Khirh
An dinhmun chhutpui miah lova ‘pasal nei tawh rawh’ tih thlakzen rikngawt pawh hi a dawngsawngtu tan chuan thil nuam a ni hauh lo. Mahni lama lo inngaih senior tawh nak laia a ka kaw na zawngin an fiam thlazen mai pawh hi ‘nuihpui loh dawna rilru te nihna ni si, nuihpui viau pawha na ru tlat si’ hi a ni thei bawk, an mahni lam hi insawisa vak vak pawh ni se han sawisa ve ila nui uarh uarh mahse an rilru chhungrilah nuam an ti tak tak hauh lo.
Nula senior-te dinhmun hi a khirh ru ang reng khawp a, ‘ka nei ve tawh ang’ pawh ti se a mipa lam palai rawn tir tur an awm miau loh chuan kawng a bo ru riau. MHIP khawmpuiah ‘hmeichhe lamin palai tir ve thung tawh rawh se’ tiin thu dah se a ziaawm ang em aw? Va tirh theihna tur process lai kha an mu tan a ni kumkhua thei tho bawk si.
Mipate hi chu han leng rei deuh pawh ni ila a chhaitu chan kan chang a, tum tawk tete hi an lo bo bik lo va tlai khawhnuah pawh a inchhai lunglen ve theih viau tho. Hmeichhe dinhmunah ngat chuan har tak a ni, min rawn chhai rawh se tia tan han lak vak theih a ni bik si lo; zawng lutuk nih hlauhawm si karah hnartu an neih loh vaih chuan eng mi pawh ni se an chuti der thei tlat.
Duhtui theih lai hunin mual a liam tawh ngat chinah hi chuan duhtui hlei thei kan lo ni lo va, duhtui thei lo dinhmun pawh luah zo tawh lo kan nih phei chuan hringnunah hian tan lak ngaihna a tlem pharh tawh mai thin. Chuvang chuan thil dang zawng aia leng senior-ten an hlauh ber chu an senior-puiten pasal an neih san daih anga an nun hrehawm tak hi an mal tawrh ang tih an hlau va, mualpho nia an inngaihnaah hian mualphopui tur an mamawh a ni.
Zirlai nih lohva hnathawh bulfuk neih loh phei chuan khawtlang leh leh kohhran-ah kan lo tal tam a, kan inti senior zung zung mai anih hi. Chu achhapah taksa lam pawh than a kin tawh hi hi chuan than leh ngaihna chuang awm tawh lo le-feet 5 leh 6 inkarah hian kan inumkhawm ruih tawh mai a, zirna lamah lah BA bawr velah kan fu tlang thup a, naupang tete nia kan hriatte nen kan han kalkhawm a, a senior loh theih bawk loh thin a tin ni.
Vantlang kamchhe tleuh nana leng senior-te hmang thin culture-ah kan seilian bawk si a, nupui pasala innei hma hnam kan lo ni bawk nen; chutah a tuai thar deuhte chu an lo mam deuh bawk si, van laklawh chuan van theih tak pawh a ni reng a-chet han lak ngaihna pawh vang tak a ni. Eizawnna bulfuk nei pawh he thlaphanna thlipui hian a nuai lo chuang lo, an fin poh leh an mangan dan a fing a ni chauh si; mahse khawngaih an mamawh miah lo hi an ngaihsanawmna a ni tlat.
Inkiltawihna thlipui a lo tleh a, kum a lo vei ve teivet bawk nen chuan chu chuan kum chhiar a tipung chak bawk si. Mahni lama inngai upa chuang hauh lo hian kum lam hian min lo chaldelh hma khawp hi a lo ni. Mizo chhungkuaah mo khan chhungpui nu chan a chan chhoh tawh chuan chhungpui fanu kha a lo mikhual tan a, thu a tam tial tial a, chhungkua a buarchuar tial tial a; nu leh pa’n an thlavang an hauh na ngam lo tial tial bawk nen. Nutate lamin an lo zahpui dawn dawn ta mai si- chhungkuaah inlakbingna a lo awm tan a, innghahna tur sawn tal pawm an thlahlel thin pawh hi a mak lo ve.
