mi(sual).com

@48: i va chawh ve, an biak luih lo turin an tawng thiam ve tum la nimai lom 😛

@ 52….chhagte II a facts and figures chu

Lusei- 36, 000
Pawih- 15, 00 ???????
Ralte- 13, 800
Hmar- 10, 400

hairehai 😛

Ka’n ti ve ange aw..hairehai

MIZO HMING PIANTO BUL

2010-02-16 02:22
-B.Lalthangliana
Burma ram hmar thlang, India ram hmar chhak kil, chhim leh hmar hawi zawnga inkhawh tlawn sang tlang tam tak kara cheng tlang mite chu Bengali-ho chuan Cucis or Kookis or Kukis tiin an ko thin a. He hming Saptawnga a lanna hmasa ber chu 1792 kum a ni awm e.

Bengali-hovin tlang mite an hmuh hmasak ber tumin mawl taka khawsa leh ho fea thawmhnaw te inbelin an hmu a.”Hnam mawl tlang mite” tih ang deuha awmze nei “Kuki” tiin a hming an vuah ta niin an sawi.

Burma ram chhunga chengte chu “Chin” tia koh vek an ni a.He hming vuah chhan chiah hi hriat a ni lo na a, hnanga tah em an phurh thin avanga “Chin” tia ko ta mai niin a lang a.Thenkhat chuan innel tawnna tarlan nan, “Thiana,” emaw,”Mahni leh mahni,” emaw,”Keiniho,” tia inkoh thin atanga lo piang niin an ring a.Mahse an vuah tlang mite hi thil engnge maw phurh leh dah nana hnangtah em emaw, kho emaw hmang chamchi an nih avangin koh nan an hmang nghal mai a, chu chu hnam hminga put hlen tak niin a rinawm.

Tun lai hian “Kuki” tia koh chu tlem te chauh an awm tawh a.Mizo rama cheng Mizote chuan “Kuki” tia koh chu an duh lo chauh pawh ni lovin,englai mahin chutiangin an inko ngai reng reng lo.Chin ram Teddim bial,Halkha bial leh Matupi biala cheng tlang mite chuan “Zo” emaw,”Zomi” emaw tiin an inko thin a.Magwe Division,Minbu bial hmun thenkhatah chuan “Yaw,”; Arakan State leh Pegu Division-ah chuan “Sho,”; Mindat bialah “Chho,”; Arakan State hmun thenkhatah chuan “Chio,” tiin an inko thin.Chin ram chhim lam Paletwa bialah chuan Mizote hi Arakan-ho chuan,”Teinkua” tiin an ko a.Matu-hoin,”Tlengkaw” tiin an ko thung a.Mara-ho chuan “Tlaiko” tiin an ko thin a ni.

India ramManipur bial leh Burma ram hmar tlang kil Homlin biala Thadou emaw,Khuangsai te erawh chuan “Kuki” tiin an la inko thin.

Saphoin 1872 vela Mizoram an lak a,an thut chilh tak hnu khan,chutih laia Zorama lal tam ber chu Sailo an ni a.Sailo-ho chu Lusei hnahthlak an ni a.Chuvangin “Lushai Hills” an vuah ta niin a lang.”Lusei” hming lo chhuah dan leh a awmzia hi sawi dan hrang hrang a awm a.William Shaw chuan ,”Kuki…Kukai…Lukai… Luakai…Lushai” tia rawn inher danglam hret hret niin a sawi.He hrilhfiah dan hian awmzia a nei lo va,thil ni thei a ni lo.

A then chaun “Lu” chu “Lu(head),” “sa” emaw “sat” chu “tan(to cut)” tihna a ni a.Chuvangin “Lu tan chhumtute” hi a awmzia a ni, an ti bawk.He rin dan pawh hi a dik tawk lo.Tawng kalhmang hre chiang lova hrilhfiah mai a ni awm e.

Mi dang leh chuan,”Lu” chu “Lu(head),” “Shei” chu adjective a ni a, “Sei” tihna a ni.Lusei te hian hman laiin an sam an zial thin avanga hetianga ko ta mai an ni ang e, an ti bawk a.Hei pawh hian awmzia a nei lo hle.

