Mizo fate, tun a la dam te hi, tlema tar zual Kum 100 chin tih loh chu Kristian thlah kan ni inti ila kan sawi sual lovang., Naupangte kan nih a tangin kan nu leh pa te mai bakah, Sunday School leh kohhranahte Pathian thu kan inzirtir a, thenkhatin kan zawm em em laiin, zawm chunga tisual lui tam tak kan awm bawk.
Kan ram Kohhran hrang hrangte hian Biakin Pulpit tlang kan hman dan tur hi kan hre chiang tawk lo nge, Pathianthu hlang ringawt sawina tur emaw kan ti a, thildang sawina a tan chuan rem lo a hriatna kan thinlungah kan tuh lian hle tawh niin a lang.
Kohhran members puitling chin hi chuan thusawitu tam zawk hriat aia tam Pathian thu kan hre tawh, tute emaw thusawi dawn tum phei chuan inkhawm peih lo leh tui lo fe fe kan tam. Mipiangthar tha tak leh Evangelist nun entawn tlakte leh kan Pastor te pawh hian kan Kristianna nun hi Pathianthu hlang chuan an siam tha zo mawlh tawh lo.
Karkhat chhungin Inkhawm hun tam tam kan nei, Pathianni tuk a inkhawm ngaipawimawh tak tak pawh kan tam bawk. Mahse Kan tunlai nun a Kohhran mipui ten Biakin a kan inkhawm thin hian hlawkna tak tak tel tumah kan awm meuh lo.
Thawmhnaw tha pho chhuahna leh sunday tih hlawhtlin nan a hun hmang kan tam. Thenkhat phei chuan Pathianni hi inchhung sengfel nan, mut nan, insuk nan, intihfel nan leh len vahna hun a tam a hmang kan awm bawk. sunday-a PYD, SAY, KTP leh TKP Programme ah meuh pawh members 25% em pawh kan kal tling thei ta lo. Khawnge thalai memberste an awm?, thalai programme em pawh a kal tur kan inhmuh zawh tak loh?
Kan Kohhran kalphung hi ngaiah kan neih tawh lutuk a kan ning zo ta em ni ang. Kan Kristianna nun siam tha tur hian kalphung thar tha deuh chher chhuah tur kan hre lo a nih a, tun ang renga kan kal dawn anih chuan, kan Biakin te pawh hi hun rei lo teah chuan a la ruak ngei ang. Kohhran thawhlawm thawh turte pawh hi kan la in hmu lo palh ang tih a hlauh awm a ni. Kan ram Kohhran nun dinthar tur a tha nia ka hriatte tlem i han tar lang dawn teh ang:-
1. Kohhran a inthlan tam lutuk bansan a ngai :-
Kan ram a Politics inthlanna bawlhhlawh zia kan hria, chhung khatte meuh pawh kan inbe tha thei lo a ni a, chutih a laiin, mi tha thlan ai chuan, Pawisa, Contract, Sawrkar hna minpe a piang mitha an nih loh pawhin Vote ngei kan tum, kan chhungte leh kan thian, thenawm, Damdawiina min kantu, Vote min diltu, an Motor vawikhat min chuan tirtu etc. an nih a vanga Vote pektum kan tam. Kan ram tan a mitha ai chuan, keimahni tan a tha tur kan thlan thin a vangin kan ram Politics in a chhiat phah a, hmasawnna leh kan khawtlang nunin a chhiat phah mek, siam that leh theih a ni tawh lo.
Chutiang chiah chuan, he kan kohhran chhunga, Thalai, Nu pawl, Rawngbawltu, Upa etc. kan inthlan thin dante pawh hi chhung ril zawk a tanga thlir chuan kan tunlai Politics inthlanna nen hian a inkungkaih chho mek. Mitha thlan kan tumna lamah kan thlan duh zawng a in ang tawh lova, kan duh loh zawngte thlantlin an nihin Kohhranah kan tui lova, nun chau loh pawh kan nun a chau a, Kan Kohhran enkawl tur a thlante lah Kohhran enkawl tur a tan a, Kristian nun dik tak paichhuak ngam an awm lova, an hnathawhna hmun ah, chhungril nun thim, mahni hmasial, tlawmna nun nei lo tam tak an awm mek hei vang hian Kan tunlai kohhran nun hian a tuar mek a ni.
2. Chawhpawlh nun bansan ila :-
Politics-Kohhran hruaitu kan nih chuan keimahni in khawvel thil deuh nia kan hriat leh a tha lo nia kan hriat ang chiah hi chuan i in hnim phum lo ang u. A bik takin, Political Party a kan lo inrawlh thuk ve viau chuan, duhamna leh mahni hmasialna ruk kan nei ngei ngei a, chu chuan kan hriat lohva kan nun min eilo tu tam tak an lo awm reng tawh, Politics a inrawlh duh chuan, Kohhran a rawngbawlna bansan ngam rawhse.
