Ka phone chu benga ngaihthlakna(earphone) nen thlunzawmin Dolly Parton hla sak ‘Coat of Many colors’ chu ka zaitir a. Chu hla thu nalh tak mai chuan a hla thuah chuan suangtuahna ramah min hruailut a. Suangtuahna vak vel chuan thil chi hrang hrang min ngaihtuah chhuahtir tlat mai le.
Pi Parton-i coat of many colors chu..
Kha puanthem hmanga thuikhawm kawr khan engtiang takin nge a neitu tan khan a hlut ang? A neitu tan khan a mawi dan tur leh a kawrah khan hmangaihna a tam zia kha ngaihtuah chuan tuikeplung tha mi aia a nepna keichuan ka hre tlat lo.
Ni e, kha puanthema thuikhawm kawr kha chuan mi mitah chuan hlutna a neih chu sawiloh, simeikhu tluk zeta mak tihtur khawp a ni tlat! A tial nasat dan tur kha i ngaihtuahnaah dah ve teh. Puanthem chi hrang hrang han dah ho reng reng pawha rawng inchawih mawina awm miahlo kha an han thuikhawm anga, chu chu Parton-i khan a han ha dawn tihna a nia! Mite chuan nuihzat mah se ani tan chuan a hlut dan kha eirupa in leh lo tha tak aiin a thlang zawk ngei ang. Khang puanthem tinah khan hmangaihna a awm tlat tih a hmuthiam tlat a ni.
Ka coat of many colors ve chu le..
Pi Parton-i chuan a ‘coat of many colors’ hlutna leh a chhuan thu min hrilh mawlh mawlh a. Khatia bawm chhunga puanthem chi hrang hrang a dahkhawl khan entir a nei tlatin ka hre pek a. Ka han ngaihtuaha, a ‘coat of many colors’ in min entir ber chu he kan mizo hnam hrang hrang, chi bing inthliarnain min hung binga hi paihbo a, hnam pumkhat leh chak zawk kan thlahte tana siam turin min hrilh ni tlat hian ka hria a. Puanthem a sawite kha hnam hrang hrang a sawinaah ka ngai tlat mai.
I han ngaihtuah chiang teh ang u. Kan khawchhaklam unaute leh hmun hrang hranga cheng kan hnampui te nen hian lungrualtakin insuihkhawm ila, hnam lungphum nghet leh tlo zawk kan din thei ngei ang le.
Kan hnam zia leh tawng hman chu a danglam deuh pawh a ni thei e. Amaherawhchu, kan inzawmkhawm chuan mahni kan insiamrem thei ngei ang tih hi ka hrechiang a; a hlawkna pawh kan thlahten an rawn tel dawn a ni.
“Hnam tlem kan ni” tiin kan sawi kan sawi tak naa, kan hnampui thenkhat unau angin kan en thei bawk si lo. Thil sual rawn chawluttu ang chauhah kan ngai a, a then lah kan lo hmusit a nih hi. Ni e, thil sual an ti a nih pawhin an zavaiin misual an ni vek chuanglo. Kan hnampui, kan thisen zawmpui an ni a, engtikah mah kan hnampui an nihna a reh chuang dawn lo!
Khai le, chi bing inhung binga dah that duhna rilru nen, kan tu leh fate tana hnam ngialnghet zawk dinnan kan hnam inhungbinga chu paiha, insuihkhawm duhna rilru pu chungin Pi Parton-i hla ‘coat of many colors’ chu ngaithla nawn leh teh ang u..
Similar Posts:
- COAT OF MANY COLORS
- Bangkok?
- Mahni hnam tawng thiamloh a zahthlak
- In ngaihtuah ngai em?
- Tunge luah ta ang?
April 11th, 2011 at 11:32 am
va tha ve
Report this comment
April 11th, 2011 at 11:34 am
Ka comment ve e.
Report this comment
April 11th, 2011 at 11:56 am
A ni ngot tak e. Ziak ropui.
Report this comment
April 11th, 2011 at 12:01 pm
Rempuuu-i underpant rong chi hrang2 pawh kan la thuikhawm anga, coat of many panties ah kan la chhuah ve ang..
Report this comment
April 11th, 2011 at 12:54 pm
tha kop mai… ”Color of many panties” (he2) te ph la awm mai tei a sin.
Report this comment
April 11th, 2011 at 12:54 pm
Josefa hak, a pain a unau dangte aia a duhsakna bik kawrfual ze tial chi tam kha retheih vanga thuisak a ni hauh lo thung. Duhsakna lantirna a ni zawk. Dolly hian a rawn chawi nung thiam viau va; mahse, an chhungkaw bengberh vanga ze-tial ngah pawnthema thui khawm a hak thu a ni thung. Mi hlawhtling ni chhunzawm lo phei sela, chuti fahrana han phuah chhan ngam a ni lem chuang lo’ng e.
