Engpawh nise, “Ni tlata ka inhriatna” ka rawn auchhuahpui ve leh tawp mai dawn a. In ngaihdan chu komen na lamah ka lo chang dawn a ni. Ni liam ta mai a khawvelin a rawn herchhuahpui, Valentines’ Day boruakah khan, ka Lung a leng em em mai a. Ka suangtuahna ram chuan hun leh hmun hlui leh, ka tun hun hman mekte fang kualin, Rilru leh thinlung vakvaiin ka hawi ka hawi mai a.
Chu ka suangtuahna rama ka vahvaihna te chu mite angin han sawithiam ve ila, a va ngaihnawm dawn em, ti a ka inngaituah laiin, “Ka rawn fang leh hmana kan tuanna tlang’ tih hla..Lalzova(L) phuah khan, ka thinlung ram hi a sawifiah riau in ka hria a. Mite angin Mizo tawng ah ril tak ni ve lo mah ila, ka thiam ang angin ka han hrilhfiah ve ang e. He hla Lungkuai tak phuahtu hi,”Hmana an sawi Lalzova, suihlungleng hian a fam an ti, kei ang em hian a leng bikin ka ringlo, Thlafam dairial ka chang hial awm e,” ti a, mi lungleng takin, a lunglenna ril tak haichhuahnana a lo phuah chhan kha a ni.
1.. Ka rawn fang leh hmana kan tuanna tlang,
Tuahpui leh Vau an vul leh ta,
Kan sulihnu khuarei an chang zo ta
Hring leh thar hnahnem te’n lo bawm.
= Tunhma a kan lenkual thinna hmun te ka rawn fang leh a.Fartuah leh Vaube te chu an lo parvul leh chik chek a,Thing leh hnim hringte’n lo bawn in, kan sulhnute chu hunrei tak,liam tawh an lo ni der mai si a
Chorus :
Tawnmang em ni, lunglem ka nei lo,
Ka hawi vela ka tawng si lo;
Zunleng erawh a cham tanglaiah,
Luahloh Lungdi nghilhni i awmlo.
= Mumang a lo ni zawk emni aw, ngaihtuahna mumal pawh ka neithei lo ve, Ka’n hawikual vel pawhin,hmuh tur reng reng a awm si lo.Mahse, ka ngaihzawn ngawih ngawihna leh ka hriatrengna chuan min chenchilh tlat bawk si. Nupui/ pasal a ka neih ni si lo, theihnghilh Ni reng reng ka nei ngailo che a ni.
2..Hmanah chuanin a bahsam thla mawiah,
Kan thliah thing Senhri par a tawn;
Tunah erawh vul leh sang thing lerh,
Thliahlohte,n par vul tang an ti.
= Hmanah chuan Senhri par (Nauban chikhat) kan thliak a, a sam sei hniang ah chuan kan thiat a.Chu senhri par chu a sam a in thiat tawh lovin,tunah chuan Thingler sang tak ah chuan a par ta si a.
A hla thu hi changli a ni a, a thunawn leh chang hnih chauh hi duhtawk mai teh ang, tun tuma luanliampui atan chuan. Kan Mizo hla hlui leh Sap hla te ka ngaithla a.Mi fa te hian an thinlung hi an phawrh thiam ka tiin, kha hun ah khan ka Lunglen em avangin, Misual ho zingah hian Lunglenah ka champion ka inring deuh a nih hi. Han hrilhfiahin han sawi zau ve teh u.
Similar Posts:
- Senhri – State Flower of Mizoram
- Lunglen
- Ka Di Ka Parmawite
- Youth idol kal chho mek zel
- “Lianchhiar” Ka Demlo Che
Hairehai 
chhiar chhuak..
February 17th, 2011 at 8:28 pm
Mate Ainawn hi hnem thiam an awm ngei ngei ka ring tlat! Hei post dangah in tui tluk tluk hlawm lutuk a, ka zepth phah zo vek!!
I lungleng lo dam mawlh rawh se ti phawt mai teh ang!
Report this comment
February 17th, 2011 at 8:29 pm
H ehla hi kei pawh ka duh thei teh mai a nia aw… kan luan liamna a inang a nih hi.
Report this comment
February 17th, 2011 at 8:32 pm
Hey…Mamboih..ka vel dawn che..
Report this comment
February 17th, 2011 at 8:42 pm
Pi mate, “mite angin sawi thiam lo mah ila… Mite angin mizo tawngah ril ve lo mah ila…” tih vel khi a va tul lo tak! Nang tluka thupui laimu sawi thiam leh, nang tluka zo tawng chhep fuh an awm ngai lo!
Dan pangaiin a ngaihnawm lehpek mange!
