka ti eiru ho ai hi chuan).
January 23rd, 2011 at 3:30 am
@ Krista, nang ber in min hriat loh ten, tunge vanah ka dinpui ang, lols..mi hman tlak chherchhuak turin han tang sauh sauh teh.
January 23rd, 2011 at 3:32 am
Krista, Zu i in em?
January 23rd, 2011 at 3:40 am
@Pu HV in lo e. Mizoram ah chuan Kohhran leh khawtlangin an khap avang hian zirlai ten in hi a thalo viau a. Zu thing rim nam a an lo kal te hian ka buai thin. Chutiang a lo kal chin tawh chuan personal taka kawm an ngai thin bawk a,an hnu fual in ninphung dik lo an zawh viau tawh. Hei avang tak te hian a ni MLTP Act te hi ka huat chhoh tulh tulh..
January 23rd, 2011 at 3:41 am
#67
January 23rd, 2011 at 3:43 am
Krista, I fail
:fiamthu: nia i sawi khi a dik ang. Keipawh ka student hlui te chuan nupui pasal an nei deuh vek tawh, la dam chuan.
January 23rd, 2011 at 3:50 am
Patling kan ti ti laiin fiam thu in lo thawh chu le a…
. TSa te lai lai an lo nui vel mawl e.. 
. Chuan Text book pawh kha ngiahpawimawh tur ka ti tho ania,hemi lamah pawh hian ka uluk thin khawp.
Engpawh nise a hma khan kalo lut hman lo a. A tlai/zing tawh si a ka mut san ang che u. Pathianni hman nuam mawlh mawlh u..
January 23rd, 2011 at 4:40 am
Fonz hi online em le
January 23rd, 2011 at 4:45 am
Aduh, a online lo anih hmel
January 23rd, 2011 at 4:47 am
thanks HV. a post chungchang thil ka zawt lawk duh sin le
January 23rd, 2011 at 5:03 am
January 23rd, 2011 at 7:21 am
In va tho hma hlawm ve.
January 23rd, 2011 at 7:28 am
He post leh kawmen chu chhiar a va manhla dap dap ve. Kum 8 hnuai lam fa pali nei tan chuan tangkai tak tur a ni.
January 23rd, 2011 at 8:03 am
HV,#49 i thil sawi khi lawm… ka vei thrin pa 1, kan boarding school ho hi… naupangin han complain se nu leh pa hnenah, zirtirtu te khan thiam tak takin anlo sawi hmasa a.. naupang luhlul tlanbo/chhuak ching..etc antia, nu leh pa kha an inthlahrung letling a.. enge naupang te te boarding a trang a antlanbo ve ngawt thrinna chhan laimu te hi…
January 23rd, 2011 at 8:26 am
eKHAI Ka Post i lo cmomment liam liam a a lawm awm eeeeeeeeeeee
January 23rd, 2011 at 8:38 am
in sawi tha hlawm thlawt e. Ka fa te a tuirilin kala pai a. Tuiril lo deuh an nih hunah he thil hi ka hmang tangkai dawn ciang mai.
January 23rd, 2011 at 9:02 am
Hman deuhva khawiah emaw ka ziah tawh ‘I FATE SIKUL KAINA A HIM EM?’ tih vel kha min ti hrechhuak… Fa kan han nei a, sikul an kai ve dawn ta reng a, ka thil ziah leh duhthusam awmna sikul reng reng kha Aizawlah hian ka hmu lo… Mahse kaltir an ngai tlat!!!
Chuan ADVERTISEMENT-a ka nuih tiza deuh thrin chu ~
“Admission hawn a ni a, SEAT A TLEM avangin hmanhmawh tur etc’ tihho hian ka nuih an tiza… SEAT A TLEM chuan ads siam kher trul ka t lo
January 23rd, 2011 at 9:46 am
HV-a sikul sawi chu hriat a har loh hi.
January 23rd, 2011 at 10:09 am
kan la sawi zel ang
January 23rd, 2011 at 10:27 am
He post chu chhiar chiang lo a kalsan mai ka han tum zet a, a tawp lam a comment chuan beng ava verh ve le…
School authority/ies leh Zirlai in kar chu ngaihtuah chian ava tha ve aw. Duh vang reng ni lo a zirlai hmeichhia in a ‘virginity’ a hloh a, a rilruah dam chhung ser awm tur chu ka lainat zawng tak mai a ni a. Ka fanu/farnu te ni ve ta se la…
January 23rd, 2011 at 10:36 am
Zirtirtu kan training a,Ideal school,curriculum,teaching,location of school etc..kan zir a.Kan zir ang school hmun hmuh tur tlem zia te..sawitur a va tam tak em..kan cuuriculum pawh hi mithiam te’n uluk taka an duan chhuah ni mahse,kan social life nen a inmil deuh,teaching aids,a taka hmuhtir tur chu sawiloh,hrilhfiah fe ngai ang chi te a tam lutuk hi chu..(Post chen zet comment a hlauhawm e)tlem a kan ram mil a her rem hi chu a dik ka ring ve thin.
