Keini Ve Zawng

April 26th, 2011 1:33 am by Tluanga Chawngthu

**Tun tum chu tàwi tein keini ‘ÂK zât hnih’ hnuailamte inngaihtuahna fahrah tak hi ka’n tarlang mai mai teh ang. Chhiar peih loh thleng thlenga ziah tur awm mah se; hei chauh hi ni mai teh se.**

Keini hi chu kan vanduai ve hrim hrim! Naupantet lai ata tawh mi làwm hi kan hlawh ve ngai lo; min en liam mai mai thin. Retheihna khan kan piantirh atangin min hmuak a. Hausakna khan min tlansan dãwr dãwr a. Kan vanneihna tur ve lah kha pheichhamin a nei vek a, pheichham man tur lah kan hmu zo ve si lo.

Mi te àwh ang leh duh ang kha keini paw’n kan àwtin kan duh ve tho va; a lèm lèmin chûng thilte chu kan nei ve thei chauh a. Dik chiah chuan kan rilru chu a hausa êm êm a, a taka hmuh tur a awm lo mai zawk a ni.

Thing delh loh, lung delh loh na nã na chu krismas a zawh apiangin kan lo upa ve tulh tulh a. Ngaihzawng neih na chângte kan han hre ve a. Mi fate’n hmeltha leh nalh tak tak an ngaihzawn laiin keini zawng, kan phû tawkte hi an chhuanawm loh thin khawp mai.

Hman ata tawh kan àwh ngawih ngawih ‘rosum’ hi kan la àwt reng a. Kan neih ve chhun lah rukrute paw’n rûk thamah an ngai si lo. Kan thatchhiat vanga rethei kan ni lo va, hausa ve turin kan bei lo pawh a ni lo. Malsawmna dawng ve turin kan hmel a chhe bîk êm a ni!

18 Responses to “Keini Ve Zawng”

1
saitawka Says:
April 26th, 2011 at 1:40 am
Vei 1la!, 1st tumin kar 4 ka chang tawh! ka hlawhchham ziah! ka lawmna te hi a ho ve a!
Report this comment
2
saitawka Says:
April 26th, 2011 at 1:43 am
2awhna em em pawh ka neilo! I vei thra e!
Report this comment
3
saitawka Says:
April 26th, 2011 at 1:45 am
Kan phu tawk aia thra an awm chuang lo nem le!
Report this comment
4
shailendra Says:
April 26th, 2011 at 1:49 am
Ka chhiar tirh chuan ‘The Miller of the Dee’ ka rilruah a rawn lang a, mahse kan chiar thui deuh a, a ‘bam’ leh a…
Report this comment
5
saitawka Says:
April 26th, 2011 at 1:52 am
@shailendra, i mu theilo hian vei i nei chiang!
Report this comment
6
saitawka Says:
April 26th, 2011 at 2:00 am
6awkbawn bai hmeh chung pawn a vei tlak viau hlawm mai!
Report this comment
7
shailendra Says:
April 26th, 2011 at 2:03 am
@saitawka (Saitawk tih ri ngawt kha ni thin in ka hria a… ?) zanin chu ka mut hun a pel ve tlat mai. Tinge ka hre bik lo.
Report this comment
8
saitawka Says:
April 26th, 2011 at 2:20 am
@sai, shaitawk gender tih fiah zual ka tumna ah ka Edit keuh pek alawm le!
Report this comment
9
RL Says:
April 26th, 2011 at 2:21 am
a ngaihna awm thlawt lo mi
Report this comment
10
maimailova Says:
April 26th, 2011 at 2:46 am
ka van khawngaih tak che em..
Report this comment
11
Krista Says:
April 26th, 2011 at 3:38 am
Chhiar tan ang….
Report this comment
12
TMWIG Says:
April 26th, 2011 at 3:45 am
tu nen nge in vei a?
Report this comment
13
Krista Says:
April 26th, 2011 at 3:49 am
Post tupa lungai suh kan dinhmun a in ang e…..

Recitation anga sawi chhuah tur chi ni in ka hria…
Report this comment
14
semaj Says:
April 26th, 2011 at 4:13 am
post tupa lungngai suh, hausa a i hriat te kha an hlim lo a sin,keini hausakna chu Lalpa ah a ni han ti keuh mai la, i hrisela,i duhzawng i ei a,i nghei bik loh chuan lawmawm lawm le.
Report this comment
15
chawnghilh Says:
April 26th, 2011 at 7:51 am
Tum tawk chu an tha tawk mai, phu loh tia vuahin a chawimawi lehzual!
Report this comment
16
bucko Says:
April 26th, 2011 at 9:02 am
A ngaihnawm e…… Mizo tawng thu ziak ah hian thlukna dah hi a tha viau mai a, mahse thenkhat hi chuan min tibuai thei deuh elo aw… ka ti. ….. A lem lem in… tih lai thluk dah khi chuan mi chhiar sual tir chiang…. chuvangin kei chuan thlukna dah loh ka comment fe……

Kan dinhmun a in chen hle mai…. post tupa… hi hiii
Report this comment
17
Comrade Says:
April 26th, 2011 at 9:06 am
Ne, Thingpui thlum kan in chak em em a; kan han in thei ve ta tih a, a hangah min lo kal san. Motor chuante hi nuam kan ti em em a, kan han chuang zing deuh a kea kal a tha min tih san leh a. Kan duh ber vawksa han ei teuh teuh kan thlakhlelh ve theih tehlul nen kan han ei zing ve deuh a, ei tam loh a tha min tih san leh a.

Ria deuh zeih zawi chum deuh bawk si kha kan mitthla ve reng laiin mum tel tawl mawm hlap mai kha lungawipui a lo tul a. Sam ngil sang, nung sarh mai tha ti reng chung si khan sam kir deuh chuat, kan pawm lo thei si lo ani.

Hmel tha kan tih leh kan beiseite inkar hla lutuk mai ngaihtuah chang chuan engtikah nge zangkhua hi a la bungbut kut kut ang le?
Report this comment
18
Kitty Says:
April 26th, 2011 at 2:47 pm
@17, comrade
Report this comment