Kawbaw phaikuama Mizote an chen laiin hnam hming bik an la nei lo va,”Hnam khatna,hnam hnihna” tiin an invuah mai a.Tuna “Lusei” tia koh takte hi a tirah chuan “Luse” tiin an ko va.”Hnam sawmna” an nih avanga chutianga vuah chu an ni e,ti an awm a(Kawl tawngin Lu = hnam emaw,mihring ; se = sawm).Mahse hnam dang awm vete hming pakhat mah an sawi theih loh avang leh hnam dang history-ah chutiang sawi vete an awm loh avangin hei pawh hi pawm ngam chi a ni chuang lo.

Tun thleng hian “Lusei” invuahna hun leh a chhan te entirna fiah leh rinawm tawk nen hmuh chhuah phak a ni rih lo va.Engpawh ni se,hmasang pi puten an thlahtu bul ber hming chawia hnam hming an lo invuah diat diat thin ang deuh hian,an zinga thiltithei bik leh langsar ber “LUSEIA” a awm a.Chu mi hming chawi chuan an inko ta zel ang a.Chu chu hnam hmingah an pu hlen ta a ni awm e.

Chi bik (clan) hming atanga hnam(tribe) pum huap hminga Kawl leh Saphoin an vuah “Lusei” te chuan anmahni ngei an nisawiin “MIZO” an in ti a.”Mizo” tia an invuah tak chhan hi chhui dan chi hnih a awm a: Pakhat chu – Thantlang zoa an chen lai hian a then chu Irrawddy lui phai zawlah an khawsa a.Phaizawla chengte chuan thantlang zoa awmte chu “Zoho khi” an tih thin avangin “Mizo” tia koh hlen tak mai niin an sawi.

He chhui dan hi pawm a har hle.Bung hmasa lama sawi tawh ang khan Kabaw phaikuama an cheng,Chin rama an chhuah chhoh tak chhan pawh kha Shanho an ngam loh vanga chhuak rum rum an ni a.Chutianga inthen a,hming inral vuahna hun an neiin a lang bawk lo.Tin,Irrawaddy phai atang hian Thantlang a lang pha lo reng reng a.Irrawaddy thleng thlenga Mizote an thlenna hnu hma pawh sawi tur leh hmuh tur a awm hek lo.

Titi thenkhatah chuan,Sailo lal ropui Lallula Zopuiah khaw ropui tak a siam a.He tih hun lai hi lal inthlah chhawn zel dana chhutin A.D.1765 vel a ni a.An vanglai chuan an ropui bawk a,tun hmaa an ngam loh Pawihho meuh pawh an tudai a.A unau dangte thlang an tlak vek a,ani pawh a lo chuai tak deuh hnu chuan,a unaute zuiin thlang a tla ve ta a.Thlang an tlak hnu pawh ian an Zopui khaw hlui chu an hre reng a,an theihnghilh thei lo va.An chhuang hle a ni ang,”Zopui chhuak,” “Zopui mi,” an inti deuh bik a.Mite pawhin,”Zopuiho,” “Zoho,” “Mizoho,” anti ta zel a ni.He titi khawchang hi a dik hmel hle mai.

Lallula Zopuia ropui taka a chen lai hian hla a lo chhuak a.”Zopui zai” an vuah nghe nghe a.Hmasang Mizo hla hluiah “Zo” tih an hmanna hmasa ber niin a lang.

Chhim tiang hmar tiang,
Sa ang tlan zo ve;
Zopuiah hnutiang
Ka dal nang e.

Ka Zokhua hi dem lo u,
Thlanrawn thlunglu ka lakna,
Phanpui zur nguai aw e.

Zopui kan khaw a dung sei takah,
A laiah Liandanga tual leng e.

Zokhaw val hnamchem kan chawi,
Mangngul ar ang ka thahna,
Run kuamah aw e.

an hla han thlir ngawt pawh hian an invaivarzia te,an huai zia te,an unau thlang tla tawh zawng zawng tana hnu daltu an nihzia a tarlang chiang kher mai.”Zopui chhuak,” “Mizoho,” intih zel nuam khawpin an ropui tih a hriat theih bawk.

Lallula Zopui-a a chen lai A.D.1765 vel atanga intanin “Mizo” tih hming hi an pu ngei niin a rinawm a.Chu chu Mizo hnam hming pianto bul pawimawh tak a ni.

