He thupui hi a pawimawh si a, a thupui pawh hi Mizo tawng in ka dah thiam mang si lova, buaithlak tak chu a ni. Thlarau tih hman khi a dik ka ti miah lo va, mahse kan lo hman dan mek anih avangin kan hmang mai ani. A thupui ringawt atang khi chuan a sap tawng a spirit zawk nge soul zawk kan sawi dawn tih pawh a chiang thei der lo nia.
Sap tawng chuan ‘ Do we have an immortal soul?” tih ani mai a, a chiang deuh. Mahse sap ho pawh hi spirit leh soul nihna tak ah hian an chiang lo in bo ve khawp tho mai. Mahse thumal hrang an la nei bik tal a, an ngaih pawlh tho na a, a translation ah tal chuan an thlir hrang.
Mizo tawng ah chuan kan tawng bungraw pachhiat vang in spirit leh soul hi thlarau tih a lehlin pawlh ala nih leh zel avang hian ka vaih dan hi a thuah hnih bik tlat mai a ni. Ngaihpawh a awl takzet a niang, Pathian thu chauh hi spirit leh soul then hrang thei a nih thu pawh kan chhiar fo hi.
Plato-a chuan mihring hi taksa, rilru, thlarau (body, soul, spirit) niin a hria a, a formula chu ‘ body+soul+spirit=man’ ani, chu chu a zirtirna pawh a ni a, Greek philosophy pawh a ni. Mahse Pathian in mihring a siam thu Genesis a kan hmuh ah chuan Pathian in lei a la a, a thawkhum a, vaivut chu minung(living soul) alo ni ta tiin a inziak a, a formula chu ‘body+spirit=soul’ ani zawk ani.
Plato a zirtirna ah chuan soul chu thitheilo a ngaih ani, Bible zirtirna ah erawh chuan soul chu a thihtheih zia min hrilh nasa em em a ni. Samson an sabengtung khabe ruh in soul a vawhlum a, Davida’n a sing a sing in soul a that tih chiang tak in a sawi bawk.
Rindan diklo thlarau(?) thitheilo(immortality of soul) hi rul in “thi teh suh e” a tih atanga zeldin thubawl kal zel anih hmel ber. A chhan chu human civilization hmasa zawng zawng a sakhaw diklo zirtirna laimu a ni vek. Tin, thilo tur a duan kan nih avangin Pathian chuan mihring rilru ah chuan chatuan a dah a, kan bawhchhiat avanga kan thih leh tak si ah khan mihring rilru chuan a ngaithiam theilo a, thih hnu a thi ve theilo, la dam zel ‘immortality of soul’ rindan hi alo piang ta a nih hmel bawk.
Tin, kan thlarau(spirit,ruach)kan tih ber hian a bawhchheh ve lo a,bawhchhe thei pawh ani lo a, chhandam pawh a ngai hek lo a, chhandam chi pawh ani hek lo, Pathian thaw, min hman hawh tir ani a, kan thih veleh a hnenah a kir leh nghal, life form pawh ani lova, anti-matter energy chikhat nunna hnar oxygen atom a electron leh nucleus inkar a space nia kan hriat luahtu hi anih hmel ber zawk. Dimension dang anih avangin kan dimension atang chuan awmlo(space) kan tih hi ani.
Adama thlarau(spirit) khan a bawhchhe lo va, a thi bawk hek lo. A soul zawk khan a bawhchhia a, a thi ta ngei bawk. A soul chu chuti enge anih a? E le, amah kha (and he became a living soul tih ziak ani. He was not given a soul, but he became/transformed into a living soul). A soul kha amah ah a awm pawh ani chuang lo, amah pumpui mai kha soul chu ani zawk ani. Soul chu component pawh ani lo va, product zawk anih chu. Genesis a thilsiam dang nunna neiho zawng zawng chungleng savate, ransate sawi nan khan he soul thumal ‘nephesh’ vek tho hi hman anni. Sava leh ransa ‘nephesh’ chu thi thei, mihring ‘nephesh’ chu thitheilo bik a ngaih hi Bible kalh tlat zirtirna ani zawk. Pathian in ‘in ei chuan in thi ang’ a tih khan soul(nephesh) hi a nia ‘thi ang’ a tih chu. Setana’n ‘thi teh suh e’ a tih khan soul(nephesh) hi a nia ‘ thilo ang’ a tih kha. Tunge dik zawk ang le?
