– Jonathan Lianhmingthanga Sailo
Ka ngaimawh zual thil parukte ka han ziak teh ang:
a. Kan tawngkama ‘Zanin tlai’:
‘Zanin tlai’ tih tawngkam hmang Mizo zingah thahnem tak an awm a. Hei hi a dik ka ti lova. Ka han ziak a ni. A nihna takah chuan Zanin tlai tih tur a ni lovin, Vawiin tlai tihtur a ni. Zanin- ah tlai a awm thei lova. Zan a nih hmain tlai a awm thin. Mizo chuan Zing, chhun, Tlai leh Zan hunbi chhiarnan kan nei a. Vawiin- ah hian Zan a lo thlen hma ngeiin Tlai kan nei dawn (a hun kan tawng dawn) a ni!
b. Kawngpui sira Rod chhut ngil:
Kawngpui an han Metal tha te te a. Kan In kan han sa dawn a. Kawngpui mam tha tak mai sir emaw, khawi emaw laiah Rod kan han chhu ngil a. Kawng kan chhuchhia a, nakin lawkah kha kawngmam tha tak ni thei reng kha a lo chhia a, Motor a kal pawh hreawm khawpin a lo chhe thin. Ramhlun South vel bawr, Govt. Republic HSS panna kawngpui pheiah sawn an hrat khawp mai! Tin, a kawng saw a chhe deuh reng mai bawk!
c. Taxi/ City Bus/ Sumo Conductor leh Driver meizu:
Taxi/ City Bus/ Sumo Conductor leh Driver meizu thinte ka nin chungchang leh heng mite hian sim se ka duhthu hi ka sawi fo tawh thin a. La tih ching hi an thahnem khawp mai. Hei hi a tha lo. Mahni tana tha lo midang kan pechhawng tihna a nih avangin ching tawh lo se ka duhthu ka han sawi nawn leh a ni e.
d. Passenger tuibur hmuam:
Hei pawh hi a ninawm a, a rim hre tan a thinrim thlak. Khawi emawa kan kal nikhua- a vantlang Motor (Taxi, City Bus, Sumo., etc)- a kan chuan changa tu inemaw tuibur a hmuam a, a han pik puat mai chuan a rimchhiat theihdan zia leh hnar a verhzia chu kan hre theuh ang. Midangin kan bulah ti se kan duh tur ang chi chauh hi i ti thin ang u- midangte bulah chuan!
e. Road Cutting:
Tui Connection kan han nei thar a. Kawngpui tha leh mam nalh em em mai ni lai reng kha duhtawkin kan han sawisa a, kan tanchhum a. Kan theih anga tha nia kan ngaih angin kan han hnawh leh nawk nawk a. Mahse, a hma ang kha a ni thei lo! Cement hmangin kan han zut der ve a. Mahse, kha kawng hmel kha a mawi tak tak thei tawh lo! Kawngtha kan duh tak tak a nih chuan kan kawng enkawldan te pawh hian zir deuh se a duhawm takzet a ni! Kawng kan tanchhum pawhin mahni ramchhung, Compound chhung anga ngaiin i siamtha leh thin ang u. Chuti lo chu a chhiata tuartute zinga tel tho kan ni fo!
f. Biak Ina Thawhlawm kan thawhdan:
Thawhlawm khawntuten thawhlawm an rawn khawn a. Kan han thawh dawn a. Thenkhat chuan kut veilamin duhdah takin kan lo pe a. Mahse, hei hi a tihdan tur a ni lo: Kan kut dinglam ngei hmangin thawhlawm kha a thlakna tur bawmah kan thlak chat chat tur a ni.
Similar Posts:
- Tunlaia ka ngaimawh thenkhatte
- Kan Himna Kulh
- Traffic hi..
- Bungkawn veng Taxi driver bo ruang chhar
- Serchhip Dinthar Veng leiminin National Highway-54 a hnawh ping
(Y)
March 11th, 2011 at 6:32 pm
a n1 khawp mai
Report this comment
March 11th, 2011 at 6:38 pm
E) road cutting permit neih hnuah hian, keimahni hnawh phui leh tur nge, permit min petu PWD lam hnawh tur le?
