Chutih lai tak chuan ka bul vel chu a hma ang bawk khan a thim leh ta thut a. Nichin ami kha tak tak nge ka mitvai mai mai ni ang le te ka ti a. Keimah leh ka bul vela thil awmte chu, ngaihzawngte mobilephone-a tute emaw SMS kan hmuha kan ringhlel ve ringawt aia nasa zawk fêin ka ringhlel rum rum a. Ka mitvai a ni thei ange’m aw te ka ti a; ka mit erawh ka nuai duh êm lo va.
Ngawi rengin ka tho chhuak a, ka kalsawn ta nulh a. Chulai hmun chu ka hlau deuh tlat tawh! Ka sana ka’n bih a, dar 8:15 chiah a lo ni a. A la hma êm mai, Rosepari ka va rîm teh ang. Mahse, Rosepari hi a thiannu Aduhi te inah a lêng daih ang nge, a mut hma tum tak ni ang aw? Inlêng dangte hi a lo nei ang a, kei hi midum zinga a neite ber ang maiin kilkhatah hian ka va tawm chût bik ang a, te ka ti rilru a, kal chu ka tum duh ta lo va.
Chutah, dinglamah ka ke chu ka’n lek her sawk a, Pu Vangchhia te in lam chu ka pan ta vang vang ringawt a. Ka va thlen chuan kawngka ka’n kik kauh kauh a. Pu Vangchhia ngei mai chuan naute a lo awi hlup hlup a, a nau puak chu nau huaibak an sawi ang mai hian a lo tap hluam hluam lehnghal a, “Ka lo lêng leh lo mai zawk teh ang, in nu a awm si a, kan inkawm thei chuang lovang” ka ti a, kut kuangkuah hlûnin ka let leh ta a.
Vawilehkhatah kawnglaia lungtum chu ka pal nawk mai a, innemkhalh hman ni hek lo; Siamtu min siamna vaivut nen chuan kan inhnimhnai kher mai! A ruka na tuar ngawih ngawih chungin lungtum chu thinrim zet hian kawngthlangah ka lum thla ta vawng vawng a. Chutah, ka han hawichhuak chuan kawngchhaka nui vur vur chunga min lo thlir rengtu Dumaka ka han hmu a, “Khatin min lo nuih reng reng suh. Alkatra chhuanso ah ka thlak dum zuai zuai mai tur che a nia,” ka ti rilru thuai thuai a!
Chutah ka rilruah eng’emaw a rawn lut nawlh a, kei hi engmah ka ni lo, mihring ve mai ka nih hi. Ka ngaihtuahnate hi ka tawngkam chhuak ni se, ka sawichhuahte hi ka thiltihte ni zawk se la, Siamtu min siam chhan zaa sawm vel chu ka tihlawhtling ngei ang mawle ka ti a. Ka zak ta êm êm a, Dumaka chungah pawh chuan ka thinrim duh ta lo va. Amah chu kalpelin hla taka Vakul hram lauh lauhna lam panin chak zetin ka lîm phei ta puat puat a.
Tin, ngai teh, heti hi a ni a. Vakul awmna ka va thlena ka thil hmuh chu a va’n mak danglam tehreng êm! Tih tak meuhvin ka hrilh ang che u. Vakul chuan thu a lo sawi a, a thusawi ngaithlatute zingah chuan mi(sual) thenkhat, chemtatrawta, shailendra, hrmizo, Benny, Akhang_er, Tuaisiala, Sandman, zualbonez, Xaia, mr.Duhlova, RenghangMan, badboy, semaj, CFL, chawnghilh, te phei chuan khabe dawm meuhvin an lo ngaithla a. A thusawi lah chu ho hi ka ti êm êm mai a. “Mithianghlim lawr a lo thlen hunah keini mi(sual) te chiah hi lawr kan ni dawn” a lo ti a.
Vakul biahthu ngawt ai chuan Vaiva biahthu ngaihthlak a châkawm zawk alawm le ka ti a. Dar 9 vel chauh a la ri bawk a, Vaiva te chenna lam pan chuan ka kal leh ta a. Vaiva chuan thu a lo sawi ve lauh lauh ang chu tih nak alaiin, a Computer hmaah chuan inngaihtuah mûk tak mai hian a lo thu a.
Ngawirengin ka va en dek dek a, he thu hi a lo chhu nuap nuap a:Khawvel hmun hrang hranga mi(sual) te inhmu miah si lova kan inhmelhriat theihna (misual.com) hi Pathianin mithiamte leh mifingte kaltlanga a thilthlawnpek chu a ni. He misual.com ah hian Damlai lung ka phun a. Ka taksa hi sulrulte leh fanghmirte chhunrawl atana zalh anih hunah pawh hriat reng ka hlawh theihna tur a ni.
Similar Posts:
- Mita hmuh ngei loh chu kan ring dawn em ni?
- Chepahakhata
- Facebook ah ka lawi lut ve a
- V-day in ti em ni?
- Mumbai MI ve thung aw! :-)
April 30th, 2011 at 2:32 am
1 han chhiar dawn ang hmiang!!
Report this comment
April 30th, 2011 at 4:31 am
ka chhiar paih hrih lo..
Report this comment
April 30th, 2011 at 6:03 am
ha ha..thu nuih zat thlak a hre thyam tan….tangkai na nei miah si lo….HV a hian nau awm ziah tak tak nya aw…
Report this comment
April 30th, 2011 at 6:13 am
‘Tichuan ka han thangharh a,ka mumang a lo ni reng a’i ti dawn emaw ka tia
Report this comment
April 30th, 2011 at 6:20 am
@xaia nya a thu tak soi ve hmyah2..
