Employment News (19-25 March 2011) chhuak thar berah khan central sorkarah a nawlpuiin a an dil theih tur hnaruak a awm nual a, Staff Selection Commission (SSC) in kum tina exam a buatsaih thin Combined Graduate Level Examination hi a dil dan tlangpui leh a hnaruak nihphung thiam ang anga tarlan I han tum teh ang.
Combined Graduate Level Examination hi Tier-I leh Tier-II (Tun hma chuan Prelim leh main tih a ni) anga neih tur a ni a, Tier I hi Mizoram ah pawh exam theih a ni a, exam centre hi Aizawlah a awm a, Tier II erawh chu Guwahati lamah exam a ngai thung. Tier-I hi ni 19 leh 26 June 2011 ah exam neih tur a ni a, Tier-II exam ve thung hi Tier-I exama inziak tlingte tan ni 3 leh ni 4 September 2011 ah exam tura ruahman lawk a ni.
Eng hna nge thawh tur?:
Hna thawh tur zinga lar zual deuh ho leh a hlawhsang leh dinhmun tha deuh atangin tarlang ta ila.
Assistant Grade in CSS te, Assistant Grade in other Central Govt Ministry te, Inspector of Central Excise and Customs te, Preventive Officer te, Inspector of Income Tax te hi exam a ti tha ho in an thlan a ni tlangpui a, a hlawh chu 9300-34800 plus Grade pay 4600 an ni vek a ni.
Assistant post hi promotion a chak a, next promotion chu Section Officer a ni nghalin Gazetted status a ni tawh a, service vanneih phei chuan Central Govt ah Jt Secretary thleng kaisan theihna chance pawh a awm a ni.
Inspector of Income Tax hi hna tha tak a ni in income tax pe ho vai miliante tlawn em em an ni a, hna chhuanawm tak a ni. Promotion pawh a chak a, kum 5 hnu ah Income tax officer ah an kaisang tlangpui a, chu chu Gazetted post a ni tawh a ni. Asst. Commissioner, Deputy Commissioner chu service chhunga thlen hman ngei ngei beisei a ni, a bik takin Scheduled Tribe tan phei chuan chance a tha zual ani.
Preventive Officer leh Inspector of Central Excise and Custom hi 3rd choice a ni thin a, promotion lamah a chunga mite ai khi chuan a muang deuh a, amaherawhchu muang lutuk a ni bik lem lo. Kum 10 hmain ST tan chuan Superintendent of Central Excise ah kai theih hman ngei beisei a ni a, chuta tang chuan Asst. Commissioner te, Deputy Commissioner ah te kai chho zelin a vannei zual phei chu Jt. Commissioner te leh Commissioner te hiala pension pawh an awm a ni.
Heng kan sawi bakah hian Sub Inspector in CBI (9300-34800 + 4600GP) te, Inspector of Post (9300-34800 + 4600GP) te, Divisional Accountant (9300-34800 + 4600GP) te, Statistical Investigator (9300-34800 + 4600GP) te leh Pay Scale 5200-20200 + 2800GP a thu post hrang hrang Auditors, Jr. Accountant, UDC, Tax Assistant, Compiler etc te a la awm nual a ni.
Exam Kalphung:
Tier-I leh Tier-II Exam paltlang te hi interview neihpui leh an ni thin a, chumi a la tling chho zelte chu an rank a zir leh an post preference a zirin appointment pek an thin a ni. He exama tlinna atana pawimawh em em mai pakhat chu english grammar chiang taka thiam leh communication skill neih that a ni. Hemi bakah hian Arithmetic a pawimawh em em bawk a, General Studies lama hnufum deuh tan pawn Arithmetic leh English thiam chuan chance tha tak a awm a ni.
Exam tawh te sawidanah chuan English thiam hi Assistant post atan a pawimawh a, chutiang bawkin Arithmetic lam thiam hi Inspector lam atan a pawimawh an ti thin a, dik pawh a dik viau ta ve ang. Tier-I leh Tier-II exam hi objective type vek a ni tawh a, fimkhur a ngaiin thiamchian a pawimawh hle a ni. A thui lutuk dawn avangin ka link pekah hian a hrechiang duh chuan in lo en mai dawn nia.