Khawtlang hruaitu- Kohhran hruaitu chuan Khawtlang hruaitu VC,NGO etc. pawl hruaitu a a tel a nih chuan, engemaw hlek ah sawiselna leh thenawm khawveng, thiante nen in hriatthiam lohna te a awm a, chu chuan kohhran thlarau nun enkawl zelna turah harsatna a awm tir thin.. Dik taka thil tih a duhna te chuan, mite rilru a tina a, midangte tan hrsatna a thlen thin bawk. Chuvangin Kohhran hruaitu chuan hetiang lam a a in hman loh hi a him ber.
Nun inpe- Kan Bible in, “Kei leh ka chhungte zawngin Lalpa rawng chauh a ni kan bawl dawn…” a tih angin, Kristina, Kohhran hruaitu/rawngbawltu chuan, Lalisua leh khawvel rawng a bawl kawp theih loh, a kawp anih chuan, a nun a chhiarna/Harsatna a thleng lo a nih pawhin Kohhran nunah chhiatna/harsatna a thleng ngei ngei thin. Mi tam takin Mahni hmasial luat a vangin, NGO, VC, Political Pary ect. ahte, kan khawtlang, ram leh hnam siam that nan’ tih chhuan lamain an in hnam hnawih a, heivang hian tunah ngei pawh kohhran nunah harsatna ruk lian tak kan nei mek a ni.
Kohhran hruaitu chu- Ringtu Kohhran hruaitu a nih chuan sawrkar hnathawk a ni emaw, mi hnuaia inhlawh a eizawng a nih pawhin, a dikin a rinawm tur a ni. Kohhran hruaitu, Sawrkar hnathawk eiru, mahni hnathawh a rinawm lote a vangin, Kohhran in a tuar mek, mipui ten a rukin kan hria a, kan sawisel lang ngam hlawm tawh si lova, nun inthupin kan awm a, ‘an ni ru mai mai’ tiin kan nun kan in ei lo tham a, kohhran nun a hlim thei tawh lo, chuvangin Kohhran hruaitu chu a rinawmin a nun a lang tlang tur a ni.
A tih tur:- Kohhran nun chawm theitur chuan, Kohhran hruaitu, mi dik leh rinawm, mahni aia midangte ngaipawimawh nun, midangte harsatna hriatthiampuitu, mi duham lo, Mipiangthar tha leh kan sawi tak, kan tun lai nun , khawtlang thil, Politics leh NGO lama in hnam hnawih lo, Kohhran mipuite thlarau nun enkawl tur a tawngtaina nen a in hmang ngam, Bible a Pathianthu awmte a nihna ang tak a pawm ngamtu leh nunpuitu an ni tur a ni.
Similar Posts:
- Kan kohhran hruaitute
- ENGTIKAH NGE NIANG? TUTE NGE BUL TAN ANG?
- Mizoram kan Kohhran leh Politics
- Khawtlang leh Kohhrana hruaitu nikawp te
- Nunna – Kan hlut lo tual tual
April 12th, 2011 at 4:29 pm
1st ve tlat,mahse nakinah ka chhiar ang
Report this comment
April 12th, 2011 at 4:31 pm
heichu a kohhran thil emai (sei bawk si)…comment ve a thiang lo keini communist tan chuan
Report this comment
April 12th, 2011 at 4:34 pm
Chawhpawlh nun bansan a ngai tlat
Report this comment
April 12th, 2011 at 4:40 pm
Thawhlawm a tlem tual2 chu ka ring lo, thawh tam kan ngaisang e mai
Report this comment
April 12th, 2011 at 4:51 pm
Inkhawm lo ho pawh In lamah thil tangkai tal tih tum ava tha ve, chutiang nilova sawisel chauh chu a tha em mi?
Report this comment
April 12th, 2011 at 4:52 pm
Va sei ve. Handset hmang chuan ka zuam rih lo. Zan lamah chhiar mai ang.
Report this comment
April 12th, 2011 at 4:58 pm
Chawhpawlh nun hi ka tei theih loh ber pakhat a ni. Kohhran rawngbawl leh thil dang, politics, NGO tih ai mahin kohhran rawngbawl leh sualna – hmeichhiat mipatna, hleprukna, duhamna te chawhpawlh hi tenawm ka ti.
Kohhran Upa pakhat, sorkarah pawh top official zinga chhiar phak, hun remchang a hmuh deuh apianga hmeichhia khawih tum thin pawh ka hria, ka luak a tichhuak! Pastor zingah pawh dik lo taka thil ti duh an awm leh thin hi pawi tak a ni. Hriat khiau si phei chuan an rawngbawlna ngaihhlut a har khawp mai.
Report this comment
April 12th, 2011 at 5:08 pm
He thu hika chhiar tawh Misual-ah ngei hian. Ka comment tawh lehnghal hei
https://misual.life/2011/01/.....hruaitute/
Zakzumi’n a rawn post phawt a, tunah Valbawihi next eng tak ni ang maw.
Report this comment
April 12th, 2011 at 5:09 pm
# 7: I hriat Kohhran Upa chu UPC Pastor ruat chawp mai mai a ni lo maw? (Fiamthu)
Report this comment
April 12th, 2011 at 5:19 pm
‘Hun kal zelah hian kohhran hi a in adjust tur a ni’ tih bak chu comment tur reng ka nei ve lo e misual maio ka ni….
