Hmanni chu kan school hlui ka tlawh leh a. A hmunhma chu kan luhlaia mi nen danglamna a awm tamlo khawp mai. Mahse, a mihringa te erawh kan lo danglamin kan awm darh tawh hle a ni tih erawh a chiang ngang mai.
Ka han fang vel a, thing pakhat a kawt zawla lo ding, lian tha tak, amaherawhchu hnah pakhatmah nei miah lo chuan ka ngaihtuahna chu kan luhlai hunah min let tir leh a.
Ni e, kha thing kha! A hnah awmlai khan a hnuai kha a hlim nuam em em a. Khatah khan ka khawvel hmeichhe duh em em nen khan inhaw lo takin kan thua, kan thiante infiam thlirin kan awm thin a. Kan inkawma, rinawmna thu tiamin kha thing khan min hriatpui thin a ni. Chu thing chu kan pahnih tan kha chuan thingkung satliah a ni lova, kan thiantha ber, thuruk engkim min hriatpuitu.. kan ‘puarak’ a ni.
Tiamthu sut hmang mi u..
Khatih hunlai kha ka ngaihtuah let thin. Kan induh tawn em em a, kan inkarah engmah a tla zep theilo a ni ber mai. Nikhat lek pawh inbe lovin kan awmthei lova, class pawh kan kal that phaha, kan kal theilo a nih chuan phone hmangin kan inbe hram hram thin. Phone bill pawh a hek thei ngei mai.
Khatiang khawp khan kan inthlahlelin kan inngai a ni tih min hriatpui duh miah lo niawm takin ni vawi tam a lo chhuakin a tla leh thin a. Chu chuan kumtawp min hruai thleng ta reng mai. Kumtawp exam zawh chuan tha tak chuan kan pass ve ve a. Mahse..mahse a awm tlat mai! Kan luhna a inang thei tawh dawn lo! Hmun hranah kan awm a ngai tlat mai. Hreh hle mah ila he leilung rorel dan a nih avangin kan dang thei si lo! Rinawm reng tura intiam chungin kan zirna tur hmun kan pan ta a.
Rei tak kan inbe zui a. Mahse a hnu deuhah a reh telh telh a, nikhat chu sawiloh kar khat dawn te inbiakloh kan nei tan ta a. Kan awmdan chu hriatthiam a harin tawrh a hrehawm duh khawp mai.
Zankhat chu min rawn phone a, ka han la chu ka duhloh leh ka lo ngaihtuah ngai miahloh ngaihzawng dang a neih thu leh inthen a duh thu min rawh hrilh a. Ni e, keichu mirethei fa ka nih vangin atan chuan mi hausa kha chu thlan a chakawm zawk em a ni. Ka duhthu vang reng ni lovin inthen a ngai ta si! Ka hmangaih em em leh ka nupui atana ka duh em em chuan min then ta!
Ka ngaizual thin!
Kum tam a liam ta. Kan thutdun thinna hmun ngei kan tlawh chu lunglen a kaitho tha kher mai. Tunah chuan engtinnge ka hmangaih kha a awm ang? Chhangchhenu a ni tawh ang nge nula hmeltha leh duhawmnain a tuam hlawm a la ni zawk? Chuta chiang ber chu engmah a chianglo tih chiah a ni!
Siahthing hnahnem par tilin lo uai e,
Sam ang ka then hnu ngaihlai tizualin,
Theihchang ve se aw, zamual liam tawh hnu,
A sulhnu chhui reng ka nuam ngei e..
Ni e, thing chu thlasikah a hnah te chu lo tlain a lo uai thin a ni. He hmangaihna pawh hi a hmangaiha khan a hmangaihtu hmangaih anga a hmangaih ve loh chuan hmangaihna a dawn kha theihnghilhin a hmangaihtu rilru tinatu mai a ni ta thin a. Chutiang a taka hretu leh tuartu tan chuan kha ka hmangaih em em kha then tawh mah ila a sulhnu han hmuha, nunhlui han ngaihtuah kir chang chuan hun hi kal thei lova kan hlimlai huna tawp reng atan a itawm thin. Mahse, chu thil chu khuarelin a remti si lo. Kan sulhnu chiah chu ka chantawk a ni ta si!
Sam ang ka then hnu, ngaihni bang lo!
Tlangtin bawm romei a zam kai chiai e,
Tlaitla lenkawl eng a sen riai e..
Kei ka tan chuanin lunglen a na e,
Sam ang ka then hnu ngaihni bang lo.
Tunlai nula leh tlangvalin hmangaihna an tih hi eng hmangaihna nge ni ngai le? Hmangaihna tak takah chuan engtikah mah theihnghilh ni a awm ngailo a, theihnghilh a hnekin a zual telh telh si. Tlang lehlam romeiin a bawh pawt chiai leh tlai ni tla mai tawh turin kawl bul mawi taka a han chhun sen phut te hian kha ka hmangaih em em kha min hriatchhuah tir a, pangpar mawi tak ka hmuh te hian ka hmangaih hmel nen khan ka tehkhin thin. Nui ri mawi tak ka hriatte hian ka hmangaih nui ri min hriatchhuah tir thin a. Engkim mai hian min hriatchhuah tir hi a ni ber mai. Ni e, sam ang ka then hnu ka hmangaih kha ngaihni reng hi a bang dawn lo a ni e..
Similar Posts:
- What is Love? What does it mean to me?
- Tu hmangaihna nge thuk ber ang?
