Coca-Cola Mir Iqbal Hussain Trophy for U -16 National Football championship vawi 33 na chu feb14 – 24 chhung hian Kolkata ah khelh tan a ni leh dawn ta a. Mizoram U -16 football team te pawh champion ngei tum a theihtawp a an in buatsaih a.
India ram zone hrang hrangah final round khel tur hian qualifying round khelh a ni a, Mizoram pawh North East zone ah champion an nih vangin he tournament hi an khel thei a. Final round ah hian team 16 ten champion nih tumin an inkhel dawn a, team 16 te group li an inthenin, group tina point hmusang ber teuh ten semi final an khel thei dawn a ni. Group league matches hi February 14 – 19, chhungin khelh a ni ang a, Semi-finals chu February 21 ah khelh a ni ang a, final chu February 24 khelh a ni ang. Barasat leh Khardah Stadium ah te an inkhel ang.
Mizoram hi kuminah hian a champion thei a nih hlauh chuan he tournament a vawi nga champion thei a ni ve chiah dawn a, he tournament a champion ngun ber Bengal hi vawi 12 lai champion an ni tawh a. Mizoram hi a champion ve hlauh a nih chuan champion ngun ber pahnihna dinhmunah a ding ve thei dawn a. Kum 1996 khan Mizoram chuan a vawi khatna atan final a lut a, Bihar lakah goal hnih ngawtin a chak lo a. Kum 2001 ah final a lut leh a, Bengal lakah tlawm leh a, kum 2003 ah erawh chuan he tournament hi Mizoram ah nghah a ni a, Mizoram champion kum a ni nghal a, final ah Meghalaya chu 2 – 0 a hnehin champion a ni.
He tournament ah hian Mizoram Football Association chuan kum 1993 atang khan team a la tir ve deuh ziah a. A pumpui thuah Mizoram hian vawi 7 final lutin vawi 4 champion tawh a, vawi thum erawh chu runners up a ni thung a. India ram state dang te nen khaikhin chuan Bengal tih loah record nei tha ber kan ni.
Mizoram chu group C ah Karnataka, Punjab, Bihar te nen an awm tlang a, Group C ah hian champion lo ni hlauh ta se, semi final ah a thlengtu Bengal nen hian an insut hmel viau a. Mizoram hian Bengal hi semi final leh final ah a tum thei ang reng viau a. Kuminah hian eng result nge a hlawhchhuah ang le?
Mizoram pool a awm te hi record nei tha ve tak tak te an ni hlawm a, a pumpui thuah pawh Group C hi chu group of death tih ve mai theih tur a ni. Group A awm Chandigarh ah hian Mizo naupang panga an tel dawn a, SSA Football Academy atanga Chandigarh Football Academy zawm ta te kha an ni a.Chandigarh tih loh state dangah Mizo naupang an tel dawn leh dawn loh he chanchin ziah a nih lai hi chuan kan hre thei mai rih lo a ni.
Group A : Jharkhand, Tamilnadu, Chandigarh, Maharashtra
Group B : Goa, Orissa, Tripura, Kerala
Group C : Karnataka, Punjab, Mizoram, Bihar
Group D : Bengal, Madhya Pradesh, Uttar Pradesh, Assam
MIZORAM FIXTURES
Final Round (Group C, Khardah Stadium)
14 Feb, 2011 Karnataka Vs Mizoram
16 Feb, 2011 Mizoram Vs Punjab
18 Feb, 2011 Bihar Vs Mizoram
Similar Posts:
- Final round khel turin Mizo naupang
- Manchester Premier Cup 2008 ah Mizoram che tha zel
- Mizoram in Final an lut
- U-21 National-ah Mizoram in final lut
- Mizoram football team an champion
February 10th, 2011 at 8:40 am
Mizoram team te champion ngei tur in duhsakna ka hlan e…
Report this comment
February 10th, 2011 at 8:51 am
Mizoram team … all the best….. Artificial grass nei thei state player angin zuk khel ang che u! Under 16 players ho lo haw hun ah senior player te ho nen Red Ribbon Football tourney hi in khel ho leh tuk tuk em lovang chu maw!!
Vai ngal ria ho chu zuk sawp hrep turin duhsakna ka hlan a che u!
Report this comment
February 10th, 2011 at 9:46 am
Lo chak mawl teh u,In tan mawlsawmna thu ka chhak chhuak mawlh2 eeee lo cak ngei ngei ang che u.. chuan aw Zoram age level ah chaih ni lo hian Senior level ah pawh champion ang oooo…. Senior level mawl hii….
Report this comment
February 10th, 2011 at 10:04 am
‘A ngem’ i tih avangin an champion lovang tih a hlauhawm hle mai.
Report this comment
February 10th, 2011 at 11:13 am
chak lul rawh se
Report this comment
February 10th, 2011 at 11:42 am
Players ho fitness a tha em? An cham rei hmel si a, an diet hi an control thei lo leh hlauh ange, fimkhur se…Champion ngei turin duhsakna ka hlen e…
Post-tupa, result rawn update thei ula kan va ti ve….!
Report this comment
February 10th, 2011 at 11:51 am
Dawn ti thui chu…U-16 ah kan champion theih viau lai hian U-21 te leh senior team lamah hian kan langsar lem lo khawp mai!!
Mizo ho hi chu kan pumrua a tet deuh avang hian Senior tak tak pawh U-16 ah hian awlsam takin kan kal thei ang..mahse hei hi a tha ber em?
Ni e, vai ho pawn over age chu an thawn ve tho alawm kan ti ani maithei. Diklo taka chak nge dik taka chakloh hi ropui zawk kan tih le? Hmasawn nan pawh a tangkai zawk viau lo maw?
champion ringot hi anilo, dik taka kan ti anih loh chuan mahni kan inbum ani lek thei tlat..
Report this comment
February 10th, 2011 at 4:44 pm
Thei ang.
Report this comment
February 10th, 2011 at 4:57 pm
“Mizoram Team U-16 chu an chal thei lutuk” a ti, ka thianpa in…tak tak ni maw
Champion se ka ti hle mai, ka ring chiah lo nain..!!
Report this comment
February 10th, 2011 at 6:03 pm
U-16 dik tak ni maw?
Report this comment