Archive for January, 2011

Thilmak, zahthlak bawk, tunge mawh phur?

Friday, January 28th, 2011

Mizoram State a District lian ber Lunglei-ah hian ATM Counter pakhat chiah, SBI ta a awm a. Bank dang Apex, Rural, Private dang hian an la bun ve bawk si lova, a buaithlak khawp mai, a mak a, a zahthlak bawk. Tu mawh nge ni ang?

Chu mai a la ni lo, hetiang khawl thil te chu chhe ve thei a ni a, chuvangin he ATM Counter awmchhun pawh hi pawisa awm loh vang te, khawl chiangkuan loh vang tein ni tamtak khar a ni fo mai. Sorkar thiam loh nge, Politician te thiam lo zawk, nge Lunglei mipui tanrual loh vang ni ang? Nge kan lo mamawh tawk lo zawk. Lunglei District-a cheng nih ka zak chem chem zel….!!!! ; NGOs, Pawl eg. YMA ang tal te hi chuan nawr lui ta se, hmasawn dan kawng chu a awm ngêi ang. Mahse tumah hian an ngaihtuah lem lo a nih hmel, tun thleng mai hian!!!  Mizoram thil mak lawrkhawm atan ka han thawh ve mai mai a ni e…

Posted in Mizoram, Opinion | 70 Comments »

Ruihtheih thil hralh avangin Mizo hmeichhia (leh a Nigerian pasal) police in man

Friday, January 28th, 2011

News article ah hian a hming hi Lallian Sangha a in ti a, Lalliansangi a nih hmel zawk! A pawi thin khawp mai hetiang thil a Mizo kan lo inhnamhnawih thin hi.

A Nigerian man and a Mizo woman were arrested Friday with drugs worth over Rs.3 million in an anti-narcotics raid at a Goa resort, police said. A police spokesperson said that Felix Ohiman Evborokhai was arrested with 3.340 kg charas which, according to the police is worth Rs.3.34 lakh in the international market. A native of Mizoram, Lallin Sangha, who claimed to be Felix’s wife, was also arrested by the police in the same raid at the village of Arpora, 10 km from here.

“We found her with 450 gm of heroin, whose estimated worth is Rs.27 lakh and 6.7 gm of LSD drops valued at Rs.1.20 lakh,” police sub-inspector Tushar Lotlikar told reporters here, hours after the raid Friday. Lotlikar said they had specific information that the duo were looking for a buyer for the narcotics consignment. Both Felix and Lallin have been booked under relevant sections of the Narcotics Drugs and Psychotropic Substances (NDPS) Act.

https://www.prokerala.com/news/articles/a198186.html

Posted in News | 218 Comments »

Bukvannei leh a chheh vel

Friday, January 28th, 2011

bv1

Bukvannei hmunah hian sangha dil a awm ve nual a,balu tha tak an lakna pawimawh tak a ni bawk.

(more…)

Posted in Mizoram, Pictures, Travel | 24 Comments »

“Hmeichhia Leh Uite…” An Ti Maw

Friday, January 28th, 2011

Min hmangaih em em tu Ka Nu hriatreng nan – Dr Mahminga Sailo

Kan thupui han en khian mipa ziak ni awm lo tak a ni awm e. Tin ‘Hmeichhia’ tih khi tu te emaw chuan an helh deuh awl awl mai thei bawk. Ka inthlahrung ve deuh hlek bawk…, mahse Bible lehlin hnuhnung ber thlengin ‘Hmeichhia’ a la tih tlat avangin ka huai leh lawi si a. Chuvangin, ‘Hmeichhia’, kan ti zel tawh mai ang chu…