Report this comment
March 11th, 2011 at 6:39 pm
a,b,c,d,e
f hi a ho..vai zia eee..kut vei lam kha ‘curse’ angah ngaih cuan tan mai turr..lolzz
Report this comment
March 11th, 2011 at 6:39 pm
A tha khawp mai!
Report this comment
March 11th, 2011 at 6:41 pm
Rawtna tha tak ani. Mizo hi hnam luhlul leh mahni hmasial tak chu kan va ni êm. Min hnial mah ula a dik tho sia…
Report this comment
March 11th, 2011 at 6:47 pm
#5,
kan hnial lo mei ang che…
Report this comment
March 11th, 2011 at 6:56 pm
f-kut vei lam in titak deuhin thlak ta chat ila…kut veilam kha ka hman thiam ni bawk se…
Report this comment
March 11th, 2011 at 6:58 pm
a ddang khi chu tha hlawm viau mai…zawm ngei tlak vek a ni..
Report this comment
March 11th, 2011 at 6:59 pm
#5 a hnam puma han generalise tawp mai chu, a va mak awm ve!
Kawng sira rod chhut ngil hian engtin nge kawng a tihchhiat daih theih? tih ka lo ngaihtuah mai mai
Report this comment
March 11th, 2011 at 7:32 pm
Post tupa paruk i thawh a a pasarihna tur ka han thawh ve a nge:-
Kan kawngpui metal road black topping bumboh lutuk hi ka lo ngaimawh ve khawp mai, road roller hian a chil mam zo lo nge an black topping-na hmanrua hian a daih hlawl lo zawk. Aizawl khawpui chhungah pawh hian tlang dung kawngah hi chuan a mam tha viau, tlema kawng pen hleh deuhah hi chuan an siam thar hlim pawh ni se kan tlan sawt trek trek mai a nih hi maw le.
Report this comment
March 11th, 2011 at 7:33 pm
Kut vei lam hmang hian a ding lam kherin thawh se i ti mi! chakai hi ngil takin i kal tir thei loang, akekeke
Report this comment
March 11th, 2011 at 7:34 pm
Kawngpui sira rod chhutngil, City Bus Driver/Conductor te meizu, Passenger tuibur hmuam te hi ka ngai serious khawp mai. Dawrpui pheia dawr neituten fur laia kawnga an inchung tui an han khawhtir ngawt mai a kan kawng kal lai min han khawh thin te hi a thinurthlak ka ti hle. P.W.D. lamin road cut permit an pek thlap tawh, kum khat dawn hnu pawh a an siamtha theilo hi chu ka dem khawp mai.
Report this comment
March 11th, 2011 at 7:41 pm
lol….pu muante@9 kawngpui sira chhu na na chuan kawngpui a ti chhe tho ta a…hahaha…i sual lutuk….
Report this comment
March 11th, 2011 at 7:46 pm
Thil tha tak an va ni hlawm ve.
Report this comment
March 11th, 2011 at 8:09 pm
Pu muante..kawngpui sira chhu na na na kawngpui tihchhiat chu a them tlaw thlak e..haha.. Thawhlawm chungchang hi.. Bibleah a inziah ka hre tlat lo!
Report this comment
March 11th, 2011 at 8:36 pm
vei lama duhdah taka pek leh dinglam a duhdah tak a pek a intluk…a le… Khunkhan taka pek pawhin a intluk.
Report this comment
March 11th, 2011 at 8:40 pm
Kut dinglam kher a thawhlawm thawh a trul na ka va hre lo e o. Duhdah tak chuan kan pe tur ani lo, ka pawm e. A thlakna bawm ah tak thra taka ka thlak theih dawn chuan ka kut rem chang zawk zawk, ka vei lam poh nise ka hmang mai ang
Report this comment
March 11th, 2011 at 9:18 pm
Ngaimawh paruk chauh te chu a ngawihbo pui mai theih alawm
Report this comment
March 11th, 2011 at 9:26 pm
A tawp berna khi, kut veilam hmang thiam zawk tan chuan dinglam hmang ho tana veilam kan trangkaipui loh zawk ang tho hi a ni! Tin, mizo culture ah hian veilam leh dinglam tih hian awmzia a nei vak em ni le! Western superstition mai mai a ni lo maw? (mizoram bik atân). A trul kher lo ka ti.