“Coat of many colors” mai ni tawh lovin, kan samte pawh kan streak chhiai chhuai vel tawh a nih hi maw!
Report this comment
April 11th, 2011 at 1:22 pm
Retheih kawr tial ni lovin, kawr tial phen a hmangaihna, duhsakna a rawn phuah chhan a ni lawm ni
Report this comment
April 11th, 2011 at 1:28 pm
Pawnthem thui khawm kawr hi a tak takin ka nei ve tawh. Naupan laiin ka u-in kan puanthem min thui khawmsak a, ka ha thin. Nalh ka inti ve em em tho. Dolly Parton-i he khawvelah hian a awm ve tih pawh kan la hriat hma lam thil a ni.
Posttupa sawi hi thil pawimawh tak a ni. Mizo hnam hrang hrang, lungrual taka kan insuihkhawm theih hi kan tan a pawimawh. Tawng inang vek, thiltih dan zawng zawng pawh inang vek tih lam a ni lo a, chutiang chu a pawimawh em em loh bakah a tul lem lo.
India ramah pawh diversity heti khawpa a nasa hi pangpar huan nen an tehkhin thin. Pangpar huanah chuan pangpar chi khat chauh a awm aiin chi hrang hrang a inawmpawlh hian a mawi zawk thin a, chutiang bawkin hnam hrang hrang kan awmho hian kan mawi zawk a ni, an ti thin. Chu chu Mizo hnam tan pawh a dik ve thei a ni.
Report this comment
April 11th, 2011 at 1:46 pm
Kha hla a a sawi, ”..that, one is only poor, only if they choose to be..” a tih lai kha a dik khop mai. Dolly-i pon kha coat chhete khan a nu malsomna leh hmangaihna a keng tel tih a hriat vang ania, alo nuihsawh tu te pawn, ‘an hrethiam pha ve lo ang’ a tih ni.
Color hi british english chuan colour, hindi chuan rang/ranga/rangina, japanese chuan iro, lusei chuan rawng (frm hindi? )….
Report this comment
April 11th, 2011 at 1:48 pm
hm…..like button chu awm se ka hmet ral ngei ta ve ang…hei hi kan mamawh a ni…ngaihdan dang ka nei ve tlat….kha coat ti tip tep..en thuak a mawina nei lo, en chet chet pawh a a mawina aia mawi lohna hmuh tur tam zawk kha…amah Dolly tan khan a hlu a, eng dang vang a ni lo..HMANGAIHNA lantirna a nih avang mai chauh a ni, chuvangin kan theihna te tlemin pawr hle mahse…i ram tana i hmangaihna i lantirna a nih phawt chuan tlem lua awm lo..thing lua awm loin lan tir i la, chu aia mawi chuang a awm dawn ne maw??
Report this comment
April 11th, 2011 at 1:58 pm
keipawh tetlai chuan track kekawr la thiah kawrluma phiar ka nei ve tawh…
chuan naughty boy shoe pawh tyre chhia nena thuah, kha pheikhawk siam min hmangaih zia kha awww 
Report this comment
April 11th, 2011 at 2:24 pm
Ka phone chu benga ngaihthlakna(earphone) nen thlunzawmin…
Beng lovin a ngaihthlak theih a mi? :fiamthu:
Pangpar huana pangpar chi hrang hrang, mawi dan inang lo tak taka par hote’n hmuhnawm an siam thin ang hian; kan theih tawkin kan hmun theuhah Mizoram timawi tur hian han par vul thei teh reng ila aw…
Report this comment
April 11th, 2011 at 3:18 pm
a trial nasat em a vanga a thrianten an nuihzat kha, anu in hmangaihna chi hrang2 nen a thrui sak na thinlung kha han hrilh fiah tum mahse pi Dolly tan lo chuan kha hmangaihna kha an hrethiam chuanglo .. Hla nalh tak a ni e , a lyrics ngaihtuah lemlo pon a thluk hrim2 hian ka lung a ti leng tops
Report this comment
April 11th, 2011 at 5:56 pm
ngaihtuahna i seng tha hle mai a!!
he hla mawi leh ril hi a mawiin a va’n ril em! 
Report this comment
April 11th, 2011 at 8:14 pm
@ Post tupa, ka mittui a tla thin asin..he hla ka ngaihthlak hian…Unau 11 kan ni a, naupang lam ka ni a..Ka Nu leh Pa Pathianthuawih na rah hi kan seng mek a. Ka U te Real Story a nih hi..”Wild Flowers Don’t cares where they Grow” tih hla nen hi chuan ka tap thin.
Report this comment