Mizopa in rul hlauhawm a sawi tawh reng reng chuan rulngan hming hi sawi rik a ni ve ziah thin. Tunhma deuh khan mi thenkhat te’n rulngan hi Viper niin an sawi thin a. Shillonga lehkha zira kan awm lai khan kan thianpa Sama (G. Rosangkima), M.Sc. Zoology zirlai (tunah chuan a Ph.D. daih tawh) chuan, “Rulngan hi viper an ti ringawt thin a, a ni miah lo.
Rul, bu nei a, tui awp keu thin chu rul hlauhawm ber zing ami King Cobra a nia. Rulngan kan tih ho hi king cobra an nih ka ring tlat,” tiin a sawi thin. Hei, tun hnaiah ‘rulngan hi king cobra a ni e’ tih thu te pawh kan hriat leh tawh hi. Ka thianpa khan a lo sawi dik khawp chuan ka hria.
Tlem lai deuh khan rulngan chungchang hian kan ram a luah hneh hle a. TV lamah leh chanchinbu lamah hmun a luah hnem hle a nih kha. TV atangin kan hmu a, MZU lama kan mithiam te’n rulngan bu an luh chhuah lai te kan thlir a; Aizawl pa pakhatin ngam taka rulngan bu a khawih bawrh bawrh lai te, a tui a hawn a, a up keu dan te thlengin kan hmu a. Rulngan note thlalak thlengin kan hmu anih kha. Rulngan a lo hlauhawm loh zia te, kan tibuai hmasa anih loh chuan min chuk ringawt ngai lo ani tih te, kan ngaih ang em ema an lo hlauhawm loh zia te, humhalh a tul zia te uar taka sawi a ni a.
Kei ve hi chuan ngaihdan bung nghet nghut, nawr sawn theih miah loh ka nei a. Chu ka ngaihdan chu: Ramsa min tina thei te hi chu an awmna hmun tur dik takah humhalh ni se, an hlauhawmzia te, an laka fimkhur a tulzia te sawi uar ni ta sela. Ramsa hlauhawm zual phei chu a humhalhna reserve area bik siam ni se tih hi ka ngaihdan a ni. Hlauhawm lutuk na na na, a hlauhawm loh zawnga sawi mawi ngawt hi a fuh lem lo, a tuartu chu khawpui pa ni lovin thingtlangpa, kuthna thawka nitin ram lama chhuak thin te hi an ni.
Rulngan hi rul lian tak, che rang em em lawi si a ni a. A kawlh em em a, mihring a mala awm a hmuh chuan chuk tuma beih mai a ching hle. A chenna bul hnaia kal a ngaithei lo hle a, a nu, a tui awp lai ngat phei chu a kawlh em em thin. A hranpa ngata amah tihbuai tum chu an awm kher lovang; ramhnuai ani a, hmun titoh leh bumboh karah te kal chang a lo awm a, pik tawn chang te a awm lo thei lo. Chung hunah te chuan rulngan lo awm mai mai lai kha tum miah lova va tihbuai awlsam tak tur chu a ni.
Dam leh daidul hnaih leh raw hung karah te a chetla duh hle a. Rul dang ei thin an nih vangin rul dang suat tu tha tak an ni. Sazu (rat) hi rul tan chaw tha tak a ni a. Chenna in hnaihah emaw sazu a tam viau chuan, anmahni eitu rul an lo kal ve mai thin. Chutiang zelin rul eitu ber rulngan pawh khaw chhungah lo luh a, inhnuaia a inkual rui hmuh tur pawh an awm ve chawk thin bawk. Chawngtea kan in chhehvelah khan sazu an tam thin hle a, kan inhnuaiah rul pawh kan that fo thin a, chawngkawr leh rulhlai pawh kan that tawh bawk. Mahni in bul hnaia rul awm thin hian thla a timuang miah lo.
Rulngan hi rul lian leh sei tak, che rang em em a ni a, tur chak tak a nei a. Rul tur nei chi ah chuan a hlauhawm ber hial awm e. A vawikhat tur tih chhuah hi a tam tham a, a chak em em bawk a, mihring 20 lai thihpui tham tur khawpa tur chak leh tam a tichhuak thei thin niin a zirmi te chuan an sawi.A tur hi neurotoxin a ni a, cardiotoxic a ni bawk. Neurotoxin anih vangin central nervous system a khawih pawi nghal a, cardiotoxic chemical anih vangin lung a khawih chhe bawk thin niin an sawi. A bak chu ka hre ril lo khawp mai. A chuk nat leh nat loh hre turin ka enchhin ngam hauh lo bawk.
Humhalh hi a tul em
Eng ransa pawh hian mahni tawkah pawimawhna lai an nei theuh va. Rulngan pawh hian tangkaina lai chu a nei ve tho mai. Ecosystem food chain ah trophic level khat a luahlum ve a, top carnivores an ni a. Ecosystem stability a lo awm theih nan hna pawimawh tak an thawk ve tihna a ni deuh ber mai. An aia hlauhawm loh zawk, rul dangte chaw atan an ring thin a, an tangkai khawp mai.
Rulngan hi rul dang ang thova inthlah pung chak an ni a. An tui te hi an ven thlap thlap thin avangin ta ichhetu an tlem bik thin. Rul lian leh hlauhawm tak an nih avangin ramsa dangin an hlauva, an bu, an tui, an khawih chhiatsak ve ngai meuh lo. Humhalh an nih chuan an inthlah pung chak khawp ang le.
Ramsa nunnem tak tak, mihring tana hlauhawmna nei reng reng lo, heng sakhi, sazuk, saza, tawng, hauhuk, ngau, te leh ramsa dang tam tak te hi humhalh an tul khawp mai. Kan ramah hian ramsa te an zalen lo em em a. Perh tum, thanga awh tum leh kah tum tu te’n an that rem zo tep tawh anih hi. Hei hian ecological imbalance a siam thei ngei ang. Ramsa dang humhalh mamawh ngawih ngawih an tam khawp mai. Rulngan erawh mihring tan a hlauhawm hle thung.
“Rulngan hi kan tibuai hmasa anih loh chuan min tibuai ringawt ngai lo” tih hi thudik anih ka ring lo. Vawikhat chu Pukpui ah, kan chhungte, nu pakhatin pawnah puan a pho va. Chutih lai tak chuan kawngchhak lamah a rawn ri sul sul a, rulngan lian tak mai a rawn chhuak ruau mai a. Chu nu chu chuk tumin a rawn bei phei ta mai. A tlanchhia, a rawn umzui zel si. A mangang au ri hria in inchhunga awm a nau chuan a hmuh hmasak ber thing sei vak lo nen a rawn tlan chhuak a. Rul chu a vawm ta nghal a; vanneihthlak takin rul hrawkah a fuh hlauh. Tlema tlemah nunna kan inchan thelh a ni. Kha nu khan rul kha a tibuai miah lo.Pawnah puan a phova, rulngan khan rawn chuk a tum mai a ni. Rulngan hi kan tihbuai hmasak kher loh pawhin min chuk tumin min bei thin tho a ni tih hi hriat ngei ngei tur a ni.