Report this comment
April 12th, 2011 at 5:28 pm
I inkhawm hram hram ang u.
Report this comment
April 12th, 2011 at 5:32 pm
Enge i sawi tum ber?
Report this comment
April 12th, 2011 at 5:44 pm
”Kan kohhran hruaitute chu Bible-a P-thian thu awmte a nihna ang taka pawm ngamtu leh nunpuitu an ni tur a ni ” tih khi a sawi tum ber chu a nih hmel.
Chuan, ‘CHANGE’ a sawi tel bawkin ka hria.
Report this comment
April 12th, 2011 at 5:57 pm
Tichuan Zakzumi chu Valbawihi a lo ni ta a, Zakzumi a nih laia a thu post tawh chu a la post lo emaw tiin a rawn her lum leh ta a……
Report this comment
April 12th, 2011 at 6:17 pm
Chawthing her lum pawh kan ei fo hi.Kohhran ah hi chuan insiksawi deuh ngai lai chu a awm khawp mai.Mahse kan ti teh ang, kan zoram pum a dinthar a ngai. Ram hi siam tha hmasa ila kohhran chu a rawn tha chawp mai ang.
Report this comment
April 12th, 2011 at 6:26 pm
“mi(sual) dawt com hruaitute leh memberte hi mifel chungchuang, sawisel kai lo, nulat tlangvalna lam a inhnamhnawih ngailo, vantlang entawn tlak, khawtlang tana mi tangkai…blah blah blah..” ni vek thei se tih ang vel ani thei angem
Report this comment
April 12th, 2011 at 6:37 pm
Ka thiam tawk leh phak tawk ang angin ka lo sel ve tawh thin…Kohhran hruaitute hi. Tunah erawh an dinhmunah hian thla khata sing chuang hlawh tur pawhin ka lo ding peih dawn miah lo tih ka hre CHIANG lutuk tawh : Kei misual hi.
Report this comment
April 12th, 2011 at 6:49 pm
Ka last leh tlat mai… he2
Report this comment
April 12th, 2011 at 7:00 pm
valbawihi han intih tlat chuh. late-a ka inti ve mai dawn mi le. tuaipuii emaw
Report this comment
April 12th, 2011 at 7:34 pm
Ziak ve hle mai a
pulpit ah ngei hei hi soi chhuak (recite) ila, kn finish hman ngem le? 
thra ka ti viau.. ziak ziak 
Report this comment
April 12th, 2011 at 8:19 pm
He post hi a hrang chiang mai
Report this comment
April 12th, 2011 at 8:23 pm
A post tu hi hlim rui ani nge mawni le, he thu tho hi a rawn post tawh Vakul leh zualbonez pawn lively debate an neih tawh kha mawle
Report this comment
April 12th, 2011 at 8:27 pm
fonz…chutiang ka va hrelo ve
Report this comment
April 12th, 2011 at 8:28 pm
Buaithlak ve deuh ania. Kan Kohhranah hman deuh khan nihna pawimawh ve angreng fu mai chelh turin min ruat ve tlat mai a. Zu ka in ve zeuh zeuh avangin ka inthlahrung a, kan Kohhran Secretary hnenah ka pha a, ani chuan tlin vanga rawngbawl tur nise kei hi Kohhran Upa ka nihna atang hian ka bang daih tawh ang. Khawngaih rawngbawlna ani a i pawm mai dawn lawmni alo ti a, ka tlin leh fel vang ni miah lovin he khawngaih rawngbawlna hi engemaw chen chu ka chelh ve.
Report this comment
April 12th, 2011 at 8:32 pm
hei https://misual.life/2011/01/.....hruaitute/
Report this comment
April 12th, 2011 at 8:43 pm
ha ha ha ka lo theihnghilh tawh asin..he he GYM lawk teh ang
Report this comment
April 12th, 2011 at 8:48 pm
keipawn hemi post chiah chiah hi ka hmu ve tawh hei https://misual.life/2011/01/.....hruaitute/
Report this comment
April 12th, 2011 at 8:57 pm
keipawh ka hmu tawh,ahma mi ah khan a duh ang thal comment hit a hmu lo a ti deuh aniang akekkekekekeke, nge a post tawh tih te a theihnghilh nge mi post sa chhuah chhawn a hrat ve hrim hrim,nge lehlama(lk) a post kha helamah a post ve reng tih a hre lo zawk
Report this comment
April 12th, 2011 at 9:51 pm
haha..kohrran/yma hruaitu te hi kan sel chiam a, an dinhmunah hian awm ve ila, an ni aiin kan tlawmngai lo ngawtin ka ring…kohhran leh yma a in hmang ho poh hi ti ve hram2 an tam ang, keini tih peih lo thawk peih trang2 an ni a, kei chu ka fak thin ngawt asin.kan tluk lo ka ti.
zakzumi chuan magistrate hma ah valbawihi tiin affidavit a siam a ni ang..lol
Report this comment
April 13th, 2011 at 3:08 am
UPC
Report this comment
April 13th, 2011 at 6:54 am
Zing tawngtai inkhawm kal hi a va tha em.
Report this comment