Mizote hian kawng tam takin hma kan sawn nasa tawh hle a. Khawpuiah chuan In leh lo tha, concrete building a khir eih uaih tawh a. Handset changkang tak tak kan hum chhuak far hlawm a, Car thar nalh tak takin khawlai kan lenga, incheina nise kan nalh na ngiang mai. Kan ei in lah a tui narawh. Faisa ringin kan pipute’n pialral an lo duhthusam thinah kan cheng a ni ta ber e. Hriselna pawh kan ngaipawimawh tanin, faina kawngah pawh hma kan sawn viau. Zuk leh hmuam ti mi tan pawh hmun a chep tan ta hle. Chutih laiin ti daih teh ang, khawhar ina tui kan sem dan hi ngaihtuah ngun a ngai khawp mai.
Tum khat chu Aizawl veng pakhatah khawhar inah ka kal ve a. Tui um(bottle) bulah chuan tui no an dah a. Tui no pakhat chauh chu mi engngemaw zatin kan intawm luih luih a. Veng dang pakhata ka kalnaah erawh chuan tui um chhin kha no-ah a hman nghal mai theih a. Tui no tlanga chiah purh chungin an in deuh vek a. Ka han in ve dawna, no tlanga hmui chiah lovin ka kaah ka chhung lut a. Ka bula thu ka thianpa chuan, ”Vai style em mai a” a rawn ti zauh a.
No pakhat chauh kan intawm avangin hmui chiah ka duh ve loh thuin ka chhang a. Hla hnih khat kan sak leh hnu chuan kan hmaa thu nula in hnawih sen ve tak hian, a chhawl deuh a niang tui chu hmui chiah purh chungin a in a ve leh khawlh khawlh a. A bula thu tlangval chu a duh ve leh ve loh inti hawihawm takin a zawt a. Tlangvala pawh chuan no ngai bawk hmang chuan a in ve leh mai a.
Awle, khawhar ina tui kan sem dan hi a in ang vek kher lo mai thei. A then chuan tui in hun bik ruatin thingpui semna tray in an sem mai a. A in zo te’n an inna no khup thakin tray-ah an dah leh mai thin. A then erawh chuan tui um te deuh leklam awlsam tak, no ngai lova in mai theih an chhawp a. A then erawh chuan, kan sawi tak ang khian no pakhat inhman tawmin an chhawp mai thin a. No pakhat kan inhman tawm luih luih hi ngaihtuah ngun a ngai.
Tunlai chhanah chuan natna chi hrang hrang inkaichhawn awlsam a tam ta hle a. Kuhva leh sahdah kan hmuam a, hmui leh kam pilh an awm nual. No pakhat tlang kan infawh tawm luai luai hi chu a hrisel lovin a tuitang lova, a changkang lo hle a ni. Tin, thenkhat phei chu kuhva eitawp ve tak tak te an ni a, kuhva nawi no tlanga kai tawk a awm thei, tin, nula hnawihsen pawh a kai luai thei bawk. Chu chu a dawta in leh tu tan tenawm tak a ni.
Chuvangin, no pakhat chauh inhman tawm ai chuan no tam zawk khawharina kal te chankim theih tur thingpui tray-a sem mai kha a thianghlim hmel zawk a. A nih loh vek pawn tui bottle, no ngai kher lova in mai theih khaisam ngaihtuah a tha khawp mai. Hei hi a rem chang lo a nih pawn kan tui in dan hi inzirtir a tha. No in hman tawm a nih chuan a tlanga hmui chiah loh kan inzirtir a ngai a ni. Khawhar in mai ni lo puipunna leh Biak in kawtah te pawh tui kan chhawp fo thin a. No kan indaih kher lo mai thei. Ama’rawhchu, kan in danah kan inzirtir a ngai a, no tlanga hmui chiah lova kan inthiam a tha khawp mai. Kan tui sem thin erawh a thianghlim turah ngai phawt ang.
Similar Posts:
- Ka chhung rimchhe tih reh nan “Kuhva” a tha tih fo mai hi
- Thin Client Technology
- Septic Tank siam dan ?
- Kuhva
- Eiin siam dan awlsam leh siam dan thenkhat
February 15th, 2011 at 7:07 am
Kan vengah chuan tray-in kan sem a, an in zawh veleh tray ah tho khan an inna no ruak chu a khaikhupin an dah leh mai. Kum 10 dawn lai kan lo practice tawh. A tha kan ti hle. Mahse, englai pawha tuihal thei mi pawh kan lo awm ve zel a, chutiang tan chuan i sawi ang khian a chhawp loh theih loh.
Report this comment
February 15th, 2011 at 7:13 am
When in Rome, do as Biharis do
Report this comment
February 15th, 2011 at 7:16 am
vai tui in, vanvadak a ka a chhun luh hi
Report this comment
February 15th, 2011 at 7:36 am
ni e, kan tihdan phung hi chu thlak angai khop mai. Mahse kei chu i brought my own water-bottle when going at these places. Coca cola bottle te emaw 500Ml pet bottles ang hi a tawk lek. A uihawm chuang lova, in zawh hunah kan paih maia.