Anmahni ngei “Mizo” tia inkohna chu a darh zau zel a.A lar telh telh bawk a.Kum 1890 vel-ah te phei chuan a tlanglawn tawh hle a ni ang,1894-a lo thleng Missionary Sapte pawh “Zosap” ti-in an lo vuah nghal vat a ni.Amaherawhchu 1901 thleng kha chuan mahni hnam hming bik meuha hmang chu an la awm der lo.Zoram chhiarpui hmasa ber 1901-ah khan “Mizo” invuah pakhat te mah an la awm lo va.Kum sawmruk emaw chauh a inher liam a,thang hnih lian emaw chauh a lo nih hnu 1961-ah erawh chuan “Mizo” inti nuaihnih chuang zet an lo awm ta hi a mak hle zawk a ni.

Thlirna No.3-na: 1901 leh 1961 Mizoram mihring zat

Hnam hming Mihring zat 1901 Mihring zat 1961
Hmar ……………. 10,411 ……………… 3,118
Lusei ……………. 36,322 ……………….. –
Mizo …………….. – ……………….213,061
Paihte …………… 2,870 ……………… –
Pawih …………… 15,038 …………….. 4,587
Ralte ……………. 13,827 …………….. –
————————————————————–
Total ………………78,478 ……………..220,766

He 1961 chhiarpuiah hian mihring 1901 kum aiin a let thum laiin an lo pung ta a.Tichuan tun hmaa Mizo hming pu ngai lo,Hmar 28,000 , Lusei 109,00 , Paihte 9,000 , Pawih 40,000 leh Ralte 41,000 lai chuan “Mizo” tiin an inko tawh a ni.Hei hian za zelah mi 96 aia tlem lovin Mizo invuah an duh zawk tawh tih a tarlang chiang hle.1908 hma lam tawhah khan a ram puma mihring za zela 87-in Lusei tawng an hmang tih kan hria.Kum sawmnga emaw zet a inher liam hnu chuan a ram puma cheng zawng zawng, za zela mi pali emaw chauh tih loh chuan lungsi takin Mizo hnam hming an pu ta a ni.Hnam thar a piang ta a ni kan ti thei hial awm e.

India Parliament remtihpuiin tun hmaa “Lushai Hills” tih thin kha “Mizo District” tiin 1 August 1954-ah thlak a lo ni ta a. 21 January 1972 atangin “MIZORAM” tia hming mawi tak vuah a lo ni leh ta zel bawk.Tun lai tak phei hi chuan hmun hming leh ram hmingah chauh pawh ni lovin mihring hming bula “ZO” telh an intihhmuh nasain a lar ta hle.Tun hmaa “Lusei tawng” tih thin te pawh kha “Mizo tawng” tih hmingin a lem zo leh deuh thaw tawh a ni.

Heng a chunga insawh danglam zel hian India ram chhunga Mizote chauh a huap lo va,Burma ram leh Bangladesh rama cheng Zofate pawh a nghawr vek.An zinga insingskna hian a nghawr tel zel.Chuvangin 1957 hma lam kha hcuan Burma rama Zofate pawhin lungsi takin “Mizo” an inti hlawm a.Amaherawhchu 1957 kuma Chin Special Acts 2(4) thlak a lo nih tak khan Burma rama cheng Zofate chu Burma ram mi , a khua leh tui dik tak an nih leh nih loh thu-ah thu hnawk lian pui a lo chhuak ta a.Chu thil hnawk denchhen chuan sawrkar officer tenau thenkhat leh mi thenkhatten,”Chin” in intih ve loh chuan Burma ram mi in ni ve thei lo vang tia vau pahin thu an vawrh darh chiam a.Chuvangin lungdum taka “Mizo” inti thenkhatte chuan ko an thlak a.In chhungah leh khawlaiah tawng dang an hmang lui hram hram a.Kum 1957 hnu lama “Mizo” emaw, “Lusei” emaw tia mahni inko fan fan a,chutia invuah avanga harsatna lo thleng pawh hmachhawn zel ngam chu an tam lo hle.Tun hmaa “Mizo” emaw,”Lusei” inti thin zawng zawng zatve emaw chauh an ni awm e.Chu meikhu dum chu vawiin thleng hian hmuh tur a la awm a,a la zam ral rih lo!

Thenkhat chuan zo khaw vawt leh tlang thengthaw nuam taka chengte hi “Mizo” an ni mai a.A hming awmzia leh a lam ber pawh a ni e,an ti thin.Mahse khawvel hmun tam takah tlang ram,zo khaw vawt leh boruak thiang kara cheng “Mizo” invuah ve lo an tamzia kan hria.Chuvangin “Mizo” tih hian kawh bik a nei a.Hnam chin bik pawh a nei bawk.