A chhan
Engvanga senior nge an nih sawi sen a ni lova chhut chhuah rual a ni na hek lo; a ril lutuk. Tleirawl chhuaha tlangvalte vir ve hat pawh rei tak an leng rei thei tlat a, tin, an vir reng reng loh leng rei zui lah an thahnem bawk. Ngaihsak miah lo anga lang nei ta phut mai pawh an awm tlat bawk si, ngaihsak em em nei mai pawh an thahnem zual; ngaihsak hurh chi pawh a ni lo va ngaihsak miah loh lah a ni lo zual. Nupui pasal hi chu khawl kelha ang deuhva inbat hi a ni a, inbah fuh hi a tul ve hrim hrim; chu chu sakhuana tawngkamah chuan ‘Pathian samsuih’ ‘Khuanu samsuih’ an ti.
Laklawh vang hian a lo len rei theih dawn a lo ni. Hna thawh laklawh, zir laklawh, chhungkaw chawm laklawh vangte leh laklawh hrang hrang avangte hian an nei lo laklawh thin. Tin, Zei loh vangte pawh a ni thei. Mahni zir leh thiamna kawngah chuan fing tak, thil zei zia hre thlup si thin kha mipa bulah an awm huat ta thin a, mipa thian chang an ngah a han kal falpui tur an awm lo thin erawh an thiam loh vang a ni.
Awmnain a zir hi a tul ve tlat. Hnam dang kara awm vangte hian a lentul theih bawk, hnampui mipa awm meuh lo, awm chhun pawh zun phur hlawl si lo karah hian a teirawlai theih khawp ang. Tin, zirna leh training hian kan nun a pawt hek ve hrim hrim, BA/MA hnu lama kan zir chin hi chuan min vawrh senior duh hle, zir chhuahah hnate kan han beisei kual leh a kum khat tete inbelhkhawm kha a lo tam hma khawp mai si a. Tlangval na zawngte cho rual loh chi hna thawh tawh phei chuan changkang deuh hian a hawi hil theih hle.
Hna reng reng hi eizawnna(profession) anih tawh chuan induhna(Pride) a keng tel a zawlpui teh ru si van ru tak bawk si hian kum chhir chhuah mai hi a har miah lo. Mi dangten an thlir dan tura buai ru tak, neih tur an sit ruksak ang tih hlau bawk si, ban tlang zuam chiah si lo-hmuh chhun iai deuh bawk si-an iai-a te ngei pawn ngaisang let bik der lo hian a len theih bawk. Tin, val na zawng zuam loh hna tha thawkte hi an nun a khawhar ru thei hle bawk.
Mipa rinawm loh vanga leng rei hi chhiar ila an thahnem ve thawkhat viau maithei. Neih tura thutiampui, chumi avanga mi dang pawh lo hnawl tawh mahse mi dang an neih san leh site hi an leng rei chawk, an khawngaihthlak bawk. Rinhlelhnain a tuam vel tawh a, chu achhapah bul han tan tha leh turin thenkhat chu an lo tlai tawh rawl nen an tuara vanpui chim hi a rit zual bikte pawn a hriat.
Nu leh pa’n pasal neih an phal loh hi zu awm thei a. Anmahni hma an sial avangin an chelh thin a, an phal tlai khawhnu meuh chuan neih mai tur an lo vang tawh si-an kut chi lo hawi vak vak tawh mai a ni. Tin, Duhtui ve hrim hrim, tumah teh tling zo lo an awm bawk; heng mite hi chuan len rei hi an phu, an sual chhuah a ni. An kawppui ni turin mipa tumah hi an fel tawk lo, ‘an neih pawhin a beisei loh em em tleirawl aa deuh an bum thlu khut duh’ te ti ila, anih duh hmel.
Ngaizawnawm loh ve hrim hrim an awm, an tihsual phei chu a ni miah lo mi an lem lo ve hrim hrim a ni. Mipa tan an khuamkho ru riau; lung an tileng lo va mahse kawm erawh an nuam phian. Thiante tan an inphal em avangin puarak atan an tha tawk viau. Pa deuh tung , mahse patil ni si lo an awm bawk an zia hi an len reipui duh viau. Tin, nulat kham thei mawlh lo an awm bawk, an hmel a chhia a zeng pawh ni si lo hian an leng rei phian duh. Tleirawl tirh ata ngaihzawng an tlachham ngai lo mahse khiang han awih mai hi an hreh nge chhungpui nu ‘line’-a kal hi an thiam lo, a tawpah nupui sun tawhah an bei leh mai thin, a sual chuang erawh a ni law.
