Kum alo thar a, hmasawnna engemaw tal ka nei ve ngei tur a ni ti a ka in tintuah rauh rauh laiin, hei, hmasawn a hnekin ka haihawtna te pawhin min kian san ahnekin zual lam a pan mek zel chu anih hmel hi! Kum tin a ka hlut ve em em thin valentine’s Day pawh ka lo hre chang tawhlo tep a nih hi! A ni alo thlen hmain Valentin’s Day chibai inbuk nan aw.
Engtinnge ni khah?, Tracy Zorinsangi hlasak ah khan “Aw thinlai ruk a dam thei lo, Dy nunhlui dawn kir changin..” Aw a ni tak e, nunhlui ngaih leh lunglen hian duh tawk hun hi a nei thei dawnlo a ni awm mng e, kum atam tual tual a, nunhlui theihnghilh tumna nasa tak nena ka beih chiam pawhin a sawtlo, a thlawn mai an ni. Nunhlui neilo hringfa piang chhuak zingah hian an awmin ka ringlo, chung kan thatlai hun leh nunhlui mualliam hnute chuan kan vul lai hun min ngaih tir a, tahkhua a sei, a sei thlawn mai thin anih hi!
Valentine’s Day hi engatinge ka hriat reng fo thin a, ka hringnunah hian engvanga lian em em thin nge a nih le? Mite’n an hman dan leh valentine’s Day lo chhuah chhan lam erawh ka ngaihtuah lemlo a, ka hriat rengna chhan tur erawh tu min hrilh ngai hauhlo hian chiang takin ka vawng reng thin.
Kum tam tak chu a liam tawh a, kha hun pawh kha a liam tawh a ni tih theihnghilhlo mah ila, khami kum Valentine’s Day alo thlen hun kha ka nghakhlel em em a, a chhan pakhat chiah a awm, chu chu, he Website ah ngei ka rawn mualpho pui tawh ka High School kal laia ka Dy, ka bawih mampuii khan thinthawng dawt khawp a rang leh inringlawk hman leklo a hawilo par chu thliak a, Lungloh tui dawn a rihsang mual min liam santu ***Te-i’n Valentine’s Present min hlan dawn vang kha a ni.
Kha ni kha ka tan chuan ni nghahhlelhawm tak ni mahse, a hun leh ni a lo thlen meuh chuan ani chuan mual a lo liam tawh a, au mah ila, min hawi leh tawh silo. Thihna kut vawt chuan hneh takin a hruaibo tawh si a!
Khami kum khan, ka hlimna tam tak min thlen a, January thla chhung kha khawvela ka nun kawng hlimawm berte zingah tun thleng hian ka chhiar lo thei thin lo. January thla atang khan Valentines Day lo thleng tur kha kan urlawk dun tawh a, chumi ni a lo thlen hun chuan Present kan inhlan ang a, kan present inhlan tur chu, keiin a ngainat em em Hanky sen lar tak ka hlan ang, a ni chuan lehkhabu a zawnga ngaihnawm ka tih leh mi ta hawh a ka chhiar fo thin, The Count Of Monte Cristo bu chu min hlan dawn a ni.
Mahse, chung zeldinna leh kan duhthusam te chuan engtikah mah a tak ram thleng dawn tawhlo mahse, Hmangaih taka ***Te-i lo chawi liantu a Nu leh Pa te an la dam a, he niah hian ***Te-i hriatreng nan an hnenah Present ka hlan thin a, Kuminah hian ***Te-i ngainat em em Hanky senlar tak mai chu a Nu leh Pa te hnenah hian ka hlan dawn a ni. Chu chu ka hmangaih tana he khawvela ka tihsak theih awm chhun chu a ni tawh si a.
Khawvel hian hlimna leh lawmna nasa tak min pe thin mahse, chumi rual vek chuan chu kan hlimna leh lawmna ngei chuan lungngaihna leh tahna hmunah min hruai leh fo si thin.
I tello chuan hringnun hi a famkim thei lo a, hmalam pan tur tumna ka neih changte hian, ka ke chheh tin maiah hian nang i awm em tiin ka zawng zel thin che a sin. Mahse, ka tana Hmeichhia nih tling tak kawppui min petu Pathian hnenah lawmthu ka sawi e.