Kum 2006 hnu ah he exam ah hian mizo tumah tling an la awm leh lo a, rualawhna leh thahnem ngaihna avangin he post hi ka rawn publish ve rawih a ni e. Mizo lehkhathiamte hian he exam hi inpuahchahna mumal deuh nen chuan awlsam takin kan tling thei a ni tih hi ka hrechiang a, kan inpuahchah that tawk loh vang leh Group A post a nih loh avang hian kan ngaihthah deuh vang in kan tling lo thin mai zawk ni pawhin a lang.
Amaherawhchu, kan mizo thalai lehkhathiam zawng zawng hian UPSC kaltlangin hna kan hmu phak vek dawn lo tih chu a chiang a, Group A officer hna leh Lecturer hna hi kan indaih dawn bawk hek lo, chuvangin Group B post mah ni se I dah hniam lo ang u. Hna tha ve tawk tak a ni tih hi ka sawi nawn duh a ni. Hrechiang duh kan awm a nih chuan lntvanchhawng@yahoo.com ah in rawn zawt chiang mai dawn nia.
Link:
http://ssc.nic.in/SSC.html
http://ssc.nic.in/whats%20new%20html/latest_news/CGLE_2011_APP_Form(Final).pdf
http://ssc.nic.in/whats%20new%20html/latest_news/CGLE_2011_Notice_18.3.2011.pdf
March 24th, 2011 at 10:09 pm
A bengvar thlak e. A kualifai ho chuan han dil chur chur teh u. Mizo te hi kan state pawna hnathawh hi kan ngamlo nge ni kan tamlo riau .
ST seat reserve ho pawh Meena ho hian an keipui sa hauh deuh vun maia..
March 24th, 2011 at 10:36 pm
Avan bengvar thlak ve, chhawr tangkai awm thei hlauh sela! (Y)
March 24th, 2011 at 10:45 pm
(Y)
March 24th, 2011 at 10:59 pm
Hna tha tak an ni hlawm alawm. Mizoram-ah hna ka hmu lo tia iak iak lovin mahni phak chin hriain ram pawn lama kan chet chhuah ve a ngai a ni. Kan lungawina hian kan sumhmun hi pel ve tawh hlawm se, kan comfort zone (Mizoram) kan pelh loh chuan hmasawnna tak tak kan nei hlei thei dawn lo a ni.
March 24th, 2011 at 11:13 pm
Post tha rem rem hle mai. Mahni optional paper hi tu pawhin an thiam tlangpui a, an inthlauh em em na thin chu arithmatics, mental ability, english leh general studies ah a ni thin. Competitve exama tling tur chuan mahni subject master ngawt hi a tawk zo lo. Miin a tum tak tak anih chuan, theih loh a awm lova, theihtawpa a in prepare anih phawt chuan, khawii exam berah emaw chuan a tling em em ang.
He post hi mihlawhtling tawhte lak atanga duhsakna awka anih hi, a thei ho chuan theihtawp chhuahin in han bei teh ule. Tunhma angin hna hi a vantla dawn tur a awm tawh lo ania. In hmaah hlawhtlinna lallukhum a awm e. Thiante u, chan ngei han tum hram teh u. Theihtawp chhuahin han bei ula, hlawhtlinna chuan a hmuak em em ang che u. In lo tling mial anih chuan, nakinah mi zingah in hming lamin ka lo la insawithei ve thin dawn nia.
March 24th, 2011 at 11:17 pm
Ka ngaihdan chiah chiah ani. UPSC leh a dangte kal tlang chauha hna zawn hi a thrat viau lai hian mi zawng zawng in chan sem rual anih loh avang hian Mizo thalai te hian SSC leh a dangte hi kan ngaihven a hun ta hle mai, Heti khawpa UPSC coaching kal kan tam leh a hnam ang zawnga kan success rate chhia hmuh hi chuan kan limitation hi kan accept te pawh a hun viau tawhin ka hria.