Chutihchuan, soul(nephesh) chu chem a sah hlum theih, ngunhnam a sahhlum theih, fei a vihhlum theih, sabengtung khabe ruh a vuakhlum theih, mei a hal hlum theih annih thu hi Bible ah hian a inziak nasa em em a, engvanga a thih hnu a la thilo, la nung zel(immortality of soul)a ngai tlat nge kan nih chu le?
Isua parable a controversial em em mai chu Lazara leh mihausa thu kha ani. Hetah hian kan thih hnu a la nung zel ang a ngaih tur in Isua khan a sawi tlat mai a. Tak tak ang in han ngai dawn ta ila, vanram leh hremhmun inkar chu lei kak zautak ringawt ang a kan pawm a ngai ang a, an inbe phak in an inhmu phak reng ang in kan pawm a ngai bawk ang. Tin, vanram hi Bible khawi ah mah Abrahama ang chhung ang a sawina a awm reng reng lo bawk.
Judate rindan ah soul hi thitheilo ah an ngai ve ngai reng reng lo a, an hnam lo pian ve hma leh an lo din ve tawh hnu ah pawh hnamfing hmasa leh ropui zawk te zawng zawng in immortality of soul hi an rin vek lai pawh in an ring ve ngai lo. Nimahsela, an tihmawh em avanga Pathian in a hawisan lailawk lai, Babylon sal a an va tan lai khan Bible kalh rindan chi hrang hrang in an rindan chu a pawlh nu ve tan ta a, saltang an lo kir leh hnu, Pathian zawlnei reng reng an awmloh hun intertestamental period BC 400 leh Thuthlung thar inkar kha hun thim lai ber, rindan diklo chi hrang hrang in thlipui ang mai a a vawrh len hunlai a ni a, an sakhaw rindan a dazat chak lutuk kha ngai ngam lovin Phairisai ho an lo piang ta nawlh reng ani.
Chumi hunlai a Juda rindan kaihlek lutuk, Babylon rimnam vut vut mil chuan Isua khan he parable hi a sawi ta a ni. Isua rawngbawlna pumpui mai ah khan Theological debate leh doctrine lam a khawih ngai lem lo, a lo kal chhan ah khan a chiang tawp ani. A sawt dawn loh chuan thutak leh thudik pawh a ngawihpui tlat a, a sawt dawnloh chuan rindan diklo tualleng lutuk pawh kha siamthat a tum ngai chuang lo bawk. Hetiang ang deuh hian an pawmdan ni lo mahse, an sawina te azira parable leh zirtirna hmanrua a han hman mai hi Paul pawh khan a ti zauh zauh thin reng ani.
Engpawh chu ni se, doctrine innghahchhan atana parable han hman tlat chu a himlo hrim hrim tih chu kan hriat tlan a tha ang e. Bible mainstream zirtirna a kalh phei chuan a himlo lehzual. Bible hmun khat ami chuah han pir a, midang han hruaisual ah phei chuan Setana hi a senior in a expert lutuk tih hi theihnghilh lo bawk ila.
Chutichuan, Mizo Bible ah hian soul(nephesh) hi minung, mihring, nunna, thlarau, mi tiin a lehlin pawlh vek a, a chang leh mihring pumpui sawinan a hmang a, a chang leh nunna laimu, chhungril lutuk ang in a sawi bawk.
