I hnâr bengchheng thin em?

April 18th, 2011 5:55 pm by CFL

Tui tak maia mut laia mutpui te emaw, roommate te an hnâr (snoring) rin lutuk avanga han harh hlawl mai hi chu a ngeiawm duh ve ang reng thin ngawt nia. A ni lah taka, snoring hi chu bula mi te tan chuan zan laiah ngat phei chuan bengchheng tâwp a tling ve niin a lang. Chutih laiin a hnár hrat laileng te hi chuan an hnár lai hi zu hre hauh lo thei a!!! Tun tumah hian hnâr hrat leh tih tawp/ tihnep duh te tana hriat tur tlem i lo tarlang teh ang :-

1. Rihna tihhniam a tha- Snoring hi mi thau leh mi chêrah a awm thei ve ve a. Mi thau takah a awm a nih chuan rihna tihhniam a tha. Rihna tur baka 30% a rit te hian snoring hi an nei duh chawk nia. Hetiang mi te tan chuan taksa sawizawi that leh ei leh in tha tawk tak leh taksa tih fit tur a ni.
Taksa cher tak te pawh an hnár ve tho mai. Hei hi a chhan ber chu taksa nilenga awm hahdam tir lutuk vang a ni. Taksa chet tam tir mai a tha.

2. Mut dan hawiher thlak danglam – Mut dan thlak hian mi thenkhatah chuan awmzia a nei ve tlat nia hriat a ni. Mahse hnár nasa lutuk thin te ah erawh a sawt lem lo. Zangthal zawnga mu thin i nih chuan a saisir zawngin lo mu chhin teh ; chutiang bawkin a saisira mu thin tan a zangthal zawngin.
3. Zu sim hmak tur- Sual tinreng bul pakhat chu zu a ni an tih hi a lo dik a ni awm mange aw?? Zu hian snoring a thlenin a tiring zual em em thin nia hriat a ni tlat mai le. Zu hian lei leh hrawkte hi tidulin thaw lak zawngin boruak lut leh chhuak tur a lo dang ta thin a ni.

4. Zial zuk sim a tul- Zial heh tak leh zu thin te hi an hnâr tlangpui thin niin mithiam ten an hmuchhuak. A chhan chu zial hian thawkna leh hrawk lamah harsatna awlsam taka a thlen thin vang a ni.

5. Ka chhung vawn fai a tha – Mut dawn apianga ka leh hrawk te thuah fai leh tihfai thin tur a ni.

6. Lukham uluk tur – Lukham te kan tifai thain sâng lutuk lovin kan siam thin tur a ni. Lukham sang lutuk chuan lu leh hnungzang ruh ah harsatna a thlen thei tih hriat tur a ni.

7. Hun bi fel tak neia mut tum hram hram a tha. Taksa tan pawh a hrisel em em.

Aw le, tun atan chuan lo duh tawk leh phawt teh ang. Next ah chuan hnar thang ( polyp) chungchang Saitawka tan liau liau ka rawn post ang.

33 Responses to “I hnâr bengchheng thin em?”

1
chhana Says:
April 18th, 2011 at 5:56 pm
Biak In leh khawhar in vela bula thute an han hnar chiah mai hu chu(h), zialo thin khawp mai. Bengvarthlak e.

Report this comment
2
mate ainawn Says:
April 18th, 2011 at 6:00 pm
Aih..hnar Bengchheng ngailo, Kawlhawk leh Shailendra leh As-Khiangte an hnar bengchheng thin ang…Kei chu hnar chi ka ni lo..

Chhiar ila, Komen tha leh ang aw..

Report this comment
3
hrmizo Says:
April 18th, 2011 at 6:02 pm
kei chu ri maih lovin ka hnar thiam

Report this comment
4
ZerO Says:
April 18th, 2011 at 6:07 pm
A buaithlak a ni. Mi ina riah changin a hrehawm.

Report this comment
5
Turu^lo Says:
April 18th, 2011 at 6:11 pm
hets, ka connection muan luatah ka record siam tur ka siam loh phah.1st ve ngei turah ka inngai hman sin mawle
Kei chu ka hnar thin, ka nupuiin a ti. Mahse keimah min tibuai lo hehe…

Report this comment
6
albaldes Says:
April 18th, 2011 at 6:20 pm
Post tha tak a ni e,kan pa hi a hnar hlek tawh chuan ka mu hil thei lo reng reng,hnar nasa phei chu a ni lo a,ka lam hawi a muthilh tawh chuan zu han hnar zel a, mak ve mai mai chu lehlam a hawi chuan a reh ve leh mai bawk a,lukham han siam that sak ila a ziaawm viau bawk.