January 23rd, 2011 at 1:13 pm
Ka hman laiin lo comment leh keuh teh ang. Fate leh uanau/laina te tana tha ber chu-Sikul hlun ho hi a ni. NSS,NCC leh SEU tih vel awm na ngei. Sport leh Hun leh Ni pawimawh observe ve theihna sikul. Sikul hmun pawh tha tak.
Mizoramah hian Zitirtu training na a kan bei sei ang sikul chu a awm theilo mai thei;mah se relative taka kan comapre chuan sikul rintlak tam tak a awm a ni.
Top ten a alan emaw class a tih that emaw hi a ni lem lo a ni.
January 23rd, 2011 at 2:04 pm
# 86
. Kan ti ta sa sa, nu leh pa pawimawhna pawh hi sawi tel a tha viau mai ka ti.
Nu leh pate hian kan fate hi hunawl nei hman mang lova dah a tha ka ti. Lehkha an zir loh lai chuan hna thawh tur eng eng emaw te pe thin ta ila, thawh hreh an nei tur a ni lo. Keini pawh mipa ni chungin thlengte kan sil a, kan insu lawp lawp tho.
Hmana kan inzilhna ”Lehkha i zir loh chuan hna i thawk ang” tih kha chu bansanin, ”mithiam chuan thawh hreh a nei tur a ni lo” ti zawnga kan inzirtir a hun ta. Sawrkar hna kan indaih seng lo, kan zirthiam na hmang tangkaia sawrkar hna kher lo thawka intundun dan zawn a hun tawh. Chu chu nu leh paten kan kawhhmuh a ngai. Engineer zirlai, exam chawlh a rawn haw zawk laia a pute puia Bus Conductor-a tang zak zak pawh ka hria.
Kan fate lehkhazir hi anmahni chauha awmtir lo hian i vil thin ang u. Room hrana zir tir a, mahni’n a TV lo ensan daihte hi a tha lo ka ti hle. Ka nu kha thingtlang nu ve ren rawn, lehkha pawh zir sang lo a ni chung khan zirna hi a ngaipawimawh em em mai a. Chhun ah ram hna hah takin thawk mah se, zana ka lehkhazir hi dar 1 dar 2 thleng thleng pawhin min thut chilh ve reng thin. Kha khan naupang rilru nasa takin thu a sawi a, kan vil that a, kan enpui thin na na na chuan an zir tha nge nge. An mawl viau a nih loh chuan an rilru ah nu leh paten an ngaihsak zia a intuh a, ”heti em em hian a ni maw ka nu leh pate hian ka zirna hi an ngaihpawimawh?” kan tia, kan zir ngheng mai thin.
January 23rd, 2011 at 2:08 pm
# 86
. Kan ti ta sa sa, nu leh pa pawimawhna pawh hi sawi tel a tha viau mai ka ti.
Nu leh pate hian kan fate hi hunawl nei hman mang lova dah a tha ka ti. Lehkha an zir loh lai chuan hna thawh tur eng eng emaw te pe thin ta ila, thawh hreh an nei tur a ni lo. Keini pawh mipa ni chungin thlengte kan sil a, kan insu lawp lawp tho.
Hmana kan inzilhna ”Lehkha i zir loh chuan hna i thawk ang” tih kha chu bansanin, ”mithiam chuan thawh hreh a nei tur a ni lo” ti zawnga kan inzirtir a hun ta. Sawrkar hna kan indaih seng lo, kan zirthiam na hmang tangkaia sawrkar hna kher lo thawka intundun dan zawn a hun tawh. Chu chu nu leh paten kan kawhhmuh a ngai. Engineer zirlai, exam chawlh a rawn haw zawk laia a pute puia Bus Conductor-a tang zak zak pawh ka hria.