Engpawh chu ni se, soul hi thlarau ani lo a, a thi thei a, bawhchhetu ngei chu ani tih hi Bible min hrilh dan chu ani e. I lo piang chhuak a, I hming ah Lala tih an sa ta a, chutichuan Lala I lo ni ta a, nangmah ah khan Lala laitak a awm chuanglo ang deuh te pawh in a sawi theih awm e.
Motor chu thir leh plastic remkhawm a ni a(body), a petrol line atangin a engine ah petrol a lut a(blood), oxygen a lut bawk a(spirit), chabi in herh chiah a, a spark plug a tek chhak a, petrol leh oxygen a mankai a, a kang ta a, energy a insiam a, chu chuan a piston a hlap che ta a, motor chu alo nung ta ang hi ani ber(living soul). A chabi kan phawi a, a nunna(soul) a awm zuizel tawh lo.
He topic hian hremhmun hi enge a nih chiah tih a zawm tlat avangin in rilru ah zawhna a awm maithei a, remchang ah ka la rawn buatsaih leh ang e.
Le, kum sang tamtak ngaihdan inangloh vanga inhnialna chu kan chingfel hauh lovang tih ka hre chiang, mahse lo fiah phah pakhat tal in awm pawh in a tha alawm le.
Similar Posts:
- Immortality of soul
- Resurrection
- Mihringin thlarau a neilo !!
- Battle Ground (Mihring)
- Nunna Leh Thlarau {Sunday Pual}
A lawmawm thin e…
April 14th, 2011 at 11:40 am
# 96 mr.Duhlova
” kei zirlai (ringtu naupang) hian han zawt leh ta zuai che ila…
Vel a….
i post ka lo chhiar thin a, nang meuh han hrilfiah (tum) chu ka insit teh mai a nia aw..
Paula khan greek philosophy a pawmpui lam a ni lo, greek influence lak atanga put chhuahna a awm miahlo zawk ani. Khatih hunlai a greek philosophy faculty zauzawng kha tunlai a zirna branch pakhat kan kalpui ang a thlir lovin, an lifestyle, concept, thinking,language…..pumpui kha a tuam hlup zawk a, ring e, ring lo ve, khatih hunlai a piang kha chuan a pumpelh thei miahlo zawk ani.
Tunlai a Western culture impact ang hi mawle, sappui nun ka ngai billo, kan tlei tawk ani yo…yo…an style leh an chherchhep hmang ngei mai a sappui nun kan sel ang mai a pumpelhna awmlo hi.
Sap ang in kan inchei a, sap angin chair ah kan thu, sap hawrawp a inziak lehkha kan chhiar chhuak………sap hunbi chhiar ang in 7.p.m. ah kan tan….mizo hnam nun chawisang tur in..he.he. A pumpelh kan nei miah lo ang hi mawle.
Belief nilovin life-style zawk a ni ka sawi.
Report this comment
April 14th, 2011 at 11:55 am
98 @ PayableOnDeath(Zrma_C)
Hei tak hi alawm ka sawifiah duh chu – Heb ah Ne’phesh, Greek ah Psy’khe, English ah Soul,mind,life, person, Mizo ah a chang in thlarau, a chang in rilru, a chang in nunna, minung, mihring, nunna nei hrim hrim, kan confuse em em reng a, confusion in a hrin chhuah chu wrong concept, wrong belief, deception, nothing but deception.
Carl Jung-a Psychology hrilfiahna pawh in min hmin hauh lo, Bible chuah lo chuan.
