Mizo ṭawnga ziah zawm leh zawm loh tur te-II chhunzawmna.
9. san : Intransitive verb tawpa bet ṭhin ‘san’ hi a changtu a awm loh hlana thlentir chi te, ama lam hawi lo zawng te, a pawisa lo zawng te-a sawina ni tura suffix-a hman a ni a; a behna thu nen zawm ngei tur a ni. A behna intransitive verb chu transitive verb-ah a chantir ṭhin. Hetiang hian — chhuahsan, ngawihsan, hawisan, kalsan, vahbosan adt. A nui san san (Adverb) ang chi-ah erawh zawm loh tur a ni.
10. te leh ho : Conjunction atana hman (ar te, sa te, chi te tiha ‘te’ ang chi) ‘te’ ni lo, plural (pakhat aia tam) siam nana kan hman ṭhin ‘te’ leh ‘ho’ hi suffix a ni a, anmahni aṭanga thumal thar insiam ‘teho’ leh ‘hote’ nen an behna thu-ah zawm ngei tur a ni. A hnuaia mi ang hian.
Kan naute an nih saw.
Sipaihote Lalpa chu fakin awm rawh se.
Ranvulhtuteho an inhmu khawm dawn.
‘Hote’ bik hi collective noun ni lo, an hotu nena sawi ve ve a nih chuan zawm vek loh tur; mahse, amah ringawt pawhin ‘hote’ tih chu plural a ni nghal hrim hrim. Entirna — Pu Thanga hote chu an va tam ve le..
‘Ho’ hi adverb-ah chuan zawm loh tur. Entirna — Hei hi sawi ho rawh u.
11. tê : Hei hi zawm loh chi a ni ve tlat. Entirna — i) He pa tê hi a fel ngawt mai. ii) A hun tê-ah a lo her chhuak.
Kan tarlan tâk ang ‘tê’ ni lo, ṭhang lian thei chi a têt lai sawi nana ‘tê’ kan hman hi suffix a ni a, a behna thu nen zawm zel tur a ni. Entirna — artê, uitê, vawktê adt.
12. thlak : Kawng ṭum thlak emaw, nupui thlak emaw, hriam thlak emaw, hnuai lama thlak thla emawtea ‘thlak’ hi verb a nih vek avangin suffix a ni lo va; a hnuaia mi ang chi hi suffix chu a ni a, zawm ngei tur a ni. Entirna — buaithlak, chapothlak, finthlak, hrilhhaithlak, khawngaihthlak, zahthlak adt.
13. tir : Hei hi verb nen chuan zawm zel tur a ni. Entirna — awrhtir, chawitir, zaitir, insualtir adt. Zawm lohna tur chi a awm ve bawk. Entirna — A tirin, a ṭiak tir, mi tir ta che adt.
14. tu : ‘Tu’ hi verb-ah suffix a nih chuan a behna thu nen zawm tur a ni. Entirna — betu, chotu, titu, khawngaihtu adt. Amaherawhchu, a ni lo lam sawina (negative)-ah chuan verb pawh ni se, ‘tu’ hi belh tur a ni lo; ring lotu, chang lotu, hmu lotu, tihte hi a dik lo vek. Chutiang bawkin auxiliary verb-a ‘tawh’ zawhah ‘tu’ hi belh loh tur a ni; chhandamna chang tawhtu, hre tawhtu, ring tawhtu, tihte hi a dik lo vek. Tin, Intransitive Verb-ah chuan ‘tu’ hi belh loh tur a ni, kaltu, mutu, dingtu adt. tih angte hi.
15. zawng : ‘Zawng’ (as for, as to) hi verb leh adjective thumala suffix a nih chuan a hma chiaha thu nen zawm tur a ni.
Verb-ah : duhzawng, châkzawng, hriatzawng, neihzawng adt.
Adjective-ah : a mawizawng, a lianzawng, a chhezawng, ṭhatpuizawng adt.
16. zia : Verb leh Adjective-ah ‘zia’ hi a beh chuan noun a lo ni ta ṭhin a, zawm ngei tur a ni.
Verb-ah : buaizia, chauhzia, duhzia, hahzia, peihzia adt.
Adjective-ah : buaithlakzia, duhawmzia, hahthlakzia, lenzia, nalhzia adt.
Similar Posts:
- Mizo ṭawnga ziah zawm leh zawm loh tur te-II
- Mizo tawng zir ang. Then 1-na
- MLC LEHKHABU KA CHHIAR VE A
- Mizo ṭawnga ziah zawm leh zawm loh tur te
- ROPUI NGE ROPUINA?
February 24th, 2012 at 1:37 pm
Part III, idah hnm tlh2 a k bo tulh2
…….Part of speech atang in min lo hrilh fiah teh?
February 24th, 2012 at 1:42 pm
ka first khat lutuk a ka lung a len
copy-paste-save
k’u lallukhum pathum i tan
February 24th, 2012 at 1:49 pm
Hahaha.. Malsta, Part of Speech chu a hranpain ka lo la post zawk dawn nia.