Hmuhzawh loh vanga leng rei hi tam an ni lovang duh tak hmu lo erawh an ni deuh vek ang. Mi’n pahnih pathum an hmuh lai karah hian pakhat pawh chhai thluk tur hmu zo lo hi an awm thei ang em? Nge an lungdum zattu an hmuh loh vang? Lungdum zat loh hi tlai khaw hnuah an fawm leh chawk. Ngaihsak loh vang hrim hrimin a len rei theih ang, mahse an tam lo vang. An sawi chhuak lo a ni chauh ang, kum a’n pun chhoh tak tak hian mi pangngai hi chuan lungkham rukah kan nei tlangpui tho. A tirah mahni aia u deuh an beisei phawt a, chumi hnuah mahni rualpui-chutah mahni aia nau pang fe-a tawpah nupui sun tawhteah hian hmawr an bawk tlangpui duh khawp mai, mahse an ni vek lo erawh tih a chiang.
Mi phak zat loh vang hi chu sawi thu a cheng lo ve, hmu tawk chu an awm tho bawk.
Damdawi
Thesis ni se, he bung hi a huphurhawm khawp ang. Mahse kan sawi hnawk laklawh tawh a, an lo leng rei laklawh tawh bawk si a, kan sawi zel ang.
Nula senior mahni veng chhunga taptawm reng pasal neih duh ru ve si tan chuan awm hmuh sawn a tha. Senior an tih luai luaina hmun hi chu an veng chhung/khaw chhung a ni chawk. Ni-te khuaah pawh zin daih mai tur, inhre ngai lo karah ‘chance’ a sang bik. Kohhran upa thlan ang deuh a nia, khawhlun/ venghlunah hian veng chhung mi nghet tan tlin a har, mikhual pem thar tan chance a tha; kan tlin lohna hi kan inhriatsak thui tlang lutuk.
Duh chu awh tan tum mai tur. Thangkam hawt lo hian kan en ve tlut tlut ang tih pawh a hlauhawm, kam mai tur. Neih loh hi kan zak deuh anih ngai chuan leh neih ve ngei hi hringnun kalh tikimtua kan ngai anih tlat chuan chetpui chhuah ve mai kha a him ber. Mipate hian hawtu leh hriat ngai loh mi naran bul ai chuan hmangaihtu/thlahleltu bula awm hi an chak tih hi thu dik sawinghin rual loh a ni. A tir lamah chuan lo kawp lawp lawp pawh ni se a phuar nghettu zawka tan tum mai tur.
Zawlpui zawn lutuk hi a fu ber lo. Kan pangngai chuan tu pawh ni se kan kawppuite hi kan chawimawi nghal. Mi mitmei ven avanga len rei zak, neih dawna neih tur zahpui leh si tan din khawchhuahna chance a tlem. Pasal turten eng qualification emaw an neih a tul kher anih loh chuan chan tawka lungawi a, chumi hnua hmasawnpui tum hi a tha. Mi pangngai niha chhungkua din meuh chuan tu’n an sel reng lo ve. Tin, hmun danga awm tan hawn changin senior awm chuah loh hi a fu ve khawp, naupang tete lo dawng chho nguak mahse a hotu nu anga awm tlatte tan kawng a kaw zawk-inkiltawih daih aiin.
Hmangaihna hi tlai khaw hnuah a changchawi tlak teh chiam lo. Inneih hnuah a inhmangaih chawp theih a, a nghet lo chuang lo. Inhmangaih ber anga lang inneite pawh a nghet ber an nih chuan loh hi. ‘Ti mai rawh tunah(just do it) policy hman a tha, engmah lungkham lem nei loin tih mai tur. Fing ber ang maia hun hma lam thlir chiam chiam hi a tul loh chang a tam mai.
Tawngtai la ti rawh(pray and do) formula hman a tha bawk. Pray chauh hi chu a thu thluang hna deuh tlat, thlarau mi tawngkam takin ‘chet chhuah ve a ngai’ tichuan kan rah chin apiang kan ram. Mipa kawm dan inenfiah ngam a tul bawk. Thian lo deuh tura siam dan khum laizawlah duan a tul fo, mei nei ngaihno bei si chham chhuah dante pawh darthlalang hmaa practice a tha ang. Mahni hi kan inzah lian ve a, kan chham zat zat tawh chuan a hman tlak ang.
