Primary Sikul kan kal lai a kan hla zir, Chhura leh Nahai a thawnthu ngei hi kan post teh ang. Ngaihnawm kan tih thin zia leh Pu Chhura huaisen kan tih thin zia te kha ! Kum a liam tam ve ta a ni ang; a thu vawn reng chu sawi loh, a awmzia hriat loh lai ka ngah tawh mai. A thiam ho (Muantea and co) te’n min han hrilhfiah se a lawmawm ngawt ang.
Tunlai hian la zir zel tak maw ? Tin, zirlaite exercise-ah khan, (1)Phungpuinu lem ziak rawh, (2) He hla atang hian Chhura nge huai i tih Nahaia ziak rawk (3) Sekibuhchhuak hi a hmanna engnge ni ? tih vel te a awm a, har kan ti thrin teh a nia. A phuahtu hi Serkawn sikul zirtirtu Pu Chhuana a ni.
CHHURA LEH NAHAIA
Sakhming chul lo Naa leh Chhura
Fàng tlàn ritva veng e;
A hrang ngei e, tukram Naa vau,
Siahthing bel phung au ve;
“ Hawnglang ang maw, lang lovang maw,
Nauva lu khuai lai chi.”
Zatlang relthang chu dawn lo lek lo hian,
Nahaia tlanchhia e.
Nau ang a ngen mihrang Chhura,
Sawnfang ven thlengpuian;
“Siahthing tlaibung ritva lawina,
Deng la, sir an belh thing,”
Chhehkhang kangmangin a deng ngei,
“Nauva lu khuai lai chi,
Hawng lang ang maw lang lo vang maw ? ”
Siahthing bel phung au ve.
Anka vau zam rual loh Chhura,
Tro thli iang a dur e;
“Khuai se, khuai se, khuai keh rum se,
Sial tiatin hawng lang la,”
Hau lai changsial ang kaih nuamin
Bukthlamah ral chang e;
A uai duai duai e, Phungpui nu,
“Chhura awm ta lo ve.”
Khua tin hraichawi thinlai thrawngtu,
Traunu trawnsam vuan e;
“Lungphang lo la, Phungpui nu,
Lam nang che nau lawman,”
A zuam nem maw Phungpui nu’n
Hringmi leng run kai chu;
Hrinhniang hrai duh lengte thren hlauvin,
Sekibuhchhuak hlan e.
NB: Hman ni deuh a, Mizo font user pakhatin a rawn dah kha ka hmang thiam ve hauh lo nia.
ps. Model ngawr2
February 10th, 2011 at 10:14 am
Chhurbura hi, mizo mihuaisen zing ah hian dah ani loa, mi mawl deuh ah kan ngai sia, kei chu a huai sen hmel ka ti, Chhurbura tih ai hian Pasaltha Chhura ti ang u lol..
Report this comment
February 10th, 2011 at 10:18 am
Report this comment
February 10th, 2011 at 10:28 am
net hi ava muangve.. phung ngam ber chu chhura kha a lo ni e
Report this comment
February 10th, 2011 at 10:29 am
(Kei chuan ka zir ve lo.)Ngawi teh a thu a thuhmun leh thuhmun loh chu ka hre lo, hei hi hla ah kan ngaithla thin, H.Lalchawimawii sak ni ta in ka hria, ka chiang lo…
“ Hawnglang ang maw, lang lovang maw,
Nauva lu khuai lai chi.”
tih lai khi chu ka la hria e.
Report this comment
February 10th, 2011 at 10:32 am
Report this comment
February 10th, 2011 at 10:55 am
Mi mawl leh Pa dar ben a an sawi Pu chhurbura kha thiam takin “HERO” ah a rawn chhuah daih mai.Hei hian a phuah tu thiam zia leh thlirna tlang dang a tanga thlir ve a tul zia a lantir in ka hria.
Report this comment
February 10th, 2011 at 11:09 am
Report this comment
February 10th, 2011 at 11:21 am
Nimin khan Doordarshan Northeast ah Chhura leh Nahaia drama an chan ka hmu fuh a, an nuihzatthlak teh mai asin
Report this comment
February 10th, 2011 at 11:30 am
He poem chuan ka lung ava’n ti leng em! Pawl 2 nge pawl 3ah kan zir ka hre tawh lo !
“ Hawnglang ang maw, lang lovang maw,
Nauva lu khuai lai chi.” hi Paite tawng nge Pawih tawng ka va hre mai tawh lo em?
Heng kan zirlai hun a peom nalh ka tih pakhat dang chu :
“Virthli, khawiah liam che maw aw?” tih kha a ni! Ka la by-heart vek nia!
