Khua a lum leh ta bawk a, khawnge hla ka’n hril ve teh ang.
Turni sen sa a hrang, doral dungthulin,
Run hliap zar hnuai a bel rauthlain;
Laitha a zam lo sakruang chawnbanah,
Siktuithiang dawn i, a nem si lo.
Thlan dartui dan rual loh a luang,
A bual e, sam chhawlleng leh silhfen zawngte;
Ko thiam awm maw rial ang dai, zokai thli.
Nemten a lo tleh e chhemdam thli,
Par rimtui a than vel ram daiah;
Siahthing hnah leh maurua lawmin an au,
Khisa iang ri-pa lo kuk e, hu hui.
Nun chhangkhamte tan lawmna thar,
Hai rih ru, hmalai chawlh i am ang,
Chhemdam thlifim nemten a tleh lai hian.
Ts-a blog tihlar lehzual nan ka ti.
April 19th, 2011 at 7:00 am
Yesh…thawh hma man, ka first khiah chu le…chhiar ang
Report this comment
April 19th, 2011 at 7:03 am
.
Report this comment
April 19th, 2011 at 7:10 am
Vakul chu hla phuah lam hi i chemkalna lam tak a nih hi maw le……. thiam khawp mai….
Report this comment
April 19th, 2011 at 7:21 am
Ka chhiar e…..
Report this comment
April 19th, 2011 at 9:07 am
Nalh reuh ve aw..a flow a dik reuh bawk sia..’Thlandartui a luang’ metaphor i hman khi tha khup mai..’Dar tui ang ka luang ral ta’ tih an sawisel ang kha chuan an sawiselsak lo ang che chu maw..ha ha ha
Report this comment
April 19th, 2011 at 9:12 am
He tiang lam hi i uar zel ang u…kawlhawk leh Pu shaia te han che ve leh u la…
Report this comment
April 19th, 2011 at 9:38 am
ka hrethiam mang der lo male,a ril em a tin ni.mahse a nalh ka ti khawp mai
Report this comment
April 19th, 2011 at 9:38 am
Hei chu a luanliam dan a dang zar mai a. Di ngaih lunglen veng veng ni lo, hetiang lam hla hi a vang ngawt in ka hria. Ka lawm e
Report this comment
April 19th, 2011 at 10:00 am
Di ngaih kaw-khawh in nei ve em? Chu chu ka harsatna! Thlawh mawi hle mai!
Report this comment
April 19th, 2011 at 11:52 am
A khaih a! Vakul chu va phuah tha em ve aw..! Nia, ka blog hming hi chuan mi a chhêmdam asin aw.. Chhêmdam thlifîm hlut zia leh a chhêm nawm tur zia chu a lang chiang khawp mai. Ka lawm e, last sentence vangin.
Report this comment
April 19th, 2011 at 12:26 pm
thiam ve awww.. chakawm ve mang e. hla phuahthiam ho khan phuah teuh teuh teh u,a hlu a nia,hlaphuahthiam ho hi khawvela ka mi awh berte zinga mi in ni. vakul phuah zel rawh aw, i talent ti pung zel la aw
Report this comment
April 19th, 2011 at 2:30 pm
5:30 am ah khitiang khi i phuah hman a???
Report this comment
April 19th, 2011 at 3:32 pm
1.”Turni sen sa a hrang, doral dungthulin,”
Nisa hi ral do nen a lo inang nge, doral dungthul in tih mai le. Thihnain thla a zar hian doral nen an tehkhin thin ngei mai.
2.”Ko thiam awm maw rial ang dai, zokai thli.”
Rial ang dai hi thi chungchang sawi nan an hman ngai ka hre leh pek lo. Kan runin sumtual rial ang dai e an ti thin a, thil boral leh ram tawh, hmanlai chang tawh sawi nan an hmang zawk thin. Zirsangzela paw’n “senmei dawhtling pawh rial ang dai e” a tih kha.