Suihkhawmna
Nula seniorte deu-na tura ziah a ni lo; mahni tawkah phurrit hi kan nei tlang theuh va inchhawktawn theih dan awm se tihna lam a ni e. Thil khirh tak a ni a, beihpui chhuahna tham a ni. Tin, nupui pasal neih hi a lo him bawk si-kawng hrang hrangah. A ngaihna hre tura rilru sen a, ‘zahfakah lu em chhum suh’ tia khawsak luih ve deuh talhna tur chi pawh a ni. Kan inkawp loh chhan tam tak hi chu kan inhriat pawh loh vangte a ni chawk. Duh leh duh hi kan inpel thui thei viau, han inpawh mai hi a har lai a nia sawi pawp dan zawn hi a tha hle.
:-D
April 8th, 2011 at 3:37 pm
Chuti chu nula senior duh zawng deuh te chu chhai Hmasa tu-ah tan ngai ni maw… (E)
April 8th, 2011 at 3:38 pm
Tha khawp mai..awmhmun sawn formula hi thiante hrilh ve ngei chi 😀
April 8th, 2011 at 3:39 pm
A tha ve pah reng. Nula inla senior chawp hi an ninawm.
April 8th, 2011 at 3:41 pm
Suihkhawmna atangin 🙂
Nupui/pasal nei lama innawr te, “A senior” tih te, “Fa an nei tawh em/Nei tawh ula,” tih hi sim tlaka ka ngaih a ni ve tlat.
Nupui/pasal neih tum chuan mahni hnam ngei kan pual liau liau tur an piang tih hi hre bawk ila. Chhuanlam thenkhat,”Neih tlak an awmlo alawm/ka awmna hmunah Mizo an awmlo alawm etc etc,” te hi chhuanlam mai mai a ni bawk. Mahni hnam (Zohnahthlak) neih tum chuan hnamdang nula/tlangval kawp chintawk hriat a mahni hnam zingah hmangaih theih tur zawn mai tur…. tih hi ka thupui pakhat leh ka fate naupan lai atanga ka zirtir ve pakhat a ni.
April 8th, 2011 at 3:48 pm
dik fu mai a, khawnge kan Jewel-i hi tun ai hian tlemin i han nghak senior lawk ila tha ang… 😛
April 8th, 2011 at 3:57 pm
a va tha dap dap ve le…Lengzem magazine lama chhuahah te a itawm hi maw le
April 8th, 2011 at 4:01 pm
sihal lehhh!!!! 😀
April 8th, 2011 at 4:02 pm
sihal, Jewel te chu forever young tur alawm 😉 rik zah reng tur, dam tek tek chuan…
April 8th, 2011 at 4:06 pm
Korean ho khian nula senior fiamthu thawh nan an hmang ve em? 😛
April 8th, 2011 at 4:06 pm
@HV he2..dikchiah! Pitar hun pon smart tokin pencil heel nen la in kam auh ang chu le! 😀
April 8th, 2011 at 4:06 pm
#9 hairehai 😀
April 8th, 2011 at 4:13 pm
ka lungkham loh lam tak a ni. Census hnuhnung ber en pon, hmeicia aiin mipa an la tam xok tho2 a, nula senior 5 an awm chuan tlangval senior 7 tal an awm ngei a ngai. Ha ha ha. Chuvagin pair up tur chu mihring pangai ke pahnih a kal ve tan cuan hmuh zohloh thu om lo.
April 8th, 2011 at 4:16 pm
“Senior tiin an ko che maw” tih thu ka ziak mek laiin a aia tha theihtawpa thuziak tha ka hmu thut mai. I va han ziak kimin i va han hawl kim chiang tak em. Ka thuziak ve chu sirah ka hnawl nghal e.
April 8th, 2011 at 4:18 pm
He post hi Jewel tan a dedicated nge ni a a in ngaihbel? 😛
April 8th, 2011 at 4:20 pm
hehee..VaiVa chu a ron in ngaihbel zok ani mo??? 😀 😀 😀
April 8th, 2011 at 4:28 pm
😀 😀 hmaih miah loin ka chhiar chhuak pap. tha ngei mai, min ti nui nasa 😀 😀
April 8th, 2011 at 4:29 pm
I va han ziakthui in iva ziak kim tha angreng vele.