Report this comment
February 17th, 2011 at 8:43 pm
Velh ngai lovin i thu ziak hian min vel tap pur tawh!!
Mate Ainawn hi han hnem teh u!!
Report this comment
February 17th, 2011 at 8:47 pm
luangliam em em dot com
Lunglen hi a nawmna chen a awm asin 
Report this comment
February 17th, 2011 at 8:49 pm
Mate Ainawn hi ka hnem e, “Mate Ainawn bang bang, enge i duh ka leisak ang che”
Report this comment
February 17th, 2011 at 8:54 pm
@ LAlkawlhawk..
tun week-end chu ZG leh AS-K lo be teh..nang pawh nizanah BCa i contact No. ka dil a,Ka duh hun hunah ka hau hrep thei tawh che u a nia aw. 
.komen na a inhauh aiin a free in ka hau dawn che u tihna a nih chu. 
.Ralte kha, a nick hma leh hnunga a tih kikawi vel kha ka type thiam lo a, 
a lokal loh chuan…ka vawrhvir ang..hehehe
Report this comment
February 17th, 2011 at 8:58 pm
Mate Ainawn lungleng hi a rum zo vek tawh!! A hmun a mi in an hnem zawh loh chuan kar hla lam atang te in tan han la teh u!!
Report this comment
February 17th, 2011 at 9:06 pm
@ Mamboih …’Kar hladi zun a uai chu, tawrh thiam a har kei ka tan,Dar ang tawn leh ni nghakin, zan mu reng ka chhing theilo
” tih kha ka rawn fly sak leh mai tur che nia auh…hihihi
Report this comment
February 17th, 2011 at 9:16 pm
#10 ahems weinch hairehai dot com sha la la la
Report this comment
February 17th, 2011 at 9:20 pm
ehemmms… va lung leng awm ve awwwwww… Naktuk thla bial zan…
Report this comment
February 17th, 2011 at 9:24 pm
Zalam lian tluang phei aw a thui vawng vawng
Thaikawi biahthu hlan nan chuan in e..
Khuarei turnipui lenkawl a liam pui leh thin
Kar a hla Di bawihte, aw ka lung a leng vawng vawng
Mate Ainawn, hei hi ka thlan sak a che!
Report this comment
February 17th, 2011 at 9:44 pm
@ 7 triplestar…aih leisak ka duhlo..mmmmhh..a fual awm tei tui em mai
Report this comment
February 17th, 2011 at 10:15 pm
Lunglenah chauh lo pawh, a hrilhfiahah pawh i Champion e
Naktuk thla bial zanah lo chhuak ve chiah se dik tur ania 
Report this comment
February 17th, 2011 at 10:27 pm
@ 12 Pu Shaiii..naktuk thla bial zan aaa!! naktu zan a ni lo maw..?????? In subject duhzawng a nih hi chuan in chi-ai thin hi alawm buaithlak..
Present tha deuh i phu e.
Report this comment
February 17th, 2011 at 10:34 pm
@ 15 CB..award min lo pe la
Report this comment
February 17th, 2011 at 10:36 pm
Khai aw! Mate…..lunglenna hian thu leh hla tha tak tak a hring chhuak thin tih i rawn nemnghet e. Nang zawng i nuna i tawn ngei i rawn phawrh chhuah thin avang hian a thawh dan a danglam zar zel a nih hi.
Lunglen hi a nuam e!!!!
Report this comment
February 17th, 2011 at 10:37 pm
Lalzova hla te hi han chhui han chhui hian, amah Lalzova kha rethei zawk zawk an ni lova, nula pawh tha tak tak a hmuh a rinawm, mahse amah leh amah a indah “riang” tlat zel. A lung a leng thei em em bawk. Khang hunlai khan hla thu un tak tak an uar hle a, Lalzova erawh kha chuan hlathu tluangtlam tha tak, lung kuai tak tak si, music nena inchawih tha tak sia phuah a thiam hle. A hlathu te a ril lutuk lo na a, tun thlenga sak la nuam em em a tam mai. “Mitthlain ka hmu che Ngaihzuali” tih te pawh hi sak a la nuam khawp mai.
“Aw min hrilh rawh i dawn lungruk,
Tumtawk leng hel khua ka tlai hma hian,
Hmanhmawh la, aw a riang tawn ah” tih te pawh hi la nalh tak a ni.
Lalzova hi a thihna rei hle tawh mahse, a hla te hi an la chul tak tak theilo chu anih hi.
Report this comment
February 17th, 2011 at 10:42 pm
“Aw..Tawnmangmawlah pawh,
Suihlung ka rualpui si lo.
Thaval dangnen nui hiau a lengin,
Parte ka tawng thin che.