February 24th, 2012 at 1:52 pm
Th ci dawn ve………………………..
A O B poh o?
February 24th, 2012 at 2:07 pm
Sawisel tur ka ngah mai, mahse ka hman lo
February 24th, 2012 at 2:30 pm
Mizotawng zir tur paw’n English thiam phawt a tul nih hi lolz….
February 24th, 2012 at 2:38 pm
He post hi ka thlawp nawn awn awn e.
tren tren
February 24th, 2012 at 4:41 pm
E khai, part 3 thleng a lo awm tawh a ni maw? A vaia a that vek ka ring. KZP to all the part 3.
February 24th, 2012 at 5:07 pm
Tih dikloh ain thlahrunawm tawh dawn ve
February 24th, 2012 at 5:40 pm
‘San’ tih kan sawi ta sa sa bawk a. ‘Tun lai chhanah’ kan tih hi hranghlui thenkhat chuan ‘ Tun lai sanah’ tiin an hmang thin a, eng nge in ngaih ve dan?
February 24th, 2012 at 5:47 pm
#10 ‘Tun lai chhanah’ tih hi a dik zawk ang. ‘Tun lai sanah’ tiho chuan ‘tun lai thiamna lo sang chho zelah’ tih sawi an tumna a nih ka ring.
February 24th, 2012 at 5:57 pm
“Tun lai sanah” tih hi a dik zawk lo maw? Lehkhabu tam takah ka hmu tlat.
February 24th, 2012 at 6:48 pm
@Lr, ‘tun lai sanah’ tih nge ‘tun lai chhanah’ tih i hmuh tam zawk?! A khawi hi nge i hriat hmasak zawk?
February 24th, 2012 at 6:55 pm
Tunlai sanah tih hi a dik lo! em le
KA hmang lo ang kei chu..raipuar min ti hre chhuak tlat
February 24th, 2012 at 6:55 pm
Ts ‘Bok hlak’ tih hi a dik em?
February 24th, 2012 at 6:57 pm
@Ts, “Tun lai chhanah” tih hi ka hriat thin dan a ni a, “Tun lai sanah” ti a ziak a ni ta fo si a, a dik zawkah ka ngai ta a ni.
February 24th, 2012 at 7:00 pm
Chepahakhai tih a awm em?
February 24th, 2012 at 7:03 pm
@lrpa, a “chepakai” tih a awm a, a bul thut tihna angah ka ngai a. Chu lo-ah chuan, Chepahakhata Mizo thawnthu-ah kan nei.
February 24th, 2012 at 7:36 pm
Pu Pasena kha chuan ‘tun lai chhanah’ tih tur ni lovin ‘tun lai sanah’ tih zawk tur a ni a ti tlat mai
February 24th, 2012 at 9:29 pm
February 24th, 2012 at 10:34 pm
Ka va like tehlul em! Finna hlawm a nih hi
February 25th, 2012 at 5:35 am
Ka lo inrawlh tlai khawhnu ve lawk ang e.
¤ SAWIHO/SAWI HO: Heta ‘sawi’ hi verb a ni ve ve, adverb a ni lo. E.g. Liana chu sawihonaah a ding ve bawk a, a sawi rei tulh tulha a ‘sawi ho’ tulh tulh.
Ziahzawm leh zawm loha a danglamna in hmuh thiam ka ring.
¤ TEHO : Hei hì tawngkam dikhlel deuh, mi tam takin an hman si a ni. ‘Te’ leh ‘ho’ hi thuhnungbetah chuan plural siam nan kan hmang thin ve ve a. Hmankawp hi thil tul vak a ni lo, entirnan, ranvulhtute tih ai hian ranvulhtuteho hi an tam chuang lo. Amaherawhchu, hote tih chu a awm a, ‘päwlkhat, hlawmkhat’ tihna ang deuh a ni ber. A hmanna a tam lem lo. E.g. Sipaihote, adt.
¤ ZIA : No. 16-naa thubet, ‘zia’ khi noun ni lovin, adverb of manner a ni zawk ang.
E.g. 1) Ka duhzia chu ka sawi thiam lo.
2) A felzia chu!
¤ SANAH/CHHANAH : Ka hriat dan chuan a awmzia a inang chiah, ‘tun lai sanah’ han tih hi chu a upa tawngkam deuh a, keini thalaite hi chuan kan hmang ve ngai lo; thalaite chuan, ‘tun lai chhanah’ tiin kan hmang tam zawk. Hla pakhata, ‘mahni sanah’ tih erawh kha chu sawifiah hret a ngai ang.
February 25th, 2012 at 10:32 am
e
February 25th, 2012 at 7:35 pm
@tuaisiala: Post nen chuan inlaichin chiah lo a, mahse thil ka lo zawt lawk che. Thlahpawlh sawi nan hian, Mizo thisen rawngkai tih a dik thei angem? Nge Mizo thisen kai tih mai hi a dik zawk?
Midang pawh hria in awm chuan ka zawt nghal vek che u ni teh se.