- Hmangaihna Ka Ngen ani
- Thing-Antam
- Hmangaihna ril
January 27th, 2011 at 8:01 am
Tha viau e….1st
Report this comment
January 27th, 2011 at 8:04 am
Zingkar lunglen….hairehai
Report this comment
January 27th, 2011 at 8:22 am
Kohkir theih an chang tawhlo. Ngai in au2 mah ila i ti deuh a ni maw
Report this comment
January 27th, 2011 at 8:30 am
Sum ngah ngah hmelthatna khawvel hi zawng, a hahthlak anih hi.
Report this comment
January 27th, 2011 at 8:45 am
Ziak tha hle mai!
Hla phhuah hi thiam ve a chak awm thin khawp mai! Mi phhuahsa pawh kan hre seng mang si lo!
Report this comment
January 27th, 2011 at 8:47 am
Lunghlui a va tileng reuh ee..Ka chanchin emaw ka tih dawn chu a
Report this comment
January 27th, 2011 at 8:51 am
remember when is the lowest form of conversation – tony soprano
Report this comment
January 27th, 2011 at 9:54 am
I hmangaih tak tak anih chuan i chang ta lo anih pawhin a chanchin hi chu i chhui reng anga i hre tur ani te kan ti vel teh ang.
Report this comment
January 27th, 2011 at 10:13 am
Report this comment
January 27th, 2011 at 10:20 am
I va ti uihawm tak aw.. Mi skul lut tlanglo sa tawp pawhin bul an tran ania leh. Hmeichhia hi chuan a thu chuan hre reng mahse theihnghilh theihna tha tak an nei ania, a mipa bawk hian kan tuar tak tak. I lo “pa\man\huai-lo deuh anih chu le a hun laiin.
#9 ala kimlo ania aw..
Report this comment
January 27th, 2011 at 10:26 am
# 10.
Report this comment
January 27th, 2011 at 11:57 am
@post tu pa – ngai ngai duh tawh suh. I chhe ve angreng sia a dang zawng saih rawh. fiamthu jawkes.
Report this comment
January 27th, 2011 at 12:08 pm
Ka va lainat che êm Mahse, nangni chu skul thuhmunah hun engemawchen hlim takin in kalho a, bâkah phone-in in la inbe thei bawk a. Keini ve kha chu maw.. hmangaih biahthu kha sorkar lehkhaip eng deuh puar awk khawp khan kan han thun a, a chhânna lah chu thla 1 hnuahte a lo thleng thei tâwk a…
Report this comment
January 27th, 2011 at 12:14 pm
#13 Paihte nilovin Paite tihtur an tih thin tak asin. Mahse a then chuan an hming tawpah Paihte an ti leh bawk sia.
I nick kha ania ka sawi.
Report this comment
January 27th, 2011 at 12:26 pm
hetiang lampang in ziah hian in in sawi khawngaihthlak thei mai mai viz..merethei fa, thingtlang mi, pa neilo….huizzz NOI….
…… a rem tawh loh chuan bye bye bye ti ve mai ula , in ngaihtuah lungleng tih vel, a Samurai way of life lo e mai….. 
in va han MAN lo hlawm tak e awwwww
B A MAN!
Report this comment
January 27th, 2011 at 12:37 pm
# 14 ka chhiar khian Zualbona comment a nih ka ring reng ah!
. Nia tiraw, plot dang ve deuh hlek ka la rawn paws ang e. Laf sitawri hi chu ka tui ve na lam tak.
Kar leh velah.
Report this comment
January 27th, 2011 at 12:43 pm
#14 Ni e, a dik zawk pawh ka hre thei lo a ni, Paite, Pawi tia an ziah pawhin Lusei ho hian kan lam Paihte, Pawih tho thin si a, ka Paihte ta ngawt a nih kha.Ngaidam mai teh.
Hmangaih ber then hi chu a nâ a nih ka ring, thu leh hla a hring tam tawh êm mai
Report this comment
January 27th, 2011 at 1:00 pm
@15
= mix pawlh. lol
post tupa
Report this comment
January 27th, 2011 at 1:43 pm
tak2ah nun te hi chu thei kung lawn ang vel ania. a neitupa in thei rah duh tawk lawhna permission min pe a mahse a kunga ei nghal turin condition a set a….a thenin thei thlum kan hmu nghal mai a chu chu kan eia kan puar lungawi mai a , a thenin a kha fek kan ei a kan chhak chhuak leh mai a chuan a aia tha zawk te kan zawng leh a , a thenin a thur deuh kan ei palh a rei lo te kan hmuam hnuah kan chhak chhuak leh mai bawka . a then thur tui ti te kan awm a, kan lem a mahse pumin lo ngaihloh chang te a awm a chuvangin pum ngaih deuh tur te kan zawng leh maia…..engpawh ni se kan tih tur ber chu hnuai lama kan thil chhah chhuah tawh en loh hi a pawimawh ber….bui thingkung lawn style aiin savawm style entawn zawk tur…
— zualbone , circa 2011
eh , ka va lo fing em2
Report this comment
January 27th, 2011 at 11:57 pm
hmeichhia hi chu an mak ve ngawt mai, an tan a that zawk chuan an kal mai a hmangaihna hian a phuar bet zo velo.a thutlukna chu amah chauh in asiama a zawm mai thin a nih hi maw. Tlema mawl deuh hi an rinawm duh. Ha3
Report this comment
January 28th, 2011 at 1:49 am
Ngaihnawm hle mai.Thu lunglenthlak tak pawh ani. Mahse Post tupa hi i pa/man lo e.. Cutiang mai2 te chu ila changsang zawk khawp alawm,ila in ngaizawng tal alawm.Kei chu ka school kal lai in star/duh/hmangaih deuh mai ka nei a,ka theihngilh thei reng2lo maia.Min duh ve bawk siloa….A pasal neih thleng in ka star quit thrak mai asin
Report this comment