Zan lama inkhelh buatsaih tum hi !

February 17th, 2011 4:00 pm by malsawmliana

- Ruatpuia Pa

Tunhnaiah Mizo thalaiten hman atanga kan lo awh em em, Football khelhna tur tha tak mai, phul hring phah dap mai kan nei ta reng mai. A va lawmawm em ! Hetiang phul hring cham duai chunga inkhelh hi Sapho chauh Football khelhna turah riak kan lo ngai thin a, mahse hei kan tapchhak zawlah ngei a inphah ve ta duai mai. Hemi atana hmalatu Department leh a bik takin Sports Minister an fakawm hle a ni. I fak mawlh mawlh ang u.

Sipai lammuala phul lem hring nghalh mai inphah duai hmuh chuan inkhelh te pawh a chakawm khawp mai. Kan hmalawkah khaw hrang hrang inkhelh (Inter-Village football tournament) buatsaih a ni dawn a, chanchinbu a kan lo hmuh danin Pre-quarter final/Semi Final a\angin AR Lammualah hian zan lamah an khel dawn ni awm tak a ni. Zana khelh theih turin Floodlight dah a ni dawn niin a buatsaihtuten an sawi bawk a, Mizoram tan chuan hmasawnna chikhat a ni ngei dawn a, en a chakawm tawh khawp mai.

Amaherawhchu, eng vangin nge zan lamah kher inkhelh hi huaihawt an tum aw? tih erawh ka zawhna a ni. Chhun lamah inkhelhna hun thawl tak a awm a, a entu tan pawh a awlsam zawk vei nen. Kan hriat angin sapramah chuan chhun lam (working day)ah mipui lam (football fans) ten hna an thawh avangin chhun lama inkhelh buatsaih ngam chi a ni lova, week day-ah chuan zan lamah hlir an khel thin a, a dang zawng chu kartawp (weekend) ah vek a nih hi an khelh thin.

Tin, hmun thenkhatah chuan chhun lamah khua a lum lutuk avangin zan lamah an inkhel thin bawk. Keini erawh chuan chutiang harsatna chu kan nei ve lem lo. Tin, week days a inkhelh hian entu kan tlem phah chuang lo bawk. Tuna Red Ribbon Inter-Village Football tournament Pre-Quarter Final atanga zan lama khelh tura ruahmanna siam pawh hi eng dang vang ni lovin zana inkhelh ve hrim hrim kan duh vang mai niin a lang.

Zanah inkhelh buatsaih nise a nghawng tur i han ngaihtuah chhin teh ang. Zana inkhelh theih tur khawp chuan AR lammualah hian Floodlight engemaw zat chhit a ngai dawn a, power hman a sang khawp ang. A power hman zat tur erawh ka chhut chuak ve thiam lo. India ramah pawh Floodlight chhi a inkhelh hi an ti zen zen lova, engemaw pawimawh bikah lo chuan an khel lem lo a nih hi. Entirnan, New Delhi-a Ambedkar Stadium khu kum 2007 khan siamthat/chei that a ni a, Floodlight dah a ni nghal a. Hemi kum (August, 2007) hian he stadium-a Floodlight hnuaia Tournament khelh hmasa ber ‘Nehru Cup International Football Tournament 2007 chu khelh a nih nghe nghe kha.

Nikum khan AIFF chuan 2010-11 I-League season-a an club siam thar (Indian Arrows Team) te home ground atan an puang a, anni hi kum 2018 World Cup-a India in a khelh ve theihna tura player kum 23 hnuai lama lakkhawm te kha an ni. He Ambedkar Stadium leh Chennai-a Jawaharlal Nehru Stadium te hi FIFA in India rama FIFA in World Cup Qualifying match khelh theihna tura a pawm awm chhun an ni.

