Japan Tsunami rapthlak tak ka thlir reng laiin, ka ngaihtuahna vakvel in hman a ka thuziah ka rawn herlum leh mai mai. Nia, Chhandamna ni mang silo, ringtu nun a chawmlo te pawh in lo ti maithei. Mahse kei, rinna a pachhe ve tak mai hi chu heng thute hian Bible hi min chhiartam tir in Pathian min hnaih tir ve fo thin ania.
A eng a mah zir mang silo in ka rawn hypothesize leh dawn a, mahse ka rindan nghet tak ani. Khawvel thiamna a kan lo hriat dan erawh an kalh deuh rep rep. A sei deuh lo theilo, ka la tawi ve nasa, Sunday awm awl pah a chhiar atan ni mai rawh se.
TUILET A AWM TAK TAK EM?
Hnam hrang hrang zing ah hmanlai a tuilet thawnthu anlo nei deuh vek mai hian Nova hi phuahchawp mai nilo, awm tak tak anihzia a tifiah lehzual in ka hria. Babylonian ho thawnthu epic of Gilgamesh a Utnapishtim hi a lar pawl tak ani awm e. Hindu Pathian Trimuti zinga ‘god of preserver’ Vishnu pawh hi a tawng tobul ah chuan ‘Man of Nu’ah’ tihna ani.(Nova hi Hindu ho in an Pathian chungnung ber pathum zing ah an lo chhiar reng anih chu). Chutiang in Egyptian leh Chinese ho pawn an lo nei vek mai. A vai chuan tuilet thawnthu hi 500 chuang a awm ang a ngaih ani. Mizo pawn Ngaiteii thawnthu pawh kan neih ve chhap hi, tuilet lam chu anilo nang a.
ENGVANGIN NGE TUI A LET?
Tuilet hma khan hybrid sex a theih thu hi Bible in a sawi. Pathian fapaten (vantirhkohten) mihring fanute sex an hmanpui a, mihring pangai aia chungnung zawk demigods anlo piang ta a, chungho chu mihringten pathian ah te an be ta hlawm tlat ani. Chu chu Pathian lak atanga penbona bupui chu ani. Chung ho tihboral na leh khawvel an hruaibo ta lutuk chu tuilet chhan chu ani . Tin, tuilet hnu hian hybrid sex leh thlarau khawvel atanga duh duh a rawn in materialise chu khap ani ta anih hmel, sawi tur a awmleh ta lo.
Tunthleng a kan ka hmuh Egyptian, Babylonian, Chinese, Greek, Roman leh Hindu mythology a an pathiante zawng zawng hi chungho leh an thlahte ho chu anni. (Helai a Pathian fapate hi Kaina thlahte anni ang tih ngaihdan pawh a awm a, mahse Bible pum en chuan a pawmawm loh). Higher life form atanga lower life form a an rawn kal dawn hian taksa an mamawh a, khatih hunlai a ransa an duh duh kha an rawn hmang mai thin anih a rinawm bawk, Eden huan a Setanan rul a hmang ang khan.
A nihloh leh khawvel hmasa a anlo hmelhriat tawh sa pawh ani mahna. Mythology a awm dawn chuan base engemaw a neih ngei ngei a ngai a, chuvang chuan ‘mythology phen ah hian thudik a awm’ tih hi a rinawm em em ani.
ZAWHNA
Mak ka tih chu Adama te kha leilung luahkhat tur a thupek mai nilo, khawvel pum mai chu huan a siam tur a beisei anni a, chutih laiin kan khawvel hmelhriat erawh chu a luah a luahkhah chi rualloh, thlaler sa lutuk, chhim leh hmar tawp vawt lutuk, ramhnuai pik lutuk, kawr ruam thuk leh chhengchhhe lutuk, tlang sang awih pangper lutuk anni nuk hlawm bawk si. Tin, thilo a mihring inthlah pung nasa lutuk han dah nan chuan khawmual a pe tlem lulai lutuk, tui in a chim nasa lutuk bawk. Tin, thawmhnaw inbel kha bawhchhiatna rah anih si chuan, khawvel temperature chu a extreme a awmtur anilo leh bawk…..
