Ni 5th March 2011 a Vanglaini Daily newspaper Editorial-a ka hmuh leh chhiar ang in ADA awm hnuah chuan Aizawl khawpui a insak te pawn a zawng zawng ah chuan ni lo mahse, kawngtam tak ah ADA awm hma ai chuan awmzia nasa takin anei tih thu ka lo hmu a.Nia, thudik tak a rawn sawi niin ka hria. Amaherawhchu, Democracy ram ah hian thil reng reng hi a lo rual khai thei lo ber ni hian ka hre thin, mipui rorelna ah hian mipui kan thuhmun miau loh avang pawh nifa hmiang.
Dictator rorelna hnuaiah ah hian thil reng reng hi a rual khai thei zawk deuh lovang maw aw ka ti thin.Roreltu pakhat chauh anih chuan Chhunglehkhat a neih tam em em theih miau loh vang te pawh ani ngei in ka ring.Democracy ram ah chuan LAL an tam em em si a, chungte chuan chhung leh thiantha an nei vek hlawm lo thei bawk si lo hian rorel hi an ti buai nuai zawng anih hi.
Mi pangngai tan a Gas Connection a har em em te, theih loh tluk hial anih lai te, Buhfai a harsat em em laite, hna thawh tur avan em em laite pawn Minister chhungte Ruling lai MLA chhungte tan te, Chief Scretary laina hnai tan te leh Party Office a Secretaries chhe te te tan erawh avang emaw harsa lo tlat thin te hian Mitin kan thuhmun theih loh zia a tilang chiang hle in ka hria.
Hei tun ah pawh ADA Building Regulations in a phut ang ani lo tih hriat em em mai, a san a sang BON OVER top, FLoria Glamour Building te, Pu F.Kapsanga in nge Pu Liansanga in tih pawh ka hre hrep love, Khatla Peter Street thla ami PP Johns a Building ti chik rut khop a Babel in sang sak te pawh engtin mah tih loh vang nge vawin thleng in a la tauh lurh reng mai a.
Court -a kal na tur nei chiangsa an nih avanga he thil hi ti lo nge maw an nih le aw. ADA Authority Meeting an neih apiang in Demolition Order issue tawh ani tiin eng emaw zat an rawn tarlang thin a, vawin thleng in Demolished tak tak erawh an la nei lo nge chu chu thiah ani tih thawm hriat ani leh ngai si lova, enge maw a awmzia nih teh reng ni.
Vanglaini Editorial -a a rawn sawi ang khan tuna sawrkar lai hian hnathawk thei lovin a siam nge, an Building Regulation leh Acts hi a chian tawk loh leh that tawk loh vanga hmala ngam tak tak lo nge an nih tih pawh hriatthiam har tak ani.Tun a Sawrkar lai hi an rawn sawrkar tirh khan mipuite fuihpawrh zawng in an Nau mawl zualhote khan thu dukdak lo an sawi vak vak vang te pawh ani mai thei mipui heti taka an pawngpawrh leh tak pawh hi.
Acts leh Regulations reng reng hi Dan siamtu Legislator ten Assembly a an pass vek thin ani a, chu chu Democracy nihphung ani. He ADA Acts leh Regulations pawh hi chutiang tak chuan tih ani a, an sawrkar loh lai a an tih anih vang ngawt a sawisel leh DAN leh HRAI awmsa tithuanawp zawnga tawng vak vak thin hi MIFING leh THLIRTHUI te nihphung ni lovin, Mi mawl mahni INTIFING em em zawk te nihphung ani.
Tun ah hei Municipal Council a lo ding leh ta a,thlathum/thlali dawn lai aliam hnuah pawh an Acts neih ve chu engvakah mah an la hmang chuang lova, Chempui tuai leh hriam tha em em engmah tih nan leh sah nana hman chuan si loh chuan engmah hlutna leh tangkaina a nei lo mai nilovin a kawltu tan hnawksak mai mai a chang thin ang hian kan DAN siamte hman kan phal leh si loh chuan hlutna leh tangkaina a nei lo mai nilovin a neitu (Municipal) pawh hnawksak mai mai Sum thun-i Nu chauh ani mai dawn ani.
Dan hi duan dawn reng reng in Zir chian nasa tak neih hmasak phawt anih loh chuan athat tur ang leh atangkai tur angin a tangkai thei thin lo a, hei tun ah pawh ADA Acts and Rules an siam dawn leh Building Regulations an siam dawn hian zir chianna nasa tak an nei lo em ni aw a tih theih tlat ani, a tlangpuiah chuan Delhi Building Regulation leh Delhi Development Authority kal dan an copy deuh chawt ni ber in a lang a, thil tha lo tak ani, tun ah chuan Relaxation guideline an tia maw ni original Regulations a sawi miah loh tam tak an hmang mek ni awm in a hrechangtuten an sawi a.
Hei hi thil tha lo tak leh pawi tak ani.DAN hi introduce anih tirh chuan awareness te pe paha zawl dawh deuh zawk in an kal thin niin ka hria a, chumi hnuah mipui ah awareness tha thawkhat tawh a alan hnuah khauh deuh zawk in a kal zel tur ni awm tak a lan laiin tun ADA regulations ah chuan Nikum hmasa 2008 vel a theih loh an tih kha tunah chuan a theih tawh ni awm tak ani ,a tha lama ngaih tur nge maw ni dawn le,ka hrethiam tehnuai tawh love.
Mithenkhat in Municipal leh ADA hi an chhung fin dawn an ti a, a then in chhungfin ngawt lovang an ti bawk a,hriatthiam har tak ani.India ram hmun tam tak ah hi chuan Development Authority leh Municipal hi an awm hrang a,hmun tam zawkah chuan Municipal Council/Corporation/board- in he Building Regulations hi a kengkawh a, hmun thenkhat ah chuan Development Authority in kenkawhna pawh a nei ve tho bawk ani.