Valentine’s Day lothleng tur hi beidawnna leh lungngaihna thlentu niloin, i tan hlimna leh lawmna thlentu lo ni se tiin Valentine’s Day Chibai vek u le.
Similar Posts:
- Valentine’s Day special
- Kum hlui
- 2010 ni tla ka thlah liam ta…
- Ka vei reng thin che asin
- Happy Valentines day…@ol
February 14th, 2011 at 8:06 am
1 luangliam sup sup teh ang u!!
Ka “dy” tih lai tak hi ngeawmzia?
Report this comment
February 14th, 2011 at 8:10 am
V-day mahriakte a hmang tur te tan-
v-day hi poisa theh-ralna ni mai a chang zo ta..present, restaurant, couples party etc etc a ni top toh mai.Mahni a i hman khn Poisa engzat nge i save hrekiau rh.
nagmah chauh i mal lo. 60 million mihring vel mal taka hmag liam v mai2 an om.
hmang nuam inti vel ltk tur thriante chu kawm lo hrih mai roh. Hmuh leh an thu Ngaihthlak a ninom
chocolate lei la, nagmahin ei treuh roh. A tui dan a ngai reg, mi min present emo mahni a kn lei emo.
hla sentimental lam ngaithla lo la, rock music te poh a thra. For Bob Dylan songs, contact fonz.
buai nilen na tur i neih chuan a thra hlei2. e.g work, games, movies, books etc
just remember- vday hmang nuam apiag te hi hmangaihna par tlan tu ber te an ni miah lo ania.! 
duh.
”Every single day with U is my Valentine’s day” i la ti hnâp dn nia.
happy valentine’s day!
Post
Report this comment
February 14th, 2011 at 8:16 am
Happy valentine’s day @ol.
Report this comment
February 14th, 2011 at 8:16 am
Valentines Day hman nuam vek ule
Report this comment
February 14th, 2011 at 8:35 am
@Rempy, happy Valentine’s Day..
Report this comment
February 14th, 2011 at 8:40 am
@TS, same to yu. ^^,
Report this comment
February 14th, 2011 at 9:17 am
hanky sen lar…
Report this comment
February 14th, 2011 at 9:21 am
Eng day day emaw hi an hmuchhuak a, kan lawm phian zel bawk sia. Kan tlangval laite khn a benghawng lo chi kan ni nen Valentine’s Day hi an hmang thin tih pawh kan lo hre lem lova, hre lem lo khan nupui hial kan nei ve tho a, kan tan chuan khatih lai khan Everyday is Valentine’s Day a ni tawp mai.
Aizawl damdawi zuar ho tan chuan V-Day hi CS-Day (Contraceptive Sales Day) a ni an ti, a zo duak zel!!!
Report this comment
February 14th, 2011 at 9:24 am
Happy condom hralh tam ni…
Report this comment
February 14th, 2011 at 9:30 am
Caribou chu aw! Miten duhlai an kuah heuh heuh ni a condom lo zawrh ngawt mai chu. Discount tha fe i pe tal ang chu.
Report this comment
February 14th, 2011 at 9:30 am
luangliam tawk in leng daih ang….hee hee222
Report this comment
February 14th, 2011 at 9:35 am
Thisen pe la, nun chhanhim rawh.
Report this comment
February 14th, 2011 at 9:37 am
Vawiin chu rawng hnawih teh ang.
Report this comment
February 14th, 2011 at 9:40 am
Pasaltha ang raih in hnung dawl teh ang.. zanlam ah chauh che chhuak teh ang
Report this comment
February 14th, 2011 at 9:43 am
Hlutei?? Rintei?? Partei?? Ramtei??
Va tam thei vee..
Report this comment
February 14th, 2011 at 9:48 am
Report this comment
February 14th, 2011 at 9:50 am
@Pibuhdeng: ‘dy’ tih khi chu ‘dear’ tihna ni deuh ber ag cu. A spelling khi ka’n dah lerh deuh a ni e. Min hrethiam a niang chu.