Mahni tui ngei, mahni in atanga inken tluka ngaihngam ka nei chuanglo. Who knows the water they are serving was thianghlim enough, khawilai barrel emaw tanky atanga an herhchhuah pawh ani thei a, one thing for sure, filter tui chu an sem senglo phawt a, chuvangin mahni inkhawp chu ken mai tur.
Report this comment
February 15th, 2011 at 8:00 am
Post tupa, a ni ngawt mai, kei chu ka duhloh zawng a ni a, In ah pawh hian Thingpui in na No bik ka nei a, kan In a lo lenglut thang hi chuan an hre mai..Khawhar Inah pawh a theih hram chhung chu engmah ka eiin ka in ngailo, tui pawh ka pai mai thin..Ka ten zawng a ni ve tlat. Ka tan bon top che.
Report this comment
February 15th, 2011 at 8:07 am
Kulikawnah chuan kum 10 liam ta pawh khan Thingpui no (YMA no)ah tui chu thli sa in, chu2 tray in emaw kan sem mai thin. Sem hun lova tui in duh chuan thingpui lumna lamah emaw, an hunna hmunah no an tlar that atang chuan an no hman tur an la a, an in zawhin hman tawh dah hran naah an dah mai thin khan ka hria a ni.
Puipun ni a, no intawm kan lo la ching fo anih chuan sim tlakah ka ngai e.
Report this comment
February 15th, 2011 at 8:22 am
A ni ngawt mai. Kuhva ei hmui te, lipstick hnawih hmui te leh natna eng eng emaw nei leh neilo hmui te tana no intawm chu kalsan atan a tha hle mai.
Report this comment
February 15th, 2011 at 8:39 am
Admin te u Valentine day a zo ta e. . . A chung sen thlak a hun.
Nie, fatu kut an ten ngai love ti chunga kut a hai bawrh bawrh kha kan bansan tawh a, fatu tepawn kutkawr bun duhtawk mai lovin lu te hial an fun ta far mai. Hmanlai a kan tihdan te thlak a hun ta e tiraw.
Report this comment
February 15th, 2011 at 8:55 am
I han ziah takah chuan, a lo tenawm em a nih hi mawle..
Report this comment
February 15th, 2011 at 9:02 am
bialnu te tuiinna hnu ngei, an hmui thla la lang kalh ngei han hmuan hnan zaih hi ngaih a tha duh… cigarattes a an hmui hnu lang kalh han hmuam hnan nen hian…
Report this comment
February 15th, 2011 at 9:22 am
Evergreen, i ti tha e! tui hi mahni a inpai tluk hi a awmin ka hre lo! mahni inah duh tui takin filter ngat lo chu tiin filter tui kan ina, puipunna ah, min rawn chhawp ang ang , filter pawh ni hlei lo, kan in leh tho chuan, ina filter kher kan tih khan enge awmzia a neih ang? ka ti deuh thin!
Report this comment
February 15th, 2011 at 9:47 am
A reng reng thuah khawhar in, lumen zan tih ni lem lo ah te hi chuan tuiin hi a hal hman tak tak lem lo. Hemi chhung na na na hi chuan tuihal dangcharin kan awm hman lem lou. Awm khawm a nih avanga tui sem/chhawp ziah kher hi ngai pawh ka ti hran lem love a.
Report this comment
February 15th, 2011 at 9:51 am
A lo ni awm tak e a, ka lo chik lem lo a, mahse asem hi a buaithlak ve thrn tho mai..No tam tham takah chuan bal fe fe pawh alo awm thrn,
eng awm thra lo a thlit chang a tam thrn bwk a, milian deuh te inah phei chuan khawhar in an khat thei si a..Sem pawh hi buaithlak ve tho mai, tihbuakpalh te pawh hlauawm ve riau, k la sem ve leh zauh thrn nia…!
Report this comment
February 15th, 2011 at 9:53 am
Post tupa i post tha hle mai.
“Vai style em mai a”. Zo emaw, vai emaw, sap emaw, Jarawas emaw style pawh lo ni sela, thil tha leh tih awm chi chu entawn mai hi a tha viau reng a ni.
…khrum
Report this comment
February 15th, 2011 at 9:53 am
Eeeee k’u evergreen i hre thiamlo ani. Lo star ruk ve em em te inna hnu a han in ve chu nuam deuh mai ania o.
Tak tak a, nia heihi keipawh hian ka ten deuh thin a, mahse tihthan alo nih hi chuan kan no hi kanlo ban veleh mai bawk thin a. veikhawr leh dingkhawr in loh la lai a beng awmna opposite chiah ah hian in theuh ka ching, a thianghlim lai ber phei chu a ni kher chuang law..
Report this comment
February 15th, 2011 at 9:58 am
Tray in an rawn chawi ah, kan lak tur no tak mai chhunga tui khan inchunga an tube light vuah alo reflect chiah mai ah. an lo tle niar niar hi chu aaaa. In hi ava han chakawm loh thin tak, Thim hnuaia thu te chuan an lem zo vek dawn tho sia.