He post hi (Y) (Y) (Y)
March 24th, 2011 at 11:17 pm
Post tha hle mai. (Y)
Mizo hnahthlak tam tak Central Service a an awm hian thla an ti muang khawp…mahse,a thawk mek hi an pension hunah chuan tute nge thlak ta ang ? A thei thei chuan han bei sup sup teh u!
March 24th, 2011 at 11:19 pm
A va han informative tak êmmm! (L) (K) Hetiang taka chiangkuanga sawizauna hi khawi ‘Career Guide’ lehkhabuah mah ka la hmu lo (Y)
Han bei (exam) chur2 teh u, a exam thei ho khan, rualawh a na alawm le…
March 25th, 2011 at 12:06 am
Hetiang detail i rawn post hi a va lawmawm em! Mizo thalaite tan bawh ruih ruih chi a ni. Manipur tlangmite hian hman deuh atang khan an ti nasa tawh a, lut pawh an tam. Delhi-a Ministry hrang hrangah hian an thu fur tawh. Keini Mizote hian tan kan lak ve a ngai takzet.
UPSC Combined Civil Services (IAS exam kan tih mai) te ai hian a huphurhawm lo zawk a, tlin pawh a awl deuh zawk ngei ang. Rei vak lo-ah promotion hmu-in senior officer an ni ve zung zung a, tha tak a ni ringawt mai. Mizoram tan pawh tangkai theihna a tam khawp ang, kan state project proposal lo bawhzui chungchang maiah te pawh hian Mizorama officer tam tak aiin an tangkai zawk daih thei. (Y) (Y) (Y)
March 25th, 2011 at 12:50 am
Comment tu ten min lo phurpui ve liam liam avangin ka inthlahrung lo sawt mai. Nia, SSC hi chu UPSC te ai chuan a awl zawk a, mahse promotion a thleng ve zung zung a, sang tak thleng a thlen theih a ni.
Kan thenawm tlangmi unaute hi kan pha lo tawh em a, thahnem ngaihna avangin he post hi ka rawn siam ve rawih a ni.Chhungte leh thian hnai exam thei nei tan chuan inkawhhmuh ngei chi a ni.
March 25th, 2011 at 1:13 am
a tha khawpmai,,lehkhathiam inti chin chuan exam ngei chi nih hi….. (Y)
March 25th, 2011 at 1:22 am
SSC combined graduate level exam hi tha riau a sin… keini kan exam lai 2004 ai te chuan a awlsam zawk daih tawh lehnghal.. mains pawh kha objective vek a ni tawh a…
Unemployed graduate assn te a awm a ni lom ni?? tan i la ang u…
March 25th, 2011 at 1:23 am
Tha khawp mai.. Mizo thalaite hi tianglam hna hi kan buaipui a hun tawh khawp mai.. Rampawn a nu leh pa chawm tura lehkhazir kan awlsam ang aiin thawk tura chhuah kan hreh lutuk hi chu kan inen chian a ngai deuh a ni.. (Y)
March 25th, 2011 at 1:34 am
Ka rilru ang pumi ka hmu leh ta. Han sawi belh ve vak pawh ngaiin ka hre hran tawh love. Good post. (Y)
March 25th, 2011 at 7:43 am
Bal an chhum tih ngawt ai chuan hma kan sawn deuh tawh ang chu ti raw!
March 25th, 2011 at 12:28 pm
Best Post. (Y)
March 25th, 2011 at 12:46 pm
Hetiang lam post hi rawn chhuah zauh zauh thei ula a lawmawm ngawt ang. (Y)
Aizawl ka awmlai chuan Employment News Subscriber hi ka ni ve thina, tunah chuan hmuhlohna a rei tawha ka ngawng ve tulh tulh mai.
March 25th, 2011 at 12:48 pm
post (Y) #13 (Y)
March 26th, 2011 at 12:30 am
#15, misuala: spam comment ni hial lo maw, topic nena inkaihhnawihna ka hre lo i comment khi (N)