April 8th, 2011 at 4:44 pm
#4 (Y) (Y) (Y)
Post-tu pa, a va’n ngaihnawm em em ve leee… Ka chhiar zo a, NULA SENIOR emaw ka in ti mai dawn lom le!!! 😛 😛 😛
April 8th, 2011 at 4:47 pm
@caribou, a inang omlo e mai, rn post tho laa.. :chhiar chak:
April 8th, 2011 at 4:51 pm
@RempY: Ka duh teuh lo mai. He post ah hian a kim vek.
April 8th, 2011 at 4:53 pm
caribou happy birthday, i birthday lawm nan rawn post la
April 8th, 2011 at 4:55 pm
Nula senior kan tih thlak zen te hi senior chhan an nei a, engmah thiamna leh thawh nei lo, pawng a taka senior em em mai, kohhran lam ti reng mai hi an awm ve a nia. Kei chu senior lamn hi ka duh, ram chin an hre tawh a. 😀
April 8th, 2011 at 4:56 pm
Innawr luih chi ni tawh hek suh, khuanu samsuih hi a ngai miau si! Senior chu “an zunte hi tlem te –hing tak a ni duh e,” an la ti ta deuh deuh. Carefree lah “bandaid hmang tawk vel,” an la ti ta deuh deuh!
Flashlight, dar ha, tarmit, sam tihkir … Missionary-a inpek vang vang mai a ni tawh thin!
April 8th, 2011 at 4:59 pm
@Fonz: Misual.com member fel tak tak te zarah vawiin chu birthday wish tu ka tawng teuh mai. Kum dangah tuman min wish ngai lo. A nuam kher mai. A rukin ka hlim veng veng.
April 8th, 2011 at 5:02 pm
Kan khuaah hian naupang te kohhran a in hmang vanga inla senior ringawt hi an awm thin.
April 8th, 2011 at 5:16 pm
@caribou . . . Happy birth day le. . . (^)
keichu ka bialnu chu nula senior. A chhungte chawmtu ania . . . Tlemte nghah leh hret ala ngai. . . . He he. . .
April 8th, 2011 at 5:19 pm
caribou….happy pian day
April 8th, 2011 at 5:20 pm
26. chu i makpa chhungkhum mai dawn ami? 😀
April 8th, 2011 at 5:23 pm
@caribou Happy birthday!
April 8th, 2011 at 5:29 pm
tunge Delhi ah MI duh, juneah?? 😉 😉
April 8th, 2011 at 5:32 pm
Birth Day Boy chu chibai ka lo buk ve nghal e…. (^) (G)
Ava ngaihnawm em! He thil hi ka ngaipawimawh lutuk.Keipawn hetiang lampang article chhumbung deuh,facts leh figure vel kala neih tlem avang in kala kawl reng e.
Nula senior tak tak hi ka thawhpui ve ta nual a. An dinhmun hi lainatawm a. Anmahni pawh an buaithlak tlangpui bawk.
Mizo mipate hian hmeichhia mahni rualpui (hnathawh,zirna,kum etc) hi kan hmu tai lo bawk niin ka hria. Hmeichhia zirsang ve deuh hlek hi chu mipa pawh hian kan awn vak lo. He lai tak hi kan mu tan ni bawkin ka hria. Hmeichhia pawh an thiam chuang lova. Mipa pawh kan bang chuang lo.
Tunhnai maia innei ka hriat chinah pawh hian a hmechhia lam chu Tleirawl chhuak tir deuh vek an ni.
Nula senior an tam chuan a tha lo. Mizo population kanla tlem si. Balance taka a kal loh chuan kanla buai mai ka ring. Good post. Ho anga kan ngaih tam tak hi alo lanchhuah dawn tak tak chuan ava ho lo thin em aw…. (H)
April 8th, 2011 at 5:42 pm
@Lersia, Zualbonez & Zeus: In tilawmawm lutuk e. Misual nih hi, hetiang hunah hian a nuam leh thin.
Nula senior te hian fiamtu an ngah a, ngaizawngtu erawh an awm ngai lo. An duh vanga senior an ni bik si lo.
@Kris-a: Ka lawm e.
April 8th, 2011 at 5:43 pm
@Caribou Misual an ka la wish lo tak che!