Ramsa hlauhawm tak, thihna hial min thlen thintu humhalh thin hi, Office dawhkan atang chuan a harsa lo. Khawpui inchhawng sak tak office nuam taka thu te tan rulngan hi a hlauhawm ve lo. Eng angin tam pawh nise, a rawn chuk dawn chuang tlat lova. A tuartu chu thingtlang lama kan unau te, nitina chak laa ramhnuaia kal thin te an ni dawn. Rulngan hi tun ai hian tam ta deuh sela chuan an hnawksak khawp ang a, thih phah pawh an tam khawp ang le.
Rulngan vawikhat chuk hi thihpuina tham a ni a, a chuk tawh chu, damdawi thiam mi tak an nih loh chuan, an thi deuh zel. Sakei seh te, savawm seh te hi chu, a sehna a zirin a la dam khawchhuah theih a, rulngan chuk erawh, kan taksa khawilai ah pawh nise thihna a ni. Damdawiin tha awmna hmunah chuan rulngan chuk nunna chhan chhuah chu a theih pawh a ni mahna, damdawiin tha awm lohna thingtlang khua tan erawh a va hlauhawm dawn tak em. TV show velah awareness ang deuh hlekin rulnganin mi a tihbuai ngai loh zia an rawn tihlan te kha ka ngaihtuah chiang a. A huhovin, fimkhur tak leh inringsa rengin rulngan bu awmna an pan a, fimkhur tak chungin an che a, an tam tham a, rul tan beih ngawt nachhan tur a awm lo. Khang, rulin a tihbuai loh ho kha, a mal malin rulngan bu awmna ah va kal leh se, a bu te kha va hai bawrh bawrh se, rul chuan a rawn tihbuai ngei ka ring khawp mai. Inring sa renga a awm anih chuan a chuk lo pawh a ni maithei. Rulngan a awm ani tih hre miah lo mi pakhat va kal ve leh ta se, kha rul bu khuarna rawhung ami mau kha va sat bawrh bawrh mai se, a bu te kha va chinglet vel sela, a inrin loh lai takin rulngan chuan beiin a chuk mai dawn a ni.
Rul tur nei vrs Rul tur nei lo
Kan mithiam leh a zir ril zawk te hian rul tur nei leh neilo chung chang an ziak fo tawh a. “Chutiang ang rul chu hlau duh suh u, tur a nei lo,” tih ang reng te, “Uluk takin a lu chu chunglam atangin han en ila, rul tur nei leh nei lo chu a hriat hran theih, rul tur nei chu a lu a lawk lal ang a, tur nei lo chu a lu a chik rat mai ang,” tih te, “A ka han keu ang ila, tur nei ho chu ha uingho ang pahnih kawm ven vun a awm ang a, tur neilo erawh a awm ve lovang” tih ang reng te, “A mit chu uluk takin han en ila, rul tur neilo mit chu a bial pap bik ang,” tih te leh “A chukna hmuamhma atanga thisen duk lam deuh a chhuah chuan…..,” tih ang reng hi a that viau laiin a ho ka ti.
Rul tur neilo ho pawh hian intihhlauhawm nan rul tur nei cheta an chet chang a awm ve thin an ti. Rul in chuk tumin min bei ta se, rul tur nei anih leh nih loh ka ngaihtuah buai peihin ka ring lo. Uluk taka a lu leh a ha check vel phei hi chu ka tum harsa kher lovang. Rul anih hrim hrim chuan ka ngaina lo vel vek mai. Thian zahova kan inhnial chang pawh hian, “Rul tangkaina ber chu min chuk thin tih hi a ni deuh mai,” tiin fiamthu-titak deuhvin tan ka khawh tlat thin.
Engtia humhalh tur nge ni ta ang le?
Rulngan hi ramsa chikhat ve tho a ni a, hlauhawm teh mahse a dam khawchhuah ve hi a tul a. Kan humhalh duh anih pawhin, a humhalhna hmun bik area siam mai ni se, a area pawn lamah chuan thah hmiah hmiah phal ni ta mai se. A humhalh duhtu te leh a zir chiang duhtu te pawhin helai hmun hi va pan thin ta mai se. A ram pum huapa humhalh ngawt hi chu a fuh lo deuh mai thei a ni. Anih loh vek chuan rulngan chuk bik atan sorkarin a thlawnin mipui zawng zawng tan insurance policy pakhat lei sak vek sela, a sum assured pawh sang tak ni bawk se.
Hetiang anih chuan mipui tan pawh tlemin a zia deuh ang chu. Ka duhthusam takah phei chuan Mizoramah hian rul hlauawm ber rulngan hi awm miah lo pawh nise ka pawi ti therte lo; duhleh kan thenawm State ah te hian tam em em mai sela; a chanchin zir duh kan awm anih chuan va pan mai ni ta se…..
Similar Posts:
- Mizoramah hi chuan Rulngan kan mamawh lo
- Rulngan thattu hremna leh kei!
- Rulngan note… (hisssssss…)
- Zika nungcha humhalh leh kan nihdan
- Ramsa khawngaihthlak hi
February 9th, 2011 at 5:13 pm
Rul bawk chu, ka ti leh mai dawn a nimahsela hotupa chuan a rawn ziak tha hle mai. Mi puitling chin ngaihdan ni awm tak reng a ni.