Report this comment
February 15th, 2011 at 10:00 am
Tray in an rawn chawi ah, kan lak tur no tak mai chhunga tui khan inchunga an tube light vuah alo reflect chiah mai ah. an lo tle niar niar hi chu aaaa. In hi ava han chakawm loh thin tak, Thim hnuaia thu te chuan an lem zo vek dawn tho sia.
Report this comment
February 15th, 2011 at 10:12 am
X_MAN_19#4 comment ang khian bottle tea mahnia inken mai khi a fuh viau dawn anih khi. Hmui chuktuaha in intawm vek mai hi, tunlai khawvelah a fuh ber tawh lo.
Report this comment
February 15th, 2011 at 10:32 am
dik chiah ani. Bottle te-a mahni intawk inken nachang hriat tur.
Hmanni chu thingtlang lamah ni 2 awh conference hmangin kan kal ve a. Kan Hruaitute chuan mikhual an tam dawna, thlen Inte tana phurrit kan nihlohna turin chawhmeh hmingkhat theuh ken tur antia. a tihchi khawp mai.
Kan thlenna ah hian mi 10 min daha, kan thilken theuh kan phawrh chu Dal Kg1, Chini Kg1, Aloo Kg3, Tel bottle 1,Sanga Tin 4 leh Arsa Tin2 ania. Thlen inte an lawm ve hle.
Report this comment
February 15th, 2011 at 11:24 am
Ka sawi tum ran ran kushaia #10 khian lo sawi daih ka sawi ve tawh lo mai ang
Report this comment
February 15th, 2011 at 11:27 am
X_MAN_19 sawi ang mahni a tui inpai chu a thianghlim khawp ang,mahse MAN lo awm mange
nula han thutpui ve zan ila, ipte han zen rak rak ila tui bottle te phawrh ila han in khalh mai ila engtin nge min ngaih ang aw te ka lo ti mai mai he he
Report this comment
February 15th, 2011 at 11:27 am
Keipoh i tui in dan chu lo hmu ve ila chuan “A van vai style e” ka ti ve ngei2 ang.Vai style anih vang nge ka ti ve duh miahlo..:-D
Mahse Post hrim chu thra hle mai.Kan vengah chuan tihian kan ti ve ngailo.Tray in an lo sem mai a..sem loh lai in duh chuan thingpui lumna lam kan pan ve mai Pu Vangchhia te veng ang tho in. I sawi ang khian kan vengah ti ve ngat ila chuan Vai style poh ka la ve mahna!!! Tenom reuh tlat apa leh apa indirect in kan in chuks ani ringawt alom!
Report this comment
February 15th, 2011 at 12:03 pm
Mr Xman a style hi a tha khawp mai.Vantlang thil anih avanga awlsam taka tih ching te kan la tam si a.
Helamah pawh tui mahni in tur in pai an uar khawp mai.
Khawilai hmunah pawh tui in tlak an dah fer fur disposeale cups te an chhawp thin.
Report this comment
February 15th, 2011 at 5:28 pm
tunlai chhanah a hygiene mawlh lo.
1.Office tui ka in duh lo.Peon ten bathroom a brite bucketa tui awmsa te filterah thun an ching
2.Khawhar in tui ka in duh lo.Mi zawng zawngin no pakhat an in hman tawm vangin
3.Mizo hotelah chaw ka ei ngai mang lo.Kan hma a mi te ei bang min chhawp an chin avangin
4.Mizo te kan changkang lo.Showroom thil, to ber ber in bel mah ila, ei leh in ah kan la hniam hle.
5.Tui hi chu bottle ah ka pai mai. Bottle ruak ka paih mai chang a awm.Hawn a rem chuan ka hawn thin tho bok.
Report this comment
February 15th, 2011 at 5:43 pm
Lalbugerstud
Report this comment
February 15th, 2011 at 5:46 pm
tui botol a pai chuan bul ami ten “khawmaw ka lo in ve” an ti duh.
Report this comment
February 15th, 2011 at 6:33 pm
restaurant vela no pakhat chiah an dah thin te pawh hi o…a dang ka dil tawp zel,a fai a hran theuh zel a chawl a piang te lo provide zel se ka ti ngawt mai
Report this comment
February 15th, 2011 at 10:55 pm
In va lo thianghlim tawh hlawm ve aw… A lawmawm e, zir tur kan neih belh zel a.
Report this comment
February 19th, 2011 at 6:32 am
Lersia, lols @ 26.
Report this comment
February 19th, 2011 at 6:39 am
triplestar at 21: mahni tui intur pai chu ‘MAN’ lohna a i ngai nih chuan personal hygiene ah i hniam hle ka ring.. Tui kha ahluh kher poh angai lova, pangngai taka khailuh mai tur ani.
Report this comment
February 19th, 2011 at 6:42 am
Burgerstud2005 a comment No.24 khi. I chimlim leh lutuk palh ang oooo, ka lo ti deuh mai mai a.
Report this comment