Mi tamtak hian changkanna hi hun kal zelin a rawn ken tel mai tur, thil awmsa (vanram ang deuh), va thlen theih mai turah kan ngai niin a lang. Mahse, hei hi chu ngaihdan dik lo a ni. Ka sawifiah thiam dan chu ‘kan hmalam chu tun hi a ni’ tih hi a ni. Tun dinhmun a min dahtu chu keimahni hi kan ni. Tichuan, tuna Mizoram dinhmun hi ka thlirna atang chuan a thim a, a thim khawp mai! Hawina lam a piang a pik a, dikna leh rinawmna te a tlawm a, engvang a hetiang dinhmun a ding ta kan nih? enge kan tlakchham? enge kan siam that tur? tihte hian rilru a luah reng mai.
Kan naupanlai a kan zir thin, Holland naupang huaisen Han-a chanchin kha kan hre theuh awm e, naupangte rilru hnehna tura an thawnthu siam chawp ani. A zirtir chu huaisenna leh ram hmangaihna a ni. He thawnthu ziah a nih a tanga kum tamtak a liam hnuah hian keini Mizote hian a pui a pang, a lian ate in he thawnthu hi kan zir nawn leh tur a nih hmel khawp mai.
Keini Mizote hian kan naupangte thinlungah ram hmangaihna rilru hi kan tuh thar tur ani. Kan ram, Mizoram hmangaihna zia hi kan nunah a bet tlat tur a ni. Chhungkua leh zirna in atanga a bul kan that leh a tul. Mizoram in buaina tam tak a tawn mekte leh a la tawn turte hi ram hmangaihna thinlung nen chauh a kan hneh theih te an ni si. Mitin in ‘hei hi ti ila, ka ram tan hian a pawi angem?’ tihte hi mahni leh mahni kan in zawt fo tur a ni.
Mizoram hi ka ta a ni tih hi kan hriatchian thar lehzual a a tul takzet a ni, tatu na thinlung hi ram hmangaihna in tanna tur bul chu ani.
Mizote zia a thil pawi tak pakhat chu dan palzut pawisakna kan nei lo hi a ni. Sawrkar dan zahna chang kan hre tawk lo a, a palzut theih chuan kan palzut mai thin. Thil tha zawk tih duh niawm takte hian dan hi kan kal khum fo bawk thin, kan in enlet a hun tak zet a ni. Mipuite hian a pawnga takin ram hmangaih zia hi kan lantir thei kher lo pawh a ni ang, mahse, sawrkar dan leh khawtlang dan zawm hi ram hmangaihna zia a lan chhuahna ber tur a ni.
Kan ram thatna tur kan duh takzet a nih ngai chuan mipuite hian a lian emaw, a te emaw kan dan neihte hi kan zawm tur ani a, tin, dan siamtute pawh in an dan siamte an zah tur ani ang.
*hetiang deuh comment tlem chi ka post tawh a, kan ti nawn leh anih hi.. 
Similar Posts:
- Hmangaihna!
- Elevated Road kan siam ang maw?
- HMANGAIHNA::Duh duh sawi theih
- Mizoram Sawrkar website ho hi a ho e!
- Hmangaihna
February 14th, 2011 at 10:02 am
ehemzz
Report this comment
February 14th, 2011 at 10:15 am
Hei lo ramdang ka nei lo, enge ka ram tan hian ka contribution ka neih ve theih ang?
Report this comment
February 14th, 2011 at 10:23 am
Valentine’s day ah ram hmangaihna lam mo?
Nyway, good post.
Report this comment
February 14th, 2011 at 10:39 am
Hmangaihna hian thu leh hla a va piantir hnem tehlul em!
Report this comment
February 14th, 2011 at 10:56 am
Kan ngaihsam lutuk leh mawl derna(mi mawl chapo ar e.g ‘Kei ni chu engmah kan ni lova, kan mawl em a. engmah pawh kan hre lo”)ang chi vang hian dan tam tak hi chu kan palzut thin ni ber hian ka hre thi.Kan hriat reng thil pawh kan hrelo der tlat zel.