Report this comment
7
Tim Says:
April 18th, 2011 at 6:34 pm
hnar hi lo ngaimawh ve teh uu..kapa hi Sleep Apnea Disease nei ania.. a thau vanga rawnin developed ania..Obstructive sleep apnea anei a..awmxia chu a thau vangin a mutin a hnar ring em2 ,thick neck(nghawng lian) anneia,thok an lakin boruak a lut tha theiloa,lo block tu a hrawk chhungah thau vangin alo awma..windflow a tha theilo niber e.. chuan a paused(tang) rei thin em ema..second 5-6 vel te nithin ang..hei hian a chuap ah alo in de-oxygenated nasa em2 a..amah pawn sound sleep mut mumal anei ngailo..a thih phah thep nghe a..mase a chaup hi vanneih thlak taka a tet te laia lo chronic toh anih vangin Pathian xarah a dam chhuah puia Damdoiin(Birla Hospital,kolkata)a in enkol hnuin.Tunah hian Machine VPAP mask hmang chi angin a mu toh thina..a mamawh ber chu in diet leh in tih cher nitawp..
zu in leh thau hrim2 hnar nasa leh pause vak2 thin te tan hian stroke neih a hlauhawm em2 a..mut hlum theihna pawh ani tih hi lo minlo hriat sak teh u..

Report this comment
8
Sangpuiipa Says:
April 18th, 2011 at 6:35 pm
Kei chu ka hnar thin a. Mahse ka hnar nasa lemlo. Hnar miahlo a mut chan pawh ka ngah mai. Hna ka thawh te, exercise ka lak deuh te hian ka hnar thin a. Ka awm mai mai hian ka hnar ngai lemlo thung.

Report this comment
9
XaiA Says:
April 18th, 2011 at 6:39 pm
Kan lo thau hian kan hnar duh khawp mai,ka hnar ve ta fo mai,mahse bengchheng lutuk chu a ni lo a niang

Report this comment
10
kawlhawk Says:
April 18th, 2011 at 6:49 pm
Hnar mi ka ni a,mahse ka hnar bengchheng lutuk lo kan nun a ti,

Report this comment
11
Sangpuiipa Says:
April 18th, 2011 at 6:58 pm
Kei chu ka hnar ri te hi ka hre zauh zauh thin.

Report this comment
12
chhangte_ll Says:
April 18th, 2011 at 6:59 pm
Obese ho hi an hnar ri tlangpui, zu in lo obese an tam bawk. Mahse ka hnar ri lo

Report this comment
13
mr.Duhlova Says:
April 18th, 2011 at 7:00 pm
Bulah mahni ai a hnarin an awm hian reh hmak a awl fu..

Report this comment
14
Godspeed Khawlhring Says:
April 18th, 2011 at 7:02 pm
ka hnar ring thei bawk aniang, zan khat ka harh hlol poh ka mikhualpa ka room a riak ve hi a mutbu nen a lo bo daih mai a, ka va zawng chu TV roomah thosi a lo vai zak2 mai a a bengchheng ve thawkhat ani ang, a neitupa mah ni ila inthlahrunawm ve duh nek

Report this comment
15
ninja Says:
April 18th, 2011 at 7:09 pm
Ka hnar nasa thei khawp mai, mahse kei chu min ti buai lo.

Report this comment
16
mate ainawn Says:
April 18th, 2011 at 7:09 pm
# 10 Kawltea hi chu lo hrethiam teh u…a Ek pawh hi an Nu in,” a uih lutuk lo”. a tih pawn a dik a maw a ti tho ang.

Report this comment
17
Sangpuiipa Says:
April 18th, 2011 at 7:10 pm
Duhtawk maia han hnar kuk kuk mai hi chu nuam tak ani.

Report this comment
18
mate ainawn Says:
April 18th, 2011 at 7:12 pm
Shailendra chu an Nu in, ” Wghe wghe..whe whe Phe Phiuss..Phe phe Hip ..Phuuuu” tiin a hnar thin a ti.