Thawnthu sei tak mai hetia tawite a hla hmanga a han hrilhfiah thei mai hi a ropui khawp mai…Z_G tawngkam takin “A va han rapthlak em!”
Han post zel teh u……..
Report this comment
February 10th, 2011 at 11:56 am
#6 : “Mi mawl leh Pa dar ben a an sawi Pu chhurbura kha thiam takin “HERO” ah a rawn chhuah daih mai.”
Chhura hi mimawl leh pa dar ben a an sawi hi kei chuan “Pa fing leh remhria, dawhthei, pa tha deuhvah ka lo ngai zawk a sin!
Nahaia ve thung hi chu mi vervek tak, mi kuta sahrang hmu lian chi, dawihzep bawk si, thatchhe tak a niin ka hria! A unaupa Chhura hian a mawi lohna hi thup sak lo se chuan tu’n engah mah an ngai lovang!
Report this comment
February 10th, 2011 at 12:00 pm
Report this comment
February 10th, 2011 at 12:42 pm
Hla chuan lung ava ti leng ve. A phuahtu hian a thiam ka ti khawp mai…
Report this comment
February 10th, 2011 at 1:43 pm
He hla hi YMA zaipawl in AIR Lungleia an sak ka ngaithla thin. Nalh kava han ti thin tak aw…..
Sawi tur ka ngah hle mai a. Phuahtu Chhuana hi ka hriat chhan chu-Pastor Challiana nu hi Chhuana nu(Pa erawh hrang). Dr Likira nen Dibrugarh ah LMP zir hmasa ber an ni.
Hla a phuah nual a chung te chu-Chhura leh Naa,Chhura rawngbawl,Chhura Lenrual leh Val Uangthlawna tih te hi.
Naupangte in a boral a ni awm a. Amah hi Pasaltha sakap thei a ni a. A thih ni pawh in Zotlang,Serkawn leh Zohnuai te chu a reh dup e an tih kha….
Report this comment
February 10th, 2011 at 1:52 pm
Ehauu..
Phungpuinu lem ziak rawh tih zawhna chu chhan a va har dawn ve. Tu emaw lem ziah mai chi
Report this comment
February 10th, 2011 at 4:51 pm
@Lemonvale : Sawnfang khi SawMfang tiin ka lo hre thin, i rawn ziah chhuah takah chuan, nal deuhvin ka chhiar thei … ka hriat tawh loh ka chhiar leh a, lung a tileng duh kher mai!
Report this comment
February 10th, 2011 at 4:54 pm
Carter-a kutchhuakho an ni lawm ni? Khatih lai kha renaissance vul hun lai berah ka ruat a, 1970’s chhova Lalsangzuali Sailo te contemporary kha a thawh hnihna a ni hialah kei mi mawl hian ka lo ngai ve top.
Report this comment
February 10th, 2011 at 5:01 pm
Ngatinge mihring hi kan mawng a kuak vek…???
Ans= Chhura’n mawngping zawng zawng an khaw nawt in a that vek…!!!!
Report this comment
February 10th, 2011 at 8:52 pm
Post tupa i hla rawn chhawpchhuah hi ka sa thiam ve hauh lo mai ….
A sangha vuak hla erawh tlem ka la hria a…
…. Hrai lengte lawm tur, leng ngha ka hawn lo,
Chhimthlipui iang thai lunglian engtin hrang maw…
…………..
Pi khup ngawi reng rawh, pi khup ngawi hle hle
Pi khup ngawi la tawk dangi a tlan ange…
Hem fung chawi thinlai vai chhura khan pi khup a khawng vung ul… tih vel ni ta in ka hria…. han sawi chiang deuh thei kan awm em???
Sangha a vua a, sangha a man si lova, utawk a man ta a, bel lian tawk ah a chhum a, a ei turin an khaw mipui a sawm vek mai a, an chhum lai chuan tui lo sa zel ah utawk chu a awm thei ta lova a lo per chhuak ta a, pitar te khup a a tum a, chu chu chhura hian thingfak in a hem ta a, utawk a per hman si pitarte khup a vung ul ni ngei tur a ni…
Good post….
Report this comment
February 11th, 2011 at 12:40 am
Ka zir ve chiangkuang khawp mai.khi lo pawh khi kan zir ka hrechaing tawh hlawm lo.
Chhura liam e sial lam tur.
Kawlkei sahrangin lo bel.
Chhura hrang e kamkei a bel.
Leng ui tin thuai rah ka changsial zawng i ei lawng ati
Ka hre kim ta leu
Report this comment
February 11th, 2011 at 12:46 am
Report this comment