Tunhnaiah Mizoramin power kan mamawh zat kan hmu thei lova, kan mamawh MW70 a nih laiin MW 40 chauh kan hmu thei tih chanchinbu hrang hrangin an tarlang chuai chuai a. Aizawl khawpui phei chu kan inen chhawk reng a nih hi. Chutih laiin Joint Elecricity Regulatory Commission for Manipur and Mizoram (JERC) chuan February atang hian eng chhit man 10% vela tih san a tum tih thawm kan hre bawk a. Tuna kan ram chhunga Hydel Project kan neih ve ho hian MW 15 chauh an siam chhuak thei a, mahse hei pawh hian tunlai hian MW 7 vel chauh an siamchhuak thei a ni. Chanchinbu a kan hmuh danin Unit 1 hi Rs. 10 velin Sawrkarin an lei a, mipui hnenah Rs. 2.64 velin an hralh leh a, a leina man a phak lohna chu Sawrkarin a tum thin ni awm tak a ni. Tuna JERC in a man a tihsan an tum ang hi chuan electric chhit man hi Rs. 3 vel a kaichho dawn a ni an ti.(Zoram Today January 24-30, 2011, p.6.)

Hetiang a nih avang hian tunlai (thal lai) hian power indaihlohna a sang em em a, University leh Board exam run pui lai a lo ni bawk nen. MBSE hnuaia HSLC leh HSSLC ten Exam an nei mek a, Mizoram University hnuaia BA/BSc/BCom ten Exam an nei ve leh mai dawn bawk a. Hman atang tawhin Final exam laia power chiangkuang lo ziah hi kan state nen hian a inhmeh tawh hle a ni. Zirlaiho an khawngaihthlak hle.

Hetiang khawpa power kan tlakchham lai leh Power & Electricity Department ten power renchem tur ti a mipuite an ngen chamchi laia zan lamah inkhelh buatsaih lo tum hi thil tul ber a ni em ? Nuam tawlna mai mai leh awmze nei lova intih changkan tumna mai mai a ni lek lo maw ?

Tin, zan lamah AR Ground vela Open Air Concert neih nikhua hian zu rui leh mi awmherh tak tak an tam thei khawp mai. Zan lamah inkhelh hi buatsaih lo ni ta se, mi tam takin thilsual tihnan remchangah an hmang leh ngei ang. Veng leh veng inkhel entu football fans tang tak tak te pawh insualbuai a awl leh zual awm mang e ka ti deuh. Zurui an tam ang a, khawimaw lai sir velah chuan mipat hmeichhiatna lo hmang te pawh an awm mai thei asin.

Eng pawh nise, a buatsaihtu (organiser) te hian eng vangin nge zan lamah kher inkhelh hi buatsaih an tum ? Chhan tha tak an nei ngei turah ngai ila. A nih lovah zan lama inkhelh ve hrim hrim an duh avanga buatsaih mai an nih chuan mipui an zah lohna ah ka ngai. AR lammual a eng uarh ang a, zirlai exam mek ten mombati hnuaiah lehkha an zir ngei ang.