Chin rama cheng tlangmi zawng zawngte hi Kawlho chuan “Chin” an ti vek mai a.Anmahni tak erawh chuan “Chin” an inti lo.Bial hrang hrang leh tawng dang deuh te nei mah sela, kohhran lama an inzawmna pui ber chu “Zomi Baptist Convention” tiin 1952 vel khan lungrual takin an vuah a.Tun thlengin he hming hi a la pu zel.

India hmar chhak kil,Burma ram hmar thlang pera cheng, tlang tam tak chhim leh hmar hawi zawnga inthlur sung kara cheng tlangmite chu tun hma chuan Kuki,Chin,Lusei tiin hnam dangin an lo ko thin.Mahse tun laiah erawh chuan anmahni ngei an invuah thin hmangin “Mizo” tia koh an lo ni ta a.An tawng pawh “Zotawng” tia vuah a ni leh ta bawk a.An hnam nun,an dan,an nunphung leh an literature te pawh hmun khatah a luang khawm mek zel a.”Mizo” tih hming hi a lar deuh deuh ang a.A la tlanglawn zual zel bawk dawn a.He hminga lungrualna leh inpumkhatna hi chak takin a la kal zel dawn niin a lang.

*Foot notes kan rawn tarlang ta lo*

Thulakna: B.Lalthangliana , History of Mizo in Burma
Source: http://zotuithiang.webnode.com/news/mizo-hming-pianto-bul/

Yiai…….Half century for Morgan…Zero pakhat Admin hoin lo belh mai teh se….Last 10 overs en a tul tlat…lewlllll…

Heta link awm zawng2 hi in chhiar zawh peih chuan tlem chuan Zohnahthlak te hi enge/tunge kan nih in hriatna a zau ngeiin ka ring:

http://zominyc.org/?page_id=297

shabito, ka comment hmasa lama Naga ho ka tehkhin kha ilo chhiar em aw? British hoin mihrang emaw min tih vanga hnamdang ten min kohdan an chhawm zel khan pawi thui tak a sawi niin ka hria. 1891 census ah erawh kha chuan ONE NATION kan ni tiin an ziak tawh thung including Tibetans. 1895 ah Chin Hills kha Burma ram chhungah an han dah hrang phawt mai a, chumi hnuah muang changin min tehndarhsarh ta anih kha ( Capt. C.R. Day ziak)

Naga te chuan english hi lingua franca atan an hmang mai a, keini ho hian Mizotawng hi hmangin hnam tepeng tawng ang chauhin sawi tawh lo ila mawle.

Pu Rokunga’n Kuki-Mizo-Chin tih a hman dan saw ka fak khawp mai, thenkhat chuan Chin dah hmasa lui ngatin Chin-Kuki-Mizo an ti anga, a thenin Kuki-Chin_Mizo an ti ngei ngei ang; extreme ethnic feeling a ni chiang.

shabito, Lusei ho tih sual tel bawkin ka hria. Lusei lo ho zawng2 kha HNAMCHAWM an ti phawt mai a. Chumi hnuah chidang reng2 kha kohdan hrang an nei ta zel a Pawite, Paite etc. Khata tanga Lusei/Duhlian tawng hmang leh hmanglo inen hranna awm ta zel niin ka hria.

Kan chenna ram a hran a, kan in identify dan a dang vek tawh. Ram a hran angin kohdan kan dang ani mai, hnamkhat kan nih erawh hriat reng ni tawh se kei chuan ka duh. Chin Hills, Mizoram, Manipur Assam, bangladesh a awm Zohnahthlak te hi tawngbil kan hmang emaw hmanglo emaw chikhat vek kan ni tho2. Lusei hi Pawi ral hlauin an thlangtla zo a, Chin Hills ah an awm ve meuhlo tih mai loh chu.

Mizo vek/Chin vek/Zou/Zomi vek emaw Kuki vek emaw kan inti duh tawh dawn chuanglo, unau hmelhai tal hi chu awmlo sela ani mai. Mawng fual hmaiphek hmelchhe pir per tak hian kan chapo ve ar hlawm si a, angaihna kan awmlo. Chumi/khami intih kan ching si, hnam tha/fel vak kanni pawh hian ka hre lemlo fo mai. A negative zawnga thil ngaihbel leh thil lak kan ching ropui mai lehnghal a, kan zahpui awm lutuk. Ram chhengchhia leh chhe taka kanawm te hi kan awmna awm tak reng niin ka hria. Ram tha Meghalaya angah te chuan awm ila, kan chapo hlum lo choh tawh ang chu 😛

hnam hnam tih aiwloh…..