Report this comment
March 11th, 2011 at 9:32 pm
Kut veilam ngaimawh hi Western Cultural influence ani emawni le. Nepali, Arunachalee, Assamese etc etc reng reng thil min pek dawnin an kut dinglam an hmanga, veilamin an kiu an vuan thin. Tin, Vaiho hian mawngsilna lam anih avang hian an ngai pawimawh hle bawk…
Report this comment
March 11th, 2011 at 9:39 pm
A solution han sawi nghal la.
…khrum
Report this comment
March 11th, 2011 at 9:49 pm
e. na khi chu phe in a siam na tur pwd ah an pe thin khan ka hria a,f.na khi chu a petu thinlung zawk a pawimawh ka ti daih mai
Report this comment
March 11th, 2011 at 10:13 pm
#9 100% chuan kan ni lo na a, a tam zawk hi an ni tlat sia hnam pum ai an awh lo thei si lo ani. Sorkar thupek te pawh hi mahni tana tha tur anih chuan kan zawm duh lo a, action lak tak tak a awm lem hlei law.
Report this comment
March 11th, 2011 at 10:33 pm
Tuibur hmuam chunga min biak hian thlamuangin ka awm ngai meuh lo tih kan sawi ve hrim hrim ange
Report this comment
March 11th, 2011 at 10:41 pm
Mi In a han len luh a an bang khawilai ah emaw “In chhung ah zuk leh hmuam i tihloh avangin kan lawm e” tih an tar thin hi ka ngaimawh!!
Report this comment
March 11th, 2011 at 11:46 pm
vei tlem ve sin..f thleng lek…khonge g.h.i leh a dang..
Report this comment
March 11th, 2011 at 11:55 pm
Chawhpawlh ve hle mai. Top 6 em atan chuan khi aia vei khi ka ngah lutuk, hui hams…. *its none of your business* min ti se, ka dang lel awm sia…
Report this comment
March 12th, 2011 at 12:47 am
Heti khawpa tui kan harsat laia tui pipe leak tam lutuk hi ka ngaimawh thu ka rawn thawh ve e. Pipe leak atanga tui luangral hi a tam tham ngawt ang. Pipe fit lai hi an hotu te hian check zeuh2 se a tha khawp mai.
Report this comment
March 12th, 2011 at 12:51 am
@Pu lalpeace, tui sem tur pawh awm mumal loh laia Water Meter thar thawm ri reng hmang hian ka lo tuihnihang che!!
Report this comment
March 12th, 2011 at 2:23 am
Ka ngaimawh zawng kan sawi ve lawk teh ang…..Vawiin khan mizo zinga Lengpui Airport-a tum hmasa ber Pu Muantea (driver) chu Khatla South-ah an vuiliam a ! Mizo history-ah a chuang ve reng tawh ang.
AVRO-748 khan Lengpui Airport-a DVOR a calibrate lai khan AAI Engineer ho zingah khan a chuang tel ve a ni. An tumin an thlawk chhuak sek mai an ti……!!!
Report this comment
March 12th, 2011 at 5:01 am
“A” tih loh chu like vek..post tha lu tuk..
mahse A khi chu maw hman dan a in ang lo,thil hi word by word a kan lak a,a meaning ang chiah chiah kan chhui dawn a nih chuan.chingpirnu te hi a A NU vek a ni bik em ni??? a nih leh Chepa te hi a pa vek em ni le??? Hmeichhia, MINU ti pawl i nih loh hram ka bei sei….
Report this comment
March 12th, 2011 at 6:28 am
Thawh ṭha khawp mai. f khi ngaihtuah ṭhat leh chi lo maw
Report this comment
March 12th, 2011 at 7:35 am
I vei tha viau e. Ding leh vei hi chu awmna hmun a zir chuan a tul khawp mai. Mahse,’ tur a ni,’ tih atan em chuan a tul ber lem love.
Report this comment
March 12th, 2011 at 9:08 am
#18 Ngawih bo pui thei bik lo niang tukin lam chanchinbu-ah(zozam times) pawh hmuh tur a la awm ta fo.
Report this comment
March 12th, 2011 at 2:28 pm
Pipe leak kan ngaimawh ang bawkin kawngpui sirah kan motor te kan sil thin a,a pawi ngawt mai..a bik takin Dawrpui phei ah sawn sil an awm thin a,a mawi duh lo khawp mai..kan city a ti tawp tlat.
Report this comment