37 Responses to “Zan lama inkhelh buatsaih tum hi !”

1
triplestar Says:
February 17th, 2011 at 4:04 pm
1nkhelh ve a chakawm khawp mai
Report this comment
2
LAL Kawlhawk Says:
February 17th, 2011 at 4:04 pm
zan 1ama inkhe1h tum te an 1o awm a ni maw…
Report this comment
3
El Says:
February 17th, 2011 at 4:10 pm
kan lo hre reng2 lo nem..
Report this comment
4
troxx Says:
February 17th, 2011 at 4:28 pm
soi thra hle my …. xan lama inkhel en chu k chak viau nanga thil tha ber anih loh hmel tlat …
a buatsaihtute rilrua ka rin chu zan lamah chuan attendance a that xok an beisei aniag … keipon k ring .
Report this comment
5
krayzie Says:
February 17th, 2011 at 4:37 pm
Banner thar chu ava mawi e!
Report this comment
6
Dr Mahminga Sailo Says:
February 17th, 2011 at 4:39 pm
Kan in hmeh tawk viau zel in ka hria, Changkan tum hrim hrim kan ni bawk a…
A huaihawt tu te hian ngaituah chiangin hrethiam duh nise, zana inkhelh hi rawt ngam chi an ni em le awww… ka ti.
Report this comment
7
tuaia Says:
February 17th, 2011 at 4:40 pm
Power chung chang i han sawi takah chuan thil tih chi chi a nih loh tawp chu,(meichher nen an khel dawn a nih ngawt loh chuan)keini thingtlang lam te hi min lo cut leh rawk angnge. Zan lam a inkhelh remlohna chhan pakhat hi chu ngaihtuah ngun deuh a tul.Sual khawih hlauh vang a zan lam a thalaite chhuahkhawm venthawn ngawt chu adik dawn em ni? khap leh venthawn ngah lutuk hian kan thalaite nundan phung a ti khaihlak riau in ka hria…..
Report this comment
8
ma-a Says:
February 17th, 2011 at 4:40 pm
ka chhiar chhuak a,a tha khawp mai!mahse thudang kan nei ve teh ang!Hman ni deuh khan pu Rinliana sailo,health minister te nen kan ti ti ho ve a,Zan lam a inkhelh buatsaih kher hi a that na a awm ve tho em tih kan sawi a!Mizo tan Bung thar kaina a ni ve hrim2!Insual buai an awm mai thei ,duh leh insual duh chu insual mai rawh se,khang ho inbawih tir reng hi hmasawnna daltu a ni,dik tak chuan insual rawh ule ti a,hun pek a insual tak2 ngam lo vek an ni!Ram changkang zawk ah pawh insual(football vang in) tih vel hi a thleng reng tho!hei hi hmasawnna chi khata hman a tha ang!Power kan hmuh zat tur tih pawh hi thil chiang lo tak a ni,engtik lai mahin kan hnianghnar tak2 lo!Lam mualah inkhel lo mahse a hniang hnar chuang lo,inkhel pawh ni se a hniang hnar chuang lo!Thil thar kan dai ve dawn a ni mai e!Hmasawnna chi khat ni thei se.
Report this comment
9
H.Vangchhia Says:
February 17th, 2011 at 4:51 pm
Zana inkhelh buatsaih anih chuan veng thenkhat in electron supply (electric)an neilo anga; SIPAI LAMMUAL ti eng un thei thin tur ngawr2 atan Chite lui ah khuan hydel project te tak te siam mai se hairehai
Report this comment
10
nimer Says:
February 17th, 2011 at 5:05 pm
post tha tak a nih hi… Veng tin kan in thim chhawk zak2 thin hi chu ka ning ve ta khawp mai….electric power a kan intodelh theih hun hi ka nghakhlel ngawih ngawih, ngaihpawimawh dang kan ngah lutuk hi chu a pawi khawp mai!
Report this comment
11
LALkawlhawk Says:
February 17th, 2011 at 5:22 pm
Ka chhiar chhuak ta, a tha hle mai a… Zan lama inkhelh tul i tih loh chhan te khi ngaihtuah tham tak a ni reng a ni. I point 1 – zu rui leh mi awmherh tak tak… tih te, mi tamtakin thil sual tih nan an hmang leh ang… tih vel te khi chu a tul ka ti lem lo.

Hetianga mi awmherh leh a khawlo zawnga boruak lo hap tawk te avanga thulh tih vel hi a ho ka ti a, a dawi aw ka ti a, a taliban ka ti a, a thliarkar rilru ka ti bawk. Zanlam inkhelhlaia lammual kil khata lo in ‘ti’ ngawng2 duh tawk te chu, inkhel awm lo mah se an in ti ngawng2 tho ang. Chutiang bawkin awmherh te pawh hmundangah an awmherh tho ang. Rui te pawh an rui tho ang.
Report this comment
12
egroegianaf Says:
February 17th, 2011 at 5:46 pm
zana inkhelh chu nuam ngawt ang en/tel a chak awm ve khawp mai..mahse nghawng a nei thui khawp ang..eg.Power,Police,traffic police etc etc…..
Report this comment
13
Lersia Says:
February 17th, 2011 at 6:16 pm
Ka en ve thei dawn avangin ka lo lawm khawp asin. Buhfai hi zu siamnan an hmang tih mai vanga khap tur kan nilova, chaw a ring tamtak te avanga hnianghnar zawka nei tur kan ni. A hmang sual te chuan an luchungah meiling an chhek khawl a ni mai alawm.