Kan fate lehkhazir hi anmahni chauha awmtir lo hian i vil thin ang u. Room hrana zir tir a, mahni’n a TV lo ensan daihte hi a tha lo ka ti hle. Ka nu kha thingtlang nu ve ren rawn, lehkha pawh zir sang lo a ni chung khan zirna hi a ngaipawimawh em em mai a. Chhun ah ram hna hah takin thawk mah se, zana ka lehkhazir hi dar 1 dar 2 thleng thleng pawhin min thut chilh ve reng thin. Kha khan naupang rilru nasa takin thu a sawi a, kan vil that a, kan enpui thin na na na chuan an zir tha nge nge. An mawl viau a nih loh chuan an rilru ah nu leh paten an ngaihsak zia a intuh a, ”heti em em hian a ni maw ka nu leh pate hian ka zirna hi an ngaihpawimawh?” kan tia, kan zir ngheng mai thin
January 23rd, 2011 at 2:51 pm
He post chu a va tha-in comment ho te hlei hlei hi chhiar a manhla hle mai. Primary zirtirtu nih hi ka duh thin khawp mai a, a chhan chu zirna sikul intranna a nih vangin a pawimawh ka tih vang a ni. Vawikhat chu ka interview ve tawh a, min la lo he he.
Kan khua a primary sikulah mi ai ni khat ka kal ve zawk a, chuta mipa naupang pakhat ka hmuh kha tun thleng hian ka la theihnghilh thei lo, ziak tura ka tih a thil ziah te kha ka hmuh a hlau ngawih ngawih nia mawle, mahni inrintawkna kha a nei hlawl lova, tlar hnung lamah a thu a, engmah tak tak thiam lovin nitin silul a kal ve ni maiin ka hria. A thawk nghet ni ila han puih ka va han chak tak em. Naupang zirtirtu ni tur chuan child psychology te pawh hi eng emaw chen chu an zir a tha khawp ang.
He kan education system thar CCE hi a nihna ang taka kan hmanga nih chuan naupang tan a hlu ngawt ang. Zirtirtu te erawh chu an tran viau a ngai anga, naupang tluk bawkin mar pata an thawh a ngai dawn a ni. All India Radio ah inrini chhun ah khan Live Phone in hunah ka lo ngaithla a, abengvarthlak khawp mai.
Kan sikul kal vene thinah kha chuan kan zirtirtupa khan a period-ah khan “Vawiin chu lehkha zir nge in duh zai” a han ti a, kei ni chuan “Zai” kan lo ti dual a, a period chhung zawng khan kan zai dual dual zel mai mawle
zirtupa lu thak hiah leh samtuak pawh te kha chu ka pass tha teh a sin aw.. 
January 23rd, 2011 at 3:22 pm
Hmana kan inzilhna ”Lehkha i zir loh chuan hna i thawk ang” tih kha chu bansanin, ”mithiam chuan thawh hreh a nei tur a ni lo” ti zawnga kan inzirtir a hun ta.
he thu hi ka support e! ni e eng hna pawh hi thawk i la taima taka kan thawh chuan ei chu kan hmu hrim hrim, eikhawp hi a tam lem lo, dah that tur hi kan duh tam mai mai a lawm,
January 23rd, 2011 at 3:31 pm
‘…an result phuin thiamna annei em?…’ tih lai tak hi, anchhawrtlak em? BA tuklo, MA tuklo etc te hi kan ngah viau mai tur a sin
January 23rd, 2011 at 3:49 pm
A chal dar ah tak. .pakak – roluaha
NOI
January 23rd, 2011 at 6:17 pm
Hetah bawk hian ka let leh lawk. Lehkha hi eng ber nge aw kan zir chhan ni ta ber ang? Naupangin eng vangn nge ni tin class alo kal? Kan thil zir kan theih nghilh leh deuh vek a. Zokhua ah kan hawng a,Tui kawh leh lo lama chhungte puih bak kan ti lem lo. Khawnge kan English poem vawn te kha? Science a kan thil zir har tak tak te kha a hman na awm ta lo e. ‘Harsa taka lehkha ka zir chhan ka hre lo e’ tiin Higher ka kal lai thleng kha chu ka ngaihtuah buai thin.
Mah se zawi zawiin ka hre ta. Tlai loh te,a hun taka thil tih te,rinawm te,thuawih te leh a dang tam tak kan zir a ni. Youth Icon Live programme a awm lai pawh a room a inkalh hnan in a tukah kan test dawn avangin kan ti hram hram a chutiang in DAWHTHEIHNA te kha kan lo zir a ni. Exam na a pass a ni lo. IAS,Doctorate Degree,Medical Doctor,MCS tec etc vel a ni vak lem lo. Rinawm,taihmak,insumtheih tih vel hi a ni.
A tawp bere ka ziak leh duh chu-nu leh pa pawimawhna hi a ni. Nu leh pa te hian Pathian thu hi awih phawt mai ila kan fate hi zirna ah dik takin an hlawhtling ang tih ka tiam bawk kei chuan(Hnam dang tan ka ti kher lo)
January 27th, 2011 at 7:59 am
@37 CCE i comment na ang deuh chiah hi, chanchinbu pakhatah eng school Principal in emaw a chhhuah