Report this comment
February 14th, 2011 at 10:03 am
Keichu kumin V-day chu tisa leh thlarau lamah a thawk na vaklo tlat. Hmanpui tur omloh vang pohg ni mahna.. work daih ang
Report this comment
February 14th, 2011 at 10:09 am
Chhiar hmasa lo in ka comment ve ngota… kan chhiar chiang chu ngaihnawm hle mai,khawnagihthlak om khawp mai.Rilru va ti kal thui ve…
Report this comment
February 14th, 2011 at 10:31 am
Report this comment
February 14th, 2011 at 10:50 am
A hun lai chuan a nuam ve mai mai!
Report this comment
February 14th, 2011 at 10:51 am
@Rempy_scissor,nice one
Happy Valentine’s day to you all. 
Report this comment
February 14th, 2011 at 11:02 am
A va ngaihnawm ve le aw. I tan chuan valentines day chu a lo pawimawh dawn em anih khi. He ni a rawn thlen apiang hian i rilru ah a rawn thar leh zel dawn anih hi. A chhungte hnena thilpek i hlan chat chat thin hian amah i hmangaih zia a tar lang chiang khawp mai. Amah i hmangaihna chu ni leh thla te’n an tibuai lova, thlasik leh thal ten an chawk reh zo hek lo. Dam chhung hun daih zo lo hmangaihna a tam vei nen, nanga hmangaihna erawh chu thihh hnu, thlan piah lam thlengin a la nung reng anih hi. Hei hi a ni lawm ni hmangaihna dik tak chu.
Report this comment
February 14th, 2011 at 11:30 am
10% of America’s electricity is generated from the fission energy of old Soviet nuclear warheads….Go nuclear ..happy everyday!
Report this comment
February 14th, 2011 at 1:37 pm
Village Boy tan chuan thinlung ramah a lut thei tak tak lo e. YMA Day,TKP Ramthim Ni tih vel a ni…. Anthur par leh Bawrsaiabe par tih vel leh Zupawl vel in ka suihlung a len zawk e……
Nautena ngaithla tura min tih hi lo dah ve ange. Rempyte,Asteric-ate, Fugutivete, Beethugs,Codartzte, Buhchangrumate,Rascalate leh Zualbona te khan lo en ru in net a chak ka ring….
https://www.youtube.com/watch?v=-nSyXhUFbDQ
Report this comment
February 14th, 2011 at 1:44 pm
Valentine day.. Chirldren day..!! Huhu
Report this comment
February 14th, 2011 at 2:05 pm
Vawiin chu ka lung a van leng chiai chiai ve aw…Ka tleirawllai V-Day cards ka dawn ho te ka haichhuak vel
Save the Last Dance for me..Emmylou Harris
Pledging My love..Emmylou Harris
The Moon,the Stars and me…Dolly Parton
Love me like you use to..Tanya Tucker
Always on my mind…Willie Nelson..
Ngaithla tlut tlut mai teh ang.
“Hmangaih in bat karah Hmelma an leng, mahse thuam ang do dun ila-rel leh than chu,nemte’n ka tuar ve ang. Kan Hellai Lalhniang, i zun ngaih”
Tihte pawh a lang chhuai chhaui tho mai.
“Mahriakte’n ar-ang ka vai e Parte.
Min hnemtu Leng reng ka tawng si lo.
Khuarei kumsulvei mah te’n ka nghak.
Engtikah Darang tawng leh ang i maw”
Report this comment
February 14th, 2011 at 2:51 pm
@mate ainawn:
*Save the Last Dance for me
Pledging My love* te khi ka duh tak hlate an ni ve e. Tunah pawh hei hnathawh pahin ka ngaithla mek a nih hi. A mawi dun chiang a nia.
Report this comment
February 14th, 2011 at 4:07 pm
V-day a mobile phone ka leisak kha kava in chhir tak e awww.. a kum kum leh vel ah va laksak leh ka tum a alo phal tawh bik silo a tih vak ngaihna a awmlo khawp mai
Report this comment
February 14th, 2011 at 4:19 pm
badboy chu va ti uiawm ve..kei chu ka phal lo reng reng..20 man vel tawk chiah..:D
Report this comment
February 14th, 2011 at 4:31 pm
@El: a buaithlak khawp mai ata kha alo ni ve tawh miau sia
Report this comment
February 14th, 2011 at 5:37 pm
Valentine’s day hi chu ka va chhawr lo ve chiang. A chhawr lo ber te zinga mi ka ni ngei ang… nge, ka ngaih hoh luat vang zawk?
Report this comment