Report this comment
19
Turu^lo Says:
April 18th, 2011 at 7:13 pm
@Godspeed Khawlhring hahaha…i zahpuiawm lutuk

Report this comment
20
mate ainawn Says:
April 18th, 2011 at 7:19 pm
@ 7 Tim…a nih chu maw le..ni e..hnar nasa lutuk hi chu kaih thawh vat a him ber…Mahse “Pathian xarah” i tih khi chu a tullo in ka hre deuh a..Xar hi Mizo tawngah kan nei miah lo a..”Pathian Zarah” tih i tumna ni ah ka ngaihruat tawp..He site ah hi chuan..Naupang tak leh Upa lam te kan awmkhawm a. Mithiam tak tak pawh in ni..Mizo tawng hman hi uluk ila tha in ka hria..Misual.com hi Mizo hnahthlak zinga chhiar hlawh ber a ni a..Kan fimkhur tlan hi a tul hle in ka hria.

Report this comment
21
Godspeed Khawlhring Says:
April 18th, 2011 at 7:23 pm
#19 patling duhtawka han hnar kuk kuk mai hi chu nuam ve deuh mai ania…haha

Report this comment
22
hmingtea Says:
April 18th, 2011 at 7:23 pm
Ka hnar bawk a ka tlak bawk a ka au bawk thin
mei ka zu lo

Heihi chu ka ringlo a dik lo bawk
Zu sim hmak tur- Sual tinreng bul pakhat chu zu a ni an tih hi a lo dik a ni awm mange aw??

Report this comment
23
hmingtea Says:
April 18th, 2011 at 7:27 pm
Hnar bengchheng i mut pui chuan an hnarah khan tui lei la a rawn pump chhuak chak teh a nia.

Report this comment
24
ChhawnBura Says:
April 18th, 2011 at 7:58 pm
A ṭangkai dawn hi Tun hnuah hian ka Hnâr leh zauh ṭhin.

Report this comment
25
swiftymcvay Says:
April 18th, 2011 at 8:06 pm
keichu ka kerh kerh chang hian ka hnar ve zeuh2 thin,zeuh2 chauh.

Report this comment
26
paeia Says:
April 18th, 2011 at 9:21 pm
Tun hnai deuh atang khan ka lo hnar ve thin a ni awm e, kan nun min hrilh tlat! Mahse ka hre ngai lo re reng!

Report this comment
27
albaldes Says:
April 18th, 2011 at 9:40 pm
Geography ah an chhuah hlauh chu,Entebe, hmuhnawm bawk si,an khawngaihthlak awm bawk si,Entebe run na a va thi ta kha,Tun a kan prime minister BIBI a u hi a nia,Chhungkaw ropui tak an niApa pawh hi profesor ania,Nikum khan a kum 100 na an lawm nghe nghe tak a sin.ka ot mah mah em aw.

Report this comment
28
ruatruatapa Says:
April 18th, 2011 at 9:42 pm
A post tupa chu ti tha hle mai. Ka thau tak hnu hian ka hnar ta vak vak mai niin kan nun min hrilh. Amah pawh a thau hnu hian a hnar ve tho.

Lo intih cher a ngai anih dawn chu.. Engtin nge kan Intih cher ang aw…?

Report this comment
29
vakul Says:
April 18th, 2011 at 9:54 pm
Han hnar chiah hian engemaw kan Tarlang nghal a chu chu ‘kan mu tui’ tih hi. Mahse Pu Muana tluka hnar ring ka la hre lo, pui tak a ni; au pawh ni se kha ai kha chuan a au ring lovang.

Report this comment
30
mr public Says:
April 19th, 2011 at 2:23 am
zanlai a mutpui te an han hnar bur bur thin hi chu an hnarkua hnawhsak daih chakawm thei khawp mai!!

Report this comment
31
varung Says:
April 19th, 2011 at 11:29 am
nuam eeeeee, mahni’n kan hre tawh bawk silo a………

Report this comment
32
^-||R@lT€||-^ Says:
April 19th, 2011 at 2:11 pm
hnar bengchheng thin ka nih zia kan nu’n min hrilh fo. Mahse, ka hnar bengchheng lo aniang!! ka hre ve ngai lo tlat!!!!

Report this comment
33
shailendra Says:
April 19th, 2011 at 2:22 pm
nimin zingah ka fapa in a nu a phone a, ”Nu, nizanah darkar 3 chauh ka muhil. A pa a hnar ring lutuk a. Dar 10 ah kan mu a, dar 1 ah ka harh a, ka muhil thei tawh lo” a ti.

Report this comment