…khrum
February 9th, 2011 at 5:14 pm
keichu rul hi ka hlau
February 9th, 2011 at 5:24 pm
Chhiar hma in Nizan ka mumangah rul ka hmu treuh, pa 4/5 vel chu ka vaw hlum … 😀 😀
Hetiang chi deuhvek hi an ni
http://www.google.co.in/imgres?imgurl=http://2.bp.blogspot.com/_28oWHWocP6Y/TO5HyBrpTxI/AAAAAAAAA6o/j8MgM-74DsU/s1600/RedSnake%252Ba455.jpg&imgrefurl=http://latesstwallpapers.blogspot.com/2010/11/beautiful-snake-wallpapers-and-photos.html&usg=___zlJ7H4aQevYRr0y6KdY6VqqCbg=&h=540&w=720&sz=67&hl=en&start=0&zoom=1&tbnid=WvWtuYl_iUD2cM:&tbnh=123&tbnw=163&ei=yIBSTeQ6irysB-ezgY4I&prev=/images%3Fq%3Dred%2Bsnake%26um%3D1%26hl%3Den%26client%3Dfirefox-a%26hs%3Dl8T%26rls%3Dorg.mozilla:en-GB:official%26biw%3D1229%26bih%3D510%26tbs%3Disch:1&um=1&itbs=1&iact=hc&vpx=489&vpy=72&dur=653&hovh=194&hovw=259&tx=135&ty=131&oei=yIBSTeQ6irysB-ezgY4I&esq=1&page=1&ndsp=19&ved=1t:429,r:3,s:0
February 9th, 2011 at 5:28 pm
kei chu rul hi ka hlau lutuk…
February 9th, 2011 at 5:32 pm
He rul hi a sei turu khawp mai, a lu awmna pawh an hre lo
http://www.youtube.com/watch?v=IT86xaR7ByE
In en chuan an comment khi ngaithla chiang bawk ula 😀
February 9th, 2011 at 5:34 pm
Caribou, Makedonia-ah Dr Lip khan rul chanchin a sawi tawh pek a, a issue date chiah chu ka hre tawh pek lo, in ngaihdan a inang tlangpui hle.Nia , a dik a lom, Rulngan chuk hi Dr Thangchungnunga te tan lo chuan dam khawchhuahna hi a vang hle a nih hmel. A ni pawh kha a chaw phah chhawih an ti! A aia humhalh hmasak tur hi an tam hle tiraw
February 9th, 2011 at 5:40 pm
Post tupa cen percent support
February 9th, 2011 at 5:42 pm
Ecological Balance hi ngailo se chuan, Rul leh Pangang hi chu ka hlau lutuk a, :-[ Lo pianglo mai se pawi ka ti lo asin maw le.Carri. chu i ziak ngaihnawm bawk a, min hmin der alawm. 😛 😀 :-$
February 9th, 2011 at 5:46 pm
tam ve! Bu tê a chhuah tham loih.. 🙂
kan ngaihdan siamthrat ngai te i ron tarlang kim hle in k sia 😛
neurotoxin ah cuan protein fasciculin hi a hlauhom ber ang a.. Cholinergic neurons hnathoh a tibuai a, (anti-Acetylcholinesterase), muscle a lo contract ta vak a, zeng leh thihna a thlen.
Cardiotoxin eroh in cardiac muscle contract tur a veng thung a, thin phu/ lungphu (?) a tibuai a, a titawp hial thei.
Neurotoxin leh cardiotoxin chiah hi ami rulngan tûr/chil ah om ou, pu caribou? :-S
February 9th, 2011 at 5:51 pm
rulngan va bei ringot duhtu cuan thih a hlau lo a ni mai. Mse, rulngan that tam zok hi cuan self-defence ah a ni tlagpui k ring…hrem an ni tho thrin em le?
February 9th, 2011 at 5:56 pm
‘rulngan hi king cobra a ni e’ tih te chu hman hman atanga ka sawi tawh alawm. Bangkok a King Cobra ka hmuh leh Mizoram a Rulgan hi a inang tlat alawm 😛
Rul tur nei chi ah chuan a hlauhawm ber hial awm e hlauhawm ber lo e, a lian ber a, a tur chhuak (mi a chukin)pawh a tam ber thung. Rul tur neiah chuan te lam chiin mihring an tihlum tam ber. Mihringin ramsa kan tihlum tam ber thung.
“Rulngan hi kan tibuai hmasa anih loh chuan min tibuai ringawt ngai lo” tih hi thudik anih ka ring lo tih hi ramsa reng2 ah a apply theih ang. Mihring ten an awmna tur kan nek chep zel a, an eizawnna/an chaw zawnna ram kan tih chereu zau sak zel. Ramsa hi an hlauh tur ang emaw, ti ralkhel thei anga kan awm loh chuan an lo inven/mi an beih/tihnat tumna chhan tur a awmlo viau a ni tih hi zir lemlo tan pawh common sense a hriat theih niah ka ngai (tum chuan).
Hriat atana tha:
Rulngan (King Cobra) chaw duh ber hi sazu ei chi, rat snake a ni. Sazu chu mihring tan natna thehdarh tu eh nikum mai pawh a khaw tam taka tam thlentu a nih kha. Rulngan hian chaw a ei puar hnuin rei tak a dang a mamawh tawhlo thin. Kan hriat tur pawimawh chu Rulngan hian chaw tur leh invennan chiah a tur ahmang tih hi zirmi ten an hriat chian tawh a ni; tih phut zawk (surprised) erawh a chi hran chuang lo vang.
Although king cobras can put one’s life at risk within minutes, their aggressiveness is definitely much exaggerated. They prefer to flee, before going into combat. And even when cornered, king cobras will first exploit their impressive defensive behavior, including hooding and hissing loudly, before biting.
http://www.evolutionbites.com/index.php?option=com_content&view=article&id=77&Itemid=91
Mihring te hi khawvela nungcha te hmelma lianber leh hlauhawm ber kan ni zawk.
February 9th, 2011 at 6:06 pm
Rulngan hi a nungchungin ka la hmu lo, hmanah kan thianpa-in a thangah a awk a,an vaw hlum, chu chu ka hmuh chian ber a ni awm e. Rul sa hi ka la ei lova, a ei tawh te chuan tui an ti khawp mai, mizorama hnam thenkhat chuan an du h hle ani awm e 🙂
February 9th, 2011 at 6:07 pm
thui angreng hlemai a..bengvarthlak e.ka var kuarh mai.
February 9th, 2011 at 6:12 pm
sei ve aw…
February 9th, 2011 at 6:14 pm
Kan ram chhungah rulngan kan humhalh dawn rau rau chuan helho chet uarna bialah chauh ni thei se. 😉
Pu HV-a te khaw lam tan chuan rulngan a hlauhawm ve loh hmel.
February 9th, 2011 at 6:21 pm
Rul chungchang ka chhiar paw’n ka khur ti tih. Asteric chu i va huai ve a,keichu ka mumanga ka hmuh paw’n ka tlanchhiat san tho. :p / :p :p :p :p
February 9th, 2011 at 6:29 pm
Ka chhiar chhuak dap, Hotupa, i ziak tha hle mai. I ngaihdan ka tawm e…Chuan sentence tawp ber khi (Y) (Y) (Y)
February 9th, 2011 at 6:30 pm
Rul chungchang ka chhiar paw’n ka khur ti tih. Asteric chu i va huai ve a,keichu ka mumanga ka hmuh paw’n ka tlanchhiat san tho. :p / :p :p :p :p
Caribou (Y) (Y) (Y) (Y)
February 9th, 2011 at 6:35 pm
Rulngan tui ka va han hip chak eeee 😛
February 9th, 2011 at 6:37 pm
Rulngan an that leh ngawt thin hi chu ka lo ui thin khawp mai.
Mahse mahni ngeiina rul hrim hrim han hmu chiah chuan ‘ti hian lo khawsa ve mai mai rawh se’ han tih hi chu a har khawp mai. Chuk a nei palh ang tih hlau hian kan um zuai zuai duh khawp mai.