Chutichuan tuilet hma khawvel chu kan han suangtuah dawn ta ani. A hmasa ber ah chuan tunlai khawvel topography hi chu ani theilo hrim hrim . A chhan chu Pathian in mihringte luahkhat tur leh khawvel pum mai chu huan a siam tur a thu a pek chuan thlaler lum leh khawro lutuk, vur ram vawt lutuk, kawrruam thuk leh chhengchhe lutuk, ramhnuai pik chhah lutuk, tlang awih lut leh sang lutuk te hi an awm tur anilo hrim hrim ani.
A hmasa ber ah chuan tuilet hma kha chuan khawvel pumpui hi phaizawl cham deuh vek anih hmel. Khawvel pumpui a chim si a (Khawvel pumpui ani lo deuh tih rinna pawh a awm a, mahse tanchhan a nei chau lutuk a, Bible a kalh bawk a, sawilo law law mai ila). Tui chuan lawng chu a vawrh sang zel a, tlang sangber te pawh a khuh a, lawng chhung a ransa lian tak tak te ni 100 chuang nuamsa taka an la thawk theih dawn chuan 4500mt aia sang ani theilo hrim hrim.
Hemi aia sang ah chuan reitak a thawk theih tawhlo. Chumi awmzia chu mt.Everest(8900mts+) te hi khatih hun khan an la awm lo aniang. Continental drift, plate tectonics leh earth’s tilting te hi tuilet vang a lo awm ani thei ta tlat ani.
Bible ah chuan khawmual lang miahlo in tui in khawvel chu a chim vek thu min hrilh a, (Post hmasa ah Khawvel hmasa hremna anih ka rinthu ka sawi tawh kha). Chuan Adama tan a khawvel an din thar leh khan tui chu a then a, tui leh tui inkar ah chuan boruak zau tak a dah ta tih kan hmu a.(eng form nge anih ang tih phei chu ka hre lem hlei lova). Khawvel hi van boruak chung lam ah khian tui in lo hual ta pup mai se, ni sa chu direct in leiah hian a rawn lut thei lovang a, tui chu a chhun lum pup ang a, chu chuan khawvel temperature chu inang thap in a sem rual mai dawn alo ni thei ta ani.
A lum lutuk lai a awm lovang a, vawt lutuk lai a awm bawk hek lovang. Tunlai Sahara thlaler leh vur ram Siberia te chu boruak a in ang chiah ang a,hnim hring an duah hluah mai dawn alo ni. Scientist ten a Siberia vur ram a mammoth, hmanlai sai lian ruang an hmuhchhuah chu a pumpui ah hnimhring a lo la pai teuh mai a, vur in alo vawngtha reng mai tih an hmuchhuak ani. Sailian mang khen, tuan muang ve tak mai chuan engtin nge Siberia ram, hnim hring reng reng awm lohna chu a tlan thlen theih tehlul ang le? A chhanna chu tuilet hma kha chuan Siberia hi phul hmun hring dup mai alo ni zawk ani tih hi ani.
Tin, van boruak chunglam a tui awm pup mai chuan nisa hlauhawm lutuk chu alo dang anga, khawvel ah hian natna hrik hlauawm in mutate zung zung chi, virus, bacteria, germs te tan sterilised khawvel anih hmel, chutiang khawvel a cheng mihring han hrisel dan tur chu rura tak ani ringawt ang. Adama, chatuan a dam tura duan chu, bawhchhiatna avangin ni khat, (chu chu kum 1000) pawh dam tling lovin, thei an ei ni la la chuan thi mahsela, a damchhung reilote kum 960 chhung khan natna hri thalo avanga a damloh hi a rinawm loh ani.
Tin, palian thelh thawh tak pawh anih a rinawm hle bawk ani, a hmelthat ser sawr pawh a rinawm bawk. Khawvel a ramsa zawng zawng a thunun vek theih a, sai pa pawh a dar a alo chul theih dawn chuan(hei chu mitthla), tun hnu zel a mal-nutrition, defficiency leh natna hrik hrang hrang khawvel a alo pian tak avanga mihring lo piang zel kan hrisello leh kan chenbeh tak hi la tawng ve dawn hek lo.
Tui alo let a, van tukverh te alo inhawng a, van boruak chung lama tui awm kual pup mai chu an rawn insah ta huk mai chu, a che rura lutuk a, khawmual an tawlh dul dul ang a, an intauh bup bup ang a, leilung inngahna lo hnip in volcano leh tsunami a siam ang a, tlangsang leh kawrruam an lo insiam ta ani ber hmel. Chuti khawp a rihna leh force chu a zo lo a, 23 degree in khawvel chu alo awn ta a, chu chuan polar shift a siam theih hmel bawk ani.