Aw chhawrthlaeng hnuaiah,
Mahte’n duhthu ka sam a.
Luahloh turdi mah ni la Parte,
Ngaihlai ka bang lawng che.
tih hi LALKawlhawka tan ka thlang e.
Report this comment
February 17th, 2011 at 10:46 pm
@ carri & muante ..kha u le..lo in ru coffee
Report this comment
February 17th, 2011 at 10:54 pm
@ 19 carri.. a nia sin..Sap hla tha tak tak ai pawh hian,Lalzova, Zirsangzela, Lallianmawia Pachuau,Pi Lalsangzuali Sailo etc.te ho hla phuah tamtak hi chuan Lairil a fan ngaih zawk hian ka hre thin.
Report this comment
February 17th, 2011 at 10:56 pm
Zanin chu ka va lung leng tep ve… Mahse hotunu bulah ka awm a, lunglen sawi thei ka ni lo e…
Report this comment
February 17th, 2011 at 10:58 pm
Ka lawm e, Ainawn.
“Aw hun i pamhmai lua e,
Enga’n phengphe khua tlai hma in,
Ainawn thaleng chhai nan,
Sakhmel dartui i luan loh,
Tinkim dawnin ngai ve teh,
Kumsang tam chang kohkir a rem lo maw,
Chutin chhai nang e, Ainawni” tih hla te hi, Zirsangzela irawm chhuak tih takah a ril reu reu asin….
Report this comment
February 17th, 2011 at 11:12 pm
Belh leh lawks…….
Kum 1943 kum khan Calcutta khawpuia a awm laiin Lalzova chu a lung a leng hle mai a, a hmangaih em em, a hmuh phak si loh, a biak phaka awm si lo ngaiin nitin hun a chhiar a, suangtuahna mitthlain a hmu reng thin; heti hian a tih hi:
“Nangmah ngaiin tawnloh ni hnuai a’n,
Chhawl ang ka uai ruai e, Ngaihzuali,
Sakhmel tawn loh par ang i vul tur chu,
Mitthlain ka hmu che ngaihzuali.”
A lunglen nat dan tur hi ka suangtuah thiam phak lo ve. Mobile phone leh telephone landline a awmring suh. Lungleng tan chuan tuar tlawk tlawk a ni mai.
Report this comment
February 17th, 2011 at 11:12 pm
mate ainawn, chuti taka i lung a lo len mai le. Lunglen veng veng hi thil hrehawmah chuan ka dah phal lo, lung a len ve zeuh zeuh loh chuan kan hul riau zel asin. Mite hian kan lunglen min chawm tur hian hla te hi an lo phuah thlap zel mai a, a lawmawm ve khawp mai. Tunlai ka lung tileng hla ve chu:
Mahse khua rei an cheng leh thin,
Hei hi maw lo ni le lunglen,
Mahriak ten luaithlipui nul zelin,
Hlimlai ni kha ka tah pui leh thri,
He hla hi tunlai chu ka rilru tal hian ka lo sa leh veng veng thrin.
Report this comment
February 17th, 2011 at 11:17 pm
Pi mate @20
Hla thu in rawn phawrh chiam a, kei chu “a nuam awm vei…” tih hla kha ka duh ber!
Report this comment
February 17th, 2011 at 11:33 pm
Mate ainawn . .ziak thiam dap dap ve. Ka lung a len ve phah dawn alwm le.
Report this comment
February 17th, 2011 at 11:35 pm
Taxi pakhat pawh kha ngaizel khamah a accident a, a driver leh a passenger nula kha an lo thi hlauh mai a. An car tape kha a lo la in off si lova..’A nuamawm vei..sawi ngaihna pawh a awm love,’ tih kha a lo la sa al al asin…Lolsssss.
Report this comment
February 17th, 2011 at 11:37 pm
Ka
e..tha hle mai.
Report this comment
February 17th, 2011 at 11:54 pm
Ka rawn fang leh hmana kan tuanna tlang emaw Luahloh Lungdi nghilhni i awmlo hla hi Pu Vankhama nen khan phuahtu nih kha an inchuh ni lovin midang khan an inchuh tir vak tawh kha kan la hre vek hlawm ang chu maw? Vanglaini-ah article an inchhuah chhawk sek thin kha!
A phhuahtu lamah lo buai vak ta lo ila, a hla thluk erawh hi chu Pacific thliarkar lamah chuan sak ve a zahthlak deuh chuan ka ring….!