‘Ramsa hlauhawm zual phei chu a humhalhna reserve area bik siam ni se’ tih a post-tu rawtna hi full-support ka pe.
Kan in bul lungrem kar velah tleng lut zuai zuai se chuan zana kawt vela tei tei a nuam lo duh ngawt ang.
February 9th, 2011 at 6:38 pm
HV #11 (Y) (Y) (Y) , ‘their aggressiveness is definitely much exaggerated’. Mahse rul hrim hrim hi ka hlau, ka thau ah a man thin.
February 9th, 2011 at 6:47 pm
Zep loh ah chuan a Hlut na ka la poh lo tlats.Rul hrim hrim hi. Kan Ram zim te ah hian awm lo mahse.Ka lom na ang a lom ve tho hi an awm ve nok mai thei….mawl vang poh a ni mah na leeeee
February 9th, 2011 at 6:49 pm
caribou #15, ramsa hlauhawm tamtak an awm alawm. Ramhnuai (park) vela camp te hian Savawm hian chaw rawn ei a chin avangin Thir bawm (Iron box) lianpui Savawm hawn thiam loh an hung fur zel. Miin tihnat an tumlo tih an hria a, mihring an hmuhin ( an tih phut zawk te anih loh chuan) ramsa ten mihring an bei/seh ngawt ngailo.
White Water guide a part time ka thawh zawk lai khan, Copperhead (Tur hlauhawm lutuk) awm duhna hmun deuh hi a awm a. Chumi velah chuan kan kal dawn pawn, thawm/nghawr nei turin thawm kan siam thin. An lo muhil emaw kan tih phut zawka min chuk an tumloh nan, tih a ni.
Nungcha te hi kan inzah tawn a pawimawh khawp mai, khawvel pakhat kan intawm mauh mai si. Mihring leh ramsa te hi a tuamah ve ve awm lo vin kan awm theilo, in mamawh tawnna nei theuh kan ni, tiin zirchiang tu te chuan an sawi.
February 9th, 2011 at 6:54 pm
September 2010 kan va camp na hmun:
http://www.youtube.com/watch?v=t4Ieba6fpA0
Only the strong survive ( lo ngaibbel suh u) hairehai 😀
http://www.youtube.com/watch?v=SbcY-G2_M2g
February 9th, 2011 at 7:06 pm
Rul hrim hrim = :-[ :-[ :-[ :-[ :-[ :-[ :-[ :-[ :-[ :-[
February 9th, 2011 at 7:10 pm
Mizo te hi kan inzirtirna a dik thin lo alawm, pawi ngawt mai. Rul hrim2 setana etc etc, sual lam kawktu ah… zu hrim2 sual, Mizoram development pawisa eiru fa neih erawh sual nilo anga rilru kan pu ni berin ka hria,apawi ngawt mai.
Thim (dark) hlauh ringawt te pawh hi kan inzirtir vek a ni. Huissss inthlak/insiam that kan va han ngai nasa tak em! 🙁 ;-( bawlhlawh a bawma paih atanga inzir kan ngai 🙁 :-S ;-(
February 9th, 2011 at 7:14 pm
caribou, #24 video hnuai zawk khi han en teh 😀 😉
February 9th, 2011 at 7:14 pm
caribou hi a hmel en aiin thu a thiam tlat 🙂 Hetia a han sawi takah chuan ‘a ni mai awm tak e’ kan ti duai duai mai a nih hi.
Tum khat pawh Rulhlai hi motor kawngah a rawn tleng vial tawp tawp a, rul ka hlau tih ka inhriatchhuah hmain chem nen ka va um ngawt a, mahse ka inhrechhuak a hnaih ta lo chuan chemin ka vawm…a la thelh zui 😀
February 9th, 2011 at 7:18 pm
HV..i savawm thlak ho chu an va len hmel ve! Chibai va buk ngawt chi an nih dawn loh hi.
February 9th, 2011 at 7:19 pm
Lawngtlai-ah rulngan a awm ve em aw? Lawngtlai daih daiha insawn chu MI a va khat dawn ve! 🙁
February 9th, 2011 at 7:28 pm
Kan kawt lung rem kara an tleng lut fo mai chu ngaih hi a that loh tluk zetin kan ar a bo ziah bawk,per kung leh zel a an lo awm chu khawnvartui nen ka hal khum hmiah…rul hi chu tangkai pawh ka ti lo.thah vek ka duh 😛
February 9th, 2011 at 7:34 pm
Caribou chu ngaihtuah chiana dik hmel deuh deuh i rawn phuhchhuak teuh mai a. Thil reng reng hi a awmna tur hmuna a awm hian a tha ber, rulngan pawh ramhnuaiah awm se, mihring khawchhungah awm ila 😀
February 9th, 2011 at 8:04 pm
1973 kum khan rulin ka huan sam lai min chuk a, vanneihthlak takin ka na lo hlauh, min chuktu erawh min chuk hnu lawkah a thi zui deuh mai. Chutatang chuan rul hi ka hlau tawh hle.
W.Bengal a ka awm laiin ka in bulah rul dum lian leh sei zet mai hian kua a nei a, nupa an ni leh nghal a. mut a tui lo duh hle. Rul khawi mi ka kova, an rawn en chuan, “Kapu, he rul hi King Cobra a ni a, fimkhur ang che, a chuk chu tihdamna a awm lo.” an tia, man pawh tum ta lo chuan min hawsan leh daih. Kha rul kha rulngan a lo ni reng ani tih phei hria ila ka hlau lehzual ngawt ang.
February 9th, 2011 at 8:35 pm
A topic leh a post-tu ka hmuhin a thu ruangam tur ka hre lawk vek. Hman deuha rulngan chungchang kan khel huai2 lai khan, cari nen hian kan ngaihdan inang miau hek.
Mihring min tihlum thei nungchate hi chu ka ngaina thei thak lo. Mawi/duhawm pawh ka tithei meuh lo. An awmna kan va tihchereu leh kan va thawn vang chu ni bawk mah se, mihring kan pung zela ram a zau zel si lo. Ei-bar zawn a lo harsa tual2 a, tihnat/thah kan va tum vang reng pawh ni loin, an chenna ram leh a vel kan va daithêu lo thei si lo.
An tan hmun bik siam ila, chutah chuan duat tak leh uluk taka humhalh ni sela. Chumi pawn lama awm – sakhi, sazuk, saza, zawng, hahuk, etc… (mihringte tina thei lo) ho ni lo, heng – rulngan, sakei, savawm, etc… te hi chu hmangaih leh duat takin THAT hmiah2 ila :p
February 9th, 2011 at 8:38 pm
#5 va neisei ve huuuhuu,rul hi chu awmlo mahse pawilo.