Song for u
??•*¨*•.¸¸¸¸.•*¨*•??Happy??•*¨*•.¸¸¸¸.•*¨*•??Birthday To You??•*¨*•.¸¸ ¸¸.•*¨*•??HappyBirthday To You ??•*¨*•.¸¸¸¸.•*¨*•??HappyBirthday To You ??•*¨*•.¸¸¸¸.•*¨*•??…HappyBirthday To You!??•*¨*•.¸¸¸¸.•*¨*•??.. …
April 8th, 2011 at 5:52 pm
@Jewel: Ka va lawm tak em. Uluk takin ka lo ngaithla e.
Keini ang, mual eng hmu ve phak lo, michhe daikil kara seilian, Kawnga te, Muantea te zara thawlian ve satliah mai mai, birthday avanga thianpa vakul-a post ah han OT chiam chu, a inthlahrunawm khawp mai.
Nula senior nih loh dan tha ber: senior hmaa pasal neih.
April 8th, 2011 at 5:58 pm
Kei chu NULA SENIOR ka bem a, min duh lo… 😛 😛 😛
April 8th, 2011 at 6:14 pm
Kum 18 vel ka nih laiin nula kum 30 chuangin min han ngaizawng tlat mai kha chu!… he post ka chhiar atang hian ka hrethiam ve chiah :-O :-O
April 8th, 2011 at 6:17 pm
Caribou i piancham a lo thlen hian chibai ka buk a che- dam takin awm zel la mite fuihtu, i zia kha keng zel rawh. I article ziah lai chu han post ngei bawk la.
April 8th, 2011 at 6:37 pm
Uaduhi hi a inhmuhchhuah phah hlauh sela aw… 😛
April 8th, 2011 at 6:38 pm
kei pawh pawl 12 kan zir kumin nula kei aia upa ka star pek alom le. Senior han ti dawn ila, kum 27 vel chu a nih tawh ka ring. Kei kum 17 ka nia. Min duh lo chiang mai mai. A hnu kum 6 liam hnuah kan in tawng leh. A lo la nula chu niin mahse ka duh tawh bik lo a.Tun ah pawh hian a la nula in ka hria.A hunlai kha chuan ka va han star mai mai tak 🙂
April 8th, 2011 at 6:41 pm
Ni e, Aduhi mawlh mai hi….
@vakul: Ka lawm e. Upat lamah birthday ka tuai thar leh a nih hi. Kum heti zat lai birthday thleng theia ka awm hi ka va vannei tak em.
April 8th, 2011 at 6:43 pm
a phun nsasa bawk a inlo chhuah sak ve ta elaw 😀
April 8th, 2011 at 6:46 pm
Bad day.. anti kher hi chu.. keichu ni ila ka hmai hi a sen vek ang ka ring in ngaihthutak thlak loh eeeeeee 😛 😀 (^) (B)
April 8th, 2011 at 6:47 pm
@badboy.. phun lam aiin a ngaihna ka hre lo lutuk a. keima lam khawl that loh vang emaw ka ti mai mai. Phun vak hi chu ka zia a ni hran lem lo. (Y)
April 8th, 2011 at 6:48 pm
ka kai ve deuh emawnile ka comment ho khi spellineg a dik mang lo reng2 😀 😀 sorry 😀
April 8th, 2011 at 6:53 pm
#43 (Y) sorry nia keipawh hi phun ka hrat lutuk aaaaa mahse atak2 in ka phun ngai lem lo a nia (C) 😀
April 8th, 2011 at 6:58 pm
Korean nilovin heta tang pawh hian a reaosn pakhat chu a lang:
From Jeremy , Pearl Jam
………..
Daddy didn’t give attention
To the fact that mommy didn’t care
King Jeremy the wicked
Ruled his world
Jeremy spoke in class today
Jeremy spoke in class today
…………..
April 8th, 2011 at 7:01 pm
#45 sory suh fiamthuin i rawn sawi a, tak deuhin ka lo chhang che a, ka dik chiah lo. phun pawh ka ang viau tak ang a.