Lei chunglang a thil hlu tak tak, rangkachak leh lunghlu te, tun hma a Eden huan a lei chunglang a awm sup sup thin te pawh chu lei chhungril ah alo in phum ta vek anih hmel( Ezek 28:12-16), phaizawl nuam tak tak te pawh chu kawrruam thuk tak tak ah te leh hmun khawkrawk tak tak leh hmun chhengchhe tak tak ah te anlo chang zo ta ani. Grand Canyon te pawh tui lian nasa lutuk hnuhma anni tih hi a chiang ani. Chutiang khawp a tuilian nasa avang chuan leimin leh lei tlahniamte a thlen phah nasa em em a, khawmual hi a tawlh in a tawlh dul dul mai ang a, nungcha, thing leh mau ruang leh tawih te chu lei chhungril ah a phumbo zo ta a, chung te chu tunlai fossils fuel te leh fossils an laih chhuah leh te hi anni hlawm ani.
Ni sa chu dang tu awm ta hek lo, hmun thenkhat chu a em ta kawk tlawk mai a, hmun lum lutuk leh thlaler ah te anlo chang zo ta, a then lah chu ni em phak reng reng lohna hmun vur ram vawt lutuk, nunna awm theih lohna hmun ah te anlo chang zo ta bawk anih hmel.
Tin, tuilet hma kha chuan khawvel ah ruah a la sur ngai reng reng lo anih hmel bawk. Ruah sur lovin, lei atanga tuihu lo chhuak chuan thlaite chu a chawm thin tih ziak ani a. Pathian in Euphrates phaizawl a cheng Nova hnen a ‘Lawng tuk rawh, ruah ka surtir dawn, khawvel hi tuiin a chim vek dawn’ han tih chu a hunlai mite tan khan a awihawm lo dantur zia leh a nuihzatthlak dantur zia chu rura tak ani. Nova pawh kha tunlai anga a inzirsang, physics leh geography a mithiam chu nisela, a awih bik in a rinawm loh.
Nimahsela, RINNA a fak hlawh tlak, thil lo la langlo te a rin theih avangin Hebrai 11:7 a Hall of fame ah a lang phak ta zawk ani. Heta thil lo la langlote atih hi enge nita ang? Tuilet an la hmu ngailo a, ruahsur an la hmu ngailo a, chhimbal an la hmu ngailo bawk ani. Ruahsur tawh ni se, chhimbal an hmu fo ang a, Pathian in thilthar chhinchhiahnan a thlang kher lovang. Ruah alo sur ta a, a vawikhatna atan chhimbal alo zam ta ani.
Tuilet chuan leithatna chu lei chhungril ah a hnawl ta vek a, thlai chauh ei a chatuan a nung thei tur khawp a nutritious chu ani ta lo tawp mai, a perfect plan a a phalloh, protein kan mamawh chu sa ei a ngai ta a, sa ei a phal ta chauh ani. Tuilet avanga leithatna chhe ta lutuk leh natna hrik lo piang ta zawih zawih chu mihring in kan tuar loh zia chu, bawhchhiat hnu ah rau rau pawh tuilet hma kha chuan kum 900 chuang an dam thuau thuau a, tuilet hnu ah erawh chuan kum 120 ah an tar thi ta bawih bawih mai ani.
Hei hi tunlai supplementary food to deuh deuh siamchhuaktute hian an hrefuh a, kum 5 chuang te soil an nurture te te a, chuta thei leh thlai ten minerals an han paitam bik zia leh hrisel bik zia chu an hrefuh tlat ani.
“ He khawvel hi vawikhat ka la sawi nghing leh dawn”. tih ziak ani e.
Similar Posts:
- Khawvel Hmasa vis–a-vis Setana leh Ramhuaite
- Hringnun
- 3G
- 21st May 2011-ah khawvel a tawp dawn???
- ‘Bik’ kan ni em?
March 13th, 2011 at 4:07 pm
Chh1ar nghal ang
Report this comment
March 13th, 2011 at 4:12 pm
2ei ve…2hhiar ang le
Report this comment
March 13th, 2011 at 4:47 pm
A va han ngaihnawm rem rem ve le.
Ka han chhiar chhuah dap chu… Ka chhiarchhuak 1st e. 
