Mihring dam chhung hun hi thil tih leh tih chhan azirin ‘Hun’ leh ‘Hun-awl’ tiin a then theih awm e. Kan dam chhung khawsak inrelbawl nana kan hman hi ‘Hun’ lo vuah ta ila; chu ‘Hun’ ni lo, nitin darkar sawmhnih leh pali 24 chhunga a chuangbang la awm chu ‘Hun-awl’ a lo ni ang. ‘Hun’ leh ‘Hun-awl’ hi thil pawimawh em em, kaihpawlh hauh loh chi a ni. Japan din chhuah theih chhan leh Rome tluk chhan te kha he thil pahnihah hian a innghat a nih kha!
Kan pi leh pute khan ‘Hun’ hi an hmang tha hle thin a. Thawk-awm chhungkua na na na chu an intodelh hle thin. Mahse ‘Hun-awl’ erawh chu an hlut nepin tangkai taka hmang an awm lo hle. Chuvang chu a ni mahna YMA lo ding tir pawhin ‘Hun’ ni lovin ‘Hun-awl’ zawk ngaipawimawha an thil tumte zinga ‘Hun-awl hman that’ tih an lo telh ni. Hruaitu hmasate kha an fingin thil an lo dawn thui ngei mai !
Hun her zelin eizawn dan leh nunphung a her danglam avangin thangtharte hian ‘Hun’ leh ‘Hun-awl’ kan thlei hran thiam a ngai hle mai. ‘Hun’ hlu tak ‘Hun-awl’ anga hmanga kan hna chanpual kalsana thildang kan va ti a nih chuan tih tur ti lo, tih loh zawk tur ti kan ni mai lo maw? Mahni hnaa rinawmte chauh hi khua-leh-tui tha, khawtlang, ram leh hnam tana mi tangkai an ni si a.
In lam/ram lama hna thawktu, zirlai leh nitin darkar bitiam chhung hna thawk tura rawih, thla-kipa hlawh pek ‘Kamding’ te hian ‘Hun’ hlu tak hi ‘Hun-awl’ hmanin kan hmang tur a ni dawn em ni? Mahni hna chanpual theuh a hun taka hlen zel leh chhiat ni/that ni, mimal, kohhran leh khawtlang hminga chhuanlam chi hrang hrang te mahni hna chanpual kalsan phah nana hman fo loh hi kan tih dan tur a ni zawk lo’ng maw? Amaherawhchu, kohhran leh khawtlanga pawl chi hran hrante hi kan phaw-sial, kan dai-ngul an ni a; thahnemngai takin kan ‘Hun-awl’ ah an tan kan inhmang tur ani. Chu ngei chu YMA-in ‘Hun-awl hman that’ a tih nen pawh a inmil ber ber awm a sin.
Mitin hi chhungkaw sutpui, khawtlang meichher, ram leh hnam innghahna lungphum kan ni theuh a. Chuvangin kan hna theuhah rinawm takin inpumpek ila; mimal, chhungkua, khua leh kan ram hian hma kan sawn ngei ang. Dikna thlazar hnuai, rinawmna huangchhungah i tana tha ber turin engkim ti la, tuma mitmei veng suh. I tana tha chu in chhungkaw tan a chhenfakawm zel thin avangin chu ngei chu ram leh hnam tan a belhfakawm ber dawn a lo ni.
Rampum hmasawnna hi mimal theuh hmasawnnaah chauh a innghah avangin mahni – in, chhungkua leh hna bil kalsana khawtlang leh kohhran tana mi tangkai nih tum hi tih va uk mai a ni i ti ve lo maw?
Similar Posts:
- Khawtlang nun siam thatnan inkhawm
- Eng hi nge Mizo Fantasy?
- Rawngbawlna- ruihhlo ngaite ah
- Val upa thihna atanga ka in hmuhchhuahna te.
- Chhungkua
(Y)
February 21st, 2011 at 8:02 am
van ngaihnawm loh e.