Kan ram chungchang kan sawikhawm reng reng hian kan va han hmu thim thin em, tu te mai pawh hian, Nang leh kei lo chu midang erawh an awm si lo.
Report this comment
February 14th, 2011 at 11:24 am
kan banner chu van mawi ve
Report this comment
February 14th, 2011 at 11:27 am
Aw, hmangaihna a va mak em!
Tih chu ka hla ni se la …
Report this comment
February 14th, 2011 at 11:45 am
Aw hmangaihna!! ka sawithiam lo na a ka ngawi thei lo….
Khing zingah khian a ropui ber chu Hmangaihna khi a ni.
Report this comment
February 14th, 2011 at 11:57 am
Banner a mawi mang e aw..
News: February ni 1-a ‘Zika’ thata a sa eitute kha man niin jail-ah dah an ni a, an chungchang hi court-ah February ni 22-ah ngaihtuah a ni ang.
Report this comment
February 14th, 2011 at 12:13 pm
R
am leh hnam hmangaih thu hi midang tan kan sawi fo a, mahni tana kan sawi hunah hma kan sawn ang. A sawitu pawhin A theih hram chuan mahni ram thau sawk then an duh fo bawk si hi a hahthlakin a zahthlak a ti takzet
Report this comment
February 14th, 2011 at 1:09 pm
Valentine’s day pual emaw tia
Report this comment
February 14th, 2011 at 2:18 pm
a tha hle mai…
Report this comment
February 14th, 2011 at 2:22 pm
Report this comment
February 14th, 2011 at 2:30 pm
A thupui chu ngaihzawng lam ani dawn maw ka tia.
Post tha tak anih hi a.
Report this comment
February 14th, 2011 at 3:45 pm
Ka V-day rilru ahih hi..pa rem rem!!
Report this comment
February 14th, 2011 at 4:18 pm
lrpa chu ziak tha kher mai. Hmangaihna ril lutuk mai, thu leh hla mawi takin i rawn thluai thlum vel dawn emaw ka tia. Ram hmangaihna lam pangah i rawn thluk daih si a, min bum let tawp ani ka ti lo thei lo.
Happy Valentines Day, lrp.
Report this comment
February 14th, 2011 at 11:44 pm
Holland naupang huaisen Han-a i tih chu, an khua flood laka chhanhim nan a kuta dam ( as in cauvary dam) tui put va hupbet tihvel kha ni em?
>”Kan ram thatna tur kan duh takzet a nih ngai chuan mipuite hian a lian emaw, a te emaw kan dan neihte hi kan zawm tur ani a, tin, dan siamtute pawh in an dan siamte an zah tur ani ang.”
I sawi dik lutuk. Kan ngaihtuahna leh kan action min phuar a min control tu pakhat, lei dan kan zah loh hi chuan thil a kal dik tak² thei lo. Tin, kan zah tur chuan a top level lamin an zir viau a ngai tlat bawk. Tunah hi chuan vicious circle duhawmlo zetah kan tang tlat. Sad, but true
Report this comment
February 15th, 2011 at 1:02 am
Thanks ..Caribou!
Million thanks to all!
BMW nia..Hana ti khan kan zir a, an lo ti Petera ta emaw ni!! a in ang vek e..
Engpawhnise, kan ram hi thanglai..system mumal lo ani a, hmangaih leh zual angai a, kawngbo theihna tam tak, chatuana chawrchhuah loh theihna kawngte pawh a awm ang! Ram changkang tawh, lo fing hmasate pawh hi an famkim bik lo, mahse kan ram hi chu ‘teenage stage’ anih avangin kan fimkhur nasat leh zual angai ngawih ngawih a, roreltu te pawn hmangaih leh duat tak leh thil thlir thui tak a ro an rel angai ani. Mipui te pawn kan Christianna ringawt a thil thlir lo a, kan tu leh fate ram tur hi a thatna tur in fimkhur tak a kan kal angai tho bawk. !
Report this comment
February 15th, 2011 at 8:55 pm
tha fu mai……
Report this comment