Krista… tunge mizo lal freedom fighter last 50 years a turu ber i hria em? 😛

#65 hi chhiar ula, in enchian nan hmang teh u. 😉 (Y)

“tuna Mizotawng kan tih hi hnam hrang hrang tawng infinkhawm a ni tawh a;saptawng leh vaitawng thlengin kan seng lut tawh a nia, a tih mawlh mawlh khi”.

Lusei tawng a awmlo tina ni chu maw 😀

Lusei hoin HNAMCHAWM tih aiah AWZIA tih tawngkam an hmang…Chungah chuan Vangchhia, Khawlhring etc etc in tel. Lusei tawng nilo mahni a tawng hrang nei tihna anih chu. Tin, Hmar tawng in hmang ngailo bawk…ale ale ale…Hairehaiiii…..Ram.

@Zuala: Sawi tura min duh ni awm a ka ngaih hi ka hre deuh reuh mahse ka sawi chhuak mai thei lo… 😀 🙂 (*) rehai rehai (another version of hairehai )

England an talbuai deuh tih kalo zep zuai… 😀

Brig. T.Sailoa ni, Sailo lal fanu khan Pawi lal Dopawrha fapa a nei ve tlat!

@ 74..it’s all about the money honey, and i don;t think it’s funny

krista….lawngtlaia hall lianpui awm saw 😉

@ 55 shabito..I va thur chhuak tha ve. Pu B. Lalthangliana thil ziak hi ka lo la chhiar ve reng reng hlei nem..Thanks!
Hei hi a mawi ka ti, kan kalzel dan tur pawh niin ka hria, ‘An hnam nun,an dan,an nunphung leh an literature te pawh hmun khatah a luang khawm mek zel a.”Mizo” tih hming hi a lar deuh deuh ang a. A la tlanglawn zual zel bawk dawn a.He hminga lungrualna leh inpumkhatna hi chak takin a la kal zel dawn niin a lang’.

#82.. 😀 (*) 🙂 (H) (Y) (Y)

A tlangpuia lakin lusei ni lo ho hi han awm khawm reng reng tlawmngaihna ah te, aia upa zahthiamna ah te lusei ho an tluk lo fo (N)

ngaihnawm in a bengvar thlak hlawm hle mai!

in han soi tak2 hi chuan la hretlem ho cu kan bo tial tial, kanhawi ha ha mai sin.. :-S
1. Mizotawng hi duhlian tawng tih tur nge lusei tawng nge mizotawng tih hi poi na om lo??
2. ‘Mizo’ tih hian lusei ho chauh ami kn address toh ang?
😀 😛 :-S

mizo ka ni ka lawm em em e…. (T)

ngaihnom khp mai 🙂 he2 he2 thenah cuan kanlo mizo lovel nih khi mule lolz….

#74 @shabito: Enge hnahthlak chu? Mizo ah hnahthlak a awm lo! Hmar/Lai/Ralte etc Mizo diktak vek anni. Hnahthlak han tih ngawt pawh chuan kan hmu Mizo lutuk lo tihnah ah a ngaih theih ang.Mizo hnahthlak kan tih chuan hnahthlak lo Mizo chu Lusei/Lusei tawng hmang bik kan tihna a ni mai. Chu aia chiang a awm lo. Chuvanga Mizo 2 tih pawh hi rawn chhuak a ni ang. Mizo 1, 2, 3 a awm lo. Mizo a ni tawp.

@Airtel…lusei ho hi chuan ‘lusei ka ni, chu ti kha ti’ an ti ve duah ngai lo, ‘mizo’ an in ti mai. Chutih laiin Hmar/Lai/Mara ho hi chuan ‘mizo’ intih ai hian Hmar/Lai/Mara anga lan hi an duh zawk niin a lang.

mizo zinga a vengva zual deuh pawh heti hi kan nih chuan le….

Vawikhat chauh ka comment ve ang

1.Mizoram hi British Sawrkarin kum 1890-a a lak hma atangin, Mizote chenna ram hi Lushai Hills tih a ni thin a. Lakher, Pawih, Hmar ho chuan tlang hrang an nei ve.