Report this comment
February 21st, 2011 at 8:20 am
Ngaihtuah a tithui khawp e. A tlipna erawh khi chu ka rin loh lamah i keuh tlat mai. Mahni, mimal, chhungkaw tana thahnemngai leh taima tur kan nih reng lai hian chutiang ti ve hman lova kohhran leh khawtlang tana mi inpezote zar hi kan society hi chuan a zo teh mai niin ka lo ngai asin.
Engpawhnise, hun awl nei lo khawpa talbuai pawh kan tam ve tial2 chuan a lang. Ni e, Mahni tan pawha thahnemngai zo tawh lo leh mahni hrawk chawmna atan ngeia kan thawh ( e.g Sorkar hna) pawh titha peih tawh lo hi kan lo tam em a ni. A la pawi thui dawn chauhvin a lang. Good post.
Report this comment
February 21st, 2011 at 8:35 am
ziak tha lutuk
Report this comment
February 21st, 2011 at 8:48 am
Lersia, ngaihnawm alawm le! inthlahrung ani maw? Leisure time hi hman tangkai thiam a trul khawp mai! kan hunawl te hmang tangkai tak tak si lova, kan hnathawhna hun thil danga hman tum talh pawh hi a diklo ani! Thliar thiam a tha khawp mai!
Report this comment
February 21st, 2011 at 9:04 am
A thain a dik angreng khawp mai
Hnathawh hun laia awl zawk tlat hi kan tam hmel khawpin ka hria. Mahni hna chanpual tal hi chu dik tak leh taima takin han thawk phawt mai ila, a bak hi chu a in hril zel mai
Report this comment
February 21st, 2011 at 9:07 am
Lersia, ka thlawp e
Hnathawh hun leh ban hun a awm chuan chu hun chu dik taka hman dik mai tur. Mizoram sawrkar hian hun hmang diklo te hi an hlawh cut thin sela, ban thleng bawn an chunga action lak theih dan hi siam se ka van ti thin tak em…
A tam mai a tam mai
Report this comment
February 21st, 2011 at 9:10 am
A tha hle mai
a tlipna erawh chu, talent kan dawn hi a inang vek lova, Kohhran, Khawtlang-te hi ‘ka ta emaw’ ti khawp a inpe an awm ve a ngai a sin…mahse chhungkua erawh kan hlamchhiah mai a rem leh si lo va…100%=100% 
(Y
Report this comment
February 21st, 2011 at 9:11 am
@Maisek, nangni pawh in lehkhazirlai a “Hun” mai bakah “Hunawl” in hman tangkai zia tekha tiraw!? Ikhawm thulh thak thaka in zir lai tekhan Pathian mit a lo kham awmlo ngawt mai, ti khawpa malsawmna a an vur hluai mai che u hi. Mahni tih tur tak a hun taka ti te Pathian hian a
thlawts ani.
Diuti kham Farst . . . . Ti tu te hi a ding chhuak ate chu in nizel a nih hi.
Report this comment
February 21st, 2011 at 9:13 am
@Maisek, nangni pawh in lehkhazirlai a “Hun” mai bakah “Hunawl” in hman tangkai zia tekha tiraw!? Inkhawm thulh thak thaka in zir lai tekhan Pathian mit a lo kham awmlo ngawt mai, ti khawpa malsawmna a an vur hluai mai che u hi. Mahni tih tur tak a hun taka ti te hi Pathian hian a lo
thlawts ani e.
Diuti kham Farst . . . . Ti tu te hi a ding chhuak ate chu in nizel a nih hi.
Report this comment
February 21st, 2011 at 9:18 am
Kan inchhung atangin, kan fa te ti tura kan duh ang zel hi a hmahruaitu ni thei ila..a dang chu a fel chho zel mai.
Kei hian ka nun atang ngei hian ka inzir chho nasa.
in, chhungkua leh hna bil kalsana khawtlang leh kohhran tana mi tangkai nih tum hi tih va uk mai a ni i ti ve lo maw?