Report this comment
April 14th, 2011 at 12:35 pm
Mi comment tawp tawh hnuah tlem ,
P-thian thu i chhui peihna hi ka ngaisang tak zet a ni. In nu pawn a phur pui viau che in ka ring, a nih loh vek chuan a ning thin ngawt ang che…. (nupui nei inih ka’n ring ngawta)
Thil pakhat, thlarau level i rawn sawifiahnaah khian Hebrai leh saptawng khi i rawn chhu in dawt zauh zauh a; khi khian a ti hnawk buai zo. Entirnan, ka Oxford dictionary-ah hi chuan “Neshama – Soul, Spirit”,….. “Ruakh – Wind, spirit, Ghost”, …. “Nefesh – Mind, soul” tiin. English chuan a hrilhfiah a buaithlak ta nih chu,( a inpawlh nuaih hi) Hebrai erawh chuan a fel thlarh thunga a level sangber ‘Neshama’, a dawtah ‘Ruakh’, a hnukhawiber ‘Nefesh’. A buhdelh ber a hi i rawn dah tisa ta deuha, a u leh chiah hi i rawn dah ropui hle a, A fa u ber erawh i thlawhkhum ta daih sia,….. mahse a nihna chu i rawn sawifiah tho mai.!!!!!1….. kan rinna innghahna laimu chu inper-san viau mahse, i topic te hi ka tuina ber anih ve miau avangin,….rem lem lo mahse ka rawn in rawlh hram hram anih hi,…. thianten ka mawnga min pet hmain ka Out san ang che,….. Lungpui chunga ding phei chu ni la i level a sang ngawtin ka ring.
Report this comment
April 14th, 2011 at 12:43 pm
ka server an chhiat cha2 chhu le..saaalaah
Kei chu thlarau tih ringawt pawh khian van kaina tawkin ka chiang e
Report this comment
April 14th, 2011 at 2:51 pm
Ka ennawn leh a thianpa Zoho ka ngaihdan a ni hlek lo mai ilo tih kual dan vel hi…
. Mahse a tha e. Lo ti zel rawh i ngaihdan interresting deuh deuh hi keini tan malsawmna engtin emaw ni zawngin a ni ve thei tlat. 
A hrim hrim in i post a awm chiahin ilo misual duh a. I post loh pawn zantin Funny te ang hian lo in report ve ziah thin la. A nih loh chuan NUNNA BU-a i hming chuang hi ka thaichhe daih mai ang…
Tak takin i ngaihdan hi hetiang lamah lo chauh pawh hian hriat a chakawm ve a lawm…Entirnan Chibing Politics ang chi ah te hian… Hremhmun lam chu thla tharah lo post rawh. Lo ti zel teh misual.com hi iti hlu tlat a ni.
Report this comment
April 14th, 2011 at 2:53 pm
Krista..I ACT FAST lo emai,,post hluiah an tang reng ngailo..
Report this comment
April 15th, 2011 at 1:49 am
#103 – D_auaChwngthu – E heu, i va la rawn bei tha ve! Thang khiuh em em e. Kan tui zawng a inang anih hi. Neshamah ah hian attention ka lo pe em em hlei nem, Bible ah hian a hmang tlem em a, ruach leh nephesh te chu a hmang chek chuk thung a. I comment a zar ah neshamah chu kan google a, an rabbi te ho hrilhfiah dan hrang2 te pawh ka chhiar teuh phah e, mahse min convince hlawmlo tlat. I source Oxford dictionary phei chu innghah nan hmang teh suh a, wikipedia pawh, an distorted lutuk tawh a nia.
A thling baw hawk a sawi chuan Christiandom, a bik tak in Protestanism leh catholism hian an hrefiah miahlo, chuvang chuan alawm doctrine diklo kum 2000 zet an kalpui tluk tluk reng le. Judaism pawn BC 400 hnu lam atang khan an distort tan daih tawh bawk si. Sola scriptura lo chu engmah ka ringlo, commentaries ho pawh.
Pathian thu hian thil a tithei a, khandaih hriam tawn engang ai pawh a hriam zawk, ruach leh nephesh pawh then hrang thei a ni. Neshamah a sawi tello. Kan buaina ber chu rauch leh nephesh hi a ni a, chu chu he post a thenhran ka rawn tum ber chu a ni mai.
I comment avangin ka hriatbelh phah. Thanks again.