February 9th, 2011 at 8:56 pm
Rulngan nen hi chuan damchhungin sakhmel in tawng lo in, in ‘muah muah’ lo ila ka duh ber.
Sakei hian min bei ta se ka khawih let ve hrep theih ka ring… mahse rulngan zawng…’tih mi a ni lo, tih mi a ni lo’
Ka la hmu lo.. mahse ka ngai vak chuang lo a,,,, inhmu lo mah ila Lalngante a nen hi chuan poi poh ka ti lo e a. kan Hobby a in an loh hmel em mai kan inkom rei peih chuang lo ang 😛 😀 😉
February 9th, 2011 at 8:59 pm
Khawvelah mihring aia hlauhawm kan awmlo (Tu tan pawh)
February 9th, 2011 at 9:07 pm
alo chuk palh che u anih pawn,atur thahna vawihnih chiuna chu kala kawl a, kalo pe dawn che u ani a.
February 9th, 2011 at 9:20 pm
Article ngainawm tak a ni mahse I thlekna lam chu a hriat hle mai. Incident 1 emaw 2 atanga ngaihdan siam a mihring awm mai mai lai a chuk han tih mai kha chu a, research tam tak an bei toh ngei ang a , an behavior ah hian research article chhiar tur a awm ngei ang, awih chu a har deuh. ka hriat tur pawimawh tak ka tih chu khawvel mihring ta a ni lo. Mihring hi khawvel hmelma lian ber kan ni. Lo hal alh leh hluah hlauh te hi a pawi zawk.
The world owe you nothing, it was here first – Mark Twain
February 9th, 2011 at 9:26 pm
The Earth does not belong to us we belong to Earth – Chief Seattle
February 9th, 2011 at 9:31 pm
(Y)
caribou, i ziak ngaihnawm khawp mai (G)
February 9th, 2011 at 9:46 pm
#18@rose malsawmi_ Hlau lo lutuk bik chu ka nilo nangin atak ah hian panga chuang chu ka vaw hlum tawh :insawithei: 😉
2005 a ka X in pangpar khawi kara rul lian vak lo a tleng lut tur a pawt chhuak mai kha chuh, a mipa zawkin ka lo hlau, “Thlah rawh” tiin ka tre chul mai lawm. 😀
Rulngan chu ti em em a kawlh tur chuan ka va ring lo em. TV a a tui vel an hai khan an awmna thlang lawkah a bawk reng sia, TV ah pawh an focus vek kha mawle.
February 9th, 2011 at 9:47 pm
In comment te a mal malin ka chhiar chhuak dap e. A ngaihnawm hlawm khawp mai. Biodiversity chungchang hi ka lo tuipui ve viau thin a. In situ leh ex situ conservation thleng te, leh cryopreservation thlengin. Mahse, rulngan kher hi chu kan thenawm State lamah daih te hian humhalh nise ka ti tlat. Rulngan hian amah humhalhtu a thliar hrang dawn hauh si lova.
February 9th, 2011 at 10:18 pm
Comment chhiar miah lo in a post ka chhiar atang hian han comment ve teh ang-
He post hi ka va han support em. A nih tur ang in i rawn sawi a, kei pawh in i sawi khi ka pawm thlap mai. Ransa/ramsa zawng zawng hian a pawng a tak in mihring an bei lo ang, mahse, tam tak hi chuan hmelma en a an en avang nge maw ni dawn ni, phe zeuh hi an bei nghal chuk chuk zel niin a lang. Hei vang hian, annungchang hi hriat chian ava tul em ve le aw… Chutiang rannung chu a awm chuan, emaw, an awmthei a nih chuan, chutiang chuan inven/in rinlawk a ngai tih hi hre thei ta ila.
February 9th, 2011 at 10:29 pm
Post tupa, i post hi a vaiin ka thlawp vek e.
February 9th, 2011 at 10:47 pm
Rul ka hlau……… Viper tih hi rulngan tihna char2 ah ka ngai a, Tin, tunlai a rulngan kan tih leh hman lai a rulngan an tih, thangchhuah nan a kah ngei2 ngai an tih nen kha chuan an in ang lo tawp tih erawh ka hria.
Tin, Vawikhat Lunglei a ka awm laiin rulngan thi tawh hi khaw chhungah an rawn keng a, tunlai rulngan an tih mam zir zer ang hi a ni lo, a bawl hrup mai a, len pawh lian tak a ni… chuvangin tunali ah rulngan kan tih hi tunhma deuh a chawngkawr kan tih mi um ching tak kha a niin ka hre ve tlat….
February 9th, 2011 at 11:48 pm
A post tupa ka thlawp e. Ka tawnhriat thenkhat te :
Vawi khat kan in kawngkhar ka lut chiah hi Rultuha ka rap pial tawh, khum hnuai ah a biru a, rei fe kan beih hnuin kan that hram.
Ekin ah ka lut chiah hi ekin bangah a rawn tleng thla a, Chawngkawr ani, ka tlan chhuak nghal a, chawngkawr chuan min rawn um, a thawm pawh a ring khawp mai, ka au ring lutuk a, kan thenawmpa chempui nen a rawn thawk chhuak a, kan that, sei khawp mai.
Kan thenawmnu zan zung turin an Tuizem bulah Rulngan inkual ruih mai a hmu a, Rulngan chu a tlanchhia a, ka mu lai min rawn kaithova, Rulngan chu ka mutna hnuai cement kawrawng ah a awm chu niin…Ka hlau teh e, thirtiangin kan hawlh ngat2 a, kan hawlh hlum hram.
Vawikhat Artui (ar kan vulh thin) lak ka tum a, Rulhlai hi artui awmna ah hian a lo inkual ruih mai a, Artui alo hip chu niin, kan vawhlum leh ta bawk a.
Kan huanah Sapthei ka lo tur hi Rulhlei tho ka ban tawh bawk.
HOstel (mizoramah) ka awm laiin, ka tukverh bulah Rulhlai tho a rawn tleng a, kan that a, kan kangro a, kan ei daih..!!
Hostelah tho(vairamah) rul te reuh te mai hi a rawn lut a,vai hovin an en luai luai a, tumahin thah an tum lo, ka tum bik ta lova,a tleng bo daih.. 😛
Heng vangte hian Rulngan humhalh hi Chawngzawng humhalh nen a dang tih ka hre chiang khawp mai. 😀
Note: Rul dang hi chuan chuk min tum lemlo, chawngkawr hi chuan min tum chiang mai.
February 10th, 2011 at 12:02 am
#47.. chuvangin tunlai rulngan an tih fo hi rulngan dik tak nilovin chawngkawr a ni mai lo maw???
February 10th, 2011 at 12:56 am
Caribou chu post tha khawp mai..! (Y) Mihring nunna hi a hlu ber a, African leh Indian safari ah guide ten silai an keng chawk! Asia ah Rulngan hi hlauhawm ber e ti loin mihring chuk hlum nasa ber chu russel viper (??) an tih hi ni tlat in ka hria.