“Hmanah Pipute’n an sawi Fam Lalzova, Suihlunglengin a fam an ti….” tih hla Pi Lalsangzualite’n an han ti ngawt kha chu a zia lo lam deuh chu a ni. Tunah hian Lalzova’n Shillonga a lehkha zirpui te pawh dam an la awm a….Ka lunglen loh vang ni miah lovin Pi Ainawni hian a rawn quote chhuah takah chuan inthlahrung deuhin ka rawn comment ve e…..
Report this comment
February 18th, 2011 at 12:03 am
#24, @caribou,
“Aw hun i pamhmai lua e,
Enga’n phengphe khua tlai hma in,
Ainawn thaleng chhai nan,
Sakhmel dartui i luan loh,
Tinkim dawnin ngai ve teh,
Kumsang tam chang kohkir a rem lo maw,
Chutin chhai nang e, Ainawni”
Ka lo hriat ve dan chuan
“…Kum sawm(10) tal chauh kohkir a rem lo maw…” tih a niin ka hria.
Report this comment
February 18th, 2011 at 12:07 am
@ chhangteval..Mipa hi chu hmeichhia nen kan Nature a in anglo em a..Engkim in tuar theiin in tuar chhuak thin a..Kei chu, 2008 ah ka fapa ,ka neihchhun a thi a, 2009 ah ka U fa pa neihchhun a thi leh a, 2010 ah ka nau, ka chhang chiah a thi leh a, ka rilru hi a mang thut thut a, engkim hi ka tuar huam tawhlo a, ka lung a lengin ka nep zo vek a, ngai awh leh hi ka chak thin a.A na a lochhuah hian ka chaklo nghal rawih rawih zel a.Khawvel a ka Nun ve dan hi ka sawifiah thiam tawhlo a ni.
Kei ang hian tumah hi awmve lo se ka duh tawp.
Report this comment
February 18th, 2011 at 12:13 am
I champion ang khami zan kher kha chuan… kei meuh pawn ka hnem thiam lo che kha a nia! :tlanchhe pah:
Report this comment
February 18th, 2011 at 12:21 am
Mate ainawn, kan khual zinna ram a ni tih theihnghilh lo ila, nakin ah inla thleng khawm vek dawn tho alawm. Bob Marley hla ‘three little birds’ kha lo ngaithla ve thin la. .
Report this comment
February 18th, 2011 at 9:54 am
Mate Ainawn Lunglen chuan ‘Na chhawkna” hi han ei/hmawm pawp mai ila a zia duh ani ti asin. Thuruk ka hrilh che nih hi.
Report this comment
February 18th, 2011 at 9:56 am
By the way @33 Ka tuarpui takzet a che.Mit thi ngaih hi chu a beidawnthlak mang tak e tiraw,Tawn leh ni reng a awm tawh dawn mang silo a he khawvel ah hian
Report this comment
February 18th, 2011 at 10:15 am
@ 34 Lal saitawk..min hnem i tum dan kha dik hek lo.
Saitawk is offline
Saitawk is offline
Saitawk is offline
tih reng te chuan..alelele
Report this comment
February 18th, 2011 at 10:58 am
Lung ti leng tu te hi in anglo a.. Keichu ka la upa vaklo vang nge hetiang hla hlui deuh a thu pawh hrilhfiah chawp ngai ang chi hi chuan ka lung a kuai vaklo a niang.
Ka lung ti leng deuh hla pakhat ka rawn thawh ve ange aw..
Sawitur a tam,sawisei in ka mawilo
Min phuar vel i zunlen zam in
Ka tlum zolo i tangnem belh hi,
duhlai mi u ka ngai em che.
Khawnge i awm?khawnge i awm?
Rawn zawh zel i lamtluang,
Minlo nghak la bahsamseihniali
(a thu ka hrelo tlat helaihi)ka tiam hnu…
Ka thai chantawk ni maila a rem lawmi?
Tinkim ka dawn i tello a tlai nilen
Ka zuamlo mahtea runhmun nghah
A rem lawmi hmangaih lungrun?
Kan tet deuh laia kan ngaihthlak thin.Tuna ka ngaihthlak leh changpoh hian kan tet lai boruak ah ka cheng leh a,ka lunga leng thei hle ani.A hla pumpui thiam chhuak ila chuan ka rawn ziahchuak vek mai tur ania.. Thu leh hla ah hi chuan ka ril vaklo niang.Mahni hla duh pawh ka thiam chhuak theilo chu ania..
Report this comment
February 18th, 2011 at 11:19 am
#31 lushai_er: Pi Lalsangzuali Sailo sak thin “Hmana pi pu ten an sawi Lalzova…” tih hla kha Pu Lalremsanga Hnamte (Fam) phuah a niin ka hria.
He khawvel hi zawng hmangaihtu leh hmangaihte inthenna ram a ni tlat si a. Pi Ainawni ka tuar pui e.
Report this comment