Anania leh Saphiri

January 30th, 2011 3:00 pm by Henry Vangchhia

Tirhkohte 5:1,2. Nimahsela, mi pakhat a hming Anania, a nupui Saphiri nen an awm a; Anania chuan ram a hralh a, a nupui hriatin a man a then a zep ta a; tin, a then a rawn keng a, tirhkohte ke bulah chuan a dah a.
———————————————————————————————————————————–

Anania te nupa hi Kristian hmasate zinga mi dik lo kan hmuh hmasakte an ni awm e. An ram hralhna an zep then avangin an nupain an thih phah a ni. An chanchin atang hian hengte hi chhinchhiah ila:

1. Sual zepruk leh dawt sawi hi sual a ni.

2. Pathian thlarau chuan thil inthup zawng zawng a hre vek.

3. Thil sual ti tura inthurual ai chuan thil tha ti tura inthurual a tha zawk.

4. Sum chunga rinawm loh hi sual lian tak a ni.

5. Kan Pathian hi hmangaih Pathian a nih rualin mi kan ral hmang tak mai a ni a. A duh loh zawnga awmte hnenah chawp leh chilha chhiatna thlentir theitu a ni.

6. Kan sual man hi he khawvelah pawh kan tel nghal thin a ni.

Thu lakna: Chhung Inkhawm Bu Jan.29th

15 Responses to “Anania leh Saphiri”

1
sihal Says:
January 30th, 2011 at 3:03 pm
No. 6 khi a va diki em
Avai hian a dik vek,thawh tha hle mai,Pathianni a thawh awm tak pawh a nih hi
2
chhana Says:
January 30th, 2011 at 3:03 pm
Hemite nupa kha chuan an tifuhlo cha cha khawp mai.
3
Krista Says:
January 30th, 2011 at 3:39 pm
Setana hnathawh an ni a lo awm kher hi pawi ka ti ngawt mai..he Bible thu hian mi rap fo thin….. Kawng leh lam taka Pathian tih baiawm tur zia hi ka ngaihtuah chhen zel.. Mah se thil zir tur tha tak kan neih phah a lawmawm…
4
Rickyskew Says:
January 30th, 2011 at 3:54 pm
He chhung inkhawm bu hi tha ka la ti reng, kumtin a hman theih bawk sia, a tha thlawt a ni.
5
Saitawk Says:
January 30th, 2011 at 3:57 pm
Sawi zauna : Anni nupa khan dawt sawi kherlo in “Aaa.. Pu Peter, tunlai chu kan buai deuh a, kan chhungkaw harsat lai leh dam thatloh lai a lo innang fuh bawk nen, a zavai in kan rawn pe lut ta hrihlo mai a nih kha, remchang hmasa ber ah dah khah leh kan tum dawn nia” ti ta mai sela chuan hauh hlum kha an tawk kherin ka ringlo. Pathian hian THUDIK hi a duh tlat si a.
6
^-||R@lT€||-^ Says:
January 30th, 2011 at 4:06 pm
7
lrpa Says:
January 30th, 2011 at 4:13 pm
6. Kan sual man hi he khawvelah pawh kan tel nghal thin a ni.
He point hi a dik hlel deuh em le? A ruk leh mi hriat loha kan sual tih thin te avang a hrem kan nih nghal thin loh avang hian kan ti nawn kan ti nawn thin ani lo maw?
8
RL Says:
January 30th, 2011 at 4:20 pm
4 & 6
9
Hmuhneia Says:
January 30th, 2011 at 5:09 pm
Anania te nupa hau hlum tu ang chi Rawngbawltu dik thlaraua khat hi tunlai hian la nei ila kan in vui seng lo ang a,a vuitu tur te poh hi hauhlum theih dinhmun a ding kan ni fur in ka ring…
10
Rickyskew Says:
January 30th, 2011 at 5:24 pm
Rinna kan sawi ta sasa, vawiin chawhma inkhawma Ringtute tan Sa thisen in a tha lo tih kha in pawm ve zawng a ni em? Ka hnial tep a ni. Sa thithun in hi sual a nih ngai chuan a va pawi thu dawn em Mi thenkhat chuan Ui thisen in hi damdawi a ni an ti lehnghal bawk sia.
11
TuaiSialA Says:
January 30th, 2011 at 5:30 pm
Ka hul.
12
nastycool Says:
January 30th, 2011 at 6:20 pm
Sual man chu thihna. Corruption a involve ho hau turin petera hi mizoram ah lo kal ta mai se la, thlanmual a lun ngawt ang chu.
13
vakul Says:
January 30th, 2011 at 7:18 pm
point khat dang kan belh ve ang e. Lalpa ringtute chuan thiltihtheihna an nei.
14
H.Vangchhia Says:
January 30th, 2011 at 8:26 pm
nastycool, Petera aiawh mipui kan awm alawm mawle
15
pibuhdeng Says:
January 31st, 2011 at 12:55 am
Kan sual man hi he khawvel ah hian kan tel nghal mai loh thin avangin sual sim mai hi kan harsat.