Ngaihdan zauzawk min neih tira ka lawm reng2 e. Paws thatak ani e.
Report this comment
14
shailendra Says:
February 17th, 2011 at 6:27 pm
Zan lama inkhelh buatsaih tum hi a senso thlak mai mai lo maw. Video coverage kha eng teh ual a nih leh awm bawk si lo a. (Mahse 1st attempt leh in chawh phur nan chuan a tha viau tho a…)
Report this comment
15
Sangpuiipa Says:
February 17th, 2011 at 7:07 pm
Post tu pa, i ngaihdan hi ka tawmpui che. A tha khawp mai. Chutih rual chuan thil reng reng hian thatna leg thatlohna an nei vek a. Zan lama inkhelh pawh a thatlohna tam tak a awm laiin a thatna tamtak a awm ve tho. Amaherawh chu kei chuan engtikawng mahin zanlama inkhelh hi tha ka ti rihlo.
Report this comment
16
sawmasailo Says:
February 17th, 2011 at 9:07 pm
#5

tha hle mai…. zana inkhelh hi Mizoram atan chuan athatna aiin a that lohna a tam zawkin ka hria….
…inkhelh laklawh laiin phailam atanga kan power lakna han chhe thut mai se buaithlak duh awm!!!?
Report this comment
17
Dr Mahminga Sailo Says:
February 17th, 2011 at 9:57 pm
@16
Thildang chu eng pawh lo ni rawh se. Power awm lo thut se, a buaithlak awm mep mep tak e a!!! Hmanlai inkhel an sawi thin ‘final chu sertawk rah leh hun’ tih ang deuhin power awm hun a khelh chhunzawm tur an ti fo mai ang e…
Report this comment
18
Zodin_RM Says:
February 17th, 2011 at 10:16 pm
Khap tamna Mizoram , thil hi a Negative zawng hlir hian engvang in nge kan thlir thin ka ti mai mai, e.g kawngpui zau tak chu nei i la ‘ACCIDENT’ AN TAM NGAWT ANG’ tih ang reng vel te, i rawn sawi zawng2 hi a tha ka ti mahse kei chuan a eng lam in ka thlira, hmasawn na rahbi pakhat ah ka ngai mai e.Zan han tih ah hian zan rei lutuk a ni lo tur ah ka ngaia, hna tibuai lo in a inkhelh theih tawh anga a va tha dawn em!!
Report this comment
19
beethugs2 Says:
February 17th, 2011 at 11:00 pm
Kawngpui zau tak leh zan lam inkhelh hi tehkhin chi ah pawh ka ruat chiah lo. Thil chu a thatna leh thatlohna khaikhin zet a, a that lohna a tam zawk miau chuan,a tha lo tihna a ni mai a ni lawmni..
Sual kan veng seng lo, amaherawh chu a punlun thei zawng a chance siam chu a tha ber hrih lo, a loh theih loh a nihna awm lo tun dinhmunah hian. Puk chawpa sa hmeh ai chuan neihchhun a tomato rawt hmeh ka duh zawk kei chu.
Report this comment
20
Fonz Says:
February 17th, 2011 at 11:00 pm
ehiau….sandman leh Goldmember chu nuam an va ti ve …….arsenal 2 – Barca 1 .. 8th march la awm alawm le…fb ah pawh an inti thei
Report this comment
21
mifeltea Says:
February 17th, 2011 at 11:04 pm
8th March ah chuan misual theme ah Barcelona theme hman kan phut ve ang….
Report this comment
22
mifeltea Says:
February 17th, 2011 at 11:05 pm
#21, banner tih zawk tur mi…???
Report this comment
23
beethugs2 Says:
February 17th, 2011 at 11:09 pm
#21 : keipawh…he banner hi chu ka ril rem zawng ani chiah lo…ka pu pu leh te atangin barcelona fans kan lo ni ve tawh a….
Report this comment
24
drake Says:
February 17th, 2011 at 11:23 pm
banner ah khian Arse!! British arse ami
Report this comment
25
Sangpuiipa Says:
February 17th, 2011 at 11:32 pm
Kan ram angah hi chuan zan lama inkhelh thatna hi ka la hre tehchiam rihlo tlat.
Report this comment
26
Rinasol Says:
February 17th, 2011 at 11:38 pm
zan lamah inkhelh hi a tih chi hmel ka lo ti zawk asin…Ka en hman ve dawn a…A nuam zeek ang…Chapchar kut ai chuan a nuam zawk mah lo maw…Festival ropui tak ni mai dawn sin…