Ni chiang e
Report this comment
February 21st, 2011 at 9:21 am
Post tha leh tangkai tak a ni. Hun awl hman that hi a pawimawh em em a ni. Hun awl nei hman mang lova buai te pawh awm theih a ni a. Mahni nupui/pasal fanaute tan pawha hun pe thei manglo khawpa buaite hian, harsatna engemaw an nei duh phian!
Report this comment
February 21st, 2011 at 9:52 am
“Time is money” an tih hi chu dik ka ti theilo. Ba rulh nan a hmantlak miahloh hahaha!
(Adik pawh rawn ti ula,in sawi dan tur key ka hre sa…)NOI VE AW…
Report this comment
February 21st, 2011 at 10:04 am
Pu.Lersia chu racist satliah, zoram tan thawhchhuah neilo, Burma mi, lolz . . i ni lo tih i thuziak atangin a chiang e.
Report this comment
February 21st, 2011 at 10:09 am
Zirtirtu chu zirtir kawngah faktlak ni sela, Doctor chu a doctor hnaah chutiang zelin midang pawh. Mahni eizawnna hna hlamchhiah thaka khawtlang leh kohhran tana tangkai em em si kan tam lutuk hi kan thanmawhbawk ani.
Report this comment
February 21st, 2011 at 10:34 am
@BlAdE@ #13, he he .. i ti nuihzathlak e, Lal Isua meuh pawh in mi zawng zawng a ti lawm theilo anih kha, kei ve hian mi zawng zawng ril rem zawng eng tin nge kan sawi teh lul ang ni…
Report this comment
February 21st, 2011 at 10:35 am
Ka buai deuh a vang in lo in hnial mai mai teh u, nakin ah ka lo tel ve a nge..
Report this comment
February 21st, 2011 at 10:51 am
a post tupa hi hun & hunawl nei ngah ber pawl ti in kan sawi thei ang
“hmangaihte lenna chu thlir hian a lang silo” tih te hi a ni tan chuan eng teh uk a nilo..langlo mahse a thleng zung2 thei tho 
mahse office a a awm ve chhun hian a buai thei em2 lawi si a 
engpawh chu nise Lersia chu i vang hle mai.. Nupui i um a mawni ka tia 
Report this comment
February 21st, 2011 at 10:57 am
Hun awl nei hman miah lo a, sawng saw hlawt miah lo a hun hman te hi a awm ve tho bawk a…
Report this comment
February 21st, 2011 at 10:59 am
Khawtlang leh kohhran thil vel avanga hnathawhna hmuna (office, etc) kal tlai te, an haw hma te, hnathawh kar laka an chhuak sek mai te hi chu a zia lo deuh hlek a ni. Heng mite hi Khawvel thil tak pawhin hma an sawn mawh khawpin ka hria.
Report this comment
February 21st, 2011 at 11:16 am
Sawi belh vak ngaihna ka hre lo. A tha ka ti em em a, dik ka ti hle bawk. Lersia chu Lersia a lo ni nge nge e!
Chanchinbu Article huangah Source tel maih lovin kan hmu leh ang em le?
Report this comment
February 21st, 2011 at 11:40 am
@badboy, i ngeiawm thiam lutuk awww… Chawlhni tlai Hun – awl hmang nuam lutuk in I Bike in i mute lei hrût vel a ni maw? Kut khinghnih awrh chung a tiang a thui i chhu peih hi chu ka fak thlawt che …
Fa te luchung a vawikhat pawh tawng tai thei lovin, thenawm nau te leh mi dang te sual vei ber leh a thahnemngai ber ni awm hrinm a an tawngtai tlut tlut te hi ka lo zak thin.
Report this comment
February 21st, 2011 at 12:03 pm
Buai tak tak chuan hun-awl insaimchawp te a ngai a. Hun-awl neih tam a that loh laiin hun-awl neih miah loh a tha lo ve thung.
Report this comment
February 21st, 2011 at 12:58 pm
Post tha tak a va ni em!
Report this comment
February 21st, 2011 at 6:45 pm
A tha khawp mai. Han comment belh vak lo mai ila!
Report this comment
February 22nd, 2011 at 12:19 am
Hei chu a tha ang..
Report this comment