Hmeichhia han tih bawl bawl mai hi chu, a dik chiah chuan a no fahran lo khawp mai. Mahse thlakna thumal dang (vantlang pawmtlan) kan la nei thei silo a. Mithenkhat enghelh leh thlak an chak pawh a ni reng a, inhnialna pawh kan neih fo thin hi. ‘Minu’ tih duh pawl an awm laiin, thenkhat in: “Minu’ tih te chu hmeichhe sawina nilo in, mipa, pa famkim lo sawina a ni”, an ti ve thung. Nge, vawksa pawh sapin Pork an ti a, a tuina a dang chuang hlei nem tiraw? Tin he thumal pahnih hi ka sawi tum ber pawh an ni law. A duh in ‘Hmeichhia’ lo tise; a duh in ‘Minu’ lo ti raw sek sek, ka pawi an sawi lo! Ka sawi tum erawh chu…

(more…)

Posted in Luangliam | 37 Comments »

Combined Post: Republic Day dangdai leh Vawk Phing culture

Friday, January 28th, 2011

Mizoram ah Republic Day dangai –  Ruatruatapa

Mizoram-ah kumin Republic day danglamna em em chu Saiha-ah D.C in a nupui Salute a dawng a, Kolasib-ah D.C in a pasal Salute a dawng thung. Hmeichhe ropuina ni maw? (Han sawi zuitu le… OT awih)

Vawk phing culture to Computer age – Matuka Fanai

Hmanlai kan pi leh pute atangin infiamna chi hrang an nei thin a, hun a lo kal zel a, 1960 chho bawr vel atangin naupangin vawk phing an pet thin a, football atan an hmang a, nuam takin hun an hmang ve thin a ni. Tunlai ah erawh chuan vawk phing pet chu sawi loh, vawk phing hre lo pawh tam tak kan awm tawh in a rin awm.

Khawvel changkanna in min run zel a, Computer age / Post Modern world-ah kan awm mek chu a ni a changkang viau e tilo chuan kan hnam lo tih thin dan te hi kan theih nghilh chuan changkanna tha lo tak chu a ni dawn a ni. Mizo kan nih angin Changkang takin i MIZO ang u.

Posted in Opinion | 26 Comments »

Ka idol!

Friday, January 28th, 2011

Elvis Presley – Always On My Mind

(more…)

Posted in Information, Movies and Videos, Music and lyrics | 87 Comments »

Chenna ngai loh ram fan thu. Part I

Friday, January 28th, 2011

Tun tum chu chenna ngai loh ram Kanpur pana ka zinkawng chanchin ka han hlui teh ang che u.

Vanneihthlak takin kum 2010 Technical Entrance Exam kha ka inziak tling ve hlauh mai a, kan chhungkua pawh kan lawm ve dar dar hle. A bikin midang aiin kan lawm fal emaw tih mai pawh awl tak a ni. A chhan chu exam pawh tum lem lo, college kal chunga coaching pawh kar hnih emaw vel lek kal chunga ka tlin ve mial vang a ni.

Tin, eng eng emaw buaina avanga result vawi thum lai mai tar nawn hnuah leh hlauthawng thinphu dep depa awm hnua tling chho zinga ka tel vang a ni bawk. Tichuan le, councelling te kan han nei a, GSVM Medical College, Kanpur chu ka zirna tur atan intithei takin ka thlang ve ta luah mai a nih chu!

Rei tawk fang kan nghah hnuah Allotment letter a rawn thleng ta hlawl a, kal thei dinhmuna ding ka ni ta reng mai. Khatih laia rilru a nawm zìa kha aw! Thiante leh chhungte tlawh kual khan ka hmanhlel a. Inah pawh ka awm khat hle a ni. Tihfel ngai kan tihzawh thawkhat hnu tlai khat ka leng haw chu ka piin, ”Insiam rawh, naktukah i kal dawn.” a ti ta mai. Ka bangboin ka buai ta khawp mai a, zankhua pawh khan ka insiam zo thei dawn lo emaw tih hnuah ka zo ve ta hram a. (more…)

Posted in Travel | 75 Comments »

Beidawn piah lama Chhantu Ropui

Friday, January 28th, 2011

Damlai hringnunah hian harsatna tawkin beidawn chang awm thin mah se, chhandamtu Isua nun neitute chuan an bei hram hram thin a, an tan hlimna kawl a lo eng leh thin. Hreawmna te, tawrhna te, retheihna te, beidawnna te pawh hringmi kan nih chhung chuan kan ta ve vek a ni a, tute mah hian kan pumpelh thei lo. Mahse Lal Isuan amah ringtute harsatna au aw erawh a hai lo va, an mamawh tak zet huna chhantu ropui a lo ni thin.