(A chung ami te khi a delete theih tammm…
)
Report this comment
March 13th, 2011 at 4:53 pm
a post tupa hi ngaihsanawm ru riau mai ka ti! a nih hmel thlup thlup ngei mai. hetiang han ngaihtuah chhuah chu(h) mi danglam tak zawng i ni e.
Report this comment
March 13th, 2011 at 5:16 pm
a thuziak tlangpui ringot chhiar thuak tum poh hian ngaihnom ti deuhin, uluk deuhin chhiar leh nge2 thrin….
Report this comment
March 13th, 2011 at 5:17 pm
A ngaihnawm khawp mai. Mi inchhiar nasa (internet/lehkhabu) tak i ni tih hai rual a ni lo. I ngaihtuah chhuah liau liau a ni emaw ni lo emaw, i fakawm hrim hrim
Report this comment
March 13th, 2011 at 5:19 pm
PC. Biaksiam thuziak nen a inzul riauin ka hria..
Pu Shai, #3… grrrr
Report this comment
March 13th, 2011 at 7:32 pm
A ngaihnawm hle mai. Ka chhiar chhuak pap ee..
Report this comment
March 13th, 2011 at 8:16 pm
ka chhiarchhuah peih loh loh nen ngaihnawm ti tak mai leh kham lo deuhvin ka’n chhiar chhuah tak pap chu le! I ril hle mai.
Report this comment
March 13th, 2011 at 9:02 pm
ngaihnawm e…
Report this comment
March 13th, 2011 at 9:18 pm
A va gaihnawm em!
Mahse, ti ve mai mai ila, tui len lai khan altitude sang avang chuan thawk a harsat vak ka ring lo. A chhan chu lower altitudes zawng2a oxygen kha tuiin a displaced vek avangin boruak chu tui chim chin zelah khan a káng ve lo’ng maw?
Report this comment
March 13th, 2011 at 9:28 pm
zoho hi kei anga vi ve mai mai a ni hauh lo mai.. ngaihtuahna a ti kal thui khawp mai a.
Report this comment
March 13th, 2011 at 9:38 pm
A va thain a va han ngaihnawm tehreng em! Ngaihtuahna leh chhuidawnna thui tak i nei hi i fakawm ka ti mang e.
Luiral kan kai hnuah chauh kan hrechiang dawn si a le!
Report this comment
March 13th, 2011 at 9:47 pm
(Mak ka tih chu Adama te kha leilung luahkhat tur a thupek mai nilo, khawvel pum mai chu huan a siam tur a beisei anni a, chutih laiin kan khawvel hmelhriat erawh chu a luah a luahkhah chi rualloh, thlaler sa lutuk, chhim leh hmar tawp vawt lutuk, ramhnuai pik lutuk, kawr ruam thuk leh chhengchhhe lutuk, tlang sang awih pangper lutuk anni nuk hlawm bawk si.)
Atacama Desert, Chile ami tih loh chu tunlaia thlaler te hi thlaler ni ngailo an ni hlawm asin
Chu pawh lui pakhat a luang tlanga chu lui kamah chuan khua ala awm hram mawle 
(funny style comment) NOI 
Report this comment
March 13th, 2011 at 10:02 pm
Ziak hi chu i ziak ngaihnawm thei a ni! ‘Tuilet hma khan ruah a la sur ngailo’ tih erawh khi chu a zeldin thubawl deuh. I thil chhut peih dan hi i fakawm thlawt e.
Report this comment
March 13th, 2011 at 10:03 pm
Ngaihnom ve…….
Tui ron baw thut chuan lei a hnawl ta vak a ramsa lo awm dinosaurs te ho chu a khuh ta thut a, sudden change an tih thlen tirin temperature ngai chiah in ramsa hmasa te chu a khuh ta a fossils in siam theihna tur chiahin
………chuan boruak te poh a lo in thlak danglam zo ta chumi chuan tui ron bo huk chu ti khangin a hmasa ber atan Ice age a ron siam ta a 
….. chuan……. chuan………. Lolzzzzzzzzzz NOI
Report this comment
March 13th, 2011 at 10:29 pm
In comment lawmawm hlawm ngei mai. Thank you x100. Sawi ber tur pawh ka hrelo.