2.Lushai Hills chu Assam ramah kum 1896-a khung luh a nih atang khan Assam rama district pakhata chhiar a lo ni ta a. “Lushai Hills District” an ti thin.

3.April 1954-ah Sawrkarin Bill an rawn putluhah chuan Lushai Hills District chu Assam rama district pakhat a la nih rih avangin “Mizo district” tih ni turin an rawn siam ta a.

4.Jan 21, 1972-ah Assam district nihna a chhuahsan atangin Parliament-a rawtna ang khan MIZORAM tih a ni ta.

5.Heng kan sawi tak te hi lushai hills, lushai district,etc. nih duh lo leh luseiin hnamchawm an tih te zinga lehkha thiam hmasa ho hmalakna a ni ber. Tin, kan hnam a lo inpumkhat zawk nan pawh Mizo-a thlak hi a tul reng a ni.

6.Mahse DUHLIAN tawng Mizo tawng tia kan thlak tel kher hi a fuh lo khawp mai. Duhlian tawng hmang lo zawng zawng MIZO nilo a hmuhna a piang ta vat reng a ni.

INDIAN vek kan ni HINDI kan hman loh avang hian tuma’n INDIAN in ni love min ti chuang lo!

MIZO vek kan ni a, DUHLIAN TAWNG kan hman loh avang hian i inhmusit suh ang u….Unau vek kan ni e !

7. Ka nick hi ethnocentric ka nih vang a ni lova, techical ground vang a ni tih ka comment-ah te ka sawi tawh thin. Mahse nimin piah chanchinbu ka chhiar atang kan ka nick pawh hi paih a hun tawh anih hi ka ti rilru a. Misual.commer te rilru a lo tina a nih chuan ka thlak daih ang…. (U)

Ka tawng tu huatthu suhah, ngatinge Mizo tawng pai deuha hmang ho hian dawt leh in sawitheih an ching em2 bik thin le?

#101 @mach3: I Mizo a.k.a. Lusei chauvisistic mindset ang chi kha i paihbo loh chuan engtikahmah Mizo inpumkhatna a awm thei lovang. I ngaihdan anga ngai kha an tam lutuk vang a ni kan buai kan buai hi. Mizoram buai laia Mizoram tana Kuki tawng hmang tamtak ram tan a nunna hlan te kha i tan chuan engtihnamah anni lo vemni? Mizo hnam an hmangaihna kha khawi atanga lo piang nge i rin? Mizo an nihna atang a sin! I chapona leh hnam bil tawng hmang i hmuhsitna hi kan thanmawhbawk anih hi. Kan tawngkam te hi kutdawh leh chawmhlawm state a awm te hman a tan chuan a insawi theih thlak mah mah.

@airtel an in sawithei duh ka timai ania, chutiang nun hlan leh hlan loh lam poh ka lo hre ve chuang law…

mach3: I mi hriat te a zir mai mai anih chu. Pai velo dawt sawi ching leh insawitheih ching hi an tam lutuk. I tawng pai hriat ho annih avangin i hmu tam mai mai aniang.

Pai ngaihna pawh hrelo mizo tawng thiam miahlo vai ho zingah tehian i sawi ang chi hi an tam ania.

@funny, vai chu Mizo an ni lo tlat. Ani tak e kan seilenna a zir zel hian kan in express chhuak thin, an ni poh hian in sawithieh tum vanga insawithei ani bik lovah ngai mai nag.

Ka nuih in tiza.

@112, example tih tur ani e.

mach3: Hnam tin ah hian hetiang ching hi an awm vek ka tihna anih ber chu. Vai mizorama awm i huam tel em? Zohnahthlak zingah, a mizotawng pai leh pai lo ang zawnga a thalo lama in rule out hi a tha ber lemlo.
“Mizo tawng” I tih hi eng ber nge? “Mizo language(s)” tihna anih hmela, mizo kan nih si chuan zo hnahthlak tawng zawng zawng hi a huam angem?

“Hnam hnuk khawih thu” lo zu ni reng a!

@funny, an tam khawp mai, mahse an in thup lutuka an insawi thei vak ngai lo.

Mizo tawng hi duhlian tawng emaw lusei tawng emaw ti a mi in an address hian ka rilru hi a na tlat zel..hman deuh atanga he feeling nei hi ka ni..A mak deuh mai thei e..!

Imperial Advance

Hnam hnuk khawih thil.. | mi(sual).com