(more…)

Posted in More than words, Movies and Videos, Nature, Religion | 20 Comments »

Misual to Samaritan !!

Friday, January 28th, 2011

Evening post ami kan thianpan’ alo post kha kan hmu theuh awm e. Hmeichhe Huaisen, Lalmawizuali, Bukpui khua, Bravery Award la tur chu harsa takin Delhi a thleng thla a, chutah hawn na man tur sponsor tu an awmlo tih anih kha. Mizoram University ho hawng tur bulah inthlahrung takin an inzep dawn animo. A lainat awm ngei mai.

Kan state authority ho in tanpuina an ngaihsak sak loh avangin kan lungawilo viau ani  mahse , heti zawng hian opportunity ah i siam teh ang. Misual ho hi India ram mai nilo Khawvel pum deuhthaw ah kan intheh darh a. Heng tanpui ngai anlo awm hian, ti teh i tanpui thin teh ang u. Tuna kan ram ti hming tha tu Lalmawizuali leh a pute-a  AC III tire a an hawn na tur senso tumsak tur hia member inpe zo tak ho hian chheng 50 INR bak a thawh a ngai miah lovang. Keini tan a tlem tham tak , kan cigarette bawm khat man/savawm bottle khat vel emaw awrh kha anni tan zawng ava hlu dawn tak em.

(more…)

Posted in Advice | 42 Comments »

Hmánlai Mizo ber kai te-II

Friday, January 28th, 2011

Chhuak hmasa kha chhunzawm ang aw.. (law law-a’na)

Samsei ber: Rimenhawihi hi sam sei ber a ni. Tuikhurah lu a sû a, a sam zai khat lo tla chu tuiin a lèn a, chu chu luipuia sangha-in lo dawlhin, chu sanghal chu a hnuah an man leh hlauh va. A sam zai dawlh chu an hlûm leh a, kuttum pahnih tiat an hlûm hnu pawhin sangha chu a ngai rengin a la puar e an tih tlat pek chu!

Hmêlchhe ber: Selesih khua Saichawnkhupa Hmar hi hmêlchhe bera sawi a ni. A ha a kuh tel deuh ni ngei tur a ni – hmazil a laia tanbun hmawk chu a dît zo vek thei! Ani bâkah hian Buizova pawh hmêlchhe ve thawkhat a nih hmêl – a hmaiah pasi a to an ti hial. A râpthlâk lutuk!

Huaisen ber: Burkhawni Pa Ralte hi huaisen bera sawi a ni bawk. Zawlbuk tlûng an kham fel chauh chu a awm tawh lo tih hre reng chungin a zawh liam lui! Tumkhat chu an thenawmpa nupui tlàn a kohsak a, ‘a hmêl tal hmuh hrâm ka duh êm mai,’ tiin a chah a. Burkhawni Pa chu a kal ta a. A koha chu a haw duh si lo va, a lu a tansak hmak a, a lu chu a hâwn a, a thenawmpa chu a hmuhtîr hrâm a nih chu! Chuta tang chuan nupui tlàn kohva an sâwm ber a ni ta a ni!

Chak ber: Lamhlira hi a ni àwm e. Kaiha hrui, ui pum tiat a palchat!

Thatchhe ber: Samdala hi thatchhe bera sawi a ni. ;-(
Duhtâwk leh phawt mai ang.

Posted in HAHAHA, Mizo Society & Culture | 55 Comments »

« Older Entries
Newer Entries »