#11-Masseu, i zawhna khi a va valid ve, ka chhangthiam hauhlo mai. Mt Ararat kha Mt.4200 a sang a ni a, mihring hi mt.4500 aia sang ah chuan boruak a pan tawh lutuk a, rei tak a awm theih tawhloh si a, chu pawh uluk taka thawk a ngai tan tawh a. Saipa, chuap lian leh thisen ngah lutuk in blood circulation tana oxygen a mamawh hnem dan tur zia ngaihtuah in ka hypothesize ve tawp mai ani e.
Tin, Mt.Ararat aia sang tlang dang chu a awm ani tih chu a rin theih bawk. Sava khan hnim a rawn pet va va a, chumi hnu fe ah tui chu kam hret hret in Ararat chu a rawn lang ve thei chauh a, lawng chu a innghat ta chauh ani si a.
Report this comment
March 13th, 2011 at 10:39 pm
Ngaihthlak nuam tak ani.Thiam fu mai.
Pathian faten mihring fanute an pawl thin a tih hi .lehlin dikloh anih ka ring ve mai mai.
Hebrai tawng chuan Lal fapa ten ti in a in ziak.
Report this comment
March 13th, 2011 at 10:49 pm
Ngaihnawm hle mai
Report this comment
March 13th, 2011 at 10:58 pm
Mihring fanute nupuia neitute hi tute nge tih pawm dan tur hriatthiam harsa ka la ti reng mai..
Setha thlahte nge, Pathian ringtute nge, vantirhkohte nge, hmingtea sawi ang khian lal fapate (nobility) .. tute ber ??
Vantirhkohte hi pawm dan tlang lawn ber chu nimahsela, Lal Isuan vantirhkohte’n nupui an neih loh thu a sawi bawk si hian min ti buai
Report this comment
March 13th, 2011 at 11:06 pm
@17, engpawh chu nise, i idea ropui tak hi chu a tibuai pha lo hrim hrim. Altitude sangah pawh thawk a har loh vang khan a sang tihna zuk ni kher suh. A ngaihnawm em em!!
Report this comment
March 13th, 2011 at 11:12 pm
Khawvel tuiin a chim vek laite kha chuan eng tlang mah thawk tibuai tham a awm hleinem, a sang lai ber pawh sea level vek alawm
Tin, khawmuala tlang sang ho chen chen hi tuifinriat hnuaiah pawh a awm teuh a ni lawm ni? Chumi chungah kan awm a nia kan thaw a chham loh hi
Report this comment
March 13th, 2011 at 11:28 pm
tui let sawi takah chuan pu Patea hla phuah alo a luak tichhuaka poetic licence chawi vul a,hla phuahtute tawngkam chheh sual pawh tan tlat thin ten a tanfung bera an neih ‘lawng chhawlhna tlang thianghlim chu min thlen ngei ang che’ tih hi tidiktu angah ka ngai hmiah mai..tlangah lawng a chawl thei hleinem te kan han tikawlkalh beuh mai thin a, Ararat tlangah Nova lawng kha a innghat a nih kha..kha hmun han thleng te kha chu Nova leh a chhungte Pathian thu awiha kum 100 teh meuh mai lawng tuk te chauh kha an ni a. heta Pu Patea’n lawng chawlhna tlang thianghlim a tih pawh hi Pathian tana mi inpe, a thuawihtute tana a buatsaih ‘Vanram’ a sawina ‘symbol’ tha takah ka ngai hmiah mai…
Report this comment
March 13th, 2011 at 11:28 pm
#18 hmingtea – kan en nghal vat a- HEBREW> ‘elohiym (el-o-heem’); plural of OT:433; gods in the ordinary sense; but specifically used (in the plural thus, especially with the article) of the supreme God; occasionally applied by way of deference to magistrates; and sometimes as a superlative:
(Biblesoft’s New Exhaustive Strong’s Numbers and Concordance with Expanded Greek-Hebrew Dictionary. Copyright © 1994, 2003, 2006 Biblesoft, Inc. and International Bible Translators, Inc.)
tih ani e.
Report this comment
March 13th, 2011 at 11:47 pm
#20@donald – a cause and effect en chuan Pathian thinurna nasa tak a thlen phah si a, Setha thlah, Abela thlah te chu ni se Pathian tan thinurna tur a awm awm ka hretheilo. Lal fapate(nobility) tih chu anilo tih comment #24 ah khian a chiang bawk si a,fallen angels hi a pawm awm ka ti ber.