Night life han hmanna tur hi a vang ve sia..Nula rim tur hriatloh phei chuan chating ni mai..very boring..Inkhel en suau suau mai ang aw…
Report this comment
27
Rinasol Says:
February 17th, 2011 at 11:47 pm
Traffic thawl dawn bawk si…Chhunah te chuan khel se…traffic buai vek dawn sin..In timak em mai…Duh leh rui chhum hmawk ila…midang kan tih buai chuan loh chuan…good fun! Its just not good for Health!

U people dont know about life

Come to Lammual….I ll let you know…haha!!
Report this comment
28
mifeltea Says:
February 18th, 2011 at 12:12 am
Chutia power kan indaih loh viau dawn chuan an pet tur ball kha night glow paint (an tia mi kha????..dumde ang deuha zana eng vat2 thei ang chi kha) hnawih se, chuan player te boot, jersey, leh kekawrah hnawih bawk se, chuan inkhel se….a changkang zawk feeee ang…
Report this comment
29
hmingtea Says:
February 18th, 2011 at 12:16 am
Kei chu zanah ka inkhel tawh englam an mamawh tawk an neih chuan inkhel poh teh se.Ball khalh phei keeper chiah awm tawh tihin current a awm lo thhut mai ang a buai viau ami tur a sin.

curent nghak chhuah hnuah buai leh nuai si vel ang e.Zan khua in inkhelh a ngai mai tur a sin.
Electric lam duty te tan loh lam chet thaht dawn a piangin off hmak zel vel ang e.
Report this comment
30
hmingtea Says:
February 18th, 2011 at 12:17 am

Report this comment
31
mifeltea Says:
February 18th, 2011 at 12:23 am
Current awmloh veleh an “hai” dual anga, a rawn eng leh hunah an tan tha leh thin anga…
Report this comment
32
mifeltea Says:
February 18th, 2011 at 12:41 am
Players te khelmualah an inkhelh laiin keinin a kotlang atangin “In Khelh” pahin kan lo thlir anga, nuam phian ang..
Report this comment
33
funny Says:
February 18th, 2011 at 1:01 am
He post mai mai chu. lolz A post tu ka’n oppose teh ang
Power lamah hi chuan lungngai vak suh u, a power draw tur hi chuti teh vakin a tam teh hua lovang. Lammuala Petra ho concert zana an power draw ai khan a tlem daih maithei… (ka hre lem hleilova. lolzz ) Power draw hi output a zir ani ve a…

zan tir (tlai lam ni tlak hnu.. office ban hnu) a inkhelh hian football nasa takin a promote thei… A social impact lam erawh chu sport minister chan anilo ve leh tlat. Heihi chu kan YMA te, MZP lam te NGO leh nu leh pa te chan ani thungin ka hria… Kan sawisel luai luaia, hma an han lak tak takin kan sawisel leh tho si emni???

Tleirawl hovin an virginity hloh nan leh chet khawloh nan an hmang ang tih lam erawh ngaihtuah ngai deuh ani. lolzzz
Heng thil erawh hi chu sport lam hotute chan erawh chu anilo chiang mai.
Report this comment
34
lalpeace Says:
February 18th, 2011 at 10:22 am
Chhun lamah khelh tir hle2 sela buaina leh harsatna tam tak chu kan pumpelh ngei chuan ka ring. Kan tlin tawk leh phak tawk te hi in chhut thiam deuh chu a tha khawp mai.
Report this comment
35
PayableOnDeath(Zrma_C) Says:
February 18th, 2011 at 11:07 am
Bati eng hnuai ah inkhel se ni mai lom!
Report this comment
36
sillyBoy Says:
February 18th, 2011 at 12:06 pm
Generator lian 2 an hmang dawn a, an tum anga an tih theih chuan power lamah chuan harsatna a awm lo ang. Security pawh a tha thawkhatin a rinawm.
Report this comment
37
chawnghilh Says:
February 19th, 2011 at 11:06 am
Zan lama in khelh khelh hi a ziaawm!
Report this comment