Engang pawn humhalh se inven nan a kan thah kha a thiang a. Inven nan chuan kan mihring pui pawh kan thah a thiang tho!
Shillong kan awm ve lai pawh khan kawngah rul ka hmu fo mai, a tam zawk chu hmawlh in ka thai bo lawng lawng zel..! thah kher kha a tulna ka hre lo.
Rulngan hi humhalh anih avangin thah thiang lo ani lo..a tul phawt chuan that ila, a sa te pawh ei ila a pawina ka hre lem lo!
February 10th, 2011 at 3:21 am
Rulngan humhalh duha iak iak ho hi, anmahni emaw, an chhungte emaw hi chuk ve chhin se ka ti. Rilru chhiat vang nilovin an in hmuhchhuah phah nan.
Post tha tak a ni e. Ka pawm vek bawk.
February 10th, 2011 at 3:37 am
chhana#50, Rulngan humhalh duha iak iak ho hi i tih khanglan chu le, Rulngan vang ringawtin kan iak kan iak lo ania aw. Khawvel pakhat intawmin nunna nei te hi kan nung a ni. Mihring ta bik a nih loh avangin inzah tawn takin kan nung tlang mai tur a ni tih kan sawi. Mihring tluka khawvel tichhe tu leh nungcha hmelma kan awmlo.
Kan IAK KAN IAK ngawt lo ania aw, lo iak lo iak lo mai teh
February 10th, 2011 at 4:16 am
Ka la iak zel dawn. Hmun him atang chuan nungchate pawimawh zia chu ka hre ve bawk. Pathianin min hmangaih tlang vek tih pawh ka hria.
Mahse, ka sawi kha ka’n sawi nawn leh teh ang, “Rulngan humhalh duha iak iak ho hi, anmahni emaw, an chhungte emaw hi chuk ve chhin se ka ti. Rilru chhiat vang nilovin an in hmuhchhuah phah nan.”
February 10th, 2011 at 4:37 am
chhana #52 tuman an chhungte thi turin an duhlo, ramsa te pawhin, tih ilo hre ve dawn nia. Nunna nei te hi lungai thei, hlau thei, leh thlabar thei vek kan ni asin.
Mihring te chuan kan mihring pui leh ramsa pawi sawilo thlengin kut thlak kan hrehlo, ramsa chuan an chaw tur leh an invennan nungcha dangte an tina thin lek zawk asin. An hnen atang hian inzir ngai tak zawk kan ni.
Comment hmasa lama ka ziah ang khan, ramhnuai rul awm duhna chi emaw ramsa eg:savawm etc awm duhna hmunah chuan an hriat theih turin thawm kan siam thin; an lo insaseng theih nan. In barakhaih/intih phut zawk emaw hian tum loh loh a thleng thei tih kan hai lo.
Entirnan: Nang pawh hian min barakhaih ta la (ka phu nasa thei phian), hum/ken lo nei ta ang bawk ila, ka ken lai ang ang chuan ka chhu bur palh maithei che a ni. Ken ka neih loh pawhin tih luih ni hauh lo vin ka pet/hnek bur palh thei che… same same
NOI 
February 10th, 2011 at 4:55 am
#53 Lungngai*
February 10th, 2011 at 5:04 am
Mak khawp mai… Mizoram hian king cobra lo humhalh lo se chuan kan mualpho ngawt ang. He topic ringawt poh hi hnam lian zawk hmuh tur in pho chhuak ila keichu ka zak ngawt ang. Ka thenawm state chauh hian humhalh se a zir chiang duh in zoram atangin pan ta phei seng chuan… Chuti zel in…. King cobra Mizoram a lo awm ve te chu in sawi thei tham a
ni dawn lom ni… Mi engzat fa ko nge a chhuk hlum tawh a? …
February 10th, 2011 at 5:31 am
Ni e, khawvel hi kan ta bik a ni lo va, mihring leh ransa zawng zawng ten kan in tawm tur a ni teh meuh mai. Mahse rulngan te ang, mihring a chuh tawh thi ngei ngei ang chi te hi chu humhalh tul ka va han ti lo em! Hmanni lawk a ( Serchhippa?) thi ta te kha ka va han lainat em!
He ti khawp a rulngan tamnaah hian rulngan hi humhalh kan duh a nih bawk si chuan rulngan in a chuk hlum chhungte tan a pawisa tamtak dawnna dan te siam tal se emaw; a lo berah thingtlang a awm, nitin a kut hnathawk a chhuak ho te hi chuan pheikhawk rawng sang te dawng vek tal se la; Tin, mi zawng zawng anti- venom hman dan( in chiu dan?) te zirtir ni in englai pawh a hman mai theih tur a pai reng tur a in zirtir in sem nghal thei tal se chuan rulngan humhalh hi chu ka thlawp ve mial mahna. In venna mumal awm si lo, thingtlangpa sleeper bun tur nei tawk tawk, ramhnuai a hnathawk lo thei si lo te zing a Rulngan lo humhalh chiam hi a tulna ka hre lo ve. Tin, mihring te hi kan mihring pui te leh ransa hlauhawm leh hlauhawm lo tan a hlauhawm ber chu kan ni ngei mai, Mahse chu vang ngawt chuan mihring pawisawi lo ransa hlauhawm rulngan ang chi ten an chuk hlum fo hi chu dik ka ti thei lo. Mihring nunna leh Rulngan nunna hi kei chuan tehkhin chiah ka ngai lo bawk.
February 10th, 2011 at 5:45 am
Wild life preservation lam kan ngaihsak/ chhiar ngailo/peihlo anih pawhin, hetiang tlem te ang chi tal hi chu chhiar ve zeuh zeuh chi asin.
As caretakers of the planet, it is our responsibility to respect and manage Earth’s natural resources, including human population itself.
what is for humans probably the most compelling of all reasons to manage wildlife resources wisely – we must maintain the natural beauty of plant and animal life for generations to come. Our aesthetic quality of life depends on it.
http://thewildlifeexperience.o.....fault.aspx
February 10th, 2011 at 5:47 am
@ bangbong! Kei chu hnam lian zawk te bul ah he topic sawi hi ka zak miah lo. A nihna dik tak, kan ram retheih zia leh duh duh a hospital pan nghal mai thei kan nih fo loh thin zia te, in venna mumal kan neih loh dan etc. kan dinhmun diktak an han hriat chiah chuan an ngaihdan an thlak fo.
February 10th, 2011 at 6:00 am
Development pawisa tur a enkawltu ten an eizo vek zel vang mai mai alawm. Nilo sela chuan anti-venom te chu Mizoram mipui mamawh phuhruk tawk chu engemaw zat chu kan nei ve tawh awm em mai. Tun angah chuan doctor te meuh a chuk pawhin an thihpui lek lek mai ania.