April 8th, 2011 at 7:03 pm
#46@Zualbonez: a ni…. 🙂 nula chhaihthiam ang tak hian a rawn langvel a ni maw.. thiante thian…nute bak chhaih tur a nei bik awm der silo a 😀 😛
April 8th, 2011 at 7:06 pm
@ badboy…ka comment sual…huiham post ami zawk tur kha 🙂 hetah chuan comment tur ka nei ve lo
April 8th, 2011 at 7:08 pm
@Zualbonez: haha engmah ka sawi dawn hlei nemmmmm i duh2 na ah chuan in sawn rawh.. 😀 😀
April 8th, 2011 at 7:09 pm
Nula senior te din hmun ka lo ngaihtuah sak ngai lemlo a, he post ka chhiar hnuah ka ngaihtuah zui veng veng a, ka rilru a lo awm chu nula senior ho hi kan thrianthra tak te poh nise fiamthu pohin ‘pasal nei ve toh la’ tih ngot chi poh ni loh hi ka ti ta mai mai.. Post thra tak a ni e
April 8th, 2011 at 7:13 pm
majualtea hi in lak young nan inla korean thar leh vel a ..tunlai chu.. act fast lo thei lutuk lehnghal
April 8th, 2011 at 7:18 pm
@ trawt….kei ang idols ah pawh Abdul kalam, vajpayee, baba ramdev , rahul gandhi, keanu reaves, george clloney etc..hmang tan chuan comment a rem ve lo tlat..fast chu sawiloh act pawh kan thiamlo…hmanni kan office gate pawna minlo chang vai tleirawl pawl 11 zirlai pawh kha abdul kalam lampang ka sawi poui daih… .korean lam sawi ka phal lo..
bboy….no comments tak tak
April 8th, 2011 at 7:24 pm
tuaitea maw kawlhawkdaka maw ni se an va act fast om ve chu, tleirawlte chu…majualte..
April 8th, 2011 at 7:25 pm
damdawi chu ttha viau mai a….he article hi tu emaw tana duan a ang ka ti khawp mai….sawi bik a nei kawh bik a nei…a sem rual lo…:D:D just do it tih lai chuan ka rilruah a awm lo….pray and do tih tak khi…’ti’ ka nui pet.
April 8th, 2011 at 7:27 pm
#53: i awmna lam ram ah pawh khan inula rim apiang kha ilo rek hlum zel ange aw
nula senior rim rual chu in ni/kan ni ve tawh mawle 
mahse…. 
April 8th, 2011 at 7:28 pm
Ziak tha hle mai
Duh zawngah chuan kan zakzum lo mai thin angin nula senior lamte pawhin an mi duh zawng chu zah loh chhuahin an kherh ve mai tur a ni; an kherh ngat ngat peih chuan an hlawhtling ang… mi eng ang nge an kherh (eg. pawmlai nei, naupang lutuk, hnam dang) tihah erawh sawi theih kan nei lovang a, an value system ah a innghat ang chu. Mahni tum tawk erawh an awm ngai e.
Ni e, vai ho tih dan angin arranged marriage (thiante tihpui, chhungte zawnpui) te pawh kan la uar chho hle lovang tih a sawi theih loh.
Kum lama upa nula-tlangval kohhran leh khawtlanga inhmangte hian pawl thiltih an tinuamin an tiphuisui thinin ka hria. Lengrei mah se an hlu a ni hetiang mi hi. An zahawm a, fiam chintawk hriat a tha reng a ni.
April 8th, 2011 at 7:29 pm
@ badboy and trawt..no comments
April 8th, 2011 at 7:32 pm
comment fast..majualte..
April 8th, 2011 at 7:35 pm
post dangah ka insawn ..no more comments here
April 8th, 2011 at 8:08 pm
A tawp nan nula senior inneih zan pawha mutpui ngamloh tur ka van duh ema?Rs.5000/- pawn ka ngam!
April 9th, 2011 at 1:05 am
April 9th, 2011 at 8:59 am
Nula Senior subject a heti khawp thu ngaihnawm han phuah chhuah tak mai chu….
April 9th, 2011 at 9:02 am
Ka chunga mi hi a in lak young hmel
April 9th, 2011 at 2:36 pm
Ka thiannu thusawi ka hre chhuak zawk ” Aizawl han haw i la a nazawng hian, ” ‘Pasal i la nei nange? Nei ve tawh rawh’ hi min ti thlazen ringawt a” a ti.
Ziak kimchang tha ngei mai! caribou pawh in a lo vei ve ngei a nih hmel
Kei pawh ka vei zawng a ni na a hetiang khawp a kimchang hian ka lo ngaihtuah ngai lo! April post thaberah ka thlang e!