Report this comment
April 15th, 2011 at 2:18 am
#105 @ Krista – I ngaihdan ni miahlo thu ka rawn vawrh chhuak a, i sawi bawl mai a, mahse i lo dawngsawng thiam zel hi mihring ze tha, 80+% midang in an hloh tawh(a nu tawh ti zawk teh ang), Paula’n chhia leh tha hriatna thiang(clear conscience) a tih, Bible in beram zia a tih kha i la vawng him tlat tih hi ka hmuh dan che a ni e.
Nia, mi(sual) dumber lo deuh, ka hawng ve ziah, ka chhiar vek ziah lo, ka comment khat,a chhan te pawh a awm ve ang chu.
Ka thlirna tarmit hi a dangdai thin pek a, midang tan a ninawm mai a nih ka ring thin, ka inrawh vek lo mai. Chibing politics a ka thlirdan pawh a dang khawp mai. Ka la rawn post pup dawn emawni le, mahse 60+% chuan an awihlo nasa dawn tih hi ka ring. Principalities tih thumal hi a spiritual context in lo ngaihtuah ve mai mai teh.
Fb a Krista RLPa hi i nih chuan ka la rawn add keuh ang che.
Nang leh kei hi kan la inhnial nasa dawn mang e.
Report this comment
April 15th, 2011 at 2:29 am
Zualbonez…ACT FAST…thutak ve deuh teh, i tlai ang e. Khawvel hi i paldarh lutuk a, i ho zo vek tawh.
Rajput nula hi an hmeltha i ti em? Khawvel hi fiamthu chu ni se, Rajasthan MP pakhat chu i ni hrim hrim tawh ang. 
Report this comment
April 15th, 2011 at 2:30 am
Zoho ka zawhna chhang ve dawn lo ami?
Report this comment
April 18th, 2011 at 6:41 am
hmmmmm ka chhiar chhuaka comment erawh ka chhiar vek ta lo. Ka ngaihdan kan sawi ve chiam ange:
Mi nung kan nihna chu body+soul+spirit=taksa+rilru+thlarau= man= mihring a ni maia, i sawi zawng zawng khi a diklo e han tih lai tur ka hreloa mahse reference ber ah hian ka chiang lutuk lo.
Thi thei leh theilo ah khan spirit ber a i rawn sawi tel leh ta silo a, soul ah i lut leh ta vak bawksia, spirit kha han sawi leh la fiah deuh tur te ka tia.
I sawi ang khian setana thlemna pawh kha a dik chiaha a daw lo a ni, body+soul khi a thi dawna mahse a major structurer spirit (Pathian anna lai tak) erawh a neitu Pathian in ro a relsak dawn a, chu chu setana’n “Thi suh e” a tih a chiah kha a ni.
Chhia leh tha kan hriatna hi soul (mizo in rilru ti a kan leh) hi a ni a, hei hi decision kan siamna lai tak Pathian pawhin kan duhthlanna lova a control loh tura a dah chu a ni. body+soul a telloh chuan spirit ringawt a ni a chuvangin min siamtu Pathian stucture chiah chiah a ni dawn a ni (nakina Amah nena cheng thei tur chu). Mahse kan spirit hi body+soul hmanga rorelsak in a awm ang, Paula sawi ang in “Rinna chu thiltih tello chuan thi/rinna lo ang a ni” soul chu body in a follow loh chuan a a ngaihtuah chu engmah a ni chuanglo, famkimlo ang hian kan rilru a kan tum chu kan taksa in a zui zel thin.
Spirit erawh chu thawhlehna ni ah kaithawhin a awm anga body a neilo a, chhia leh tha hriatna (soul) a neih pawh a hmang thei tawh lo ang, a body+soul thil lo tih ang ang kha a thawhpui/rorelsak turin a dinpui dawn zawk a ni.
(Chu chu ka ngaihdan ni e)
Chuan thil dang daih, engmah tho tawhlo, spirit pawh thi fai vek hi chu Sanhedrin ho ngaihdan kha a ni. Unau nupui in tawm tehkhina hmanga zawhna an siam Isuan a chhan tawh kha.