Report this comment
April 30th, 2011 at 6:27 am
hahaha…ziak thiam e
Report this comment
April 30th, 2011 at 6:34 am
keipawh kuthlei sawizawi nan Chhiar hma n kan type mai2 teng….lolz
Report this comment
April 30th, 2011 at 6:49 am
Ummmmmm
Report this comment
April 30th, 2011 at 7:27 am
He misual.com ah hian Damlai lung ka phun a. Ka taksa hi sulrulte leh fanghmirte chhunrawl atana zalh anih hunah pawh hriat reng ka hlawh theihna tur a ni.
Report this comment
April 30th, 2011 at 8:24 am
Allegory thothang nei tak a ni e, post pawimawhah chantir ngei chi a ni. ‘Mithianghlim Lawr’ kan tih tak zen hi Pentecostal dintirh 1915 hmakhalh awrha Margaret McDonald-i mumang atanga rawn insehhmur tan, 1830 hnu lama Setana thangkam hlawhtling ber tur a ni. I Thessalonika 4:16 vel changchawia SECRET RAPTURE sawi hi Mat vuaka Tuichang dap ai pawhin a thelh zawk, I Thes 4:16 hi a Secret lo ber mai, verse VOLUME RING BER a ni zawk e. Buh lem lawr hmasak a nìh tur tehkhin thu hì Isua zirtirna a ni zawk. A sei palh ang e, nakina chhunzawm lehah ni teh se.
Report this comment
April 30th, 2011 at 8:48 am
Mahni fa ngei awm chu nuam deuh ania
vakul khi a inhmeh roh mange hairehai
VaiVa chuan a jacket hmanthiam, a ha em?
Report this comment
April 30th, 2011 at 8:50 am
very creative. i like
Rosepari pawh va rim tawh rawh, kan in atangin a haw tawh e!
Report this comment
April 30th, 2011 at 8:52 am
“tawrh harrrrrrr mi u ka tan i chuai ta maw” chu va ti lo la
Report this comment
April 30th, 2011 at 8:53 am
chhingkhual valin a lo thliahsak che em?
Report this comment
April 30th, 2011 at 8:56 am
Van ngaihnawm ve…Pu Vangchhia nau awm mawlh chu…a nau awmlai chu a tah nasat sawt k ring
Report this comment
April 30th, 2011 at 9:02 am
vuaia # 15 a rawn kal lai khan aka hi kalo hup vel ange hairehai
Report this comment
April 30th, 2011 at 9:04 am
Uhmmm, ‘van thiam bik thin ve aw!
Report this comment
April 30th, 2011 at 9:07 am
H.Vangchhia @16 In nuin a hau ang che….:P
Report this comment
April 30th, 2011 at 9:18 am
ngaihnawm reuh mange
Report this comment
April 30th, 2011 at 9:34 am
vuaia #18 a awmloh lai chuan ka huai ve nak laia, ka phun ka phun ve ngam
Report this comment
April 30th, 2011 at 10:13 am
Pu Vangchhia @20 Khum hnuai atangin “Pa ber ka nia ka duh duh naah ka awm ang” haha
Report this comment
April 30th, 2011 at 10:16 am
vuaia, a hnathawk lo haw te hi, “I hah em, enge haw kawng te traffic a tha maw,” tih pahin dar hmeh sak nghal char2 ani lawm ni hairehai
Report this comment
April 30th, 2011 at 10:28 am
Pu Vangchhia, i sawi hmaih, “Eirawg pawh ka bawl fel tawh,” tih pahin thingpui han pe nghal ni lawm ni
Report this comment
April 30th, 2011 at 10:30 am
vuaia kha2 chu sawi ngaiah pawh kalo ngai hleinem hairehai
Heihi hmanni kan u fate inneihna reception lam thalai ho an line dance:
https://youtu.be/u5XlKGJTgOs
Report this comment
April 30th, 2011 at 10:33 am
Pu vangchhia, en ka chak viau a mahse phone atang chuan buaithlak deuh
Report this comment
April 30th, 2011 at 10:34 am
Tluanga hi chu a thiam thin hle mai. Poem chauh lo pawh a lo tithei zel mai. Misualin hetiang mi kan nei hi kan vannei teh e. Ni e i sawi angin, mi(sual).com hi a hlu ka ti ta tawlh tawlh mai, hetah ka awmnaah chuan ka thianten “Ani hi chu misual tak a ni”, mi tifiamthu thin. Ka addict tawh tlat vang a ni e. Long live misual.com. Tluanga kut pawh hi lo hlei zel teh se.
Report this comment
April 30th, 2011 at 3:15 pm
chhiar a nuam dap dap hle mai…..sel hi a nuam ve a..a tawp dan teh turh chu…satel lu ang mut a lawm mawle…
Report this comment
April 30th, 2011 at 3:38 pm
Ka chhiar chhuak a hei ka comment bawk
Report this comment
April 30th, 2011 at 5:25 pm
Khatia ka thusawi laia Tluanga lo thleng kha a’n hawihai nasa khawp a, engemaw ni chham hian a phun tak bul bul a, eL hian “be reng reng suh, Misual-a a rawn post leh tur poem a chham a nih saw, hetih hunah hi chuan a biak tlak der loh” a lo ti a.
“Nau paw chungin vin tawk hian ” ka la lum so lo a nih hi, ka rawn pe dawn reng che, min awm chhawk ve tawh ta che” a ti teng chhuai a.Hairehai.
Report this comment
April 30th, 2011 at 5:42 pm
Karleh lamah Ke hlei sawizawina ka rawn post ve ang.
Report this comment
April 30th, 2011 at 10:27 pm
tluanga i kut chu a hlei ve tak zet e
i rilru pawh a hlei a nih dawn hi XD
Report this comment