Kan ngaihsam lutuk na leh kan thu duh lutuk hi kan buaina zel ani chho char char, a la ni zel bawk ang. Engmah zuah a enkawl tha peihlo hian kan ram hi kan ti fe` zo takngial dawn e.
February 10th, 2011 at 6:08 am
Mihring leh Rulngan nuna hi a inhlut hleih khawp mai,chuvangin mihring ti hlum thintu tih pun zel chu thil tha tak a nih ka ring lo.Kan nitin hnathawhna hmun velah rulngan lian tak hmu hmu ta mai ila humhalh thu sawiin kan iak kan iak ka ring miah lo.
Kan rama hian rul hi kan hmuh chuan kan that deuh ngei thin a,chuvangin rul hi a tam em em lo hetiang a ni chung pawh hian vanduai sawitur chu an awm ve nual mai.That zel loin mihring ang tho a nunna nei a lawm tiin en liam mai mai ila chuan kan tawrh chu a let nasa fe a ni ang.
A humhalhna bik hmun siam tih khi ka thlawp khawp mai.A humhalhna hmun a awmlo erawh chu tihrem zel nise,a nungin emaw a thiin emaw a man/that tu chu lawmman sawrkarin pe bawk se a tih chi phian in ka ring bawk.
February 10th, 2011 at 6:12 am
khuangdailova, Rul nunna leh mihring nunna hi tekhin chi niah ka ngai miahlo mahse, khawngaihin ka comment ho khi a hmasa lam atangin han chhiar chhin teh a.
En liam mai mai tur tih lam kan sawi lo va, in zahtawnin khawvel hi kan intawm thei a ni tih lampang a ni zawk.
A thu hrimah, khawvel ah hian mihring tluka a mihring pui ngei leh ramsa leh a khawvel chawp hmelma lian a awmlo. Thil hi a positive zawnga lak thiam hi mihrinna (gentleman) niin ka hria.
February 10th, 2011 at 6:20 am
Ni e , thil reng reng hi a lerah thuai loh a tha. Rulngan humhalh duh tu te chuan anti- venom mitinin kan kawltheih nan tal bei hmasa phawt tal se, chuan humhalh tan zawk se a tha ang
Kan veng a rul thahchungchang a in hnialna ka chhiar mek. Mi pakhatin a fapa rulin a chuk ai chuan rul a thah chimih vek tur a sawi a, an chuk rawn luai luai. A chhan chu hepa hi countryside a a awm vang a ni a, a fapa rul in a chuk a duh lo a nih chuan rul thah ai chuan khawchhung a pem mai kha a tih tur zawk a nih zia an hrilh luaih luaih. Mahse hei chu kan ramah a tih ve theih loh. Duh duhnaah kan pem in ram kal kan thulh ve ringawt thei lo
Engpawhnise rul in mihring a chuh ai chuan rul kha thah zawk an thlawp deuh vek, an duh danah tak chuan rul chu ramhnuaiah zalen tak in awm se, kei ni mihring te chu khawchhungah awm i la tih lam a ni. Tin, an rul sawi hian nausen bak a that thei lo tur a ngaih a ni. Rul hi chi hnih chiah a awm, a tur nei leh tur nei lo. A tur nei zawk pawh hi an sawi dan chuan tur chak lo tak pai a ni. Mizoram ang a rulngan te ni in, mi in loh theih loh vin ram chhuah ngai ve se chuan leh pheikhawk tha te nei lo ve se chuan rul hi an pawng humhalh lo tawp ang tih ka ring. Obs! Ka mut a hun tak zet! Mangtha vek u lemmm !!
February 10th, 2011 at 6:28 am
Pu H Vangchhia i comment atang khian khawilam nge i sukthlekna a hriattheih chiah loh a nih khi maw le.Rulngan humhalh a inthlahpun tir zel nge i duh tihrem …tih chungchang i nghaihdan diktak te han sawi la,hriat a chakawm a lawm.
February 10th, 2011 at 8:00 am
Thian te u, in comment a va ngaihnawm hlawm ve le. Keia thuziak ve mai mai atangin ngaihdan tha tak tak in rawn dah chhuak hlawm a. Ngaihdan inpersan tak tak rual awm khawm kan nihna tak hi kan thu leh hla a hlutna ani. Ka thuziak aiin in comment hi a ngaihnawm zawk.
Rulngan chungchangah hi chuan ngaihdan hrang hrang a tam thei khawp ang le. Mahni inlum atang leh, engti kawng mahin min chuk dawn lo a ni tih kan hriat reng na hmun atang chuan a va hlauhawm loh tak em.
ZAn thimtham hnuaia kawnglaia rul awm, mi kal velin an rah palh avanga a lo chuk tak mai pawh ka hria. Rul thiam loh nge mihring thiam loh? A raptu in a hmu lo miau si a le…..
Rul humhalh duhtu ho hian kan bioresources thenkhat zing ami sakhi, sazuk leh sathar te hi min tina ve ngai miahlo, kan pawi sawi bawk si lo te hi, humhalh duhna rilru an pu tho ang em le? Kan ram chhunga sakhi tamna ram ah zin ta se, silai nen an ramvak dun dun mai lawng maw??? Heng ramsa ka rawn tarlan te hi an khawngaihthlak asin. Anmahni an inveng thei lova, thah tumtu hmelma an ngah asin. A chek tuihang hawp chak mizopa an tam lutuk. Rulngan chu amah leh amah a inveng thei a, tuman thah tumin an chang ngai lova, an veh peih bawk hek lo.
February 10th, 2011 at 8:58 am
January 6th, 2011 8:57 chhuakah khan, ‘Kan zia ang zelin dah kan ni em!’ tih thupuia hmangin, mihringte kan zia ang zel hian khawvel hmun hran hranah hian kan awm em, tih hawi zawngin thu chhete kalo ziak tawh.
https://misual.life/2011/01/.....kan-ni-em/
Mihring mai ni lo vin, nungcha tinreng te hi kan pianhmang leh zia ang zelin khawvel hmun hrang hrangah hian kan awm a ni tih lam hawi thungin aw niang.
Khawvel hmun tin, tlang sang ber atanga hmun hniam ber, a vawt ber leh lum ber ah te hian chutiang hmun mila awmthei nungcha an awm vek mai. Heng nungcha te hian an mahni zia theuh nei hrangin, an mahni phak ang zelin an inenkawl a, an khawsa ho a, mal tlat chi pawh an mal tlata, an mahni thiam anga hmangaihna in an in enkawl ve theuh bawk.