Vantirhkoh ten nupui pasal an innei lo tih Isua sawi hi sex an hmangtheilo/hmang ngailo tihna ang in kei chhiar ve ngailo. Paula phei chuan in insumtheiloh avangin nupui/pasal bik nei rawh u tiin marriage covenant hi a chhuah daih mai asin.
One man: one woman ratio hi Pathian institution ani meuh em tih pawh hi kei ka question reng asin. Adama khan Evi lakah chauh emni fa a neih ang? Chatuan in dam dawn ta ang se? kum 960 chhung pawh khan Evi chauh ani ang em tih ah pawh ka tang ngam chuanglo. Prophesy leh Biology atang pawn tamtak sawi tur a awm, mahse sawi a tha ber tawh in ka ringlo,tunlai khawvel zawng hmeichhe lalna ram ani tawh ber mai si a….
Report this comment
March 14th, 2011 at 12:10 am
#25 @ zoho,
Pathian thinurna chu vantirhkoh leh mihringte inneih pawlh kher lo paw’n a theng thei tho law’ng maw ? kan hma lawkah pawh a lo thleng dawna, kan inneih pawlh kher hleinem..
Vantirhkohte khan sex an hmanpui ringawt chu nise problem ka nei lo maithei.. mahse an duh duh nupuiah an nei a ti tlat si a, Isua’n nupui/pasal an inneih loh thu a sawi bawk si hi alawm ka buaina chu ..lol
Keipawh One man: one woman ratio hi a hun leh hmun azirin One man: seven women ratio pawh a ni thei thovin ka ring asin .. mahse shhhhh .. !!
Report this comment
March 14th, 2011 at 12:57 am
hei hi a duh in lo en ve teh u… hhttps://en.wikipedia.org/wiki/Epic_of_Gilgames
Report this comment
March 14th, 2011 at 4:48 am
Hei hi en ve teh u..
https://www.youtube.com/watch?v=HGEpg9V41Qg
Report this comment
March 14th, 2011 at 5:32 am
m_bawitlung, ka en e, a pui hle mai a
Report this comment
March 14th, 2011 at 6:54 am
kan speaker pa sawi hi awihawm ve deuh tho asin….khawinge a source chu ka hrelo nain….
Report this comment
March 14th, 2011 at 5:54 pm
han sawi ve ila tuilet thu a source kimchang ber chu Bible ani tlat a chuti anih chuan tuilet khan tlangsang ber pawh a khuh tel vek ani.Ararat tlang a tang in kan tehkhin a tha ber lo ang,lawng kha a innghat ngei tak a amaherawh chu tui a kiam hnu ah chauh ani chupawh ruahsur tawhloh hnu ni za leh sawmnga hnuah chauh tui chu a lo kam tan ani.
heti hian ti teh ang Bible thu hi a ziaktu te hian tamtak hi chu kumsangchuang ral hnu a inhrilhchhawnna atang anziak in a rinawm.Hetiang anih avang in history chhui nan a hman erawh a finthlak loh mai thei(a date a inziak tlatlo a) chumi a nih rual chuan kan rinna leh Pathian thiltihdan ah chuan TEHNA DIKLO THEILO ani ringawt mai ani.
Report this comment
March 14th, 2011 at 6:01 pm
han sawi ve ila tuilet thu a source kimchang ber chu Bible ani tlat a chuti anih chuan tuilet khan tlangsang ber pawh a khuh tel vek ani.Ararat tlang a tang in kan tehkhin a tha ber lo ang,lawng kha a innghat ngei tak a amaherawh chu tui a kiam hnu ah chauh ani chupawh ruahsur tawhloh hnu ni za leh sawmnga hnuah chauh tui chu a lo kam tan ani.
heti hian ti teh ang Bible thu hi a ziaktu te hian tamtak hi chu kumsangchuang ral hnu a inhrilhchhawnna atang anziak in a rinawm.Hetiang anih avang in history chhui nan a hman erawh a finthlak loh mai thei(a date a inziak tlatlo a) chumi a nih rual chuan kan rinna leh Pathian thiltihdan ah chuan TEHNA DIKLO THEILO ani ringawt mai ani
Report this comment
April 9th, 2011 at 10:32 pm
zeldin thubawl mai mai, Nova hun laiin tui a lianin a chim pil vek a lawm, tui fawn lainpui in rei lo te a ron khuh a let leh daih a ni hlei nem.
Report this comment