Report this comment
April 18th, 2011 at 6:50 am
Ka ngaihdan khi a dik ber ka hriat atang a nie chu ka ti lo… i thuziak ka chhiar atanga ka ngaihtuah belh te pawh a ni. Helam chu Pathian kutah ka dah mah, a dik zawk hriatna tur dal khawp chuan ka ngaihdan ah ka tang tlat chuang lo e.
Report this comment
May 26th, 2011 at 12:27 am
Pu Zoho, i la online em aw? Comment 93-na “Ka duhtawk e. Zawhna leh comment dang ka chhang tawhlo mai ang e. In zawh ka rin ber ‘A nih enge chatuan a thilo a hremhmun a kal tur chu?’ tih tuman in zawt miah lo nia ” tih khi i ziah zawh chiah atang khan ka hre chak lutuk a, min hrilh tlang rawt thei em? Juda-ho rin dan nena khaikhin vel mai mai ka lo chak deuh a, chak satliahin..
Report this comment
June 29th, 2011 at 1:59 am
Bawngtlai, tlai khawhnu ah i comment ka lo chhiar e, chak satliah i tih avangin ka chhang satliah mai ang che.
Hremhmun chungchang chu ka la post hreh deuh tlat, a controversial em mai, muang changin aw.
Zu ang deuh hi a nia, thil awm mai mai pawh hi kan MISUSE zel mai a, la in edify hrih deuh kan la ngai in ka hria a, nangman Juda ho rindan chu rawn post hmasa keuh la ti nia, a classical em, a orthodox em, a neo-zionism em kan lo chhiar ang e.
Report this comment
June 29th, 2011 at 4:35 am
Yeshiva (juda-ho Bible zirna sikul)a zir ve lo tan chuan thlarau lam thil lo sawi ve chu sawi sual ka hlau deuh a ni. Rabbi-te hi han zawt mah ila, kan hriat chin bak hian min chhang duh der si lova, English leh Hebrew thiam thuk tak tak tan lo chuan a hriat tlem theih khawp mai.
Mipui nawl puiin kan rin dan chu ka han sawi ve reng reng ang e. Mi a lo thih hian a thlarau chu hremhmunah kumkhat tling lo deuh hrem a ni a, a sualna tleng fai turin, chumi hnuah Eden huanah (vanram ni chiah lo deuhah) a chawl thei chauh thin, thlan atanga kaihthawh a nih leh hma chu a lo chawl veng veng dawn a nih hmel. Mosia leh Lal Davida pawh khan thih an hreh em emna chhan kha he hremna hi an tawn tlang ve tho dawn vang a ni ngei ang, sualna nei lo mi tha famkim an ni bik si lova. Chatuana hremna ang hi chu a awm lo a nih ka ring deuh Juda rindanah hian. Amaherawh chu thil pathum bawhchhiat loh tur a awm a, chu chu kan bawhchhiat chuan thlarau chu a boral thei a ni awm e (juda rindan ), chungte chu sawi kher tulin ka hre lo.
Thil pakhat leh chu hman nia thusawi ka ngaihthlakah “P-thianin ‘in thi ang’ A tih hian taksa thihna (nefesh expired
) a kawk a, ‘Ka tiboral ang’ a tih hian thlarau (neshama) boralna a sawina a ni e” tiin. Adama kha a Nefesh chu a thi ngei a, a Neshama (thlarau) kha chu a thi lo a nih hmel, Mosia dodaltu Kora leh a fate kha chu an ngaihtuahawm phian mai thei, Kannan ram lut ve ta lo, kum 20 chin chung lam ralkai chinte pawh kha an ngaihtuahawm phian mai thei.
Chuan,,,,‘A nih enge chatuan a thilo a hremhmun a kal tur chu?’ tih khi min chhang tawh la ka ti kher mai, tunah chuan ka ti tak tak tawh a nia…..
Report this comment