Khawvel ah hian mihring, ramhmul leh ramsa te hian ngaihtuahna kan nei theuh nangin kan ngaihtuahna neih dan a inang lo theuh bawk. Mihring te hi thluak nei lian ber kan nih avangin kan thiamna leh tih theih pawh a pung zel a, keimahni pawh kan inthlahpung nasa ta mai. Kan tha aiin thluak hmangin mahni inven theihna hmanrua te pawh kan nei tha sawt hle mai. Khawvel hmun tinah in pharh chhuak titih tawhin khawvel hi kan ta bik emaw kan ti ta hial a ni.
Ka sawi tawh ang khian khawvel hmun hrang hrangah ramsa awm te an hran angin, chumi an awmna hmunah te chuan an mamawh a kimin khawvel kal chho (environment ecological impact) tlengin nungcha te hian awmzia an nei a ni. Chuvangin, khawvel lehlam ami ramsa emaw hmun hrana lak luh annih te hian khami hmuna awmsa te tan khan an nunphung a ti khaihlak vek thei thin a ni tih chu snake head sangha Asia atanga USA an lo lakluh a rampui buaia an buai mai te atang pawh khan duh chuan kan hrethiam ang chu.
Ka sawi duh zawk tak chu khawvel hmun tinah nun kalhmang/kalphung hran nei tam tak kan awm a, ramhmul thlengin ram ngeih nei hrang theuh kan nih hi. Mizoramah mihring kan awm hma atang tawhin ramsa te hi an lo awm tawh a, an awmna kan nek chep sak zel a ni. Chumi avang chuan kan rama nungcha te hi ala awm ang ang te nen hian inzah tawn takin kan ram hi kan intawm a tul tih hi kan pawm ngama kan hriat a pawimawh hle in ka hria.
Chhui peihlo chuan kan hre peih kher lo ang mahse, nungcha te reng reng hi in mamawh tawn theuh kan nihna hi rin phak bakin atam a ni tih hi chiar zaua kan pawm ngam a tul tawh. Thosi ti tlem turin Uchang an awm angai a, Uchang kan vai rem titih tawh a, chutiang zel chuan chhut ngun hi a pawimawh tak zet a ni.
NB: Rul ka sawi chuanglo, nungcha hrim2 leh mihring te a ni ka sawi ni.
February 10th, 2011 at 9:20 am
Ka chhiarchhuak chiah e, a chipchiar khawp mai. An awmna hmun zelah humhalh ni se tih rawtna khi a tha viau va, rulnganah kher kher chuan ka duh lo. An aia fing leh chak zawk, mihringte min tihlum ve khanglang thin a, chuvangin an thi tur a ni.
Rulngan hi khawiah pawh, kan hmuhna apiangah thah kan tum zel tur a ni. Mihring tana an hnawksak zia leh, nunna a lak hnem tawh zia hi haider lovang. USA-ah pawh Pu HV-a awmnaah te chuan a hlauhawm nang. An nu emaw, a chhungte tu emaw ber kha rulngan vangin lo boral ta sela chuan, a tang tung teuh lo em mai.
Forest dept. lama thuneitu ber chu ni ila, rulngan thattu apiang hnenah cheng 5000 zel pek tur ka ti ang. A hming ka hmuh ringawt pawhin hlauh zatin ka za.
Comment ka chhiar mang lo. Post khi uluk takin ka chhiar a, comment tlemte ka bih thuak thuak a, ka ngaihdan ka rawn ziak ve a ni e. Tuma’n ka ngaihdan hi an sawhsawn ngai lovang. Rulngan hi thi rawh se.
February 10th, 2011 at 1:57 pm
A hlauhawm e maii.. ngan emo ngan lo e maww that hrim2 angg….k hlau veekkkk….
February 10th, 2011 at 5:02 pm
Rul hi chu aw, Ka Pi kha kan lo ah a chuka a sat hlum nghal, na vak lo, mahse tun tleng khian a kut zungchal a la ser, vawi hnih pawh, a mau tuah tura arawn hawn chhung ah a lo awm peka, kan in ah a rawn tleng lut vel awr awra, kei hlau in sofa chung ah ka zuang kai nghal, ka pi in a mei ah an man a an vaw mai chu a thil awl awl mai, ram kal ti nuam lo tu pakhat ani, zemabawk TB hospital hnuai ah sawn zu siam an tam sia, zufang rawn ei tum hian an tam thei khawp mai, kan huan bul ani bawksia chi loh theih khawp mai…
February 10th, 2011 at 5:10 pm
TS USA-ah pawh Pu HV-a awmnaah te chuan a hlauhawm nang. An nu emaw, a chhungte tu emaw ber kha rulngan vangin lo boral ta sela chuan, a tang tung teuh lo em mai.
khitiang rilru kan pu lo asin
. Kan awmna lamah chuan <Copperhead an tih kawlh zet mai a tam mai mahse, comment hmasa lama ka lo sawi tawh ang khan an awm duhna hmunah kan kal dawn chuan, an lo insaseng/tih phut (surprised) loh nan thawm kan nei hmasa thin.
http://img96.imageshack.us/img.....ds5968.jpg
Khawvel a ni a tupawh tawhsual tawk thei kan ni, tawhsual (accident) tawh avangin kan tawh chhan a zirin kan haw kher tur a nilo. Motor kan nei fir fer hlawm a, accident kan tawk a, chhungte pawh vanduai thilah an thi thei, motor kan huat phah/neih kan thulh kherlo. Kan nunkawnga mamawhna nei lo anga inngaihna avangin kan haw mai niin ka hria… chhut tawi vang a ni… ka chhiar tam ka tihna n
Rul te pawh an awmna mualah tih buai lo vin awm sela tumah an chuk ngai kherlo. An invenna leh an chaw zawn theih nana khaunu ruat/ pek ve a ni.
February 10th, 2011 at 5:10 pm
Lo sawi lo sawi ve mahse, ka hmuh chu a rukin ka that dawn thau thau…
Anih te chuan Anopheles Thosi te, Sazu te, Chukchu te pawh hi humhalh ila.. 
February 10th, 2011 at 11:06 pm
Kan rama kan nungcha neih hrang2, rulngan pawh tiamin, te hi an chanchin leh awmdan te hi zirchian a ngai hle mai. Rulngan tui awp hlauhawm zia kan sawi thin te kha mi thenkhatin an han belhchian chuan an sawi thin dan ang chu an lo ni hauh lo tih a takin kan hmu. Chuvangin a humhalh leh thah rem lam ai chuan zirchian an pawimawh hle mai. Hetianga zirchiang peih te an awm phei chuan sawrkar hian pui thei nghe2 sela a tha khawp mai. Mahse kei chuan ka zir ngam lo, rul ka hlau!
February 11th, 2011 at 2:31 am
#70..keipek
February 11th, 2011 at 2:42 am
A boruak laiin ka comment ve hman ta lo pawi mange…. Post tha hle mai a.
September 8th, 2017 at 9:29 am
Kan tinung leh dawn emni? Hairehai