Source:- Thanpuii Pa Kutchhuak By B.Lalthangliana.
First edition – 1994, copies 1000.
HLA neih tam hi hnam finzia tehna ni teh hlauh se, sawi buai ngai miah lovin Mizo hnam hi finga chhiar tur kan ni ang. Hla hian hnam nun leh rilru a tar lan thin avangin hla neih tam ngawt chu a tawk lo va,a awmzia hian kawngro a su zawk a. Kan hlate hian kan hnam zia chu a mawl ang angin, a mawi ang angin a tarlang a; kan lo changkan deuh deuhin kan hla awmziate pawh a lo thuk ve deuh deuh zel a, tunah chuan kan hlate hi chik taka ngaihtuah leh chhut a ngai ta ani.
MIZO HLA NEIH TAN DAN : A bul thu sawiah chuan kan hla neih tanna chu kan chanchin(History) kan chhui theih hlat ber hun vel atanga hla hi lo piang ve ni ngei tur a ni. Kan chhui hlat theih ber chu kan pi pute Run leh Tiau kara an khawsak hun lai thu a ni. Chutih lai chuan silhfen tha pawh an la nei lo va, siapsuap an feng a, chi tin hi a hrang hrangin an awm a, a changin an indo a, a changin an inngeih leh thin. An awmna hmun kan hriat hmingthang ber berte chu Seipuikhur te, Khawkawk te, Suaipui leh Sanzawl te an ni a.
Chung hun chu 1,500 A.D vel ni tur a ni. Chutih lai chuan hla an la nei lo va. Titi pakhatah chuan, pa-pakhat hian Tumpang Sial a kap a. Miten salu an men thin tih an hria a, men ve an duh ta a. Hla lo chuan an ti hlei thei ta chai lo mai a, mahse sak tur an nei si lo va. Pa pakhat chuan, “Kei man kan phuah ang e,” a ti a, ti hian a han hril ta a.
Khatah khanin hei hi a lang a,
Hetah hianin kha kha a lang a.
Chu mi ringawt fahran chuan an tlaivar zo ta ngang lo va, an tin darh ta a ni. A tukah chuan tumpang kaptu fanu chuan an inkhualte-lemnaah,
Ka pa’n tumpang sial a kap e,
Kan runpui a mawi e,
tia a sak hi an hria a ; tichuan sa lu chu an men tha leh ta ani an ti. Titi dang lehah chuan Mizo hla neih hmasak ber chu, “khawmhma pal a er an ti” tih ngawt mai hi ding tlarho hian an sa a, an sak pah chuan an er(eu) vak vak a, an piaha mi dang ding tlar vete chuan,” A er leh lo an ti e,” tiin an lo kun ve vak vak a, chutiang chuan an intih chhawk a, an nui vak vak thin.
Chutiang chu ka hla neih tan dan a ni a, a mawl tawk hle, awiawm tak a ni. Chutianga a rawn intan chuan hla chi hrang tam tak maiin an rawn hmu chhuak zel a. Tunah te phei chuan hla chi hrang chhiar sen loh, awmzia pawh thuk zawk leh a thute pawh ngaihno bei zawk miten an lo thiam thar ta zel a, thu kamram mai maia intanin hla tha tak tak a rawn insiam chhuak ta a ni.
RUN LEH TIAU KAR CHEN LAIA HLA CHHUAK.
(post lehah chhunzawm mai teh ang… sei em mai)
March 16th, 2011 at 7:55 am
A tha khawp mai a…
March 16th, 2011 at 8:04 am
Mizo ah kan zir thin tak kha le
March 16th, 2011 at 8:45 am
Khawmhma pal a er an ti
A er leh lo an ti’ tiin an zai a,an er ve ngawng ngawr thin an ti bawk 😛
Chuan Pi Hmuaki kha a rawn lar chho tan ta a…
March 16th, 2011 at 9:25 am
Hriat ve atan atha hle mai. (Y)
March 16th, 2011 at 9:43 am
TEAK post ai ngawt chuan a chhiar a kal zaih mai maw, FAWN ZEE
…khrum
March 16th, 2011 at 9:58 am
A thain a bengvar thlak hle mai……..Mizote hla tobul sawi apianga ka ngaihtuahna tisei thin erawh chu, kan hla hmasa ber nia an sawi thin, heng – Heta tangin kha lai a lang; Khawmhma pal a er an ti; adt -hlate hi a thu a tluang thain a tawngkam hi a tunlai viau mai a. Hmanlai hla zawng zawng deuh thawah khan an thu hman leh tawng kauchhehte kha tunlai tawng hman tlanglawn nen a inang lo thin hle a ni. Chuvangin Mizo hla hmasa ber ber nia kan sawi thin te hi tu pa ti ti thiam deuhin a phuahchawp mai mai a ni ang em……..
March 16th, 2011 at 10:10 am
ekhai,a bengvarthlak hle mai.tunlaiah hian han sa leh ila,a ho kan ti awm eeee.khawmhma pal a er an ti,er lehlo an ti.la la la 😀
March 16th, 2011 at 10:23 am
A va ropui ve…chu ngei chu Mizo indigenous diktak a nih hmel .. (Y) (C)
March 16th, 2011 at 10:30 am
chikthei, teak thing an chhe dawng ni tawh mai hi kan sawi leh nghek dawn ami lolzzzz…..inbumna chi khat khaw chhak lungpui lum tur inbumna ang deuh in a sawi theih daih ang hahaha
March 16th, 2011 at 11:50 am
hla ngaihthlak tur i rawndah tel emaw kan tih talh chu a 😀
March 16th, 2011 at 12:18 pm
@badboy thupui fun, ram hnuk thil hlir ka sawi tawh dawn 😀 😛
March 16th, 2011 at 12:24 pm
Fonz: haha eheuh.. CM in thamna a rawn pe che a nilo maw 😛
March 16th, 2011 at 12:39 pm
Save hnua, thula dah chi.. a tha hle mai.. (Y)
March 16th, 2011 at 12:58 pm
An phuah ta zel a, Ngurthangvela te an zai ta a.
March 16th, 2011 at 2:13 pm
“Chung hun chu 1,500 A.D vel ni tur a ni. Chutih lai chuan hla an la nei lo va. Titi pakhatah chuan, pa-pakhat hian Tumpang Sial a kap a….”
He tih hun lai hian kan pipute khan silai an lo nei tawh em ni aw?
March 16th, 2011 at 4:51 pm
sillyboy..aw nei tawh e mawle…an ngah lutuk a, naupang in thengkah nan te an hmang vel 😀
March 17th, 2011 at 6:37 pm
Fonz chu rin aiin i lo ril daih mai!!. A bengvar thlak hetiang lampang in rawn share hian. (Y)