Development Authority chu Development Authority a nih ang tak in development a khawih nasa hle a,Public amennities for City/town atan a Physical infrastructure hi a khawih nasa hle ani. Tin, khawpui (City) than chhoh zelna tura ruahhmanna City Development Plan te, City Master Plan te hi a hnapui ber a ni bawk.Tun a Kan neih ve Aizawl Development Authority (ADA) hi chuan a tih tur an ti lo mah mah zawk ani.
Sawrkar hian a hmangthiam lo nge a hmang duh lo zawk, a hmang duh lo anih rau rau chuan Municipal Council a din ta bawk a, Staff dang lak belh vak tawh lovin Merger(Chhunfin) mai se a tha zawk lo maw.Vanglaini newspaper -a lo hmuh ang in tun kum Budget ah pawh Vaibelchhe hnih leh nuai sawmsarih pathum lai an dil leh nghal a, tam tham tak ani.Nikum an sum in daih lohna nuai sawmnga pali lai an dil tel bawk niin kan lo hmu a.Ngaihtuahna hman a Thuthlukna chiangkuang neih vat sawrkar tan hian a fin thlak zawk hle in ka ring.
Similar Posts:
- Aizawl Municipal Council lo awm tur hi…..
- Aizawl Development Authority hi…..
- In sa tur tan phalna lak hmasak ngai dawn
- Building regulations – a burden?
- ADA ho hian thlei bik an nei ami ?
March 6th, 2011 at 2:40 pm
Report this comment
March 6th, 2011 at 2:47 pm
In han sawi dan ah chuan ADA hian hna na thawk mumal lo hle in a lang a, an sum te chu eng atan nge na hman le….? Sum in daih lo khawp chuan an lo awm ve le???? Nia engmah thawk lo theuh theuh chu AMC nen hian merger mai se, staff hlawh pek tur a tam phah vak lovang chu….
Democracy ramah hian zawng roreltu an tam sia,,, ngaihdan/duh dan a lo tam a, chhungkaht laina/thiantha an lo tam si a nih ber hi maw>>>>>>>…….<<<<<</////
Report this comment
March 6th, 2011 at 2:49 pm
ADA tih khi a full form ka hmu har luttuk a, eng ber nge ni ang tiin kei zopa hi ka lo hawi ka lo hawi hman a…
Report this comment
March 6th, 2011 at 2:49 pm
Report this comment
March 6th, 2011 at 3:01 pm
ka comments ka edit thei lo.b bengvarthlakin ngaihtuah a ti thui hle mai.
“DAN leh HRAI awmsa tithuanawp zawnga tawng vak vak thin hi MIFING leh THLIRTHUI te nihphung ni lovin, Mi mawl mahni INTIFING em em zawk te nihphung ani.”
Report this comment
March 6th, 2011 at 3:23 pm
Report this comment
March 6th, 2011 at 4:49 pm
Kan ram hi chu a hahthlak ani e..ti leh mai teh ang!
Dan te hian awmzia nei hek lo le.
Tuna kan ram kal phung hi ‘film’ siam dawn ta ila, enge a ‘The End’ hma chiahah awm ang le?
Thisen chhuahna te, inbumnate, rukruk leh nawmsip bawlna ten hmun a luah nasa viau ang a..
Kan insiam that vat loh chuan kan chhe telh telh dawn chu ani mai si a leh..!
Report this comment
March 6th, 2011 at 5:14 pm
Ekhai.. kan sorkar hi i beisei sang em a nih chu.. bang daih rawh… Ethics committee-ho pawh an ban vek tawh kha!!!!
Report this comment
March 6th, 2011 at 5:23 pm
Tun sawrkar hi a tha a niang, beisei an ti sang hlawm khawp mai. Kum 10 chhung kawng siam that loh awm kha kum 2 chhunga siam tha hman vek tura beisei kan ni, a ti. Pu Hawla’n.
Report this comment
March 6th, 2011 at 7:33 pm
“Dikna a fam ta, Felna a tlawm ta, Nun suar ang a chim”….
Ram danga kan Unaute..Hun tam zawk awm tawh..Mizo ni si ho in kan ram an hmuhdan hi zahthlak rem rem thei tak a ni.
Report this comment
March 6th, 2011 at 7:35 pm
Zoram Rorelna…
Report this comment
March 6th, 2011 at 10:18 pm
Democracy a nih vang a in duhsakna diklo hi awm anih ka ring lo.Dan kengkawh ngamlo leh duh lo tu sorkhar kan neih vang mai zawk anih ka ring kei mi(sual)riangvai hian.
Helam pawh democracy a ni a mahni in tukverh han sawi danglam tur pawh in municipal phalna lo chuan a tih theih lo chumi hmu tur pawh in noc thenawmte hnen atangin neih fir fer a ngai.
Gas conection pawh pipe line aiah cylinder te duh zawk pawh ni ilang kan block a cheng ve chhungkua tam tak hnen atangin no objection lak fel thlap a ngai.
Mizoram eiru hausate tlawnna ramah chuan engmah hi a fel tak tak lo a nih hi.
Tiang ang hian media lam hian han phawr thin seng mi(sual) ho hian ral atangin an hriat phak loh atang hian lo sel phuan vel mai mai hi kan tih theih awm chhun anih hi maw le.
Report this comment
March 7th, 2011 at 12:54 am
chingpen mi?..hehe
Report this comment
March 7th, 2011 at 7:39 am
Politics hi khel ve ila a tha ang. Tih fuh chuan kan hausa ve mahna. haha
Report this comment