3. “Par rimtui a than vel ram daiah;” Hei pawh hi kan ti talh teh ang pangpar rimtui hi leng sawk se emaw “Par rimtui chawi vel ram daiah” ti zawk ta la a chhiar a nuam deuh ang te ka lo ti mai mai NOI.
Report this comment
April 19th, 2011 at 3:43 pm
“Rial ang dai hi thi chungchang” ……..thli chungchang tih zawk tur…
Report this comment
April 19th, 2011 at 4:44 pm
#13&14 Metaphor leh Simile-ah hi chuan hetiang hian hman tur a ni e tih a awm pawh ka lo hre lo a. A pawimawh ber chu kan sawi tum kha a tanpui em tih a ni fo. Mite lo hman dan hi hlarua(poetical word) tehna tur a ni ber lo fo; mi hman dan lo deuha kan hman hian kan chher a nihna pawh awm ve hian ka hre thin. Entirnan- Ni sa kan do kha doral a nihna lam ni lovin Kan ni sa do lum tak mai kha doral neih ang maiin a hrehawm ti zawngin miin lo interprete se a dik lo tih tunge sawi ngam.
Chutiang bawkin rial ang dai pawh; hla phuahtu hmasaten thil hlui leh chul tawha an hman laiin kei chuan vawt sawi nan ka hmang a, tunge Rial hi a dai lo ti. Metaphor lamah hak ka zauh ve maiah ka ngai.
“Par rimtui chawi vel ram daiah” aiah ‘than vel’ ka hmanga hei hi ngun taka ka ngaihtuah hnua hmang ka ni, ‘chawi’ tih pawh ka rilruah a awm lo chuang lo. Mahse mi hman ang diak diak ka hman chhan tur ka hre bik lo. Mi kan ni ve tho lawm le.NOI
Report this comment
April 19th, 2011 at 5:48 pm
#15, a dik. Hlaphuahtute hian thuneihna zau tak an nei, mahse poetic license hian@nature a kalh turah chuan ka ngai lo. I simile hman ‘rial ang dai leh’ metaphor atan ‘…..doral’ i hman hi a fuh lohna reng a awm lo. Tu emawin ‘dartui’ a rawn ching phul kher ang kha a niin ka hre hran love. Free verse tha tak a ni, a flow i hman hi ka duh zawng tak a ni bawk. Ka blog hming pawh i hmang tel tho a nia aw
Report this comment
April 19th, 2011 at 6:02 pm
muantea hi ril ru riau a nia aw. In han inhnial fiam deuh hnu hian ka ‘var pawh’ tan dawn chauhin ka hria
Report this comment
April 19th, 2011 at 6:07 pm
muantea
Report this comment
April 19th, 2011 at 6:54 pm
#16 ni tak e. ‘Siktuithiang’ blog kha ka kawl ran reng tak a sin.
Nia, Metaphor leh Simile-te hi mizote hian kan nei tha riauin ka hre thin a dik lo a awm rualin dik ber hi a awm bik lo ka ti thin. Entirnan- nau ang nuar-nau ang nui-nau ang tap; Par ang vul – par ang chuai etc etc. a meaning pawh contradict tak an ni hlawm.
Satire pawh a sawitu zalennaah a innghat thui a sin-entirnan ” a ding mai mai pawh kopang hal tum ang tau a ni” ti ta ila, kopang hal tum kha khel chiam chi a ni lem lo a, a satire lai kha a chian phawt chuan. chutiang zelin Irony kan tihte Hyperbole-te pawh an ni vek-“a thih chian zia chu kar hmasaa kan sarep hmeh ai khan a thi chiang zawk” ti ta ila miin dawt ti se, phat rual a ni lo; mahse hyperbole a ni tlat, sawisel theih a ni lo.
Report this comment
February 9th, 2012 at 10:59 am
He post hi chu ka blog hming post a nia, ka chuam bik teh a nia.
Report this comment