mi(sual).com

Rom 13:1,2. Mi tin an chunga roreltute thu thuin awm rawh se. Pathian thu lovin tu mah roreltu an awm si lo; roreltua awmte hi Pathian ruat an ni. Chuvangin, tu pawh roreltu hnial chu Pathian ruat dodal an ni a; a dodaltute chuan anmahni chungah rorelna an hmu ang.
————————————————————————————————————————————

Democracy chu – mipui siam, mipui ta leh mipui tana ding a ni a. Chuvangin, a siamtu mipuite kan pawimawh em em a ni. Tute pawh tlingin sawrkarna siam sela, Pathian ruatah kan pawm theih a pawimawh a, an thu hnuaiah pawh kan kun thiam tur a ni. Kan thlan tlinte rel leh sawisel vak vak hi khua leh tui tha tih tur a ni lo va, an tlin lohna a awm chuan tawngtaipui zawk tur a ni.

Mipuite hian kan ram roreltute hi thil dik lo ti tura nawr kan ching thin a, an hmingchhiat lohna turah an hming kan ti chhe fo thin. Mipui kan rinawma kan dik a pawimawh hmasa niin a lang. Tin, roreltute tihautak leh phurrit siamsak vak vakte hi bansan tum ila, hun thawl siamsak te pawh hi an mamawh a ni tih hriat a tha hle.

NB: Mizo te tan bik a ziak niawm tak a ni :P 
Thu lakna:Chhung Inkhawm Bu, January 25.

Mizo fate, tun a la dam te hi (Tlema tar zual Kum 100 chin tih loh) chu Kristian thlah kan ni inti ila kan sawi sual lovang., Naupangte kan nih a tangin kan nu leh pa te mai bakah, Sunday School leh kohhranahte Pathianthu kan inzirtir a, thenkhatin kan zawm em em laiin, zawm chunga tisual lui tam tak kan awm bawk. Kan ram Kohhran hrang hrangte hian Biakin Pulpit tlang kan hman dan tur hi kan hre chiang tawk lo nge, Pathianthu hlang ringawt sawina tur emaw kan ti a, thildang sawina a tan chuan rem lo a hriatna kan thinlungah kan tuh lian hle tawh niin a lang.

Kohhran members puitling chin hi chuan thusawitu tam zawk hriat aia tam Pathianthu kan hre tawh, tute emaw thusawi dawn tum phei chuan inkhawm peih lo leh tui lo fe fe kan tam. Mipiangthar tha tak leh Evangelist nun entawn tlakte leh kan Pastor te pawh hian kan Kristianna nun hi Pathianthu hlang chuan an siam tha zo mawlh tawh lo. Karkhat chhungin Inkhawm hun tam tam kan nei, Pathianni tuk a inkhawm ngaipawimawh tak tak pawh kan tam bawk. Mahse Kan tunlai nun a Kohhran mipui ten Biakin a kan inkhawm thin hian hlawkna tak tak tel tumah kan awm meuh lo. Thawmhnaw tha pho chhuahna leh sunday tih hlawhtlin nan a hun hmang kan tam. Thenkhat phei chuan Pathianni hi inchhung sengfel nan, mut nan, insuk nan, intihfel nan leh len vahna hun a tam a hmang kan awm bawk.

(more…)